Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 3:19

Filipʋ‑dunyʋä 3:19 - GOD - u2

¹⁹ ‑Mä ‑lɔɔ' nyɩkpaa nä, waa' bhɩäda 'mää‑ plöö‑ ylä nynä ‑mä too ‑kää wa mʋ lä. Sä wa ‑waa lä lülɩ nä, waa' 'gwɩɩ 'mɩɩ‑ plöö‑ waa' ‑laagwɩ. 'Nɩ nʋnʋgbɩɩ‑ 'gwa bhlä zoo 'kʋ kamä nä, ɩmɩ wa täkpɔ 'mʋ. 'Nɩ waa' pɔlöö ‑kʋ 'kɔɔkɔ ‑mää 'ylʋzɔɔ' kʋkʋlɩɩ 'kʋ.

Faic an caibideil Dèan lethbhreac

dol air ais ⬆

Filipʋ‑dunyʋä 3:19
52 Iomraidhean Croise

Matie 16:23

‑Mä Pɩɛlö cii‑ lä sɔɔ nä, kä Zozii 'ylɩbhɔ‑ 'nɩ ɔ yio soo, ɔ lä ‑n ‑sä'ä gwë, 'Dëvlo‑! ‑N ‑kʋ'ʋ ‑blɔkʋ, 'nɩ ‑n 'lilie'e 'yikʋ. Nyɩkpaa 'bhisäkʋ ‑n bhobho lä, ‑mä ‑nn bhobho ‑wʋ Laagɔ 'bhisäkʋ.

Faic an caibideil

Matie 25:41

'Nɩ nyɩkpaa ‑wa ‑kʋʋ bhlä mëëcë 'kʋ nä, 'loyoo yiwa soo, ɔ lä anyɩ, a ‑glö 'kplünyʋä ‑mä a ‑bhä'ä 'yikʋ! A mʋ Laagɔɔ' gbʋgblɛɛ' ‑kosu ‑düdëa 'mnö! ‑Kosu ‑düdëyɩ nä, amä Laagɔ ‑zla lä 'Dëvlo ‑yä ʋʋ' ‑zizinyenyii 'sɔɔ ‑za. Aa' ‑lä 'kɔɔn 'nɩ kɔɔn ŋomo.

Faic an caibideil

Lukö 12:19

Ɩyä n 'kä yɩ 'naa kätö ‑zuzuu soo nynä 'naa kätö ‑zuzu, ‑n wɔtɔ yɩ 'kʋ! ‑N yä lülülɩɩ 'ni 'ylʋbɔ ‑bhutukpää' ‑za nä, ‑n lü ‑yä 'mnä ɩyä ‑n gäma!

Faic an caibideil

Lukö 16:19

A ni nyɩkpɔ ‑bhlo ‑kʋ bhä ‑lɔɔ 'nɩ ɔ plöö‑ bhä lɛkäänyɔ. Ɔ ‑waa bhä 'ŋnumʋ‑kwëtii' plälɩ. Ɔ ‑kʋ bhä 'nää, 'nɩ ɔ lü bhä 'nää ylɩɩ 'fɩɩn 'kʋ.

Faic an caibideil

Lukö 18:4

'Ŋnɔɔ cii‑ lä sɔɔ nä, 'nɩ 'zuzuo lä ɔ 'fɛnöɔ ‑kä! ‑Bhlɛ sɔɔ ɩ ‑kʋ 'nɩ 'ŋnɔnɔ yi yi bhä 'kʋ. ‑Mä 'tänyɩ ‑kʋ ‑lɔɔ 'nɩ 'zuzuo ‑bhobho ‑plɩɩ, ɔ lä ‑ɛɛɛ, nn' ‑guu ‑wʋ 'zaazɩ Laagɔ, 'nɩ n 'mänyɩ ‑wʋ 'sɩɩ nyɩkpɔ,

Faic an caibideil

Wlɔmʋ‑dunyʋä 16:18

‑Lɔɔ' nyɩkpa‑cëa nä, ‑anyɩa Kwlienyɔɔ, Klisö, ɔmɔ waa' nʋ ‑wʋ ‑gä. Waa' 'gwɩɩ 'mɩ wa bhlää lä 'kʋ! 'Nɩ sä wa ‑yi lä cisä 'nɩ wa mɛɛ‑ lä kpänyɩ nëë' nä, nyɩkpaa' ‑lʋa ‑wʋ lä ‑gblɩ nä, kä wa 'nyigënʋwa.

Faic an caibideil

Wlɔmʋ‑dunyʋä 6:21

'Nämʋ a nää bhlä nä, a 'ninʋ bhä 'mʋʋ? Kɩ ‑ka'anyɩ ylä zoo 'kʋ ‑pɛɛ. Gbɩɩ 'fɩɩn a nʋ bhlä nä, ɩɩ' 'wlusäädä plöö‑ bhlä 'kwie.

