Bìoball air-loidhne

Filipʋ‑dunyʋä 2:3 - GOD - u2

³ Aa' tään ‑lä nynä anyɩ ‑bhlo 'gä 'ni. Aa' tään ‑lä nynä anyɩ ‑bhlo nyɩkpa lä wloo. A ‑lä a yëku ‑dʋdʋkʋ. A kä ‑lɔɔ ‑kʋ nä, a bhobho nynä ‑mä, a ‑liesɩ kään gbʋ 'nɩ wa zi'anyɩ.

Faic an caibideil Dèan lethbhreac

dol air ais ⬆

Filipʋ‑dunyʋä 2:3
24 Iomraidhean Croise

Lukö 18:14

Zozii lä n sonö'anyɩ nynä ‑mä, lapoo‑ylänyɔnɔ ‑bhibhie lä sɔɔ nä, kä Laagɔ ŋoo‑ ɔɔ' bhibhie 'kʋ, 'nɩ ɔ yi gbëë' mʋ. ‑Mä Falizɩɛyuo, Laagɔɔ' ‑wʋ ɔɔ' bhibhie 'kʋ ŋoo‑. Nä, nyɩkpɔ kɔ yëku 'kʋ bhɛlɩä nä, Laagɔ yio ‑dʋdʋkʋ ‑lä. Ɩɩ ‑zä kä nyɩkpɔ kä ɔ yëku ‑dʋdʋkʋ ‑lä nä, Laagɔ yio 'kʋ bhɛlɩä.

Faic an caibideil

Wlɔmʋ‑dunyʋä 12:10

A wamä ‑wamä anyɩa' pɔlöö 'yi nynä 'cɔcɩɩ' bhelie ‑yä bhɛŋwnɩä. A 'ŋʋŋʋ kpänyɩ 'klʋkpää.

Faic an caibideil

Wlɔmʋ‑dunyʋä 13:13

A ‑ya nää nynä zëlügää' nämʋnyʋä. ‑Aa 'plö ‑läyɩ ‑leegbi lünyʋä. ‑Aa 'plö lä nʋgbii' 'mnänyʋä ‑yä nʋ 'ka‑anyɩ 'bhlä. ‑Aa nʋ ‑läyɩɔ 'klʋtɛtʋgbɩ. ‑Aa nää ‑läyɩɔ ‑käpä ‑käpä. ‑A ‑taa yɩ 'kʋ bhläälɩɩ ‑yä luëzüü 'yi.

Faic an caibideil

Wlɔmʋ‑dunyʋä 2:8

‑Mä nyɩkpaa' ‑lʋa cɩcɩɔ lä Laagɔ 'yii nä, 'nɩ ‑waa 'ŋʋ ‑wʋ lä ‑nʋawlɛɛ 'klʋkpää nä, 'nɩ ‑wa taa lä wa yëku 'yi 'nɩ gbenyenyii 'tie lä nä, plɛkʋ yi Laagɔ si 'nɩ ʋ yiwa ʋʋ' gbʋgblɛɛ 'kʋ fään.

Faic an caibideil

1 Kolɛtɩ‑dunyʋä 15:9

Kwlienyɔɔ' lobho lobhonyʋa 'fɩɩn, ‑amʋʋ‑ plöö‑ lä waa' nëëdë ‑lɛ 'tɩkɩɩlɛɛ. 'Nɩ nn' ‑wʋ 'kʋ ‑ŋwa nynä ‑mä wa lä'ä Kwlienyɔɔ' lobho lobhonyɔ. ‑Ɔnöza bhää? Kpänyɩ n nyɛɛ‑ Laagɔɔ' 'cɔcɩɛ nyäkälɩ.

Faic an caibideil

1 Kolɛtɩ‑dunyʋä 3:3

‑Ɔnöza bhä? kä luëzü ‑yä cice 'sɔ ‑kʋ'anyɩ ‑lätee nëëdë nä, aa' ‑lätee 'cɩcɩ. Ka pana lä nynä ‑mää 'ylʋzɔɔ' nyɩkpa 'bhisäkʋ a ‑kʋ ‑lätee. Yio ‑a?

Faic an caibideil

2 Kolɛtɩ‑dunyʋä 12:20

N yi'anyɩ lä bʋkʋ yëku nä, n ‑guu yɩ wälɩklë ‑bhlo 'kʋ. Amää‑ plöö‑ lä nynä ‑mä, n kä ‑yi nä, sä n tänönö'anyɩ lä 'mʋ nä, n yi'anyɩ bhä sɔɔ 'mʋ 'nii ‑a? 'Nɩ anyɩ ‑mä 'sɩɩ, sa tänönö'ö lä 'mʋ nä, a yi'i bhä sɔɔ 'mʋ 'nii ‑a? Nn' ‑wʋ ‑waa nynä ‑mä n ŋënö'anyɩ 'kʋ bhläälɩɩ 'mnö. Nn' ‑wʋ 'sɩɩ ‑waa nynä ‑mä n ŋënö'anyɩ luëzüü 'mnö, ɩyä n ŋënö'anyɩ gbʋgblɛɛ 'mnö. Nn' ‑wʋ ‑waa nynä ‑mä n ŋënö'anyɩ cicee 'mnö, ɩyä n ŋënö'anyɩ nyɩkpaa' kpʋkpɔlɩɩ 'mnö. Nn' ‑wʋ ‑waa nynä ‑mä n ŋënö'anyɩ gbenyenyisaa' 'mʋ ‑säälɩ nëë', ɩyä n ŋënö'anyɩ täkpɔlɩɩ 'mnö. Nn' 'ylä ‑wʋ 'sɩɩ nynä n ŋënö'anyɩ bhusulɩɩ 'mnö.

