Filipʋ‑dunyʋä 3:7 - GOD - u2

⁷ ‑Mä ‑nɩnɩ 'fɩɩn n wloo bhlä nynä 'naa ‑bʋzʋɛ nä, Klisö 'mnö kä n wlui ylä ‑pɛɛ nynä ɩɩ' ‑wʋ gba ‑kä.

Filipʋ‑dunyʋä 3:7 Iomraidhean Croise

Matie 16:26

Nyɩkpɔ kä 'ylʋzɔɔ' leylüü 'fɩɩn nii‑, 'nɩ ɔɔ' 'wugaa kä ‑too nä, ‑bʋzʋɛ ‑sä 'titi ɔ nii‑ bhää? 'Nɩ lʋʋ ‑sä 'titi nyɩkpɔ yi bhä ɔɔ' 'wugä 'mʋ dögbää?

Makö 10:50

‑Mä Batimee paa‑ ɔɔ' 'kotuklëa 'klä, 'nɩ ɔ ‑bha 'kʋ 'ŋänyɩ! 'Nɩ ɔ yi Zozii yëku yi.

Lukö 14:26

nyɩkpɔ kä cii‑ nynä ‑mä ɔ yi 'naa 'kʋgënyɔ 'plö nä, ɔ wamä 'naa wälɩ ‑yä ɔ zi ɔ 'nɔ, ɩyä ɔ 'bä, ɩyä 'ŋnɔ, ɩyä ɔɔ' 'yuë, ɩyä ɔ bhelie, ɩyä ɔ bhɛŋwnɩä. Ɩyä ɔ wamä 'naa wälɩ ‑yä ɔ zi ɔ yëkuu' zëkpë. ‑Ɔnö sɔɔ mii‑ nä, ɔɔ' ‑lä 'naa 'kʋgënyɔɔ' 'plölɩ mii.

Lukö 14:33

Nä, n sonö'anyɩ nynä ‑mä nyɩkpɔɔ' lɔɔ ‑ɔ 'nö ɔɔ' kääkäälɩɩ 'fɩɩn yëku ‑bha, 'nɩ ɔ nö'ö ‑yii nä, ɔɔ' ‑lä 'naa 'kʋgënyɔɔ' 'plölɩ mii.

Lukö 16:8

‑Mä 'tänyɩɩ ‑gänʋnyɔ ‑nyonyonɔ ‑plä ylä ‑lää' ‑kpläkplaa, 'nɩ ɔɔ' käänyɔ nuu‑ lä wälɩɩ nä, kɔ ‑klɔɔ ‑kpacɛ, ɔ lä ‑zɩglägbäma, nyɩkpɔnɔ ‑glö nyɩkpɔɔ' lɔɔ ‑ɔ ‑gblɩ lä nä! 'Nɩ Zozii yi ci, ɔ lä a ni 'yi ‑a! 'Ylʋnʋ ‑zɔɔ' nyɩkpaa, waa' nʋnʋgbɩɩ wa fä lä wa ‑liesɩ yëku nä, wa ‑fɩɩ plɛkʋ. Wa ‑gblɩ 'nɩ wa ‑zi Laagɔɔ' zëlüü 'mnö nämnönyʋa 'kʋ.

Nʋnʋgbɩɩ 27:38

Nyɩkpɔ nyɩkpɔ ‑lü 'fɩa, 'nɩ ɔ ‑loo ylä nä, ‑mɔɔ 'mɩɩɛ 'mnö nyʋʋ‑ ‑kʋ bhlä ‑mɔɔ nä, kä wa ‑jɛnʋ jiee' ‑yä 'mɩɛɛ 'kä 'kʋ 'fimä.

Eblëënyʋä 11:26

Ɔ ni bhä 'yi nynä ‑mä, Laagɔɔ' lobho lobhonyɔɔ' 'ŋnöö 'mnö, 'kwlɩ kɔɔ bhɩä nä, ɩ ‑glö leylü 'kädɩɩ' lɩɩ‑ ‑zi lä Ejipitii' leylüü 'fɩɩn 'kʋ nä. Ɔ bhobho bhlä sɔɔ nä, leylüü' ‑lɩɩ ‑ɩ yi bhlä ‑mɔɔ 'yikʋ nä, ɩmɩ ɔ ni bhlä 'yi.