Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 2:15

Filipʋ‑dunyʋä 2:15 - GOD - u2

¹⁵ Nyɩkpaa' ka'anyɩ ‑kä gbëgëdü yëku 'ŋʋ. A 'kä kplɔɔ nynä Laagɔɔ' 'yuë ‑yä waa' ka'anyɩ ‑kä gbenyenyi yëku 'nii ‑mä, ‑pɛpɛɛ' 'bhlɛsʋnʋ 'mnö nä, ‑kpläkplönyʋä ‑yä nyɩkpa‑nyonyuë 'sɔ nëëdë a ‑kʋ ‑lä. Nä, ɩ ‑ŋwa 'kʋ nynä ‑mä, sä zeli ŋänɩä lä nä, ‑mää 'ylʋzɔɔ a ŋänɩä 'sɔɔ.

Faic an caibideil Dèan lethbhreac

dol air ais ⬆

Filipʋ‑dunyʋä 2:15
42 Iomraidhean Croise

Matie 10:16

A ni, kä n lobhu'anyɩ lä. Ka ‑kʋ lä nynä 'bhabhlö, 'nɩ n lobhu'anyɩ lä vëvëmna nëëdë nä, a gblɩmä! A gblɩmä nynä ‑leebolu, ɩyä a wɔtɔmä plɛ nynä 'kpaakpu!

Faic an caibideil

Matie 17:17

Nyɩkpɔɔ cii‑ lä sɔɔ nä, Zozii lä anyɩ nä, a ‑glö sää 'titiclö nyɩkpaa' lʋä‑ ‑wʋ lä Laagɔɔ' pɔlötɛtɛ ‑kä nä! 'Nɩ anyɩa nʋnʋgbɩ ‑nyu 'sää kpänyɩ! A bhobho nynä 'tänyɩ zio n yi'anyɩ bhä ‑lätee nëëdë ‑sää? Ka bhobho nynä ‑mä n yi 'kɔɔkɔ sɔɔ plɛkʋ 'tɛmä, 'nɩ n yi'anyɩ nëëdë kʋ ‑a? A ‑lä'ä ‑mää 'yuo!

Faic an caibideil

Matie 5:45

a kä 'sɔɔ nʋ nä, 'Bäɔ ‑ɔ ‑kʋ lä ‑mɔɔ Laagɔɔ' nä, ‑lɔɔ a 'kä lä ɔɔ' 'yuë 'plö. ‑Ɔnöza bhää? 'Bäɔ nä, gbenyenyinyʋa ‑yä 'nää nʋnyʋa 'sɔ nä, kɔ gbä 'nɩ 'ylʋʋ pʋ waa' ‑lefɩɩn ‑za. 'Nɩ 'yigëënyʋa ‑yä nyɩkpaa' ‑lʋa ‑wʋ lä 'yi gëë‑ nä, ɔ gbä 'nɩ 'nyu bhlä waa' ‑lefɩɩn ‑za.

Faic an caibideil

Matie 5:48

Nä, 'Bäɔ ‑ɔ ‑kʋ lä ‑mɔɔ ‑laagɔɔ' nä, sɔ ‑kplɔɔ lä nä, anyɩ ‑mä 'sɩɩ a kplɔɔ 'sɔɔ!

Faic an caibideil

Lukö 1:6

‑Mä Laagɔ dëlü nä, kä Zakalii ‑yä Elizabɛtö 'sɔ waa' nʋnʋgbɩ gëë‑ bhä 'yi. Wa ŋʋ bhä sää 'titi Kwlienyɔ Laagɔɔ' ‑Lɔɔ ‑yä ‑Jlämaa 'sɔ 'klʋkpää'.

Faic an caibideil

Lukö 6:35

‑Mä anyɩ nä, a wamä anyɩa' ‑zɔbhlɛgbänyʋä ‑yä a nʋwa 'nää! A kä nyɩkpɔ lʋʋ ‑gbla nä, a 'nä 'tɛnöɔ ‑lä dë nynä ‑mä, ɔ yi'anyɩmʋ 'ylɩbha! A kä sɔɔ nʋ nä, a yi bɔɔpälɩ 'kädɩ 'ni. Bʋkʋ 'nɩ, a yi 'Kʋzi Laagɔɔ' 'yuë 'plö. Laagɔ nä, kʋ ‑kä plɛkʋmɛnɔ. Laagɔ nä, kʋ nää‑ ‑abhlɛɛnyʋää' ‑za, 'nɩ ʋ nää‑ 'sɩɩ gbenyenyinyʋaa' ‑za.