Faic an caibideil

1 Kolɛtɩ‑dunyʋä 3:3

‑Ɔnöza bhä? kä luëzü ‑yä cice 'sɔ ‑kʋ'anyɩ ‑lätee nëëdë nä, aa' ‑lätee 'cɩcɩ. Ka pana lä nynä ‑mää 'ylʋzɔɔ' nyɩkpa 'bhisäkʋ a ‑kʋ ‑lätee. Yio ‑a?

Faic an caibideil

1 Kolɛtɩ‑dunyʋä 5:2

'Sää wälɩ‑nyënyi ‑kʋ'anyɩ nëëdë 'nɩ a ‑kɩɩ 'nɩ a täkpɔnɩ 'mʋ! Kɩ 'kanyɩ bhlä yëkuu' kamä kpänyɩ ‑yä, ‑lɔɔ' nyɩkpɔɔ a 'kɔ 'cɔcɩɩ' 'tlü.

Faic an caibideil

1 Kolɛtɩ‑dunyʋä 5:6

Wälɩklëë' laa a 'kä lä 'mʋ täkpɔ nä, amää‑ ‑wʋ lä ‑lɔyɩ ‑kʋ. Aa' bhä sɔɔ ‑yi nynä ‑mä 'flɔɔ 'bhabha‑gwäzöpɛ gbä 'nɩ ʋʋ' tɩtɛ bha nä ‑yi ‑a?

Faic an caibideil

2 Kolɛtɩ‑dunyʋä 11:12

'Klünö n ‑nʋ lä nä, n yii ‑lätee nʋ. N 'kä sɔɔ nʋ ‑yä nyɩkpaa' ‑lʋa wa tänönɩ lä 'focloo' nä, waa' kʋʋ ‑kä ‑mɔɔ 'ni. Waa' kä ‑kä täkpɔ ‑yä waa' kä ci nynä ‑mä wa ‑yanyɩ 'sɔ ‑bhlü.

Faic an caibideil

2 Kolɛtɩ‑dunyʋä 11:15

Nä, 'Dëvloo' ‑gänʋnyʋä kä nʋ nynä Laagɔɔ 'yigënyʋä nä, ɩɩ' 'ninie‑anyɩ ‑wʋ plɛkʋ. ‑Mä bhɩädää nä, saa 'fɩɩn, 'klüü wa ŋʋʋ‑ lä sä nä, wa yi ɩɩ' dluu plʋʋ.

Faic an caibideil

Galatɩnyʋä 6:13

‑Lʋa 'titi ‑wa ci lä nynä ‑mä 'sëëti nyɩkpa ‑döö 'kʋ nä, wamä 'titi waa' 'ŋʋ ‑wʋ ‑Jlämaa 'klʋkpää. Kwa ylä lä 'flɛ nynä ‑mä a ‑döö 'kʋ ‑yä wa 'kä anyɩa' 'kʋ ‑döölɩ 'mnö täkpɔ.

Faic an caibideil

Filipʋ‑dunyʋä 2:21

‑Mɔɔ' ‑lʋa 'fɩɩn wa yëkuu' wälɩ‑ känʋwa yëku ‑mä waa' 'mänyɩ ‑wʋ Zozi Klisöö' wälɩ.

Faic an caibideil

Kolɔsʋ‑dunyʋä 3:2

‑Mää 'ylʋzɔɔ' kʋkʋlɩɩ' gbʋ 'nä 'bhlanyɩ ‑lä, ‑mä ‑mɔɔ ŋɔkʋʋ' kʋkʋlɩɩ' gbʋʋ ‑lä 'bhlanyɩ.

Faic an caibideil

2 Tesalonikö‑dunyʋä 1:9

Kɔ 'kwa nuë 'kɔɔ ‑yä 'kɔɔ ‑za. Wa yio 'yikʋ ‑bha 'kwläkwlä, 'nɩ wa yi ɔɔ' 'klʋagba gwë ‑sä fɛɛn.

Faic an caibideil

2 Tesalonikö‑dunyʋä 2:12

Nä, nyɩkpaa 'fɩɩn‑ ‑wʋ lä ‑nʋawlɛɛ 'kʋ ŋoo‑ 'nɩ ‑wa ‑kʋ lä gbenyenyii 'mnö nä, Laagɔ yiwa gbäylɩ ‑sä.

Faic an caibideil

2 Tesalonikö‑dunyʋä 2:8

Ɔ kä yɩ ‑lɔɔ ‑bha nä, ‑lɔɔ ‑tɛɛ 'mnö ‑nyunɔ ‑zuzuu 'kä lä ʋ yëku 'kʋ ghlaa wɩa. ‑Mä Kwlienyɔ Zozii kä ‑yi nä, ɔ yiu nyämʋ 'kʋ 'pä 'nɩ ɔɔ' nëë' nyämʋnʋ yiu nuë. Ɔɔ' yi‑tänyɩɛɛ' zëlüü' lielɩɩ yiu nuë.

