Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 2:14

« Roimhe

Air adhart »

Filipʋ‑dunyʋä 2:14 - GOD - u2

¹⁴ ‑Lɩɩ 'fɩɩn a nʋ lä nä, a nʋɩ ‑yä aa' 'ŋuŋuë lä 'mnö. Aa' cɩcɩɔ ‑lä 'sɩɩ.

Faic an caibideil Dèan lethbhreac

« Roimhe

dol air ais ⬆

Air adhart »

Filipʋ‑dunyʋä 2:14
36 Iomraidhean Croise

Matie 20:11

‑Mä ɔ nyɩwa bhlä nä, wa gbään bhä 'mnö.

Faic an caibideil

‑A yie bhä 'kpä 'ŋʋ 'nɩ ‑a yi bhä moniibhë 'ni nä! Monie yi bhä ‑flëëgiyii' gwlɩ ‑ngbüü' 'ci taa ŋëë 'nɩ ‑a yie bhä ŋäzönyʋa 'nyɛ nä, sɩ ‑kʋ bhä 'nɩ ɔ nyimie bhää? Ɩ Kä bhɛ 'ŋnö nä, wa yɔɔ bhɛ 'ŋnɔɔ 'kʋ.

Faic an caibideil

Makö 9:14

Zozii ‑yä ɔɔ' 'kʋgënyʋa taa ‑ŋëë ylä ɔɔ' 'kʋgënyʋa ‑wa ‑too bhlä ‑lɔɔ nä yëku nä, wa lä wa wloo nä, nyɩkpa ‑bhutukpä ‑glänʋwa 'klʋ. 'Nɩ ‑Jlämöcɩanyʋa ‑yʋwa 'sɔ bhlää bhä 'kʋ.

Faic an caibideil

Lukö 5:30

Ɩ ‑kä ŋnö nä, Falizɩɛnyʋa ‑yä waa' ‑jɛnyɩɛ 'mnö ‑Jlämöcɩanyʋa, wa bhɛɛ bhä Zozii. Wa ylä bhä ɔɔ' 'kʋgënyʋa nynä ‑ɔnözä 'nɩ, anyɩ, a ‑yä lapoo‑ylänyʋa ‑yä gbenyenyinyʋa 'sɔ lüü bhä 'kʋʋ?

Faic an caibideil

Nʋnʋgbɩɩ 15:2

‑Mä Pɔlʋ ‑yä Banabasö 'sɔ nä, waa' ‑wʋ ‑lɔɔ' nyɩkpaa' cɩalɩɩ ‑wamä 'nɩ ɩ yi wa ‑yʋwasɔ pää' cɛlɩ 'kädɩ ‑lä. Ɩ ‑kä bhɛ 'ŋnö nä, 'cɔcɩɛ cii‑ nynä Pɔlʋ ‑yä Banabasö, ɩyä ‑mɔɔ Atɩɔsöduu' 'cɔcɩnyʋä zio, wa mʋ Zolizalɛmʋduu' ‑yä wälɩklëa‑ ‑kʋ bhlä ‑lɔɔ nä, Zozii' lobho lobhonyʋa ‑yä ‑mɔɔ' 'cɔcɩɛɛ' nëkʋʋ' kʋnyʋa ‑yʋwa 'sɔ 'ka ci.

Faic an caibideil

Nʋnʋgbɩɩ 15:39

Wälɩklënä ‑gbä 'nɩ Pɔlʋ ‑yä Banabasö 'sɔ ‑wʋ 'mʋ 'nunu. Wa ‑bhlänɩ 'kʋ kpänyɩ. Ɩ ‑kä 'ŋnö nä, kä Banabasö bhlüü‑ Zään Makö 'kʋ, 'nɩ ɔ ‑yɔsɔ yi Siplöbhlɩ 'kʋ mʋʋ.

Faic an caibideil

Nʋnʋgbɩɩ 15:7

Wa ‑bhlää wälɩɩ 'kʋ ‑aaa 'nɩ ‑lɔɔ ‑tlʋmä 'mʋ. ‑Mä Pɩɛlö bhlüü‑ nuwälɩ 'kʋ 'nɩ ɔ cii‑, ɔ lä bhelienyɩ‑! A ‑yi sɔɔ nynä ‑mä, ‑anyɩa nëëdë nä, nyɩkpɔɔ' ‑lɔɔ Laagɔ ‑sä lä tɛɛ nynä ‑mä, ‑waa ‑wʋ lä 'Zufʋnyʋä plöö‑ nä, ɔ ‑sänʋwa Kwlienyɔɔ' 'Nägädöö nä, ‑amʋ lä. Kä Laagɔ ‑sä'ä lä nynä ‑mä, n mʋ ‑yä n ‑sänʋwa Kwlienyɔɔ' 'Nägädöö ‑yä wa 'kɩ nyaasäsä laa.