Faic an caibideil

Zään 5:35

Zään nä, kɔ ‑kʋ bhä nynä 'näpɛɛ' ‑lɛɛ wa döö‑ lä 'yi, 'nɩ ‑ɛ ŋänɩä lä wɩa nä. A ‑wamä ɛɛ' zëlüü 'nɩ ‑pʋpɛ bhla'anyɩ 'gliye ‑bhloo' ‑za.

Faic an caibideil

Nʋnʋgbɩɩ 2:40

‑Mä Pɩɛlö bhlüü‑ ‑dɔɔ' nü nü nü 'kʋ, 'nɩ ɔ ‑sonʋwa. Ɔ lä 'bhlɛsʋnʋ 'mnö gbenyenyinyʋä nä, a ‑bhʋwa nëëdë!

Faic an caibideil

Nʋnʋgbɩɩ 20:30

'Nɩ anyɩ 'titi, anyɩa' nëëdë nyɩkpa yi ‑mɔɔ ‑bha 'nɩ wa yi ‑kpläkplö wälɩ cɩa. 'Nɩ ɩ yi gbä 'nɩ wa yi 'kʋgënyʋä 'ni.

Faic an caibideil

Wlɔmʋ‑dunyʋä 16:19

‑Ɛɛɛ, 'klʋkpaa a ‑kä lä nä kä nyɩkpaa 'fɩɩn nia 'yi. ‑Nɩnɩ ‑kä 'ŋnö 'nɩ anyɩa' ‑pʋpɛ ‑kʋ'ʋ kpänyɩ pleyii. ‑Mä n ylä nynä ‑mä a kään kpänyɩ dɩgälɩ ‑yä a nʋ 'kɔɔkɔ 'nägägbɩ. Ɩyä a kplɔɔ ‑yä a ‑sä gbenyenyi gwë.

Faic an caibideil

1 Kolɛtɩ‑dunyʋä 1:8

Laagɔ yi gbä 'nɩ a yi 'tɛtɩ kään ‑aaa, 'nɩ bhɩädaa' ylʋʋ yi ŋëë. Ɩ yi sɔɔ kʋ ‑yä Kwlienyɔɔ Zozi Klisöö' yiylʋʋ 'kʋ, ɔɔ' ka'anyɩ ‑kä 'foclo yëku 'nii.

Faic an caibideil

2 Kolɛtɩ‑dunyʋä 6:17

Ɩɩ' ‑zä ‑amʋ Kwlienyɔɔ n ci ylä nynä ‑mä, ‑Lɔɔ' nyɩkpa‑cëa, a ‑bhʋwa nëëdë! A ‑sʋwa gwë 'kwläkwlä 'sää! Lʋʋ 'nö ‑kplɔɔ nä, aa' 'taanʋ ‑lä! A kä sɔɔ nʋ nä, ‑amʋ Laagɔ n yi'anyɩ 'kʋ gboo.

Faic an caibideil

Efɛzɩ‑dunyʋä 5:27

Kɔ ‑nʋ lä 'sɩɩ sɔɔ ‑yä 'cɔcɩɛ kɔ dëlü ‑ŋëë nä, ɔmɔ 'titi 'kä ɛɛ' 'klʋagba 'yi 'ni. Ɛɛ' kä 'kpɔ yëku kään, ɩyä ɛɛ' kä jɛlɩ 'pä, ɩyä ɛɛ' kä ‑kä 'foclo yëku kään ‑yä ɛ 'kä kplɔɔlɩɩ 'mnö kʋ ‑yä gbëgëdëë' kɛ yëku 'kʋ.

Faic an caibideil

Filipʋ‑dunyʋä 1:10

‑Lɔɔ a yi ‑kä mii 'nɩ 'klüü' lɩɩ‑ nää lä nä, a yii yibhë ‑yä Klisöö' yiylʋʋ 'kʋ nä, a 'kä kplɔɔ ‑yä ɩ 'kanyɩ gbʋʋ' ‑sä.

Faic an caibideil

Filipʋ‑dunyʋä 3:6

N kään bhlä kpänyɩ ‑Jlämaa 'kʋ nä, kä n ‑gbä 'nɩ 'cɔcɩnyʋa nii‑ nyäkälɩ 'kädɩ. ‑Jlämaa' 'klʋkpä‑ŋʋlɩɩ' ‑za nä, nyɩkpɔ nö'ö ‑wʋ wälɩklë yëku fä.

