Bìoball air-loidhne

Filipʋ‑dunyʋä 2:6 - GOD - u2

⁶ Klisö nä, kɔ ‑yä Laagɔ 'sɔ ‑bhlü. Ɔ ‑glö bhä 'kɔɔkɔ Laagɔ, ‑Mä ɔ ‑yä Laagɔ 'sɔɔ 'yigëlɩɩ nä, Ɔ 'nɩɩ ‑wʋ luëzüü' ‑plää nynä ‑mä 'Sëëti, ɔmɔɔ‑ plöö‑ Laagɔ.

Faic an caibideil Dèan lethbhreac

dol air ais ⬆

Filipʋ‑dunyʋä 2:6
37 Iomraidhean Croise

Matie 1:23

Ɔ cii‑ bhä nynä 'Ŋnɔ ‑bhlo ‑kʋ ‑lɔɔ 'nɩ Ɔ ‑yä ŋwadii' ‑lä yëkuu mʋʋ 'nɩ, Ɔ yi 'gʋ plä. Ɔ yi 'yuŋwadi gään. 'Yuo 'mɔ wa 'kä lä Emanʋwɛɛ laa. Emanʋwɛɛ‑ŋnöö kɩ sä lä ‑zɔɔ nynä Laagɔ ‑kʋ‑anyɩ nëëdë.

Faic an caibideil

Zään 1:18

Nyɩkpɔɔ' ‑läzä Laagɔ 'yi 'ni, ‑mä Laagɔ ‑Yowlio ‑bhlo 'coo, ‑ɔ ‑bha lä 'Bäɔ yëku nä, ɔmɔɔ‑ ‑gbä 'nɩ nyɩkpaa ‑yibhë Laagɔ.

Faic an caibideil

Zään 10:30

'Nɩ 'Bäɔ ‑yä ‑amʋ 'sɔ nä, ‑a ‑glö ‑bhlo.

Faic an caibideil

Zään 10:33

Wlä 'nn! ‑Ɔɔ ‑wʋ sä ‑n ‑nʋ 'nägä‑lebhe nä, 'ɩzä ‑a 'gä‑ä 'bhlä ‑mä kä ‑n 'bhɩsɛ‑ Laagɔ nä, 'ɩzä ‑a 'gä‑ä lä 'bhlä. ‑Mɔɔ, ‑n ‑glö ‑anyɩ 'bhisäkʋ nyɩkpɔ, 'nɩ ‑n laa ‑n yëku Laagɔ.

Faic an caibideil

Zään 10:38

'Nɩ n kä n 'sɩɩ n 'Bää lebhee nʋ, 'nɩ a 'nö ‑zi 'naa pɔlötɛtɛ ‑kä ‑o, lebhee n yä lä nʋ nä, a kään ɛɛ' pɔlötɛtɛ. ‑Lɔɔ a yi lä sɔɔ yibhë nynä ‑mä n ‑yä n 'Bä 'sɔ kä ‑a 'jɛnyɩ‑.

Faic an caibideil

Zään 14:28

N cii‑ lä nynä kä n mʋ lä ‑mä n yi'anyɩ bʋkʋ yëku yi nä, a nuu‑ sɔɔ nä? A kä'ä ‑waa nä, ‑pʋpɛ ga'anyɩ lä 'bhlä! ‑Ɔnöza bhää? 'Bäɔ ‑ɔ 'ghlü 'nɩ ‑ɔ ‑zi'i lä nä, kä n mʋɔ ylä yëku.

Faic an caibideil

Zään 14:9

'Nɩ Zozii yio soo, ɔ lä Filipʋ‑, n ‑yä anyɩ 'sɔ ‑kʋʋ lä 'kʋ nä, ‑lɔɔ yä 'mʋ gwlɛɛ, 'nɩ ‑n nö'ö ‑lätee ‑yibhë ‑a? ‑Ɔ gä'ä 'yi nii‑ nä, ɔ yä 'Bäɔ 'yi 'ni. Nä, sɩ ‑kʋ bhä 'nɩ ‑n ci bhä nynä ‑n panö‑anyɩ 'Bäɔɔ?

Faic an caibideil

Zään 17:5

‑Pɛpɛɛ nä, 'Bä, ‑n ŋʋ'ʋ yɩ 'naa 'klʋagbaa 'mnö bʋkʋ! 'Kɔɔnʋʋ' ‑lä bhä tee wlʋʋ‑ nä, ɩɩ' 'klʋagbaa n ‑kʋ bhlä 'mnö ‑mɔɔ yëku nä, ‑n ŋʋ'ʋ 'maa yɩ 'mnö bʋkʋ!

