Bìoball air-loidhne

Filipʋ‑dunyʋä 2:9 - GOD - u2

⁹ Ɩmɩɩ‑ ‑kä 'ŋnö 'nɩ Laagɔ ŋʋɔ‑ lä 'kʋzi‑këkpë 'kʋ. 'Nɩ ʋ ŋʋɔ‑ lä 'ŋnöö ‑lɩɩ ‑ɩ zi lä 'ŋnöö 'fɩɩn 'kʋ nä.

Faic an caibideil Dèan lethbhreac

dol air ais ⬆

Filipʋ‑dunyʋä 2:9
46 Iomraidhean Croise

Matie 11:27

'Nɩ ɔ yi bʋkʋ ci, ɔ lä kä n 'Bä nyɛɛ'ɛ ‑lɩɩ 'fɩɩn. 'Nɩ nyɩkpɔɔ' ‑wʋ 'Bäɔ ‑Yowlio ‑yi, 'nɩ ‑ɔnö 'Bäɔ ‑bhlo. 'Nɩ nyɩkpɔɔ' ‑wʋ 'sɩɩ 'Bäɔ ‑yi 'nɩ ‑ɔnö ɔ ‑Yowlio, ɩyä ‑lɔɔ ɔ ‑Yowli panöɔ‑ lä nä.

Faic an caibideil

Matie 28:18

'Nɩ Zozii yiwa yëku 'jloo, 'nɩ ɔ yiwa soo, ɔ lä kä Laagɔ nyɛɛ'ɛ 'päwaa 'fɩɩn. N ‑kä 'päwä ‑mɔɔ Laagɔduu, 'nɩ n ‑kä 'sɩɩ 'päwä ‑mää ‑dʋdʋkʋ.

Faic an caibideil

Lukö 10:22

'Nɩ ɔ yi bʋkʋ ci ɔ lä n 'Bä nä, kɔ nyɛɛ'ɛ ‑lɩɩ 'fɩɩn. 'Nɩ nyɩkpɔɔ' ‑wʋ ɔ ‑Yowlio ‑yi 'nɩ ‑ɔnö 'Bäɔ ‑bhlo 'coo‑. N nyɩkpɔɔ' ‑wʋ 'sɩɩ 'Bäɔ ‑yi 'nɩ ‑ɔnö ɔ ‑Yowlio‑ ɩyä nyɩkpɔɔ' ‑lɔɔ ‑Yowlio ‑waa lä nynä ‑mä ɔ 'kä 'Bäɔ paa nä.

Faic an caibideil

Zään 13:3

Zozii ‑yi a sɔɔ nynä kɔ 'Bä Laagɔ nyɩɔ‑ bhä ‑lɩɩ 'fɩɩn 'päwä 'kʋ. Ɔ ‑yi a 'sɩɩ sɔɔ nynä Laagɔ yëku ɔ bha nä, ɔ yi bhä ‑mɔɔ 'ylɩbhɔɔ.

Faic an caibideil

Zään 17:11

‑Amʋ nä, nn' yɩɔ ‑mää 'ylʋzɔɔ ‑kʋ, ‑mä wamä nä, wa ‑kʋ ‑lätee 'ylʋzɔɔ. Kä n yi‑i ylä yëku. 'Oo! 'Bä, Kplɔɔkplɔɔ Laagɔ‑! Bheeje, ‑naa 'tɛtɩɩ ‑n nyɛɛ'ɛ lä nä, ɩmɩ 'mnö, ‑n wluwa 'kʋ! Ɩyä sä ‑anyɩ 'sɔ plöö‑ lä ‑bhlo nä, wamä ‑mä 'sɩɩ, wa 'kä sɔɔ ‑bhlo 'plö.

Faic an caibideil

Zään 17:12

'Tänyɩɛ 'mnö n ‑yʋwa 'sɔ ‑kʋʋ bhlä ‑lätee 'kʋ nä, ‑naa 'tɛtɩɩ ‑n nyɛɛ'ɛ lä nä, ɩ ‑gbä 'nɩ n ‑wluwa 'kʋ, 'nɩ waa' nëëdëë' nyɩkpɔɔ' ‑wʋ ‑too. ‑Lɔɔ ‑tɛɛ ‑ɔ 'gä bhlä too nä, ɔmɔɔ‑ ‑too lä, ɩyä sɩ ‑jɩjlɔ lä Laagɔ‑bɔɔgʋʋ 'mnö nä, sɔɔ 'kä glää.