Faic an caibideil

1 Timotee 6:5

Ɩmɩɩ‑ gbä lä 'nɩ cɛɛlɩɩ ‑kʋ lä nyɩkpa nëëdë. ‑Wanö wluu' ‑wʋ lä 'kʋ ‑gögä nä, wamää‑ nʋ lä sɔɔ. Waa' ‑wʋ 'kwläkwlä sää ‑nʋawlɛɛ' ‑blɔɔ 'kʋ ‑kʋ. Wa bhobho nynä ‑mä, wa kä ‑Laagɔ‑lebhe nʋ nä, ‑lɔɔ wa 'kä leylü lü.

Faic an caibideil

2 Timotee 3:4

Wa yi wa ‑liesɩ ‑zɔɔ ‑bha. Wa yi 'yizlɛ kään kpänyɩ 'nɩ waa' täkpɔlɩɩ yiwa 'yikpüü 'ŋʋ. 'Nɩ ‑wawʋʋ wa yi bhlä Laagɔɔ' ‑za kään nä, waa' pleyii ‑gämʋʋ' ‑wawʋʋ ‑yiu 'kʋ zi.

Faic an caibideil

Zakö 4:16

Aa' nʋ ‑wʋ sɔɔ ‑mä, ka pä ‑bli 'nɩ a täkpɔ. Nä, a yibhë sɔɔ nynä ‑mä, sɔɔ täkpɔlɩɩ' ‑wʋ nää‑.

Faic an caibideil

2 Pɩɛlö 2:1

‑Mɔɔ ‑gɔgɔbhlää' nä, ‑kpläkplö 'plɔfɛtɩnyʋä ‑kʋ bhä. Nä anyɩ nëëdë ‑mä 'sɩɩ, ‑kpläkplaa' cɩanyʋä yi ‑mɔɔ kʋmʋ. Wa yi 'sää 'titi cisä yibhë ‑mä waa' cɩalɩɩ 'mnö nä, wa yi nyɩkpa 'nyigë. Wa yi cɩa ‑aaa 'nɩ ‑ɔ ‑sʋwa lä ‑lɔɔ nëë' nä, wa yio cɛɛ. Sɔɔ wa 'kä lä nʋ ‑yä wa 'kä wa yëku ‑muzue 'kʋ ‑lää ‑yä ɛ 'kwa nuë.

Faic an caibideil

2 Pɩɛlö 2:13

‑Lää' ‑jämɩnɩ 'mɩ wa 'kä lä 'mnö kʋ waa' gbenyenyii' za. Sä wa bhobho ‑käpä ‑käpäsä nä, sɔɔ wa nʋ lä zëlügä 'titi. Wa yi anyɩa ‑glɩsɩɩsɩylɩɩ 'kʋ 'nɩ wa ‑yä anyɩ 'sɔ lüü 'kʋ 'nɩ wa 'nyigënö'anyɩ. Kä wa ‑plä lä plʋ 'nɩ wa ‑kä lä zoo 'kʋ. Wa nö'anyɩ ‑wʋ nëëdë 'kʋ ‑ŋwa.

Faic an caibideil

2 Pɩɛlö 2:3

'Nɩ sä wa ‑waa lä 'sɩɩ nynä ‑mä wa 'kä monii 'ni nä, wa yi ‑kpläkplaa' cɩalɩɩ 'mnö ghlää 'nɩ wa yi'anyɩ 'nyigë. ‑Mä gbäylɩɩ Laagɔ 'kwa lä ‑sä nä, ʋ yä wɛzä ɩɩ' ylɩɩ ‑döö too too. Kä 'kplë 'kwa lä 'sää ylʋʋ ‑bhloo' zëlüü' 'wlu 'gbi.

Faic an caibideil

Zudö 1:10

‑Mä wamä nä, wa 'bhɩsɛ nyɩkpa. ‑Lɩɩ wa nʋ lä nä kä wa 'nɩɩ ‑wʋ lä ‑yi. Kä wa bhobho lä 'sää 'titi nynä mna. Nʋnʋgbɩnɩ 'mɩɩ‑ 'gwa lä nuë.

Faic an caibideil

Zudö 1:16

‑Lɔɔ' nyɩkpa‑cëa nä, kä wa 'ŋuŋuë 'kɔɔkɔ 'nɩ waa' 'mnöö ‑wʋ 'kɔɔkɔ mɛɛ. 'Nɩ waa' zëkpëa 'mnö nä, sä waa' plɛ ‑waa lä nä, sɔɔ wa nää. Wa kä 'mʋ ‑säädä ‑kʋ nä ‑bli wa pä. 'Nɩ ‑lʋa wa yi lä ‑bʋzʋɛ 'mnö 'nii nä, wa klʋwa ‑kpacɛ 'nyigë 'nyigësä.

