Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 3:18

Filipʋ‑dunyʋä 3:18 - GOD - u2

¹⁸ N ‑sonö'anyɩ wälɩklënä 'futu 'futu. 'Nɩ ‑zɩkää 'titi, 'naa 'tutulɔɔ sonö'anyɩma lä bʋkʋ. N nä nyɩkpa ‑bhutukpä ‑kʋ 'nɩ wa nää yɩ nynä Klisöö' 'kusuu' ‑zɔbhlɛgbänyʋä.

Faic an caibideil Dèan lethbhreac

« Roimhe

dol air ais ⬆

Air adhart »

Filipʋ‑dunyʋä 3:18
30 Iomraidhean Croise

Lukö 19:41

‑Mä Zozii ‑ŋëë lä Zolizalɛmʋ‑duu yëku 'nɩ ɔ niu‑ lä 'yi nä, kɔ tuu‑. Ɔ 'tunʋ‑ 'kʋ, ɔ lä

Faic an caibideil

Nʋnʋgbɩɩ 20:19

Nn' ‑wʋ ‑täkpɔ. Kä n ‑nʋ Kwlienyɔɔ' lebhee. N ‑nʋnɩɛ 'mɩɔɔ 'mnö, 'nɩ n ‑nʋnɩɛ nyäkälɩɩ 'mnö. ‑Ɔnöza bhää? Kä 'Zufʋnyʋa ŋʋʋ‑ 'naa ‑za.

Faic an caibideil

Wlɔmʋ‑dunyʋä 9:2

Wälɩklë kamänö'ö kpänyɩ yëku 'nɩ a gbä 'nɩ n nyɛnɩä 'kɔɔkɔ.

Faic an caibideil

'Kusuu 'yii 'kwie Klisö kuu‑ lä 'nɩ, ‑ɛnö wälɩɩ ‑a ci lä nä, nyɩkpaa' ‑lʋa bhlü lä tootoo ‑blɔɔ nä, wa kɩ 'nyukwli poo nä, kwa ci nynä ‑mä pɔlö‑bhläwälɩ ‑a ci. ‑Mä, ‑anyɩmɔ Laagɔ yä lä ‑lɔɔ nëë' nä, 'kusuu 'yii 'kwie Klisö kuu‑ lä nä, ɛ plöö‑ ‑anyɩa ‑za Laagɔɔ' 'päwä.

Faic an caibideil

1 Kolɛtɩ‑dunyʋä 6:9

'Nɩ a ‑yi sɔɔ nynä ‑mä, nyɩkpaa 'fɩɩn ‑wa nämnö lä gbenyenyii 'mnö nä, Laagɔɔ' 'Leyiduu 'mnö jaa, wa 'nöa ‑wʋ 'mʋ ‑kʋmʋ. Yio ‑a? A 'nä 'nyigë ‑lä 'flɛ a yëku ‑ɛɛn! ‑Wa nää lä ‑käpä ‑käpä nä, ɩyä ‑zlüü‑bʋbɔnyʋä ɩyä ŋnʋ‑ylänyʋä ‑yä wlu‑yläŋwnɩä, 'ŋʋʋ yɩ ŋwadii' lɔɔ ‑ɔ ‑yä ɔ lüŋwadi 'sɔ mʋʋ lä yëkuu' nä,

Faic an caibideil

2 Kolɛtɩ‑dunyʋä 11:13

‑Lɔɔ' nyɩkpaa ‑glö ‑kpläkplö lobho lobhonyʋä. Wa laa wa yëku Klisöö' lobho lobhonyʋä ‑mä wa ‑glö nyɩkpaa' 'nyigënyʋä.

Faic an caibideil

2 Kolɛtɩ‑dunyʋä 11:29

Nä nyɩkpɔ 'nö ‑cʋcʋ ‑kä nä, ‑amʋ ‑mä 'sɩɩ nn' ‑wʋ ‑cʋcʋ ‑kä ɔɔ' bhlëë'. Kä nyɩkpɔ kä nyenyii' ‑bhlüü nä, kä ɔɔ' wälɩɩ nyɛɛ'ɛ 'sɩɩ nyäkälɩ.