Faic an caibideil

1 Tesalonikö‑dunyʋä 5:23

Laagɔɔ ‑ʋ plöö‑ lä 'kʋ wɔtɔlɩɩ' Laagɔɔ nä, ʋ yi ‑yä ʋmʋ 'titi kpɔlʋa'anyɩ wɩa. Ʋ gbä ‑yä Kwlienyɔ Zozi Klisö kä ‑yi nä, anyɩa' 'wugöö ‑yä anyɩa' kätö‑zizii ‑yä anyɩa' 'yɛkɛɛ, ɔɔ' kɩ ‑kä 'foclo 'mnö 'nii.

Faic an caibideil

1 Timotee 3:10

Ɩ ‑ŋwa 'kʋ nynä ‑mä wa bɩwa 'fɩa. Wa 'nö yɩ gbëgëdë nyënyë yëku ‑kä nä, ‑lɔɔ ‑tɛɛ wa yi lä 'cɔcɩɛɛ' 'tienyʋa lebhe klää.

Faic an caibideil

1 Timotee 3:2

Nä ‑Laagɔ‑lebhee' 'tienyɔ, ɩ ‑ŋwa 'kʋ nynä ‑mä ɔ nää sä nyɩkpa 'nöɔ ‑lä lä nëkʋ fä nä. Ɔ 'plö 'sɩɩ nyɩkpɔɔ' lɔɔ‑ nöö lä 'ŋnɔ ‑bhlo nä. Ɔ klä 'sɩɩ ɔ yëku ‑kpään. Ɔ 'plö nyɩkpɔɔ' lɔɔ‑ sää lä dɩgälɩsä 'mʋ nä. Ɔ yibhë nyɩkpaa' 'kʋ kʋʋsä. Nyɩkpaa‑ yi lä ɔɔ' daa nä, ɔ yibhë waa' kläsä. Ɔ yibhë 'sɩɩ nyɩkpaa' cɩasä.

Faic an caibideil

1 Timotee 5:14

Nä, kä n ci ylä nynä ‑mä, 'kuzëlü‑ŋwnɩa ‑wa plöö‑ lä ‑lɛɛ ‑dägböö nä, n ‑waa nynä ‑mä wa nöö bʋkʋ 'wlie. Wa gään 'yuë, ɩyä wa 'tie waa' gbünyʋä. Waa' 'nyɛ ‑lä ‑anyɩa ‑zɔbhlɛgbänyʋa 'casɩ 'nɩ wa 'kä ‑anyɩa nyenyi ci.

Faic an caibideil

1 Timotee 5:20

‑Wa nʋ lä nyenyii nä, ‑n fʋwa nëkʋ nyɩkpa 'fɩɩn 'klʋ. ‑N nʋ sɔɔ ‑yä ‑mɔɔ' ‑lʋa ‑ŋänö 'kwa pleyii kʋ.

Faic an caibideil

1 Timotee 5:7

'Klünö nä, ‑n sonɩɩ 'kuzëlü‑ŋwnɩa ‑mä nyɩkpaa' kwa ‑kä nëkʋ fä.

Faic an caibideil

Titö 1:6

'Cɔcɩɩ' 'tienyɔ nä, sä nyɩkpaa' kɔ lä nëkʋ fä nä, ɩ ‑ŋwa 'kʋ nynä ‑mä ɔ nää sɔɔ. Ɔ 'plö 'sɩɩ nyɩkpɔɔ' lɔɔ‑ ‑kä lä 'ŋnɔ ‑bhlo nä. Ɔɔ' 'yua 'plö 'sɩɩ 'cɔcɩnyʋä. Nyɩkpɔ 'nä zɛnönʋwa ‑lä gbenyenyi 'mnö. Ɩyä waa' zɛnönʋwa ‑lä 'sɩɩ cɩcɩɔlɩɩ 'mnö.

Faic an caibideil

Titö 2:10

Ɩyä waa' ghlü ‑lä waa' käänyʋä. Wa pana nynä ‑mä wa ‑kä dë 'tɛɛ sä. Ɩ yi gbä 'nɩ ‑anyɩa Puënyɔ Laagɔ ɔɔ' yëkuu' wälɩɩ ‑a cɩa lä nä, ɩ yi 'klʋkpää 'kʋ.

