Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 2:12

Filipʋ‑dunyʋä 2:12 - GOD - u2

¹² Ɩ ‑kʋ ylä sää nä, 'naa ‑wawanyʋänyɩ‑, 'tänyɩɩ n ‑kʋ'anyɩ bhlä yëku nä, 'ɩɩ sa ŋʋʋ'ʋ bhlä 'kɔɔkɔ 'klʋkpää nä, 'nn yɩɔ ‑lɔɔ ‑kʋ oo, ‑mä a nʋ ‑lätee sɔɔ. Anyɩa 'cɔcɩ‑zëkpëa pana nynä ‑mä ka guu‑ Laagɔ 'nɩ a ŋʋʋ 'sɩɩ kpänyɩ 'klʋkpää ‑yä ʋ 'kanyɩ ‑kä puë.

Faic an caibideil Dèan lethbhreac

dol air ais ⬆

Filipʋ‑dunyʋä 2:12
41 Iomraidhean Croise

Matie 11:12

'Bhää yɩ 'tänyɩɛ 'mnö Zään cie lä cɩalɩ 'kʋ ‑aaa, yä ‑n ŋëë yɩ ‑zɩkä nä, Laagɔɔ' 'Leyiduu kwa 'tɩtɔnʋ yɩ. Nä, nyɩkpɔɔ' lɔɔ ‑ɔ ‑yi ylä 'kʋ bhlääsä nä, ɔmɔɔ‑ 'gʋ ylä 'mnö plä.

Faic an caibideil

Matie 11:29

Lebhee n 'ylänö'anyɩ lä nä, a nʋɛ. Ɩyä sä n 'tienö'anyɩ lä nä, a nää sɔɔ! ‑Ɔnöza bhää? Amʋ nä, kä n ‑wɔtɔ plɛ, 'nɩ 'nn täkpɔ ‑wʋ 'naa pleyi. Nä, a yi ‑mä, anyɩa' 'wugɔɔ' 'kʋ wɔtɔlɩɩ a yii 'ni!

Faic an caibideil

Nʋnʋgbɩɩ 16:29

'Nɩ nyɩkpɔɔ yi ci nynä wa ŋänɩä. 'Nɩ ɔ yi 'fäfä Pɔlʋ ‑yä Silasö 'sɔ ‑mɔɔ ŋëë, yëku tɩtɛnöɔ bhɛ 'nɩ ɔ yiwa dëlü bhlüü.

Faic an caibideil

Nʋnʋgbɩɩ 9:6

‑N ‑bha 'kʋ ‑yä ‑n plä duu' ‑mä, sä n 'gä lä nʋ nä, wa yi‑i sɔɔ paa.

Faic an caibideil

Wlɔmʋ‑dunyʋä 2:7

Nyɩkpaa' ‑lʋa ‑wa nämnö lä 'kɔɔkɔ 'nägägbɩɩ nʋlɩɩ 'mnö nä, 'nɩ wa tään lä 'klʋagbaa, 'nɩ wa tään lä 'klʋkpää ‑yä zëkpë ‑Laagɔ dëlü nä, 'pʋpʋɛɛ‑ ‑kʋ lä 'kɔɔkɔɔ ‑za nä, wa yie 'ni.

Faic an caibideil

1 Kolɛtɩ‑dunyʋä 15:58

Naa, 'naa ‑wawa‑bhelie ‑yä bhɛŋwnɩänyɩ‑, a 'tɛmä 'mʋ. Aa' yɔmä ‑lä 'mʋ. A nʋ 'kɔɔkɔ Kwlienyɔɔ' lebhee ‑yä ɛ mʋ 'yikʋ. Ɩyä ɩ kʋ'anyɩ 'wlu nynä ‑mä lebhee 'fɩɩn a nʋ lä Kwlienyɔɔ' ‑za nä, ɛɛ' ‑lä 'flɛ 'plö.