Faic an caibideil

Galatɩnyʋä 5:15

Nä, anyɩa' nʋnʋgbɩ kä ‑kʋ nynä 'klää mna, 'nɩ a kä mnü ‑mnü, 'nɩ a kä lü ‑lü nä, a luë ‑mä a yëku‑ a 'kä ‑klää nuë ‑a.

Faic an caibideil

Galatɩnyʋä 5:26

‑Aa täkpɔ ‑lä ‑yä, ‑aa 'pää ‑pää ‑lä ‑bli 'kʋ, ɩyä luëzüü' ‑kʋ‑anyɩ ‑lä nëëdë!

Faic an caibideil

Efɛzɩ‑dunyʋä 4:2

A ‑lä a yëku ‑dʋdʋkʋ! A wɔtɔmä plɛ ‑yä a yibhë ‑bɛɛsä. Ɩyä anyɩa' 'kʋʋ nyɩkpɔ nyɩkpɔ yibhë ɔ ‑liee' kläsä ‑wawʋʋ 'mnö!

Faic an caibideil

Efɛzɩ‑dunyʋä 5:21

Anyɩmɔɔ‑ ‑kä lä Klisöö' 'klʋkpää nä, a 'ŋʋŋʋʋ 'klʋkpää.

Faic an caibideil

Filipʋ‑dunyʋä 2:14

‑Lɩɩ 'fɩɩn a nʋ lä nä, a nʋɩ ‑yä aa' 'ŋuŋuë lä 'mnö. Aa' cɩcɩɔ ‑lä 'sɩɩ.

Faic an caibideil

Kolɔsʋ‑dunyʋä 3:12

Nä, a ‑glö yɩ Laagɔɔ' nyɩkpa. Kä Laagɔ ‑sa'anyɩ 'nɩ ʋ ‑wamänö'anyɩ lä. Nä a kään ŋäzö pleyii, ɩyä a namä plɛkʋ. Aa' täkpɔ ‑lä. A wɔtɔmä plɛ ‑yä, a yibhë ‑bɛɛsä.

Faic an caibideil

Kolɔsʋ‑dunyʋä 3:8

‑Mä 'tänyɩnɛ 'mnö nä, a ‑taa yɩ ‑lɔɔ' zëkpëa 'yi! Ggbʋgblɛɛ, dëbëa, ‑abhlɛɛ, nyɩkpaa' kpʋkpɔlɩɩ, ɩyä 'klʋtɛtʋ‑wälɩɩ' cilɩɩ nä, a ‑tanɩ yɩ 'yi!

Faic an caibideil

1 Timotee 6:4

‑Lɔɔ' nyɩkpɔɔ ‑glö täkpɔ täkpɔnyɔ. Nä, ɔɔ' täkpɔlɩɩ gbä yɩ 'nɩ ɔɔ' 'ni ‑wʋ sä. Kä ɔɔ' ‑wʋ lä lʋʋ ‑yi. Ɔ 'nö cɛɛlɩ ‑yä 'kʋ bhläälɩ 'sɔ 'mnö ‑kʋ nä, ɔɔ' ‑wʋ ‑yä. ‑Nɩnɩ 'mɩɩ‑ lä lä luëzüü, ‑yä cice ɩyä nyɩkpaa' 'luglulɩɩ. Ɩmɩɩ‑ gbä 'nɩ nyɩkpɔ bhobho lä ɔ ‑liee' nyenyi.

Faic an caibideil

1 Pɩɛlö 3:8

‑Nɩnɩ 'fɩɩn ɩɩ' bhlüüda 'mää‑ plöö‑ lä nynä ‑mä, a kään bhobhowluu ‑bhlo ‑yä a kään ŋäzöplɛ ‑yä a wamä ‑wamä bhelie ‑yä bhɛŋwnɩä 'bhisäkʋ. A namää plɛkʋ ‑yä a 'nä täkpɔ ‑lä.

Faic an caibideil

1 Pɩɛlö 5:5

Anyɩmɔɔ‑ plöö‑ lä ‑mɔɔ 'cɔcɩɛ 'mnö nyëblii nä, a 'ŋʋ 'cɔcɩɛɛ' nëkʋʋ' kʋnyʋa 'klʋkpää! Ɩyä a ‑liesɩɩ nëedë, 'fɩɩn a ‑lä a yëku ‑dʋdʋ ‑mä, Nyɩkpaa' ‑lʋa ‑wa täkpɔ lä nä, Laagɔɔ' ‑tanʋwa ‑wʋ 'yi 'nɩ wa 'kä 'kʋ 'plöö. ‑Mä ‑wa lä lä wa yëku ‑dʋdʋkʋ nä, Kä Laagɔ nyɩwa 'nää.

Faic an caibideil

Lean sinn:

Ceanglaichean taic

Sanasan

Sanasan