Faic an caibideil

Titö 2:15

Nä Titö‑, 'klünö, ɩmɩ ‑n ‑kä lä ‑yä ‑n 'gä cɩa. ‑Lɔɔ' ‑tëbhuu nä, ‑n 'bhlünʋ 'tɛtɩɩ 'mnö 'kʋ ‑yä, nyɩkpaa ‑n cɩa lä nä, ‑n 'ŋʋwa 'tɛtɩɩ. Kɩ kä ‑kʋ nynä ‑mä ‑n fʋwa nëkʋ nä, ‑n fʋwa 'sɩɩ nëkʋ! ‑Naa ‑taa lä nyɩkpɔ 'yi 'nɩ ɔ 'kä‑ä ‑dʋdʋkʋ wloo.

Faic an caibideil

Eblëënyʋä 7:26

Sää 'cibhisänyɔ 'kädɔ‑ ‑a ‑ŋwa lä 'kʋ. Ɔ kplɔɔ. Ɔɔ' ‑wʋ 'foclo yëku ‑kä. Ɔɔ' ‑läzä nyenyi nʋ. 'Nɩ Laagɔ ‑gbä 'nɩ ɔ ‑sä gbenyenyinyʋa 'fɩɩn gwë 'nɩ ɔ gblää‑ Laagɔduu' fɛɛn fɛɛn.

Faic an caibideil

1 Pɩɛlö 2:12

Nyɩkpaa' ‑lʋa ‑wʋ lä Laagɔ ‑yi nä, a kwa nëëdë ‑kʋ nä, a klä a yëku 'nägäsä. Ɩ yi 'ŋnö kään 'nɩ, wa kä bhä tään nynä ‑mä, wa 'kanyɩ wälɩklë yëku fä ‑yä wa 'kanyɩ gbenyenyi 'kʋ 'ni nä, anyɩa' 'nägägbɩɩ yi gbä 'ni 'tänyɩɩ Zozii kä ‑yi nä, wa yi Laagɔ 'ŋnu fään.

Faic an caibideil

1 Pɩɛlö 2:9

‑Mä anyɩ naa, kä Laagɔ ‑sa'anyɩ 'nɩ ɔ ‑gboguë'anyɩ anyɩa' dä. A ‑glö yɩ 'Loyoo' 'Cibhisänyʋä 'nɩ a ‑glö yɩ kplɔɔkplɔɔnyʋä. A plöö‑ yɩ Laagɔɔ' nyɩkpa. Laagɔ laa'anyɩ 'nɩ a ‑bha yɩ 'cucuu 'mnö 'nɩ a yi ʋʋ' 'nägä‑zëlüü 'mnö yi ‑yä, 'nää 'käda 'fɩɩn Laagɔ ‑nʋ lä nä, a 'ka 'dö 'kʋ ‑sää.

Faic an caibideil

2 Pɩɛlö 3:14

‑Nɩnɩ ‑kä ylä 'ŋnö nä, 'fɩa ‑yä ‑lɔɔ' ylʋʋ 'kä ŋëë naa, a nʋ saa 'fɩɩn ‑yä ɔ 'kanyɩ ‑kä 'kpɔ ‑yä 'bhlʋlɛ 'sɔ yëku ŋëë. Ɩyä a ‑yä Laagɔ 'sɔ pää' wɔtɔ 'kʋ.

Faic an caibideil

'Yii Ghlä‑wälɩ 2:5

Nä, ‑n 'pä plɛ ‑yä dä ‑n 'bhää‑ 'nɩ ‑n ‑bhlü lä ‑zɔɔ nä, ‑n 'gä ‑lɔɔ' dä 'kʋ luë. Ɩyä ‑n 'ylɩbhɔ ‑yä sä ‑n nʋ bhlä ‑bhɔɔdää 'naa ‑za nä, ‑n nʋ yɩ bʋkʋ sɔɔ. ‑N 'nö ‑kä 'ylɩbhɔ‑ nä, n yii yëku yi 'nɩ ‑naa 'näpɛɛ n yi‑i mɛ yëku ‑sä!

Faic an caibideil

'Yii Ghlä‑wälɩ 3:9

‑N ni 'Dëvloo' bʋbɔdaa' nyɩkpaa, n yä‑ä mʋwa 'nyɛ. Wlä 'Zufʋnyʋä wa plöö‑ ‑mä waa' ‑wʋ 'Zufʋnyʋä plöö‑. Wa ‑glö ‑kpläkplönyʋä nä, ‑n ni kä n 'kwa lä nyepi nyepi klä. Wa yi yi 'nɩ wa yi‑i ‑kokoowli dëlü glu 'pä. ‑Lɔɔ wa yi lä sɔɔ yibhë nynä ‑mä, ‑amʋ, kä n ‑wää.

Faic an caibideil

Lean sinn:

Ceanglaichean taic

Sanasan

Sanasan