Faic an caibideil

Zään 20:28

Tomaa lä ‑mɔɔ ‑ɔ plöö‑ lä 'naa Kwlienyɔ ‑yä 'naa Laagɔ!

Faic an caibideil

Zään 5:18

Ɔ cii‑ lä sɔɔ nä, kä 'Zufʋnyʋaa' 'cifinyʋa tään bhɛ 'titi nynä wa 'kɔ 'bhlä. Ɔ ‑sä bhlä Sabaa‑gwlɛylʋʋ 'gbä nä, ‑ɔɔ bhɛ 'ɩza ‑bhlogbee‑ ‑mä, ɔ ci bhlä 'sɩɩ nynä ɔ 'Bää‑ plöö‑ Laagɔ, 'nɩ ɔ nyäkanʋ bhlä ɔ yëku 'kʋ nä, 'ɩzä wlä wa 'kɔ bhlä 'bhlä.

Faic an caibideil

Zään 5:23

Ɩyä nyɩkpaa 'fɩɩn, sä wa ŋʋ lä 'Bäɔ 'klʋkpää nä, wa 'kä 'sɩɩ sɔɔ ɔ ‑Yowli 'klʋkpää 'ŋʋ. Nyɩkpɔɔ' lɔɔ ‑ɔɔ 'ŋʋ ‑wʋ lä Laagɔ Yowli 'klʋkpää' nä, 'Bäɔ ‑ɔ ‑lobhuo lä nä, ɔmɔ ‑lɔɔ' nyɩkpɔɔ' 'ŋʋ ‑wʋ lä 'sɩɩ 'klʋkpää'.

Faic an caibideil

Wlɔmʋ‑dunyʋä 9:5

Wa plöö‑ bhä tɩtɩää' ‑lʋa mʋ bhlä 'ŋnu nä, waa' 'lɔlʋnyʋä. 'Nɩ 'lɔlʋnʋ 'mnö, ‑mɔɔ wa ‑gänö lä Klisö. Klisönɔ nä, kɔ ‑zi 'kʋ ‑lɩɩ 'fɩɩn 'mnö. 'Nɩ ɔ ‑yi 'nɩ ɔ plöö‑ 'sɩɩ Laagɔ, 'nɩ ɔ ‑kä 'nyupälɩ 'kɔɔkɔɔ ‑za. Ɩ kʋ sɔɔ!

Faic an caibideil

2 Kolɛtɩ‑dunyʋä 4:4

'Dëvlo yä waa' bhobhowluu 'yikʋ wlä nä, waa' ‑wʋ pɔlötɛtɛ ‑kä. Ɩ gbä 'nɩ waa' 'ni yɩɔ Klisöö' 'Nägädöö' 'klʋagba 'yi. Klisö nä, ɔmɔɔ‑ plöö‑ lä Laagɔɔ' 'wlʋʋnyɔ.

Faic an caibideil

2 Kolɛtɩ‑dunyʋä 8:9

Sä ‑anyɩa Kwlienyɔɔ Zozi Klisö nyɛ lä nä, a ‑yi sɔɔ. Ɔmɔ mɔɔ ‑ɔ ‑kä bhlä lɩ nä, kɔ ‑sä yëku 'nɩ ɔ nyɛɛ‑. 'Nɩ ɔ yi ŋäzönyɔɔ' 'plöö anyɩa' ‑za. Kɔ ‑nʋ lä sɔɔ ‑yä, ɔɔ' ŋäzöö 'kä yɩ gbä ‑yä a 'kä lɛkäänyʋä 'plö.

Faic an caibideil

1 Timotee 1:17

Laagɔ, Ʋmʋ mʋ ‑ʋ plöö‑ lä 'Loyoo 'kɔɔkɔɔ ‑za nä, Ʋmʋʋ mʋʋ ‑ʋʋ ‑lä lä 'kɔɔn 'nɩ 'kɔɔn 'ku nä, 'Nɩ ʋmʋ mʋ nyɩkpɔɔ' 'ni ‑wʋ lä 'yi nä, Ʋmʋ ‑bhlo 'coo‑ plöö‑ lä Laagɔɔ nä, Nyɩkpaa 'fɩɩn 'ŋʋʋ 'klʋkpää, Ɩyä wa fänʋ 'ŋnu ‑Zɩkä ‑yä 'kɔɔkɔɔ' ‑za! Ɩ kʋ sɔɔ.

