Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 3:14

Filipʋ‑dunyʋä 3:14 - GOD - u2

¹⁴ Kä n paa 'nɩ n mʋ lä 'wlusääda ‑yä, ‑mɔɔ Laagɔduu' ‑ajɛɛkpaa Laagɔ 'kä lä Zozi Klisö 'kʋgënyʋa 'nyɛ nä, n 'ka 'nimʋ.

Faic an caibideil Dèan lethbhreac

« Roimhe

dol air ais ⬆

Air adhart »

Filipʋ‑dunyʋä 3:14
20 Iomraidhean Croise

Lukö 16:16

Cie ‑bhäädä ‑aaa ‑yä ŋëë yɩ Zään Badisöö' 'tänyɩɛ 'mnö nä, Moyizöö' ‑Jlämaa, ɩyä 'plɔfɛtɩnyʋaciciwälɩɩ' 'tänyɩɛ 'mɛɛ‑ ‑kʋ lä ‑lɔɔ. ‑Mä 'bhää yɩ ‑lɔɔ 'kʋ nä, Laagɔɔ' 'Leyiduu' 'Nägädöö' bie‑tänyɩ ‑kʋ ylä. 'Nɩ Laagɔɔ' 'Leyiduu nä, ‑ɔ ‑yi ylä 'kʋ bhlääsä nä, ɔmɔɔ‑ 'gʋ ylä 'mnö plä.

Faic an caibideil

Wlɔmʋ‑dunyʋä 11:29

Nä, Laagɔɔ' 'nää ʋ nyɛ lä nyɩkpɔ nä, ʋʋ' ‑sɔɔnya yɩɔ wlɩɩ', 'nɩ nyɩkpaa ʋ yä lä laa‑ lä nä, ʋʋ' cɛnʋwa yɩɔ.

Faic an caibideil

1 Kolɛtɩ‑dunyʋä 9:24

Sämɩ‑padaa' nyɩkpaa 'fɩɩn‑ paa lä ‑ajɛɛkpää' ‑za nä, aa' bhä sɔɔ ‑yi nynä ‑mä waa' ‑lefɩɩn paa 'flɛ ‑mä nyɩkpɔ ‑bhlo wa nyɩa ‑a? Nä anyɩmɔɔ‑ paa lä nä, sa yi lä paa 'nɩ a yi lä ‑ajɛɛkpa 'ni nä, a paa sɔɔ.

Faic an caibideil

2 Kolɛtɩ‑dunyʋä 4:17

‑Ɛɛɛ, 'klʋagba 'käda ‑aa bhɩä ‑wʋ lä 'nɩ ‑a 'gä lä ‑zee 'mnö kʋ nä, ‑a ga plɛkʋ 'pä nä, 'kwlɩkabhɩa 'fɩɩn ‑a ni lä ‑mää 'ylʋzɔɔ nä, aa' ‑wʋ lʋʋ plöö‑.

Faic an caibideil

Filipʋ‑dunyʋä 3:3

Wa kä cii‑ nynä ‑mä nyɩkpa döö‑ 'kʋ nä, ‑anyɩ lä. ‑Anyɩ bʋbɔ lä Laagɔ ʋʋ' 'Wugɔɔ 'mnö. ‑Anyɩ, Zozi Klisö‑ ‑a täkpɔ lä 'mʋ nä, ɔmɔ ‑a gëë 'kʋ. ‑Aa lä mii 'nɩ ‑a 'gä ‑a yëku dë 'tɛɛ.

Faic an caibideil

Kolɔsʋ‑dunyʋä 2:18

Nyɩkpɔɔ' gbä lä 'nɩ a 'kä 'kʋzilɩɩ' ‑blɔɔ mnɔ. ‑Wa lä lä wa yëku ‑dʋdʋkʋ 'nɩ ‑wa bʋbɔ lä ‑zizii nä, wamä n pä lä plɛkʋ 'nɩ n ci lä. Sä wa ghlä lä nä, sɔɔ‑ känʋwa lä kpänyɩ gbʋ. ‑Lɔɔ' nyɩkpa‑cëa nä, kwa bhobho lä kpänyɩ nyɩkpasä. 'Nɩ ‑lɔɔ' 'klüü wa ‑kä lä nä, wa täkpɔnɩ 'mʋ.

Faic an caibideil

1 Tesalonikö‑dunyʋä 2:12

‑A ŋʋʋ'anyɩ 'tɛtɩɩ 'nɩ ‑a ‑bhluë'anyɩ plɛɛ', 'nɩ ‑a ‑jlü'anyɩ 'nyukwli nynä sä Laagɔ ylä lä nä a nää sɔɔ. Laagɔ‑ laa'anyɩ lä ʋʋ' 'Leyiduu 'mnö ‑yä a 'kʋʋ 'klʋagba 'mnö kʋmʋ.

