Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 3:20

Filipʋ‑dunyʋä 3:20 - GOD - u2

²⁰ ‑Mä ‑anyɩ nä, Laagɔduu' nyɩkpa ‑a plöö‑ lä nä, Kwlienyɔ Zozi Klisö, ‑ɔ plöö‑ lä Puënyɔɔ ‑a ‑bɛɛ lä nä, ɔ yi ‑mɔɔ Laagɔɔ' ‑bha 'nɩ ɔ yi yi.

Faic an caibideil Dèan lethbhreac

dol air ais ⬆

Filipʋ‑dunyʋä 3:20
36 Iomraidhean Croise

Matie 19:21

'Nɩ Zozii yio soo, ɔ lä ‑n gä cii‑ nynä ‑mä ‑n yi Laagɔ dëlü kplɔɔ nä, ‑n mʋ ‑yä ‑n 'ŋʋ ‑naa kääkäälɩɩ 'fɩɩn 'kpä, ɩyä ‑n dëë ɩɩ' moniee ŋäzönyʋä, ‑mä ‑mɔɔ Laagɔduu' nä, ‑n yi ‑mɔɔ leylü kään. Ɩyä ‑n yi ‑yä ‑n gë'ë 'kʋ!

Faic an caibideil

Lukö 12:21

‑Ɔ guguë lä leylü ɔ yëku ‑bhloo' ‑za nä, ɔɔ' ‑wʋ lɛkäänyɔ plöö‑ Laagɔɔ' ‑za.

Faic an caibideil

Lukö 14:14

Nyɩkpa‑cënä 'mä ‑n gä laa‑ nä, sä waa' ‑wʋ ‑lä lʋʋ ‑kä ‑yä wa 'kä‑ä plʋʋ nä, ɩ yi ‑naa ‑jäkä nʋ. ‑Ɔnöza bhää? Nyɩkpaa ‑wa nämnö‑ lä Laagɔɔ' 'yigëë‑blɔɔ 'kʋ 'nɩ 'kwie ‑fämʋ lä nä, 'tänyɩɩ' wa 'kä lä 'kuëë ‑glɔɔ nä, Laagɔ yi‑i bɔɔ 'pä.

Faic an caibideil

Nʋnʋgbɩɩ 1:11

Wlä Galileenyʋänyɩ‑, ‑ɔ ‑kʋ bhä ‑lɔɔ 'nɩ a wloo bhä ‑laagɔɔ? Zoziinɔ ‑ɔ ‑bha'anyɩ lä ‑lää nëëdë 'nɩ ‑ɔ gblää‑ lä ‑laagɔɔ' nä, sa nio‑ lä 'yi 'nɩ ɔ gblää‑ lä nä, ɔɔ' yi‑tänyɩɛ 'mnö nä, 'sɔɔ ‑säkä ‑säkä a 'kɔ lä 'sɩɩ 'yi 'ni ‑yä ɔ 'kä kwli.

Faic an caibideil

1 Kolɛtɩ‑dunyʋä 1:7

Ɩ ‑kä yɩ 'ŋnö nä, anyɩmɔɔ‑ ‑bɛɛ lä Kwlienyɔ Zozi Klisöö' yiylʋʋ nä, 'nää 'fɩɩn Laagɔ kwlie lä nä, aa' bɔɔ ‑wʋ aa' 'mnö lʋʋ ‑bhlo 'coo.

Faic an caibideil

1 Kolɛtɩ‑dunyʋä 15:48

Nä nyɩkpaa 'fɩɩn ‑wa bha lä ‑dʋdʋkʋ Adää 'mnö nä, wa ‑glö ‑dʋdʋʋ' lʋä. 'Nɩ ‑wa bha lä Laagɔduu' Adää 'mnö nä, wa ‑glö Laagɔduu' lʋä.

Faic an caibideil

2 Kolɛtɩ‑dunyʋä 4:18

Ɩ ‑kä ylä 'ŋnö nä, ‑lɩɩ 'fɩɩn nyɩkpɔɔ' 'yi ni lä 'yi nä, ɩmɩ ‑aa tään yɩɔ. ‑Ɔnöza bhää? ‑Lɩɩ 'fɩɩn nyɩkpɔɔ' 'yi ni lä 'yi nä, kɩ plö. ‑Mä ‑lɩɩ nyɩkpɔɔ' 'yii 'ni ‑wʋ lä 'yi nä, ɩmɩɩ‑ ‑kʋ lä 'kɔɔkɔɔ' ‑za.

