Filipʋ‑dunyʋä 3:3 - GOD - u2

³ Wa kä cii‑ nynä ‑mä nyɩkpa döö‑ 'kʋ nä, ‑anyɩ lä. ‑Anyɩ bʋbɔ lä Laagɔ ʋʋ' 'Wugɔɔ 'mnö. ‑Anyɩ, Zozi Klisö‑ ‑a täkpɔ lä 'mʋ nä, ɔmɔ ‑a gëë 'kʋ. ‑Aa lä mii 'nɩ ‑a 'gä ‑a yëku dë 'tɛɛ.

Filipʋ‑dunyʋä 3:3 Iomraidhean Croise

Wlɔmʋ‑dunyʋä 1:9

Laagɔ 'titi yi 'naa ‑dläfʋɛ lü nynä ‑mä n kä ʋ ‑Yowlii' 'Nägädöö bie nä, 'naa 'wugɔɔ 'mnö n nʋnʋ ‑gä. 'Nɩ n bhibhie 'kɔɔkɔ anyɩa' ‑za.

Wlɔmʋ‑dunyʋä 15:17

Nä, n ‑kä 'nɩ n yi Zozi Klisö 'mʋ täkpɔ nynä Laagɔɔ' lebhee 'mɛ n nʋ lä.

Wlɔmʋ‑dunyʋä 7:6

‑Mä ‑pɛpɛɛ nä, 'klüü 'fɩɩn ‑ɩ 'tienö‑anyɩ bhlä nä, ‑a yä yɩ ‑Jlämaa nëë' ‑bha. Kplɔɔkplɔɔ‑wugɔɔ' zëkpü ‑lëlë 'mnö ‑a ‑kʋ ylä. ‑Jlämaa' ‑laa wa ‑jɩjlä bhlä 'bɔɔgʋʋ 'nɩ ‑a yä bhlä 'kʋ bhɩä nä, amää‑ 'tienö‑anyɩ yɩɔ.

Wlɔmʋ‑dunyʋä 8:15

'Nɩ 'Wugɔɔ a ‑kä lä nä, ʋʋ' plüënö'anyɩ ‑wʋ geyuëë' 'nɩ ‑ŋänö 'kanyɩ 'kɔɔkɔ pleyii kʋ ‑mä kʋ gbä 'nɩ a plöö‑ yɩ Laagɔɔ' 'yuë. Ʋmʋʋ‑ gbä 'nɩ ‑a gä lä Laagɔ laa 'nɩ ‑a ci lä nynä ‑mä, Aba! ‑A 'Bä!

Wlɔmʋ‑dunyʋä 8:39

'wlu tlʋnɔlɩɩ 'tɛtɩ ‑o, 'mʋ tlʋnɔlɩɩ 'tɛtɩ ‑o, ɩyä nʋnʋlʋʋ' 'cënänä ‑o. Lʋʋ ‑wʋ ‑kʋ 'nɩ ʋ ka'anyɩ Laagɔɔ' ‑wawʋʋ gwë ‑sä. Laagɔɔ' ‑wawʋnʋ nä, Zozi Klisö, anyɩa Kwlienyɔɔ, ɔmɔ 'mnö ʋ ‑ghlää 'nɩ ʋ ‑kʋ lä.

Wlɔmʋ‑dunyʋä 9:6

Ɩɩ' ‑wʋ plöö‑ nynä ‑mä sä Laagɔ cii‑ bhlä nä, sɔɔ ‑läyɩɔ ‑glää. Kɩ ci lä nynä ‑mä nyɩkpaa' ‑lefɩɩn‑ ‑ghlää lä Yizlayɛɛ 'mnö nä, waa' ‑lefɩɩn‑ ‑wʋ 'Yizlɛnyʋa 'titi plöö‑.

2 Kolɛtɩ‑dunyʋä 11:18

Sä nyɩkpa ‑bhutukpä täkpɔɔ lä wa yëku 'mʋ nä, sɔɔ ‑amʋ ‑mä n täkpɔ lä 'sɩɩ.