Faic an caibideil

1 Timotee 3:16

'Zaazɩ, wälɩɩ‑ ‑zizio lä pɔlötɛtɛɛ 'mnö nä, kɩ 'ghlü. Klisö nä, ‑Mää ‑dʋdʋkʋ Kɔ pana‑ ɔ yëku nynä nyɩkpɔ. 'Nɩ Kplɔɔkplɔɔ‑wugɔɔ pana‑ 'sɩɩ nynä Ɔ ‑glö nyɩkpɔɔ' lɔɔ‑ gëë‑ lä 'yi nä. ‑Laagɔzizi nio 'sɩɩ 'yi. 'Nɩ nyɩkpa ‑sää ɔɔ' 'döö 'ylʋzɔɔ' dää 'fɩɩn. 'Nɩ 'ylʋzɔkʋnyʋä ‑kä ɔɔ' pɔlötɛtɛ. 'Nɩ ‑mɔɔ Laagɔduu' Laagɔ bhlüo 'kʋ 'Nɩ ʋ yio ʋʋ' 'klʋagba 'mnö 'ŋʋ.

Faic an caibideil

Titö 2:13

‑A 'gä sɔɔ kʋ ‑aaa, ‑yä Laagɔɔ' ‑jlɔylʋʋ ‑a ‑bɛɛ lä nä, ʋ 'kä ŋëë. Ylʋʋyɩ 'kʋ nä, ‑anyɩa Puënyɔɔ Zozi Klisö ‑ɔ plöö‑ lä Laagɔ 'kädʋʋ ‑a bʋbɔ lä nä, ɔ yi ɔɔ' 'klʋagba 'mnö yii.

Faic an caibideil

Eblëënyʋä 1:3

Laagɔ ‑Yowlinɔ nä, ɔ bhɛɛ‑ Laagɔɔ' 'klʋagba 'fɩɩn ‑a lie lä nä. Kɔ ‑kʋ lä nynä Laagɔ 'titi. 'Nɩ, ɔɔ' ciciwälɩɩ 'päwaa ‑yi 'nɩ a bhɛɛ‑ 'kɔɔnʋ. Ɔ yä 'ylʋzɔkʋnyʋä kpɔlʋä, ɔ ‑yʋwa waa' nyenyii yëku ‑sä. 'Nɩ ɔ ‑kʋ yɩ ‑mɔɔ ŋäkʋ fɛɛn fɛɛn, ‑mɔɔ Laagɔduu'. Ɔ ‑kʋ ‑mɔɔ 'päwö 'kädö ‑kään Laagɔɔ' lüüklä 'kʋ sä.

Faic an caibideil

Eblëënyʋä 1:6

'Nɩ bʋkʋ, Laagɔ ‑lä lä ʋʋ' Tɛɛtɛɛ‑yuo ‑mää 'ylʋzɔɔ nä, kʋ cii, ʋ lä ‑Laagɔzizii 'fɩɩn bʋbɔnöɔ.

Faic an caibideil

Eblëënyʋä 1:8

'Nɩ ʋ cii‑ 'sɩɩ ʋ ‑Yowlii' ‑za, ʋ lä 'Oo Laagɔ‑! ‑Naa 'leyi‑këkpëa nä, ka ‑kʋ lä 'kɔɔkɔɔ ‑za. ‑Naa 'yigëgbɩɩ nä, Ɩmɩɩ‑ plöö‑ lä ‑naa 'leyi ‑kpämä.

Faic an caibideil

Eblëënyʋä 13:8

Zozi Klisö nä, sä ɔ ‑kʋ bhlä zëkü nä, sɔɔ ɔ ‑kʋ lä ‑zɩkä, 'nɩ sɔɔ ɔ 'kä lä kʋ 'kɔɔkɔ ‑za.

Faic an caibideil

'Yii Ghlä‑wälɩ 21:6

'Nɩ ɔ yi bʋkʋ soo, ɔ lä ɩ yä ‑zɔɔ bhɩɔ! ‑Amʋʋ‑ plöö‑ lä Alöfa ‑yä Omega. ‑Amʋʋ‑ ‑kʋ lä cieda ‑yä bhɩända. Lɔɔ' 'mnätʋ kä 'bhlä nä, 'pʋpʋɛɛ 'nyuu glu ‑bhäändä, n yio ‑lɔɔ 'nyu 'nyɛ 'flɛ, 'nɩ ɔ yi 'mnä.

Faic an caibideil

Lean sinn:

Ceanglaichean taic

Sanasan

Sanasan