Faic an caibideil

Zään 17:5

‑Pɛpɛɛ nä, 'Bä, ‑n ŋʋ'ʋ yɩ 'naa 'klʋagbaa 'mnö bʋkʋ! 'Kɔɔnʋʋ' ‑lä bhä tee wlʋʋ‑ nä, ɩɩ' 'klʋagbaa n ‑kʋ bhlä 'mnö ‑mɔɔ yëku nä, ‑n ŋʋ'ʋ 'maa yɩ 'mnö bʋkʋ!

Faic an caibideil

Nʋnʋgbɩɩ 5:31

Laagɔ gblɔɔ‑ 'nɩ ʋ ‑fɔɔ ʋ yëku yëku, ʋʋ' 'päwaa 'mnö. Ʋ ‑gbä 'nɩ ɔ ‑zi 'kʋ nynä 'Loyo ‑yä Puënyɔ. Ɩ 'kä 'ŋnö kään ‑yä 'Yizlɛnyʋä 'kä waa' nʋnʋgbɩɩ 'cɩcɩ ‑yä waa' nyenyii 'kä cienöɔ.

Faic an caibideil

Efɛzɩ‑dunyʋä 1:10

Kä Laagɔ ŋʋʋ‑ bhlä 'tänyɩnɛ nynä ‑lɔɔ' 'tanyɩɛ kä ‑ŋëë nä, ʋ yii bhä nʋ. Nä, ‑lɩɩ 'fɩɩn‑ ‑kʋ lä ŋɔkʋ nä, ɩyä ‑lɩɩ 'fɩɩn‑ ‑kʋ lä ‑mää ‑dʋdʋkʋ nä, Laagɔ kɩ yɩ 'fɩa däbhloo' 'wlu 'wlää nä, ʋ yii 'cifi ‑bhlo 'kämädä 'nyɛ. ‑Lɔɔ' 'cifio nä, ɔmɔɔ plöö‑ lä Klisö.

Faic an caibideil

Kolɔsʋ‑dunyʋä 1:18

Kä 'cɔcɩɛ ‑kʋ lä nynä nyɩkpɔɔ' 'yäkö‑bhëa 'Nɩ Klisö plöö‑ lä ‑lɔɔ' 'yɛkɛɛ' 'wlu. Ɔmɔɔ‑ plöö‑ lä 'sɩɩ zëkpëa' ciedä. Ɔmɔɔ‑ plöö‑ lä 'sɩɩ nyɩkpɔɔ' lɔɔ‑ ‑glɔɔ lä tɛɛ 'kuëë nä. Ɩmɩɩ‑ ‑kä 'ŋnö 'nɩ ɔ ‑zi lä 'kʋ dää 'fɩɩn.

Faic an caibideil

2 Tesalonikö‑dunyʋä 1:12

‑Nɩnɩ yi gbä 'nɩ ‑anyɩa Kwlienyɔɔ Zozii, nyɩkpa yio 'ŋnu fään anyɩa' ‑za. 'Nɩ ɔmɔ ‑mä 'sɩɩ, ɔ yi gbä 'nɩ, wa yi'anyɩ 'ŋnu fään. ‑Nɩnɩ 'fɩɩn nä, ‑anyɩa Laagɔɔ ɩyä Kwlienyɔɔ Zozi Klisöö' ‑bɔɔ 'nɩ ɩ 'kä lä sɔɔ kʋ 'plö.

Faic an caibideil

Eblëënyʋä 1:4

Laagɔ ‑Yowli nä, kɔ zi ‑Laagɔzizii 'fɩɩn. Ɩmɩɩ‑ ‑kä 'ŋnö 'nɩ Laagɔ ŋʋɔ‑ lä 'ŋnö. 'Ŋnöö' lɩɩ‑ 'ghlü 'nɩ ‑ɩ zi lä ‑Laagɔzizii 'fɩɩn 'ŋnöö nä, ɩmɩ Laagɔ ŋʋɔ‑ lä.