Faic an caibideil

1 Kolɛtɩ‑dunyʋä 2:3

Ɩmɩɩ‑ ‑kä 'ŋnö 'nɩ n ‑kʋ'anyɩ bhlä nëdë 'nɩ nn' bhɔɔ lä ‑cʋcʋ ‑kä. 'Nɩ ‑ŋänö ‑kʋ'ʋ bhä 'sɩɩ pleyii nä, kä 'naa 'yɛkɛɛ tɩtɛnö'ö bhä yëku.

Faic an caibideil

1 Kolɛtɩ‑dunyʋä 4:14

Bhelie ‑yä bhɛŋwnɩänyɩ‑, ɩɩ' ‑wʋ plöö‑ nynä ‑mä, n 'kanyɩ zoo 'yi gʋä nä ɩɩ' ‑zä n sonö'anyɩ sɔɔ 'bɔɔgʋnʋ 'mnö. ‑Mä kä n ci lä sɔɔ ‑yä n 'kanyɩ gblɩmä 'naa ‑wawayuë 'bhisäkʋ.

Faic an caibideil

2 Kolɛtɩ‑dunyʋä 7:15

Ɔ lüë yɩ anyɩa' dä 'kʋ. Sä a ŋʋɔ‑ lä 'klʋkpää 'nɩ, yëku tɩtɛnö'anyɩ bhlä ɔɔ' klälɩɩ' ‑za nä, ɔ kä ‑lɔɔ 'klüü plɛkʋ 'pä nä, ka anyɩa' ‑wawʋ zumënöɔ bʋkʋ pleyii kpänyɩ.

Faic an caibideil

Efɛzɩ‑dunyʋä 6:5

Anyɩmɔɔ‑ ‑kʋ lä 'sɩɩ käänyʋä yëku nä, a 'ŋʋ kpänyɩ anyɩa' käänyʋä 'klʋkpää. A kään pɔlö 'nänɛ ɩyä ‑n ‑näsä Klisö‑a ŋʋ bhlä 'klʋkpää nä, yëku tɩtɛnö'anyɩ waa' klälɩɩ' ‑za.

Faic an caibideil

Filipʋ‑dunyʋä 1:27

Nä, anyɩa nʋnʋgbɩɩ ‑yä Klisöö' 'Nägädöö 'sɔ mʋʋ yëkuu' ‑yä, kä n yi'anyɩ bhɛ 'yi 'ni kää yi ‑o, 'nn ‑lä ‑lɔɔ kʋ ‑o, n 'nu nynä ‑mä ka 'jɛnyɩ‑ 'wugɔɔ ‑bhlo 'mnö. 'Nɩ pɔlötɛtɛɛ Klisöö' 'Nägädöö nyɩ'anyɩ lä nä, a 'jɛnyɩ‑ 'nɩ a bhlänɩɛ 'kʋ ‑yä ɛɛ' kä 'foclo bhlü.

Faic an caibideil

Filipʋ‑dunyʋä 1:29

Laagɔ 'mʋʋ‑ gbä 'nɩ a nʋ lä Klisö ‑gä. Ʋmʋʋ‑ gbä lä 'sɩɩ 'nɩ a ‑kä lä ɔɔ' pɔlötɛtɛ, 'nɩ 'kwlɩ bhɩänö'anyɩ ɔɔ' ‑za.

Faic an caibideil

Filipʋ‑dunyʋä 1:5

Cie yɩ ‑mɔɔ tɛɛtɛɛylʋʋ 'kʋ ‑yä ŋëë ‑zɩkä nä, Laagɔɔ' 'Nägädöö' bielɩɩ' ‑za, sa ‑yi'i lä 'kʋ nä,

Faic an caibideil

Filipʋ‑dunyʋä 1:6

n ‑känɩ plɛkʋ nynä ‑mä Laagɔɔ ‑ʋ cie lä ‑lää' 'nägä‑lebhenɛ anyɩ nëëdë 'kʋ nä, ʋ yie nʋ ‑aaa 'nɩ ʋ yie ‑zɔɔ bhɩä Zozi Klisöö' yiylʋʋ 'kʋ.