Faic an caibideil

2 Kolɛtɩ‑dunyʋä 2:4

Nyäkälɩ 'kädɩ 'mnö n ‑kʋ 'nɩ n jɩjlä'anyɩ lä 'bɔɔgʋnʋ. Kä n nyɛnɩä lä 'naa 'wʋgɔɔ 'mnö. 'Naa 'tutulɔɔ 'nɩ n jɩjlä lä. Nn' jɩjlä'anyɩ ‑wʋ ‑yä n 'kanyɩ plɛ 'kpɔsʋä. Kä n jɩjlä'anyɩ lä ‑yä n 'kanyɩ pana nynä ‑mä kä n ‑waa'anyɩ 'nɩ n 'tɔtɔ‑ nëkʋ.

Faic an caibideil

Galatɩnyʋä 1:7

N sonö'anyɩ nynä 'Nägädöö' 'yigädalɩɩ ‑wʋ bʋkʋ ‑kʋ. Nyɩkpa‑ ‑yi lä 'nɩ ‑wa 'bhläbhlänö'anyɩ lä wälɩ 'wluu. Kwa ghlää lä sɔɔ ‑yä wa 'kä Klisöö 'Nägädöö 'cɩcɩ.

Faic an caibideil

Galatɩnyʋä 2:14

‑Mä n nii‑ lä 'yi nynä ‑mä sä Sefasö nää bhɛ lä nä, sɔɔ ‑yä 'Nägädöö' ‑nʋawlɛɛ 'sɔ ‑mʋʋ bhɔɔ yëkuu nä, kä n sonö'ɔnyɩ nyɩkpaa 'fɩɩn 'klʋ. N nä ‑mä, ‑mɔɔ plöö‑ lä 'Zufʋyu nä, ‑waa ‑wʋ lä 'Zufʋnyʋä plöö‑ nä, ‑n nää‑ ‑kɛ 'fɩa wamä 'bhisäkʋ 'nɩ ‑nn bhɔɔ 'Zufʋnyʋaa' ‑jlämaa 'kʋ gëë‑. 'Nɩ ‑pɛpɛɛ, ‑n tään ylä nynä ‑mä bhelia ‑wʋ lä 'Zufʋnyʋä plöö‑ nä, 'sëëti ‑mä wa nää 'Zufʋnyʋa bhisäkʋ. ‑Ɔnöza bhää?

Faic an caibideil

Galatɩnyʋä 2:21

'Nɩ Laagɔɔ' 'nää 'kädänä ʋ nyɛɛ'ɛ lä nä, n 'ylä ‑wʋ nynä ‑mä a 'plö 'flɛ. ‑Ɛɛɛ, Moyizöö' ‑Jlämaa 'mää‑ gä gbä 'nɩ nyɩkpɔ kä bhä Laagɔ dëlü 'yi gëë nä, kä Klisö kuu‑ lä 'flɛ.

Faic an caibideil

Galatɩnyʋä 5:21

Wa ‑liesɩɩ' kääkäälɩɩ zɛlɩänʋwa 'yii. Ɩmɩɩ plöö‑ lä 'sɩɩ gbʋʋsaa' nʋmnälɩɩ, ‑lɛɛgbi lülɩɩ, 'nɩ 'klüü ‑nɩnɩ ‑kʋ ‑lätee ‑mɔɔ 'nɩ wa nʋɩ 'nɩ ɩ ‑yä ‑nɩnɩ 'sɔ mʋʋ yëkuu'. Nä, n ya'anyɩ bhɛ gblɩmä 'nɩ n gblɩmänö'anyɩ lä bʋkʋ. Nyɩkpaa' ‑lʋa ‑wa nʋ lä 'sɔɔ ‑lɩɩ nä, waa' ‑lä Laagɔɔ' 'Leyiduu 'mnö 'kʋdä 'ni.

Faic an caibideil

Galatɩnyʋä 6:12

Nyɩkpaa' ‑lʋwa ‑wa ci lä nynä ‑mä 'sëëti a ‑döö 'kʋ nä, ‑lɔɔ nyɩkpa‑cëa, 'yɛkɛɛ 'mnö 'kʋ wloo wloogbɩ wa nʋ lä. Wälɩklëa ‑bhlo bhlʋwa lä nä, amää‑ plöö‑ lä nynä ‑mä, kwa gu lä ‑yä nyɩkpaa' kwa ‑kä 'kwlɩkabhɩää' 'ŋʋ Klisöö' 'kusuu' ‑za.