Faic an caibideil

Eblëënyʋä 1:9

'Yigëëgbɩɩ 'mɩ ‑n ‑waa lä, Bʋkʋ 'nɩ, ‑n ‑yi 'nɩ ‑n ‑zɔɔ lä nyenyi. Ɩ ‑kä 'ŋnö 'nɩ, 'oo! ‑mɔɔ plöö‑ lä Laagɔ nä, Laagɔ yä‑ä ‑sä, 'Nɩ ‑n ‑liesɩɩ 'fɩɩn nëëdë nä, ʋ ŋʋʋ‑ ‑naa dä 'Nɩ ʋ yi‑i ‑jäkaa' 'kpüü 'wlu bʋä.

Faic an caibideil

Eblëënyʋä 12:2

A ‑ya wloo yɩ 'kɔɔkɔ Zozii ‑mä ɔmɔɔ‑ gbä 'nɩ pɔlötɛtɛ yi lä, 'nɩ ɔmɔɔ‑ gbä lä 'sɩɩ 'nɩ ɛ kplɔɔ lä wɩa. Ɔmɔ, ɔɔ' ‑wʋ zoo 'mänyɩ 'nɩ ɔ ŋoo‑ lä 'nɩ ɔ 'kuu‑ lä 'kusu 'yii. ‑Ɔnöza bhää? ‑Mɔɔ 'yikʋʋ ‑pʋpɛɛ‑ yi bhlä nä, ɔ nie bhä 'yi. ‑Pɛpɛɛ nä, ɔ ‑kʋ yɩ 'Päwö kää Laagɔɔ' lüüklä 'kʋ sä.

Faic an caibideil

Eblëënyʋä 2:9

‑Mä ‑lɔɔ Laagɔ ‑gbä lä 'nɩ 'tänyɩ ‑kʋ ‑lɔɔ 'nɩ ‑Laagɔzizii ‑zio bhlä 'kʋ 'pɛpɛlɩä 'nɩ, wa laa lä Zozii nä, ‑a nio yɩ 'yi 'nɩ, 'klʋkpaa ‑yä 'klʋagba ‑kʋɔ yɩ 'wlu nynä 'leyi‑wugblë. 'Kwiee nyäkälɩɩ 'fɩɩn ɔ nii‑ lä nä, ɩmɩɩ‑ ‑gbä lä 'nɩ ɔ ‑kʋ ylä sɔɔ. Laagɔ‑ ‑bɔɔ 'nɩ, ɔ kuu‑ lä ‑lɔɔ' 'kwie nyɩkpa 'fɩɩn ‑za.

Faic an caibideil

1 Pɩɛlö 3:22

Klisö gblää‑ lä Laagɔduu' nä, kɔ ‑kʋ yɩ Laagɔɔ' lüüklä 'kʋ sä. ‑Mɔɔ ɔ ‑kʋ 'nɩ ɔ 'kämä ylä ‑Laagɔzizii ɩyä 'päwö‑käälɩɩ ‑yä 'tɛtɩ‑käälɩɩ 'fɩɩn.

Faic an caibideil

2 Pɩɛlö 1:17

‑Ɛɛɛ, kä ɔ 'Bä Laagɔ nyɩɔ‑ ʋʋ' 'klʋkpaa ‑yä ʋʋ' 'klʋagba. Kä nuwälɩ ‑ghlää‑ Laagɔɔ' 'klʋagba 'mnö 'nɩ ɩ cii‑ ɔɔ' ‑za, ɩ lä ‑nɔnɔ 'mɔɔ‑ plöö‑ lä 'naa ‑Wawayuo, ɔɔ' plɛkʋ mɛnö'ö kpänyɩ!

