Filipʋ‑dunyʋä 2:25 - GOD - u2

²⁵ 'Nɩ n bhobho nynä ‑mä, bhelio Epafloditö, kä n 'kanyɩmɔ lä yëku ‑lä. Epafloditö nä, ɔ ‑glö bhelii' lɔɔ n ‑yɔsɔ nämnö lä 'kʋ 'nɩ n ‑yɔsɔ nʋ lä lebhe nä. Ɔ ‑yä ‑amʋ 'sɔ 'jɛnyɩ‑ 'nɩ ‑a bhlää lä 'Nägädöö' ‑za 'kʋ. 'Nɩ bʋkʋ, 'tänyɩɛ 'mnö a ‑yi'i lä 'kʋ, 'nɩ a tlënö'ö lä nä, Epafloditönɔ 'mɔ a ‑lobho bhlä 'sɩɩ.

Filipʋ‑dunyʋä 2:25 Iomraidhean Croise

Zään 13:16

N sonö'anyɩ ‑nʋawlɛɛ 'mnö nynä ‑mä, ‑gänʋnyɔɔ' ‑wʋ 'ghlü 'nɩ ɔ 'kä ɔɔ' käänyɔ ‑zi. 'Nɩ lobho lobhonyɔ, ɔɔ' ‑wʋ 'sɩɩ 'ghlü 'nɩ ɔ 'kä ‑ɔ ‑lobhuo lä nä ‑zi.

Zään 17:18

Sä ‑n ‑lobho'o bhlä 'ylʋzɔɔ nä, sɔɔ ‑amʋ ‑mä n lobhuwa lä 'sɩɩ ‑mää 'ylʋzɔɔ.

Wlɔmʋ‑dunyʋä 16:3

A soo Plisii ‑yä Akilasö 'sɔ nynä n bhänʋwa. Zozi Klisö 'mnö nä, wa ‑glö 'naa lebhee' 'kʋnʋʋnyʋä.

Wlɔmʋ‑dunyʋä 16:9

N bhää Ylʋbɛɛ. Ɔ ‑yä‑anyɩ sɔɔ‑ nʋʋ lä Klisöö' lebhee 'kʋ. N bhää 'sɩɩ n 'nagɔ Sakisö.

1 Kolɛtɩ‑dunyʋä 3:9

‑Anyɩ 'sɔ nä, kä ‑a ‑yä Laagɔ 'sɔ 'jɛnyɩ‑ 'nɩ a nʋ lä ʋʋ' lebhee. 'Nɩ anyɩ nä, ka ‑kʋ la nynä ‑mä Laagɔɔ' 'klä, 'nɩ a ‑kʋ lä 'sɩɩ nynä Laagɔɔ' 'slä 'slä ‑bhutu.

2 Kolɛtɩ‑dunyʋä 2:13

Nn' ‑wʋ lä bheli Titö nii‑ nä, ɩ ‑kamänö'ö kpänyɩ yëkuu'. Ɩ ‑kä 'ŋnö 'nɩ n ‑bha yɩ Tlʋwasöduu' 'nɩ n yi Masedʋanöbhlɩ 'kʋ mʋʋ.

Filipʋ‑dunyʋä 2:26

A nuu‑ lä ɔɔ' gupa‑wälɩɩ nä, kɩ ‑kamänöɔ yëkuu. Ɩ ‑kä 'ŋnö 'nɩ ɔ tään kpänyɩ nynä ɔ 'kanyɩ bʋkʋ 'yi 'ni kää yi anyɩ 'fɩɩn.

Filipʋ‑dunyʋä 4:18

Kä n mʋ'anyɩ yɩ soo ‑kää nynä wopüü 'fɩɩn a tlënö'ö lä nä, ɩ ‑ŋënö'ö. 'Nɩ ɩ ‑gbä yɩ nä, 'naa kääkäälɩɩ yä zumë. 'Tänyɩɩ Epafloditö nö'ö bhlä anyɩa' wopëa ‑lä nä, kä n ‑kä yɩ ‑lɩɩ 'fɩɩn. 'Cibhii' ‑lɛɛ Laagɔ yä lä 'kʋ ŋoo 'nɩ ‑ɛ ‑kɔɔ lä 'tʋ nä, sä ɛɛ' 'ŋwänɩ ‑kʋ lä Laagɔ dëlü nä, sɔɔ anyɩa' tlëë tlëëlɩɩ ‑kʋ lä.

