Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 3:12

Filipʋ‑dunyʋä 3:12 - GOD - u2

¹² Nn' ‑wʋ cii‑ nynä ‑mä, n yä wɛzä 'naa sämɩɩ' 'wlusääda ŋëë. 'Nɩ nn' ‑wʋ 'sɩɩ cii‑ nynä ‑mä n yä ‑lɩɩ 'fɩɩn ‑zɔɔ bhɩä. N paa ‑lätee. N paa ‑lätee ‑yä, sä Zozi Klisö ‑nʋ 'nɩ, ɔ nii'i lä nä, n 'kä 'sɔɔ 'tlänyɩ ‑yä n 'kä ‑ajɛɛkpaa 'ni.

Faic an caibideil Dèan lethbhreac

dol air ais ⬆

Filipʋ‑dunyʋä 3:12
44 Iomraidhean Croise

Matie 5:48

Nä, 'Bäɔ ‑ɔ ‑kʋ lä ‑mɔɔ ‑laagɔɔ' nä, sɔ ‑kplɔɔ lä nä, anyɩ ‑mä 'sɩɩ a kplɔɔ 'sɔɔ!

Faic an caibideil

Nʋnʋgbɩɩ 9:15

Ɔ cii‑ lä sɔɔ nä, 'nɩ Kwlienyɔɔ yio soo, ɔ lä ‑n mʋ ‑mä nyɩkpɔyɩ nä, kä n ‑sɔɔ 'nɩ n ŋʋɔ ɔɔ' dä ‑yä, n 'kɔ 'kʋ ghlää ɔ 'kä lowubhlɩɩ bhlü ‑yä ɔ 'kä gbä ‑mɔɔ' nyɩkpaa ‑yä waa' 'loyua wa 'kä 'naa 'ŋnö yibhë. Ɔ 'kä 'sɩɩ gbä ‑yä 'Yizlɛnyʋä kä'ä yibhë.

Faic an caibideil

Wlɔmʋ‑dunyʋä 8:39

'wlu tlʋnɔlɩɩ 'tɛtɩ ‑o, 'mʋ tlʋnɔlɩɩ 'tɛtɩ ‑o, ɩyä nʋnʋlʋʋ' 'cënänä ‑o. Lʋʋ ‑wʋ ‑kʋ 'nɩ ʋ ka'anyɩ Laagɔɔ' ‑wawʋʋ gwë ‑sä. Laagɔɔ' ‑wawʋnʋ nä, Zozi Klisö, anyɩa Kwlienyɔɔ, ɔmɔ 'mnö ʋ ‑ghlää 'nɩ ʋ ‑kʋ lä.

Faic an caibideil

1 Kolɛtɩ‑dunyʋä 13:10

'Tänyɩɛ 'mnö nʋnʋgbɩɩ 'fɩɩn 'kä lä nëë slää nä, ‑lɩɩ 'fɩɩn‑ ‑wʋ lä nëë' ‑slää nä, ɩ yi 'kʋ bhɩä.

Faic an caibideil

1 Kolɛtɩ‑dunyʋä 13:12

'Nɩ 'tänyɩnɛ 'mnö ‑a ‑kʋ lä nä, ‑lɩɩ 'fɩɩn ‑a wloo lä nä, ‑aa 'nii ‑wʋ 'nägäsä 'yi. Kɩ ‑kʋ lä nynä lɩɩ ‑a wloo kawloo'. ‑Mä ‑zee nä, ‑a yii 'yi 'ni, 'klʋ ‑yä 'klʋ. 'Tänyɩnɛ 'mnö, nn' ‑wʋ wälɩ ‑bhutukpä ‑yi, ‑mä zee nä, sä Laagɔ ‑yi'i lä nä, n yiu sɔɔ yibhë.

Faic an caibideil

1 Kolɛtɩ‑dunyʋä 9:24

Sämɩ‑padaa' nyɩkpaa 'fɩɩn‑ paa lä ‑ajɛɛkpää' ‑za nä, aa' bhä sɔɔ ‑yi nynä ‑mä waa' ‑lefɩɩn paa 'flɛ ‑mä nyɩkpɔ ‑bhlo wa nyɩa ‑a? Nä anyɩmɔɔ‑ paa lä nä, sa yi lä paa 'nɩ a yi lä ‑ajɛɛkpa 'ni nä, a paa sɔɔ.