Faic an caibideil

3 Zään 1:7

Klisöö' lebhee' ‑za wa ‑bha lä 'kʋ 'nɩ wa ‑mʋ lä. Wa 'kä lä mʋ nä, waa' ‑wʋ nyɩkpaa‑ ‑wʋ lä Laagɔ ‑yi nä, lʋʋ 'ylää‑.

Faic an caibideil

'Yii Ghlä‑wälɩ 1:5

Ɩyä Zozi Klisö 'titi, ‑ɔ plöö‑ lä Laagɔɔ' ‑dläfʋɛlünyɔ 'kɔɔkɔɔ ‑za nä, ɔ 'nyɩanyɩ ‑lɔɔ' 'nää ‑yä ‑lɔɔ' 'kʋ wɔtɔlɩɩ! Ɔmɔɔ‑ plöö‑ lä 'sɩɩ nyɩkpɔɔ' lɔɔ‑ ‑glɔɔ lä tɛɛ 'kuëë nä. 'Nɩ ɔmɔɔ‑ plöö‑ lä 'sɩɩ ‑mää 'ylʋzɔɔ 'loyua 'fɩɩn waa' 'loyo. Klisö nä, kɔ wamänö‑anyɩ 'nɩ ɔ ‑ghlää ɔɔ' doluu 'mnö 'nɩ ɔ ‑sanyɩ ‑anyɩa nyenyii' ‑säklöö 'mnö.

Faic an caibideil

'Yii Ghlä‑wälɩ 11:15

'Nɩ ‑ngbɔɔsɔna ‑Laagɔzuzu yi ʋʋ' läglɛɛ nyämʋʋ' 'pä. 'Nɩ nuwälɩ lɩɩ‑ ‑kä lä 'sää 'tɛtɩ kpänyɩ nä, ɩ ‑ghlää ‑Laagɔduu' 'nɩ ɩ cii‑, ɩ lä 'ylʋzɔɔ 'leyibhlɩɩ 'fɩɩn 'päwaa nä, ‑anyɩa Kwlienyɔɔ Laagɔ ɔ ‑yä ɔɔ' lobho lobhonyɔ Klisö, wamää‑ ‑kaa ylä 'kɔɔkɔɔ ‑za.

Faic an caibideil

'Yii Ghlä‑wälɩ 19:16

‑Mä ɔɔ' 'kotuklëa ‑yä ɔɔ' bhoo yëku nä, wa ‑jɩjlä bhä ‑lɔɔ 'ŋnö, ɩmɩɩ‑ plöö‑ lä, 'loyuaa' 'Loyoo, ‑yä kwlienyʋaa' Kwlienyɔɔ.

Faic an caibideil

'Yii Ghlä‑wälɩ 3:21

Sä 'naa sɔɔ ‑zi lä 'kʋ, 'nɩ n ‑yä n 'Bä 'sɔ ‑kʋ lä ɔɔ' 'leyi‑këpëa 'kʋ sä nä, sɔɔ ‑säkä ‑säkä, nyɩkpɔɔ' ‑lɔmɔ ‑ɔnö sɔɔ‑ yi lä 'kʋ zi nä, n ‑yɔsɔ yi 'naa 'leyi‑këkpëa 'kʋ sä kʋ.

Faic an caibideil

'Yii Ghlä‑wälɩ 5:12

‑Mä ‑Laagɔzizinɩ bhlɩ bhä 'nɩ ɩ ci bhä nynä ‑mä, ‑Ɛɛɛ, 'Bhabhlöyuo wa ‑sää lä 'cibhie 'kʋ nä, Ɔmɔɔ‑ ‑ŋwa lä 'kʋ nynä ‑mä, ɔ kään 'päwaa 'fɩɩn, ‑Ɛɛɛ, ɔ kään leylüü 'fɩɩn, ‑yä ɔ bhɛɛ dɩgälɩɩ 'fɩɩn. ‑Ɛɛɛ, ɔ kään 'tɛtɩɩ 'fɩɩn, ‑yä 'klʋkpaa 'fɩɩn. Ɩyä 'klʋagbaa ‑yä 'ŋnumʋlɩ plöö‑ ɔɔ' dä!

Faic an caibideil

Lean sinn:

Ceanglaichean taic

Sanasan

Sanasan