Faic an caibideil

Nʋnʋgbɩɩ 6:1

‑Lɔɔ' 'tänyɩyɩ 'mnö nä, Kwlienyɔɔ' 'kʋgënyʋaa' ‑zunɔɔ 'ŋʋnöɔ bhä 'kɔɔkɔ 'kʋ. ‑Maa, 'cɔcɩnyʋa ‑wa ci bhlä 'Glɛköwälɩɩ nä, waa' bhɔɔ ‑mɔɔ 'cɔcɩɩ' Eblëënyʋaa' wälɩ 'kʋ mɛɛ. ‑Ɔnöza bhɛɛ? Wlä 'cɔcɩgbëë' lülülɩɩ ‑ɩ dënöɔ lä ‑mɔɔ ylɩɩ 'fɩɩn 'kʋ nä, ɩɩ' ŋëë ‑wʋ waa' 'kuzëlü‑ŋwnɩa 'kʋ.

Faic an caibideil

Wlɔmʋ‑dunyʋä 12:18

Ɩ kä ‑kʋ nynä ‑mä a yii mii nä, anyɩ wlɩɩ ɩ ‑kʋ lä. A ‑yä nyɩkpaa 'fɩɩn 'sɔ pää 'kʋ wɔtɔlɩ kʋ ‑mɔɔ.

Faic an caibideil

Wlɔmʋ‑dunyʋä 14:1

Nyɩkpɔɔ' ‑lɔɔ ‑ɔnö pɔlötɛtɛɛ ‑lätee lä ‑mɔɔ ‑see nä, a yibhë ɔɔ' kläsä. Sä ɔ bhobho lä nä, a ‑yä sɔɔ 'na bhlää ‑lä 'kʋ.

Faic an caibideil

Wlɔmʋ‑dunyʋä 16:17

Bhelie ‑yä bhɛŋwnɩänyɩ‑ nyɩkpaa' ‑lʋa ‑wa ŋʋ lä 'cɔcɩnyʋa 'mʋ doolɩ pää' nä, a luënʋwa ‑kä! 'Nägädöö' cɩalɩɩ waa' ŋonɩ ‑wʋ 'kʋ 'nɩ wa gbä 'nɩ 'cɔcɩnyʋa too nä, a ‑sʋwa gwë!

Faic an caibideil

1 Kolɛtɩ‑dunyʋä 10:10

A kä 'sɩɩ ‑lɔɔ ‑kʋ nä, a 'na 'ŋʋŋuë ‑lä 'mnö. Waa' nëëdë ‑nänʋä ‑nʋ sɔɔ 'nɩ 'kwiee ‑zuzuu ‑yi 'nɩ ʋ yiwa bhɩa.

Faic an caibideil

2 Kolɛtɩ‑dunyʋä 12:20

N yi'anyɩ lä bʋkʋ yëku nä, n ‑guu yɩ wälɩklë ‑bhlo 'kʋ. Amää‑ plöö‑ lä nynä ‑mä, n kä ‑yi nä, sä n tänönö'anyɩ lä 'mʋ nä, n yi'anyɩ bhä sɔɔ 'mʋ 'nii ‑a? 'Nɩ anyɩ ‑mä 'sɩɩ, sa tänönö'ö lä 'mʋ nä, a yi'i bhä sɔɔ 'mʋ 'nii ‑a? Nn' ‑wʋ ‑waa nynä ‑mä n ŋënö'anyɩ 'kʋ bhläälɩɩ 'mnö. Nn' ‑wʋ 'sɩɩ ‑waa nynä ‑mä n ŋënö'anyɩ luëzüü 'mnö, ɩyä n ŋënö'anyɩ gbʋgblɛɛ 'mnö. Nn' ‑wʋ ‑waa nynä ‑mä n ŋënö'anyɩ cicee 'mnö, ɩyä n ŋënö'anyɩ nyɩkpaa' kpʋkpɔlɩɩ 'mnö. Nn' ‑wʋ ‑waa nynä ‑mä n ŋënö'anyɩ gbenyenyisaa' 'mʋ ‑säälɩ nëë', ɩyä n ŋënö'anyɩ täkpɔlɩɩ 'mnö. Nn' 'ylä ‑wʋ 'sɩɩ nynä n ŋënö'anyɩ bhusulɩɩ 'mnö.

Faic an caibideil

Galatɩnyʋä 5:15

Nä, anyɩa' nʋnʋgbɩ kä ‑kʋ nynä 'klää mna, 'nɩ a kä mnü ‑mnü, 'nɩ a kä lü ‑lü nä, a luë ‑mä a yëku‑ a 'kä ‑klää nuë ‑a.