Faic an caibideil

2 Timotee 1:9

Laagɔ 'mʋʋ‑ ‑sanyɩ lä ‑lɔɔ nëë, 'nɩ ‑ʋ laa‑anyɩ lä nynä ‑a 'gʋʋ 'yuë 'plö. Ɩɩ' ‑wʋ plöö‑ nynä ‑mä ka ‑a ‑nʋ lebhee' cënänä ‑gä. ‑Mä sä Laagɔ ŋʋɩ‑ lä nä, sɔɔ ɩ plöö‑ lä 'kʋ. Ʋʋ' plɛkʋmɛnɔɔ 'mnö ʋ ‑nʋ lä sɔɔ. 'Kɔɔnʋʋ' ‑lä bhä tee wlʋʋ‑ 'nɩ Laagɔ ‑ghlää lä Zozi Klisö 'kʋ, 'nɩ ʋ yi‑anyɩ lä ʋʋ' plɛkʋmɛnɔɔ 'mnö 'nää 'nyɛ.

Faic an caibideil

Eblëënyʋä 3:1

Bhelie ‑yä bhɛŋwnɩänyɩ‑, anyɩmɔ Laagɔ laa‑ lä nä, 'nɩ ‑ɔ plöö‑ lä ʋʋ' lʋä nä, a wloo Zozii nynä Laagɔɔ' lobho lobhonyɔ ‑yä ‑anyɩa 'cibhisänyɔ 'kädɔ. Ɔmɔ ‑a ŋʋʋ‑ lä ‑anyɩa pɔlötɛtɛɛ 'kʋ.

Faic an caibideil

Eblëënyʋä 6:1

Naa, ‑a cie bhlä 'kʋ nä, ɩɩ' tɛɛtɛɛ‑klüü wa cɩa‑anyɩ lä Klisöö' ‑za nä, a ‑ya 'plɩɩ yɩ ‑goo, ɩyä a ‑ya 'cɩä yɩ nynä nyɩkpabhü. ‑A 'nä 'ŋʋ ‑lä 'yigäda‑wälɩɩ' cɩalɩ sä, 'nɩ wa 'kanyɩ bʋkʋ soo nynä ‑mä a ‑bha gbenyenyii 'mnö, ‑yä a kään Laagɔɔ' pɔlötɛtɛ.

Faic an caibideil

1 Pɩɛlö 1:13

‑Nɩnɩ ‑kä ylä 'ŋnö nä, a ‑ghlɩlɩ! A gblɩmä 'kɔɔkɔ! Zozi Klisö kä ‑yi nä, ɩɩ' 'nää ɔ 'kanyɩ lä 'nyɛ nä, a känöa plɛkʋ.

Faic an caibideil

1 Pɩɛlö 5:10

‑Mä 'kwlɩnɩ yi'anyɩ bhɩädä kʋ ‑aaa 'nɩ ɩ yi 'tänyɩ nʋ. ‑Mä Laagɔɔ ‑ʋ ‑kä lä ‑wawʋ nä, ʋ yi'anyɩ 'tɛtɩɩ 'ŋʋ. Ʋʋ' 'klʋagba ‑kʋ lä 'kɔɔkɔ nä, amä 'mnö ʋ laa'anyɩ lä nynä a yii Zozi Klisö. Nä ʋmʋ 'titi yi gbä 'nɩ a yi 'mʋ 'tɛmä 'nɩ a yi 'nägäsä 'mʋ 'tɛmä.

Faic an caibideil

2 Pɩɛlö 1:3

Laagɔɔ' 'tɛtɩɩ 'mnö, kʋ nyɩ‑anyɩ ‑lɩɩ 'fɩɩn ‑yä ‑a 'gä 'pʋpʋɛ 'ni ‑yä sʋ ‑waa lä nä, ‑a 'gä sɔɔ nää. Sä ‑a ‑yʋsɔ 'jɛnyɩ lä ‑mää zëkpëkʋ nä, kʋ nyɩ‑anyɩ saa 'fɩɩn. A ni, nyɩkpɔɔ' ‑lɔɔ‑ laanö‑anyɩ lä ʋʋ' 'klʋagba ‑yä ʋʋ' plɛkʋmɛnɔɔ 'mnö nä, kʋ panö‑anyɩmɔ.

Faic an caibideil

'Yii Ghlä‑wälɩ 3:21

Sä 'naa sɔɔ ‑zi lä 'kʋ, 'nɩ n ‑yä n 'Bä 'sɔ ‑kʋ lä ɔɔ' 'leyi‑këpëa 'kʋ sä nä, sɔɔ ‑säkä ‑säkä, nyɩkpɔɔ' ‑lɔmɔ ‑ɔnö sɔɔ‑ yi lä 'kʋ zi nä, n ‑yɔsɔ yi 'naa 'leyi‑këkpëa 'kʋ sä kʋ.

Faic an caibideil

Lean sinn:

Ceanglaichean taic

Sanasan

Filipʋ‑dunyʋä 3:14 - GOD - u2

Filipʋ‑dunyʋä 3:1420 Iomraidhean Croise

Filipʋ‑dunyʋä 3:14
20 Iomraidhean Croise