Faic an caibideil

2 Kolɛtɩ‑dunyʋä 13:9

‑A 'nö ‑cʋcʋ ‑kä 'nɩ anyɩ a kä 'tɛtɩ ‑kä nä, ɩ nʋ ‑anyɩa ‑jäkä. 'Klüü ‑a ylä lä anyɩa' ‑za ‑anyɩa bhibhielɩɩ 'mnö nä, ɩmɩɩ‑ plöö‑ lä nynä ‑mä, anyɩa' kʋkʋsa kplɔɔ wɩa.

Faic an caibideil

2 Kolɛtɩ‑dunyʋä 7:1

Laagɔ cii‑ ylä nynä ‑mä ʋ yi‑anyɩ ‑nɩnɩ 'fɩɩn 'nyɛ nä, 'naa ‑wawanyʋänyɩ‑, ‑lɩɩ 'fɩɩn ‑ɩ yi bhlä ‑anyɩa 'yɛkɛɛ ‑yä ‑anyɩa 'wugɔɔ pee plaa nä, ɩ ‑ŋwa 'kʋ nynä ‑mä ‑a ‑sɩɩ ‑a yëku yëku ‑yä ‑a 'gä kplɔɔ. ‑A nʋ saa 'fɩɩn ‑yä ‑a kplɔɔ ‑yä ‑a 'ŋʋ Laagɔɔ 'klʋkpää.

Faic an caibideil

Galatɩnyʋä 5:17

‑Anyɩa 'yɛkɛɛ sɛ ‑waa lä nä, sɔɔ ‑yä 'Wugɔɔ 'sɔ mʋʋ ‑wʋ yëkuu'. 'Nɩ 'Wugɔɔ sʋ ‑waa lä nä, sɔɔ ‑yä ‑anyɩa 'yɛkɛɛ 'sɔɔ mʋʋ ‑wʋ yëkuu'. Kɩ ɩmɩ 'sɔ 'täkä ‑täkä lä sää 'kwläkwlä kee ‑yä sa ylä bhlä nynä a 'kä nʋ nä, aa' kä yɩ sɔɔ mii.

Faic an caibideil

Efɛzɩ‑dunyʋä 1:4

'Fɩa ‑yä 'kɔɔnʋ 'kä 'wlʋ nä, Laagɔ yä‑anyɩ wɛzä Zozi Klisö 'mnö ‑sä nynä ‑a 'gä Laagɔ dëlü kplɔɔkplɔɔnyʋä 'plö ‑yä ‑aa kä ‑kä gbëgëdë yëku kään. Nä, sä Laagɔ ‑waa‑anyɩ lä nä,

Faic an caibideil

Efɛzɩ‑dunyʋä 4:12

‑Nɩnɩ 'fɩɩn nä, kä Klisö ‑nʋɩ lä ‑yä 'cɔcɩnyʋa 'kä mii wa 'kä Laagɔɔ' lebhee 'nägäsä nʋ. Ɩyä wa 'kä gbä Klisöö' 'cɔcɩɛ ‑ɛ plöö‑ lä ɔɔ' 'yɛkɛɛ nä, ɛ 'kä 'tɛtɩ kään.

Faic an caibideil

Filipʋ‑dunyʋä 1:1

‑Amʋ Pɔlʋ, n ‑yä Timotee, ‑anyɩ Zozi Klisöö' ‑gänʋnyʋa, ‑anyɩ‑ jɩjla'anyɩ lä 'bɔɔgʋnʋ. Anyɩ Filipʋduu' 'cɔcɩnyʋa 'fɩɩn, anyɩmɔɔ‑ ‑yä Zozi Klisö 'sɔ 'jɛnyɩ‑ lä nä, anyɩ‑ ‑a jɩjlä lä 'bɔɔgʋnʋ. ‑A jɩjlʋ 'sɩɩ 'cɔcɩɛɛ nëkʋʋ' kʋnyʋaa' ‑za. 'Nɩ ‑a jɩjlʋ 'sɩɩ 'cɔcɩɛɛ 'tienyʋaa' kläänyʋaa' ‑za.