Galatɩnyʋä 5:25

Kplɔɔkplɔɔ‑wugɔɔ ya‑anyɩ 'pʋpʋɛ 'nyɛ nä, a ‑ya ‑tanʋ 'yi ‑yä ʋ 'ka‑anyɩ 'tie.

Galatɩnyʋä 6:16

‑Nä, 'naa cɩalɩɩ n cɩa'anyɩ lä nä, nyɩkpaa 'fɩɩn ‑wa yii lä 'klʋkpä 'ŋʋ nä, Laagɔɔ' 'kʋ wɔtɔlɩɩ ‑yä ŋäzö‑yibhëlɩ 'plö waa' dä ɩyä ɩ 'plö 'sɩɩ Laagɔɔ' 'yua 'fɩɩn dä.

Efɛzɩ‑dunyʋä 6:18

'Tänyɩɩ 'fɩɩn 'mnö, Kplɔɔkplɔɔ‑wugɔɔ klänö'anyɩ ‑yä a bhibhie ‑ya a slä Laagɔ 'wlu. A nʋ sɔɔ ‑yä aa' ‑sä ‑lä ‑lɔɔ wlɩ, ɩyä a bhibhie 'kɔɔkɔ 'cɔcɩnyʋa 'fɩɩn 'wlu.

Filipʋ‑dunyʋä 1:1

‑Amʋ Pɔlʋ, n ‑yä Timotee, ‑anyɩ Zozi Klisöö' ‑gänʋnyʋa, ‑anyɩ‑ jɩjla'anyɩ lä 'bɔɔgʋnʋ. Anyɩ Filipʋduu' 'cɔcɩnyʋa 'fɩɩn, anyɩmɔɔ‑ ‑yä Zozi Klisö 'sɔ 'jɛnyɩ‑ lä nä, anyɩ‑ ‑a jɩjlä lä 'bɔɔgʋnʋ. ‑A jɩjlʋ 'sɩɩ 'cɔcɩɛɛ nëkʋʋ' kʋnyʋaa' ‑za. 'Nɩ ‑a jɩjlʋ 'sɩɩ 'cɔcɩɛɛ 'tienyʋaa' kläänyʋaa' ‑za.

Filipʋ‑dunyʋä 3:12

Nn' ‑wʋ cii‑ nynä ‑mä, n yä wɛzä 'naa sämɩɩ' 'wlusääda ŋëë. 'Nɩ nn' ‑wʋ 'sɩɩ cii‑ nynä ‑mä n yä ‑lɩɩ 'fɩɩn ‑zɔɔ bhɩä. N paa ‑lätee. N paa ‑lätee ‑yä, sä Zozi Klisö ‑nʋ 'nɩ, ɔ nii'i lä nä, n 'kä 'sɔɔ 'tlänyɩ ‑yä n 'kä ‑ajɛɛkpaa 'ni.

Filipʋ‑dunyʋä 3:14

Kä n paa 'nɩ n mʋ lä 'wlusääda ‑yä, ‑mɔɔ Laagɔduu' ‑ajɛɛkpaa Laagɔ 'kä lä Zozi Klisö 'kʋgënyʋa 'nyɛ nä, n 'ka 'nimʋ.

Kolɔsʋ‑dunyʋä 2:11

A ‑yɔsɔ 'jɛnyɩlɩɩ 'mnö ‑mɔɔ a ‑ghlää 'nɩ a döö‑ lä 'kʋ. Nyɩkpaa' wlɩɩ‑ nö'anyɩ ‑wʋ 'kʋ döö‑ ‑mä Klisö 'titi 'mɔɔ‑ döö'anyɩ lä 'kʋ. 'Yɛkɛɛ‑ gbä bhlä 'nɩ a mʋʋ bhlä gbenyenyii 'mnö nä, Klisö yɛ ‑lɔɔ ‑sä.

Zudö 1:20

‑Mä anyɩ nä, 'naa ‑wawanyʋänyɩ‑, anyɩa zëkpëa, a 'slänöa anyɩa' pɔlötɛtɛɛ' kplɔɔlɩɩ 'mnö. Ɩyä a bhibhie Kplɔɔkplɔɔ‑wugɔɔ 'mnö.