Faic an caibideil

2 Kolɛtɩ‑dunyʋä 5:8

‑Ɛɛɛ, ‑a ‑kä 'zazɩ 'tɛtɩ ‑mä, ‑anyɩa kunʋ 'mnö nä, ‑a ‑waa yɩ 'sɩɩ nynä ‑mä ‑a 'gä ‑mɔɔ ‑bha ‑yä ‑a 'gä Kwlienyɔ yëku mʋ.

Faic an caibideil

Galatɩnyʋä 4:26

‑Mä ‑ɔ plöö‑ lä ‑mɔɔ Laagɔduu' Zolizalɛmʋ‑duu 'nɩ ʋʋ' ‑wʋ lä geylüü' ‑kʋ nä, ʋmʋʋ‑ plöö‑ ‑a ‑nɔɔ.

Faic an caibideil

Efɛzɩ‑dunyʋä 2:19

Nä, anyɩ aa yɩɔ lowie plöö‑, 'nɩ aa' yɩɔ 'sɩɩ 'plöplönyʋä plöö‑. Laagɔɔ' kplɔɔkplɔɔnyʋä a plöö‑ ylä. A ‑glö yɩ Laagɔɔ 'lɔlʋkpönyʋä.

Faic an caibideil

Efɛzɩ‑dunyʋä 2:6

‑A ‑yä Zozi Klisö 'sɔɔ 'jɛnyɩlɩɩ 'mnö, ‑mɔɔ Laagɔ ‑ghlää 'nɩ ʋ ‑gbä 'nɩ ‑a ‑glɔɔ lä 'kuëë. 'Nɩ ʋ nyɩ‑anyɩ lä ‑mɔɔ Laagɔduu' säkʋdä ‑a yä Klisö 'sɔ ‑yä ‑a ‑yɔsɔ 'kä 'leyisä 'kämä.

Faic an caibideil

Filipʋ‑dunyʋä 1:10

‑Lɔɔ a yi ‑kä mii 'nɩ 'klüü' lɩɩ‑ nää lä nä, a yii yibhë ‑yä Klisöö' yiylʋʋ 'kʋ nä, a 'kä kplɔɔ ‑yä ɩ 'kanyɩ gbʋʋ' ‑sä.

Faic an caibideil

Filipʋ‑dunyʋä 1:27

Nä, anyɩa nʋnʋgbɩɩ ‑yä Klisöö' 'Nägädöö 'sɔ mʋʋ yëkuu' ‑yä, kä n yi'anyɩ bhɛ 'yi 'ni kää yi ‑o, 'nn ‑lä ‑lɔɔ kʋ ‑o, n 'nu nynä ‑mä ka 'jɛnyɩ‑ 'wugɔɔ ‑bhlo 'mnö. 'Nɩ pɔlötɛtɛɛ Klisöö' 'Nägädöö nyɩ'anyɩ lä nä, a 'jɛnyɩ‑ 'nɩ a bhlänɩɛ 'kʋ ‑yä ɛɛ' kä 'foclo bhlü.

Faic an caibideil

Kolɔsʋ‑dunyʋä 1:5

‑Nʋawlɛɛ ‑yä 'Nägädöö a nuu‑ lä tɛɛ nä, ɩmɩ anyɩa' pɔlötɛtɛɛ ‑yä anyɩa' ‑wawʋʋ' 'sɔ ‑slä lä gwë. Ɩ ‑kä 'ŋnö nä, sä Laagɔ ŋʋʋ‑ lä anyɩa' ‑zä ‑mɔɔ Laagɔduu nä, ka ‑kään sɔɔ plɛkʋ.

Faic an caibideil

1 Tesalonikö‑dunyʋä 1:10

'Nɩ a ‑yi 'sɩɩ 'nɩ a ‑bɛɛ yɩ Laagɔ ‑Yowlii' kwli‑tänyɩɛ. Laagɔ ‑Yowlio nä, ɔmɔɔ‑ plöö‑ lä Zozii. Ɔmɔ Laagɔ ‑gälɩä lä 'küëë! Zoziinɔ, Laagɔɔ' gbʋgblɛɛ' ylʋʋ ‑ʋ yi lä 'nɩ ‑ʋ yä lä 'mɛmɛ nä, ɔmɔɔ‑ yi‑anyɩmʋ lä nëë' ‑sä.