Faic an caibideil

Filipʋ‑dunyʋä 3:16

Naa, ‑a nää‑ yɩ ‑kaaa 'nɩ dä ‑a yä ylä ‑lää ŋëë nä, a ‑ya gëë yɩ ‑blɔɔ ‑bhlo 'yii.

Faic an caibideil

Filipʋ‑dunyʋä 3:3

Wa kä cii‑ nynä ‑mä nyɩkpa döö‑ 'kʋ nä, ‑anyɩ lä. ‑Anyɩ bʋbɔ lä Laagɔ ʋʋ' 'Wugɔɔ 'mnö. ‑Anyɩ, Zozi Klisö‑ ‑a täkpɔ lä 'mʋ nä, ɔmɔ ‑a gëë 'kʋ. ‑Aa lä mii 'nɩ ‑a 'gä ‑a yëku dë 'tɛɛ.

Faic an caibideil

Filipʋ‑dunyʋä 3:8

‑Ɛɛɛ! 'Ylʋzɔɔ' ‑nɩnɩ 'fɩɩn, n kɩ yɩ wloo nä, 'naa ‑za ɩɩ' yɩɔ gba ‑kä. ‑Ɔnöza bhää? N yä Zozi Klisö yibhë, 'nɩ ɔ plöö‑ yɩ 'naa Kwlienyɔ. Ɩ ‑kä 'ŋnö nä, ‑lʋʋ ‑amʋ 'titi yi bhlä kään nä, ʋmʋ nn' 'mänyɩ yɩɔ ‑mä, Zozi Klisö 'mɔ n 'manyɩ yɩ kpänyɩ. N yä yɩ ‑lɔɔ ‑lɩyɩ 'fɩɩn gwë ‑sä. 'Nɩ n wlui yɩ 'sɩɩ nynä ‑paplɩɩ ‑yä Klisö 'mɔ n 'kä yɩ kään.

Faic an caibideil

1 Tesalonikö‑dunyʋä 5:15

A luë ‑kä ‑mä, ɩɩ' ‑kä 'kʋ ‑ŋwa nynä nyɩkpɔ 'titi ‑sä ɔ yëkuu' kpä. A nʋnʋ 'nää 'kɔɔkɔ ‑yä a nʋʋ 'sɩɩ nyɩkpaa 'fɩɩn 'nägägbɩ yëku.

Faic an caibideil

2 Tesalonikö‑dunyʋä 2:13

Bhelie ‑yä bhɛŋwnɩänyɩ‑, anyɩmɔ Kwlienyɔɔ ‑waa lä kpänyɩ nä, ‑a ‑kä 'nɩ ‑a yi 'kɔɔkɔ Laagɔ 'ŋnu fään anyɩa' ‑za. Anyɩ‑ Laagɔ ‑sä lä tɛɛ nynä a 'kä ‑lɔɔ nëë' ‑bha. Kplɔɔkplɔɔ‑wugɔɔ' kplɔɔlɩɩ ‑yä anyɩa' pɔlötɛtɛɛ' ‑nʋawlɛɛ yi gbä 'nɩ a yi ‑lɔɔ nëë' bha.

Faic an caibideil

1 Timotee 5:10

Ɩ ‑ŋwa 'sɩɩ 'kʋ nynä ‑mä 'nägägbɩɩ ɔ ‑nʋ lä nä nyɩkpa yibhënɩ. Wa yibhë sä ɔ ‑klä lä 'yuë, 'nɩ ɔ ‑klä lä lowie, 'nɩ ɔ ‑wɔɔ lä kplɔɔkplɔɔnyʋä ‑kokokpü, 'nɩ ɔ ‑klää 'sɩɩ ŋäzönyʋä nä. Ɩ kʋ yɩ nynä ‑mä 'klüü 'fɩɩn ‑ɩ plöö‑ lä 'nägägbɩɩ nä, ɔ ‑nʋɩ.