Faic an caibideil

Galatɩnyʋä 5:26

‑Aa täkpɔ ‑lä ‑yä, ‑aa 'pää ‑pää ‑lä ‑bli 'kʋ, ɩyä luëzüü' ‑kʋ‑anyɩ ‑lä nëëdë!

Faic an caibideil

Filipʋ‑dunyʋä 2:3

Aa' tään ‑lä nynä anyɩ ‑bhlo 'gä 'ni. Aa' tään ‑lä nynä anyɩ ‑bhlo nyɩkpa lä wloo. A ‑lä a yëku ‑dʋdʋkʋ. A kä ‑lɔɔ ‑kʋ nä, a bhobho nynä ‑mä, a ‑liesɩ kään gbʋ 'nɩ wa zi'anyɩ.

Faic an caibideil

1 Tesalonikö‑dunyʋä 5:13

Lebhee wa nʋ'anyɩ lä nëëdë nä, a 'ŋʋwa 'klʋkpää kpänyɩ ɛɛ' ‑za, ɩyä a panʋwa anyɩa' ‑wawʋʋ. Ɩyä anyɩ ‑bhlobhlo pää' 'kʋ wɔtɔlɩ kʋ 'sɩɩ ‑mɔɔ.

Faic an caibideil

1 Tesalonikö‑dunyʋä 5:15

A luë ‑kä ‑mä, ɩɩ' ‑kä 'kʋ ‑ŋwa nynä nyɩkpɔ 'titi ‑sä ɔ yëkuu' kpä. A nʋnʋ 'nää 'kɔɔkɔ ‑yä a nʋʋ 'sɩɩ nyɩkpaa 'fɩɩn 'nägägbɩ yëku.

Faic an caibideil

Eblëënyʋä 12:14

A tään nynä ‑mä a ‑yä nyɩkpaa 'fɩɩn 'sɔ pää' 'kʋ wɔtɔlɩ 'kä ‑mɔɔ kʋ. Ɩyä a kplɔɔ ‑mä nyɩkpɔ 'nö ‑kplɔɔ nä, ɔɔ' ‑lä Kwlienyɔɔ 'yi 'ni.

Faic an caibideil

Zakö 1:20

Nyɩkpɔɔ' gbʋgblɛ, ɛɛ' nʋ ‑wʋ Laagɔɔ' dëlü 'yigëgbɩ.

Faic an caibideil

Zakö 3:14

Anyɩa pleyii ‑nyunɔ kä ‑mɔɔ ‑kʋ nä, 'nɩ luëzü kä ‑mɔɔ ‑kʋ, 'nɩ 'kʋ bhläälɩ kä ‑mɔɔ ‑kʋ nä, aa' täkpɔ ‑lä, 'nɩ aa gbä ‑lä 'sɩɩ 'nɩ ‑nʋawlɛɛ 'kä 'kpläkplä 'plöö.

Faic an caibideil

Zakö 5:9

Bhelie ‑yä bhɛŋwnɩänyɩ‑, a ‑liesɩɩ' wälɩ 'nä sie'anyɩ ‑lä plɛkʋ ‑mä, Laagɔɔ' ka'anyɩ ‑kä 'tite 'ŋʋ. 'Titee' plänyɔɔ nä, ɔ ‑kʋ kpëkpë 'kʋ ‑mä ɔɔ' yɩɔ dä tlʋ.

Faic an caibideil

1 Pɩɛlö 3:11

Ɔ ‑sä gbenyenyi gwë ‑yä, ɔ nʋ yɩ 'nää. Ɔ tään 'kɔɔkɔ nynä 'kʋ wɔtɔlɩ yi.

Faic an caibideil

1 Pɩɛlö 4:9

A yibhë nyɩkpaa' 'kʋ gboosä ‑mä aa' 'ŋuŋuë lä 'mnöö.

Faic an caibideil

Zudö 1:16

‑Lɔɔ' nyɩkpa‑cëa nä, kä wa 'ŋuŋuë 'kɔɔkɔ 'nɩ waa' 'mnöö ‑wʋ 'kɔɔkɔ mɛɛ. 'Nɩ waa' zëkpëa 'mnö nä, sä waa' plɛ ‑waa lä nä, sɔɔ wa nää. Wa kä 'mʋ ‑säädä ‑kʋ nä ‑bli wa pä. 'Nɩ ‑lʋa wa yi lä ‑bʋzʋɛ 'mnö 'nii nä, wa klʋwa ‑kpacɛ 'nyigë 'nyigësä.

Faic an caibideil

Lean sinn:

Ceanglaichean taic

Sanasan

Filipʋ‑dunyʋä 2:14 - GOD - u2

Filipʋ‑dunyʋä 2:1436 Iomraidhean Croise

Filipʋ‑dunyʋä 2:14
36 Iomraidhean Croise