Faic an caibideil

Galatɩnyʋä 6:14

‑Amʋ nä, wälɩklëa n yi lä 'mʋ täkpɔɔ nä, amää‑ plöö‑ lä ‑anyɩa Kwlienyɔɔ Zozi Klisöö' 'kusuu 'yii 'kwiee. Ɛɛ' ‑bɔɔ 'nɩ zëkpëkʋʋ' ‑lɩɩ yä lä 'ku 'naa ‑za. 'Nɩ ‑amʋ ‑mä 'sɩɩ n yä lä 'ku zëkpëkʋʋ' ‑lɩɩ' ‑za.

Faic an caibideil

Efɛzɩ‑dunyʋä 4:17

'Klüü ‑lɩɩ n 'ylänö'anyɩ ylä 'sää 'titi nä, 'nɩ n pɩä lä 'kʋ Kwlienyɔɔ' 'ŋnöö 'mnö nä, ɩmɩɩ‑ plöö‑ lä nynä ‑mä, anyɩ nä, aa' nää ‑läyɩɔ nynä nyɩkpaa' lʋä‑ ‑wʋ lä Laagɔ ‑yi. ‑Lɔɔ' nyɩkpa‑cëa nä, waa' bhobhosa ‑glö 'flɛ.

Faic an caibideil

Filipʋ‑dunyʋä 1:4

'Tänyɩɩ 'fɩɩn 'mnö n bhibhie lä Laagɔ anyɩ 'fɩɩn ‑za nä, kä ‑jäkä kʋ'ʋ pleyii 'nɩ n bhibhie.

Faic an caibideil

1 Tesalonikö‑dunyʋä 4:6

‑A ‑sonö'anyɩ nynä ‑mä 'klünö nä, kä Laagɔ känɩ kpänyɩ 'kʋ. Anyɩa' nëëdë nyɩkpɔɔ' ghlü lä ‑yä ɔɔ' lü ‑lä 'sɩɩ ɔ ‑lie ‑amune! 'Klünö nä, ‑a ‑sonö'anyɩ nynä kä Laagɔ känɩ kpänyɩ 'kʋ nä, ‑a ‑jlü'anyɩ wɛzä 'nyukwli.

Faic an caibideil

2 Tesalonikö‑dunyʋä 3:11

‑Bhlɛ ‑a nu nynä ‑mä anyɩa' nëëdë nyɩkpa ‑kʋ ‑mɔɔ 'nɩ wa zɛɛ‑ lebhee'. Wa mii‑ ‑wʋ lʋʋ nʋlɩ 'nɩ wälɩɩ' lɩɩ‑ wluwa ‑wʋ lä 'kʋ nä, ɩmɩ wa 'mänyɩ.

Faic an caibideil

2 Pɩɛlö 2:10

Nyɩkpaa' ‑lʋa ‑waa lä wa yëkuu' 'yɛkɛ nyeyii 'ŋʋlɩɩ nä, 'kwlɩkabhɩa wa 'kä lä 'ni nä, a yi kpänyɩ 'mʋ 'tɛmä. 'Nɩ waa' 'mänyɩ ‑wʋ sä Kwlienyɔ 'kwa 'kämä nä. Wa täkpɔ kpänyɩ 'nɩ waa' ‑guu ‑wʋ 'nɩ wa 'bhɩsɛ ‑Laagɔzizii.

Faic an caibideil

Zudö 1:13

‑Nɩnɩ 'fɩɩn 'mnö nä, zoogbɩ wa ŋʋʋ‑ lä sä. Kä wa ‑kʋ lä nynä ‑n ‑näsä jiee' lakwɩɩ vë lä 'kʋ 'nɩ ɩ jɛɛ lä ŋazɩ ‑zägbä 'kʋ nä. 'Nɩ wa ‑kʋ lä 'sɩɩ nynä ‑mä ‑laagɔzälöö' lɩɩ‑ ‑begle 'flɛ 'nɩ Laagɔ ŋʋʋ‑ 'cucukpää 'nɩ ‑ɩɩ yɩɔ 'kɔɔn mʋʋdä ‑kä.

Faic an caibideil

Lean sinn:

Ceanglaichean taic

Sanasan

Filipʋ‑dunyʋä 3:18 - GOD - u2

Filipʋ‑dunyʋä 3:1830 Iomraidhean Croise

Filipʋ‑dunyʋä 3:18
30 Iomraidhean Croise