Faic an caibideil

Zudö 1:4

Sä nyɩkpaa' ‑lɛɛ nyonyuë zizio'anyɩ nëëdë nä, ɩɩ' ‑zä n jɩjla'anyɩ lä. ‑Anyɩa Laagɔɔ' plɛkʋmɛnɔɔ' 'döö, wa sɩɩ dä 'kʋ 'nɩ, sa wa ‑waa lä nä, wa nää sɔɔ. 'Nɩ Zozi Klisö ‑anyɩa Cɩanyɔɔ ‑yä ‑anyɩa Kwlienyɔɔ ‑bhlo ‑a kä lä nä, wa cɛnöɔ. ‑Mä Laagɔ‑bɔɔgʋʋ yä wɛzä ‑mɔɔ ‑gɔgɔbhlää' ci nynä ‑mä, ‑lɩɩ wa nʋ lä nä, wa yi ɩɩ' 'wlu 'kwlɩkabhɩä 'ni.

Faic an caibideil

'Yii Ghlä‑wälɩ 18:7

A gbä ‑yä ʋ 'ni nyäkälɩ ‑yä mielɩ 'kädɩ ‑mä ʋ yä bhɛ 'klʋagbaa ‑yä 'nää 'kädä 'sɔ 'ni. Kʋ soo lä ʋ yëku nynä ‑mä, ʋmʋ nä, 'kʋ 'kämä lä nynä 'leyiŋnɔ. 'Nɩ ʋ ci lä nynä ‑mä ʋʋ' ‑wʋ 'kuzëlüŋnɔ plöö‑, 'nɩ 'kwiee ‑lä 'kɔɔn ʋʋ' nyɔ 'bhlä.

Faic an caibideil

'Yii Ghlä‑wälɩ 19:20

'Nɩ wa yi mnɛɛ klä, 'nɩ wa yi 'sɩɩ ‑kpläkplö 'plɔfɛtɩɔ klä. ‑Kpläkplö 'plɔfɛtɩnyɔnɔ 'mɔɔ‑ nʋ bhlä plɛkʋ 'niniegbɩɩ mnɛɛ dëlü, 'nɩ ɛ 'nyigë bhlä nyɩkpa ‑wa ‑sä bhlä mnɛɛ' 'ylöö, 'nɩ ‑wa ‑bʋbɔ bhlä ɛɛ' ‑zlüüyuo nä. 'Nɩ mnɛɛ ‑yä ‑kpläkplö 'plɔfɛtɩɔ 'sɔ, waa' ‑yäyälʋa, wa yiwa ŋnäŋnä ‑kosu 'kädʋʋ 'tɩtɔ ‑sloo ‑zëbhuu' 'mnö pään.

Faic an caibideil

'Yii Ghlä‑wälɩ 21:8

‑Maa, ‑wa plöö‑ ylä nyɩkpaa' ‑zɔɔ ‑bhanyʋa ‑yä 'nyukwli 'tɛtɩnyʋa nä, ‑wa nʋ lä ‑ŋänö ‑bhläbhlägbɩɩ nä, ɩyä nyɩkpa‑bhlänyʋa, ‑yä 'klʋ 'tɛtʋnyʋa, ɩyä 'sëkünyʋa ‑yä ‑zlüü' bʋbɔnyʋa, ɩyä ‑kpläkplönyʋa 'fɩɩn nä, ‑gbäsɩɩ wa 'kä lä kʋ nä, ‑mɔɔ plöö‑ lä ŋnäŋnä ‑kosuu 'kädʋʋ 'tɩtɔ ‑sloo ‑zëbhuu 'mnö. Ɩmɩɩ‑ plöö‑ lä 'sɔnadaa' 'kwiee.

Faic an caibideil

'Yii Ghlä‑wälɩ 22:15

‑Mä nyɩkpaa' ‑lʋa ‑nyuu lä 'mnö nä, ɩyä ‑lʋa ‑wa vë lä guu nä, ɩyä ‑wa 'tɛ lä 'klʋ nä, ɩyä ‑wa bhlä lä nyɩkpaa nä, ɩyä ‑wa bʋbɔ lä ‑zlüü nä, ɩyä ‑wa ‑waa lä ‑kpläkplaa 'nɩ ‑wa ‑kʋa lä 'mnö nä, waa' ‑lefɩɩn, waa' plä ‑lä 'duu 'mnö!

Faic an caibideil

Lean sinn:

Ceanglaichean taic

Sanasan

Sanasan