Faic an caibideil

1 Tesalonikö‑dunyʋä 4:16

Sɩ ‑kʋ lä naa, Kwlienyɔɔ 'titi yi ‑laagɔɔ' ‑bha 'nɩ ɔ yi kwli. ‑Mä 'fɩa ‑yä ɔ 'kä kwli nä, ‑Laagɔzuzu 'kädʋ yi wälɩ 'pä, 'nɩ Laagɔɔ' läglɛɛ yi gbä. Nä 'tänyɩ Kwlienyɔɔ bha ylä Laagɔduu' 'nɩ ɔ kwli ylä nä, ‑lɔɔ' tänyɩɛ ‑bhlobhlo 'mnö, nyɩkpaa' ‑lʋa ‑wa ŋoo‑ lä Klisö 'kʋ 'nɩ ‑wa yä bhlä 'ku nä, wa yi 'fɩa 'kuëë glɔɔ

Faic an caibideil

2 Timotee 4:8

‑A 'bhää ylä ‑lää 'kʋ nä, 'kʋzilɩɩ' ‑ajɛɛkpa ‑bɛnö'ö yɩ. 'Nɩ Kwlienyɔɔ, ‑ɔ dëë lä 'yigëësa nä, bɔɔpälɩɩ‑ gëë‑ lä ‑lɔɔ 'yi nä, Laagɔɔ' 'tite 'kädɛɛ' pläylʋʋ 'kʋ, ɔ yi'i 'mɩɩ 'nyɛ. Ɔ yi'i bɔɔ 'pä. 'Nɩ ‑ɛɛ ‑wʋ 'sɩɩ ‑amʋ ‑bhlo ‑mä, nyɩkpaa' ‑lʋa ‑wa ‑waa lä ɔɔ' yiylʋʋ 'nɩ ‑wa ‑bɛɛnʋ lä nä, ɔ yiwa 'sɩɩ bɔɔ 'pä.

Faic an caibideil

Titö 2:13

‑A 'gä sɔɔ kʋ ‑aaa, ‑yä Laagɔɔ' ‑jlɔylʋʋ ‑a ‑bɛɛ lä nä, ʋ 'kä ŋëë. Ylʋʋyɩ 'kʋ nä, ‑anyɩa Puënyɔɔ Zozi Klisö ‑ɔ plöö‑ lä Laagɔ 'kädʋʋ ‑a bʋbɔ lä nä, ɔ yi ɔɔ' 'klʋagba 'mnö yii.

Faic an caibideil

Eblëënyʋä 12:22

Maa, anyɩ nä, Siyɔɔduu' 'kükëa ɩyä ‑Yäyä Laagɔ 'du 'kädʋʋ, ʋmʋ yëku a 'jloo‑ lä. Ʋmʋʋ‑ plöö‑ lä ‑mɔɔ Laagɔ yëkuu' Zolizalɛmʋ‑duu. ‑Mɔɔ ‑Laagɔzizii' ‑gbʋgbʋzɛɛ ‑kʋ lä 'nɩ ɩ nʋ lä ‑pʋpɛ.

Faic an caibideil

Eblëënyʋä 9:28

Ɩmɩɩ‑ ‑kä lä 'ŋnö 'nɩ Klisö ‑sä lä ɔ yëkuu' zëkpë 'ci ‑bhlo ‑yä ɔ 'kä bhutukpä nyenyi yëku ‑sä. 'Nɩ ɔ yi 'sɔnadä yii. ‑Mä ɔ kä yɩ ‑yi nä, ɩɩ' yɩɔ plöö‑ nynä ‑mä ɔ 'kä ‑lɔɔ nyenyi ‑sä. Kɔ yi lä ‑yä ‑wa ‑bɛnöɔ lä nä, ɔ 'kwa ‑lɔɔ nëë' ‑sä.

Faic an caibideil

'Yii Ghlä‑wälɩ 1:7

A ni kɔ yi lä. Ɔ blüë 'nyukpɔɔ 'mnö, ɔ yi. Nyɩkpa 'fɩɩn waa' 'yii yio 'yi 'ni. Nyɩkpa 'titi ‑wa ‑bhuo lä 'kusuu 'yi nä, wa yio 'sɩɩ 'yi 'nimʋ. 'Ylʋzɔɔ' 'gbüü 'fɩɩn yio 'yi 'ni, 'nɩ ɩ yi bhʋtʋ ɔɔ' ‑za. ‑Ɛɛɛ, ɩ kʋ sɔɔ!

Faic an caibideil

Lean sinn:

Ceanglaichean taic

Sanasan

Sanasan