Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 2:29

Filipʋ‑dunyʋä 2:29 - GOD - u2

²⁹ Ɔ kä ‑yi nä, sä wa gboo lä 'cɔcɩ‑bheli 'kʋ nä, a gbonöɔ sɔɔ 'kʋ ‑pʋpɛsä. Epafloditö 'bhisäkʋʋ' nyɩkpa‑cëa nä, a 'ŋʋwa kpänyɩ 'klʋkpää.

Faic an caibideil Dèan lethbhreac

dol air ais ⬆

Filipʋ‑dunyʋä 2:29
21 Iomraidhean Croise

Lukö 9:5

A kä dä mʋ 'nɩ ‑lɔɔ' nyɩkpaa nö'anyɩ 'kʋplädä nyɛɛ‑ nä, a kä ‑lɔɔ ‑bhadä ‑kʋ nä, a gbɔtɔɔ ‑lɔɔ anyɩa' ‑kokokpü ‑zɔɔ' ‑bhabhuu! Ɩmɩɩ‑ 'gä lä anyɩa' ‑dläfʋɛ lü nynä ‑mä, a ‑gblɩmänʋwa bhä.

Faic an caibideil

Zään 13:20

Kä n sonö'anyɩ lä ‑nʋawlɛɛ 'mnö nynä nyɩkpɔɔ' lɔɔ n ‑lobho lä nä, ‑ɔ gɔ 'nägäsä ‑klä nä, ‑amʋ ɔ ‑klä lä 'nägäsä. 'Nɩ ‑ɔ gä'ä 'sɩɩ 'nägäsä ‑klä nä, ‑ɔ ‑lobho'o lä nä, ɔmɔ ‑lɔɔ' nyɩkpɔɔ ‑klä lä 'nägäsä.

Faic an caibideil

Nʋnʋgbɩɩ 2:46

'Nɩ ylɩɩ 'fɩɩn 'kʋ wa 'ŋʋʋ bhä 'kʋ 'nɩ wa yi Laagɔ‑bhutuu 'Kädʋʋ 'mnö bʋbɔ ‑kää. 'Nɩ waa 'gbüü 'mnö, wa lüü bhä 'kʋ ‑jäkaa 'mnö ɩyä pɔlöwätɛɛ 'sɔ 'mnö.

Faic an caibideil

Nʋnʋgbɩɩ 28:10

Malɩtöö' ji‑lëkpëa 'mnö nyɩkpaa nä, wa ŋʋʋ‑anyɩ sää 'titi 'klʋkpää. ‑A 'gwa lä yëku ‑bha nä, ‑lɛɛ bhtukpä, ɩɩ' lɩɩ‑ yi‑anyɩ bhlä ‑blɔkʋ klää nä, wa nyɩ‑anyɩmɩ.

Faic an caibideil

Nʋnʋgbɩɩ 8:8

Ɩ ‑kä 'ŋnö nä, 'duu 'mnö nyɩkpaa 'fɩɩn, ‑pʋpɛ bhlʋwa‑ kpänyɩ.

Faic an caibideil

Wlɔmʋ‑dunyʋä 10:15

'Nɩ sä wa yi bhä ɔɔ' 'döö bie ‑kää mʋʋ? nyɩkpɔ 'nʋwa ‑kä 'gää ‑lobho. Ɩ ‑jɩjlɔ Laagɔ‑bɔɔgʋʋ 'mnö nynä ‑mä, Nyɩkpaa' ‑lʋa ‑wa bie lä 'nägädöö nä, waa' ‑kokokpüü' ‑wʋ nanɔɔ' 'bɛ!

Faic an caibideil

Wlɔmʋ‑dunyʋä 16:2

Nä, sä wa gboo lä 'cɔcɩnyɔ 'kʋ nä, a gbonöɔ sɔɔ 'kʋ Kwlienyɔɔ' 'ŋnöö 'mnö. 'Tänyɩɩ 'fɩɩn 'mnö nä, sä ɔ ylä nynä ‑mä a klänöɔ nä, a klänöɔ sɔɔ. Ɔ ‑klää nyɩkpa ‑bhutukpä, 'nɩ ‑amʋ ‑mä 'sɩɩ ɔ ‑klänö'ö.

Faic an caibideil

1 Kolɛtɩ‑dunyʋä 16:10

Timotee ka'anyɩ yëku ‑yi nä, a gbä ‑yä ‑ŋänöö kɔ ‑kä 'bhlä ‑mä, Kwlienyɔɔ' lebhee 'mɛ ɔ nʋ lä ‑amʋ 'bhisäkʋ.

Faic an caibideil

1 Kolɛtɩ‑dunyʋä 16:18

Wa yä gbä 'naa plɛ yä bhlü, 'nɩ anyɩ ‑mä 'sɩɩ anyɩa' plɛ yä bhlü. Nä ‑lɔɔ' nyɩkpa‑cëa' 'nää wa nʋ lä nä, a yibhënöa.