Faic an caibideil

1 Timotee 6:19

Wa kä sɔɔ nʋ nä, ‑zee' ‑za, leylüü ‑ɩ nää lä 'nɩ ‑ɩ gwlɛ lä nä, wa yii kään. 'Nɩ wa yi 'pʋpʋɛɛ 'titi 'ni.

Faic an caibideil

Eblëënyʋä 12:14

A tään nynä ‑mä a ‑yä nyɩkpaa 'fɩɩn 'sɔ pää' 'kʋ wɔtɔlɩ 'kä ‑mɔɔ kʋ. Ɩyä a kplɔɔ ‑mä nyɩkpɔ 'nö ‑kplɔɔ nä, ɔɔ' ‑lä Kwlienyɔɔ 'yi 'ni.

Faic an caibideil

Eblëënyʋä 12:23

Laagɔɔ tɛɛtɛɛ‑yua ‑wanö 'ŋnöö‑ ‑jɩjlɔ lä ‑mɔɔ Laagɔduu nä, a yä waa' ‑jlëa yëku 'jloo. Laagɔɔ, ‑ʋ 'gä lä nyɩkpa 'fɩɩn 'tite 'ŋʋ nä, a yʋ yëku 'jloo. 'Yigëënyʋa ‑wanö 'wʋgöö‑ yä lä kplɔɔ wɩa nä, a yʋwa yëku 'jloo.

Faic an caibideil

Eblëënyʋä 13:21

Nä, ‑lɔɔ' Laagɔɔ, ʋ 'nyɩanyɩ 'casɩ ‑yä sa 'fɩɩn‑ nää‑ lä nä, a 'kä sɔɔ nʋ. Ɩyä sʋ ylä lä nä, a 'kä 'sɩɩ sɔɔ nʋ. Ɩyä sä ʋ ‑waa lä nä, ʋ nʋ'anyɩ 'sɔɔ nëëdë Zozi Klisö 'mnö. 'Klʋagba ŋëë Zozi Klisö 'kʋ 'kɔɔkɔɔ' ‑za. Ɩ kʋ sɔɔ!

Faic an caibideil

Zakö 3:2

‑Anyɩ 'fɩɩn kä ‑a bhlü 'focloo' 'cënänä. Nyɩkpɔ kä 'mʋ ‑sää 'nɩ ɔ 'nö 'foclo bhlü nä, ‑lɔɔ' nyɩkpɔɔ kɔ ‑kplɔɔ lä. Ɔ yi mii 'nɩ ɔ yi ɔ yëkuu' 'tiesä yibhë.

Faic an caibideil

1 Pɩɛlö 5:10

‑Mä 'kwlɩnɩ yi'anyɩ bhɩädä kʋ ‑aaa 'nɩ ɩ yi 'tänyɩ nʋ. ‑Mä Laagɔɔ ‑ʋ ‑kä lä ‑wawʋ nä, ʋ yi'anyɩ 'tɛtɩɩ 'ŋʋ. Ʋʋ' 'klʋagba ‑kʋ lä 'kɔɔkɔ nä, amä 'mnö ʋ laa'anyɩ lä nynä a yii Zozi Klisö. Nä ʋmʋ 'titi yi gbä 'nɩ a yi 'mʋ 'tɛmä 'nɩ a yi 'nägäsä 'mʋ 'tɛmä.

Faic an caibideil

2 Pɩɛlö 3:18

Nä, ‑anyɩa Puënyɔɔ ɩyä ‑anyɩa Kwlienyɔɔ' Zozi Klisöö' ‑wawʋʋ ‑yä ɔɔ' yibhëlɩɩ 'mnö a glɛɛ ‑mɔɔ! 'Klʋagba ŋënöɔ 'kʋ ‑zɩkä ɩyä 'kɔɔkɔɔ' ‑za. Ɩ kʋ sɔɔ!

Faic an caibideil

Lean sinn:

Ceanglaichean taic

Sanasan

Sanasan