Filipʋ‑dunyʋä 4:3

‑Mɔɔ ‑mä 'sɩɩ, ‑mɔɔ plöö‑ lä 'naa 'kʋnʋʋnyɔ 'titi nä, bheeje, ‑n klänʋwa ‑mä, ‑n ni 'ŋwnɩäyɩ 'sɔ nä, wa ‑yä ‑amʋ 'sɔ jɛnyɩ‑ 'nɩ ‑a ‑bie Kwlienyɔɔ' 'Nägädöö. 'Nɩ 'naa 'kʋ nʋʋnyʋa Klemaa ‑yä ‑mɔɔ' ‑lʋa 'fɩɩn ‑wanö 'ŋnöö‑ yä lä ‑mɔɔ 'pʋpʋɛɛ' 'bɔɔgʋʋ 'mnö ‑jɩjlɔɔ nä, wa ‑kʋmʋ 'sɩɩ 'nɩ ‑a ‑bie lä ‑lɔɔ' 'Nägädöö.

Kolɔsʋ‑dunyʋä 1:7

‑Anyɩa ‑wawanyɔɔ ‑yä ‑anyɩa 'kʋnämʋnyɔɔ Epaflasö, ɔmɔɔ‑ cɩa'anyɩ lä 'klünö 'fɩɩn. Klisöö' ‑gänʋnyɔɔ‑ ‑kʋ'anyɩ lä ‑mɔɔ yëku, 'nɩ ‑ɔ nʋ lä 'nägäsä ‑anyɩa bhlëë' lebhe nä, ɔmɔ lä.

Kolɔsʋ‑dunyʋä 4:11

Bheli Zozii, wa bhizie lä Zutusö nä, ɔ lɔ bhänö'anyɩ 'sɩɩ. Nyɩkpanä taa, wamää‑ plöö‑ lä 'Zufʋnyʋää' lʋä ‑wa ‑yä ‑amʋ 'sɔ nʋʋ lä lebhe 'kʋ Laagɔɔ' 'Leyiduu' ‑za nä. Wa ‑glö nyɩkpaa' lʋä ‑wa ŋʋ'ʋ lä 'sää 'titi 'tɛtɩɩ' nä.

1 Tesalonikö‑dunyʋä 3:2

'nɩ ‑a yi ‑a bheli Timotee anyɩ yëku lobho. Timotee nä, kɔ ‑yä Laagɔ 'sɔ 'jɛnyɩ lä ‑yä ɔ 'kä Klisöö' 'Nägädöö bie. Nä, ka ‑a ‑lobhuo lä ‑yä ɔ 'kä gbä anyɩa' pɔlötɛtɛɛ 'kä ‑mɔɔ see ‑yä ɛ 'kä 'tɛtɩ kään

Filemɔɔ 1:24

'Naa lebhee' 'kʋ nʋʋnyʋa Makö, ‑yä Alisötakö, ‑yä Demasö, ‑yä Lukö, wlä wa bhänö‑ö 'sɩɩ.

Eblëënyʋä 3:1

Bhelie ‑yä bhɛŋwnɩänyɩ‑, anyɩmɔ Laagɔ laa‑ lä nä, 'nɩ ‑ɔ plöö‑ lä ʋʋ' lʋä nä, a wloo Zozii nynä Laagɔɔ' lobho lobhonyɔ ‑yä ‑anyɩa 'cibhisänyɔ 'kädɔ. Ɔmɔ ‑a ŋʋʋ‑ lä ‑anyɩa pɔlötɛtɛɛ 'kʋ.