Faic an caibideil

2 Kolɛtɩ‑dunyʋä 10:18

‑Ɔnöza bhää? Nyɩkpɔɔ' lɔɔ ‑ɔ lobho lä ɔ yëku nä, Kwlienyɔɔ' klɔɔ ‑wʋ ‑kpacɛ. ‑Mä nyɩkpɔɔ' ‑lɔɔ Kwlienyɔ ‑lobho lä nä, ɔmɔ ɔ klä ‑kpacɛ.

Faic an caibideil

2 Kolɛtɩ‑dunyʋä 7:2

A bhɛnönö‑anyɩ anyɩa' pɔlöö 'yii ‑mä ‑aa ‑wʋ nyɩkpɔ nyenyi ‑nʋ. ‑Aa ‑wʋ nyɩkpɔɔ' lʋʋ ‑nyima, 'nɩ ‑aa ‑wʋ 'sɩɩ nyɩkpɔ 'kʋ ‑lü.

Faic an caibideil

Filipʋ‑dunyʋä 2:28

Ɩ ‑kä 'ŋnö nä, kä n la'anyɩmɔ lä 'fäfä ‑yä anyɩ ‑mä 'sɩɩ, a kɔ 'yi nii nä a 'kä ‑pʋpɛ nʋ. Ɩ yi 'sɩɩ gbä 'nɩ plɛɛ‑ belio'o lä 'mʋ nä, ɛ yi 'kʋ tëtë.

Faic an caibideil

Kolɔsʋ‑dunyʋä 4:10

Bhelio n ‑yɔsɔ ‑kʋ lä ‑mää ‑jɩɩ' nä, Alisötakö, ɔ lɔ bhänö'anyɩ. Banabasö, ɔ bheli‑ Makö, ɔ lɔ bhänö'anyɩ 'sɩɩ. Maköö' ‑za nä, sä a 'kä lä nʋ nä, n ya'anyɩ wɛzä sɔɔ soo. Kɔ yi'anyɩ lä ‑mɔɔ yëku nä, a wluo 'nägäsä 'kʋ.

Faic an caibideil

1 Tesalonikö‑dunyʋä 5:12

Bhelie ‑yä bhɛŋwnɩänyɩ‑, wälɩklë ‑bhlo ‑a 'ylänö'anyɩ lä nä, amää‑ plöö‑ lä nynä ‑mä, nyɩkpaa' ‑lʋa ‑wa ‑kʋ'anyɩ lä nëëdë 'nɩ wa nʋ lä ‑Laagɔ‑lebhee nä, 'nɩ ‑wa 'tienö'anyɩ 'nɩ ‑wa gblɩmänö'anyɩ lä nä, a 'ŋʋwa 'klʋkpää.

Faic an caibideil

1 Timotee 5:17

'Cɔcɩɛɛ' nëkʋʋ' kʋnyʋa wa nʋ lä 'nägäsä lebhe nä, ɩ ‑ŋwa 'kʋ nynä ‑mä, ‑wa 'ŋʋwa kpänyɩ 'klʋkpää'. ‑Wa ‑kʋ lä Laagɔwälɩɩ' bielɩɩ ‑yä ɩɩ' cɩalɩɩ' 'kwlɩkabhɩa 'mnö nä, wamä 'tasɩɛ, ɩ ‑ŋwa 'kʋ nynä ‑mä nyɩkpa 'ŋʋwa kpänyɩ 'klʋkpää'.

Faic an caibideil

Eblëënyʋä 13:17

A 'ŋʋ anyɩa' 'tienyʋa 'klʋkpää' ‑yä a ‑lä a yëku ‑dʋdʋkʋ wamä 'yikʋ. Wamää‑ wloo lä anyɩa' kätö‑zizii 'kʋ, 'nɩ wamä Laagɔ 'kä lä anyɩa' yëkuu' wälɩ 'ylää. Nä a kwa 'klʋkpää 'ŋʋ nä, wa yi'anyɩ 'kʋ wloo ‑pʋpɛɛ 'mnö. A 'nö sɔɔ nʋ nä, wa yi anyɩa' ‑za 'mnö 'ŋuŋuë. 'Nɩ wa kä yɩ 'mnö 'ŋuŋuë nä, ɩɩ' ‑lä anyɩa ‑za namä.

Faic an caibideil

3 Zään 1:10

Ɩ ‑kä 'ŋnö nä, n kä ‑mɔɔ ‑yi nä, gbenyenyi‑wälɩɩ 'fɩɩn ɔ nʋ lä nä, n yii ‑sää. Kɔ sänö‑anyɩ nyenyisä yëku 'mʋ. 'Nɩ bhelie kä ‑mɔɔ ‑yi nä, ɔɔ' 'ylä ‑wʋ nynä ‑mä ɔ 'kwa klä, 'nɩ ɔɔ' 'ylä ‑wʋ 'sɩɩ nynä ‑mä nyɩkpɔ klʋwa. 'Nɩ ‑wa ylä bhlä bheliaa' klälɩ nä, ɔ tluwa 'sɩɩ 'cɔcɩɛ 'mnö.

Faic an caibideil

Lean sinn:

Ceanglaichean taic

Sanasan

Sanasan