Faic an caibideil

Filipʋ‑dunyʋä 2:19

N 'tɛɛ lä Kwlienyɔ Zozii dë nä, ɩ yi gbä 'nɩ n yi'anyɩ 'ylönö Timotee yëku lobho ‑yä, anyɩa yëkuu' 'döö ɔ kä'ä lä ‑lä nä, ɩ kä'ä 'tɛtɩɩ 'ŋʋ.

Faic an caibideil

Filipʋ‑dunyʋä 4:1

Ɩ ‑kʋ ylä sää nä, 'naa ‑wawa‑bhɛŋwnɩä ‑yä bhelienyɩ‑, n ylä 'sää kpänyɩ nynä ‑mä n 'kanyɩ bʋkʋ 'yi 'ni. Anyɩ‑ plöö‑ lä 'naa ‑jäkä ‑yä 'naa 'kʋzilɩɩ' ‑ajɛɛkpä. 'Naa ‑wawanyʋänyɩ‑, a ‑yä Kwlienyɔɔ' 'sɔ 'jɛnyɩ 'kɔɔkɔ.

Faic an caibideil

Filipʋ‑dunyʋä 4:15

Anyɩ Filipöduu' 'cɔcɩnyʋa nä, anyɩ 'titi a ‑yi sɔɔ. 'Tänyɩ Kwlienyɔɔ' 'Nägädöö' bielɩɩ cie‑ lä 'kʋ 'nɩ n ‑bha lä Masedʋanöbhlɩ 'kʋ nä, 'yigädadää' 'cɔcɩɩ' ‑wʋ ‑yi 'nɩ ɛ kä'ä lʋʋ nyɛɛ‑. Anyɩ Filipöduu' 'cɔcɩnyʋa, anyɩ ‑bhlo 'coo‑ ‑klänö'ö. Sä n ‑të lä, 'nɩ sä n nii‑ lä nä, anyɩ ‑bhlo ‑yi lä ‑lɔɔ' wälɩɩ.

Faic an caibideil

1 Tesalonikö‑dunyʋä 1:3

‑Ɛɛɛ, anyɩa' pɔlötɛtɛɛ' sɛ ‑kä lä 'tɛtɩ nä, 'nɩ anyɩa' ‑wawʋʋ' lebhee ʋ ‑nʋ lä nä, ɩyä sa a ‑kään lä kpänyɩ ‑anyɩa Kwlienyɔɔ Zozi Klisö plɛkʋ nä, ɩ gbä 'nɩ ‑a luë 'kɔɔkɔ anyɩa' dä.

Faic an caibideil

2 Timotee 2:10

Nyɩkpaa' ‑lʋa Laagɔ ‑yä lä ‑sä nynä ‑mä, wa plöö‑ yɩ ʋʋ' lʋä nä, waa' ‑za n 'kuu lä 'mnö. Ɩyä wamä ‑mä 'sɩɩ, Zozi Klisö 'kwa ‑kä ‑lɔɔ nëë' ‑sä. Ɩyä 'klʋagba ‑a ‑kʋ lä 'kɔɔkɔɔ ‑za nä, wa 'ka 'mnö kʋmʋ.

Faic an caibideil

Eblëënyʋä 12:1

A ni ylä 'yi naa, ‑dläfʋɛɛ' lünyʋä ‑bhutukpä wamää‑ ‑glänö‑anyɩ lä 'klʋ. Naa, lʋʋ lʋʋ‑ yi bhlä ‑anyɩa ‑blɔɔ 'kʋ sɩä nä, ɩyä nyenyii' ‑lɩɩ ‑ɩ gbi‑anyɩ lä 'flɛ 'wlu nä, a ‑ya ‑sɩɩ yɩ ‑a yëku ‑väkö. Ɩyä sämɩɩ ‑a ‑kʋ lä paa dä nä, a ‑ya wloo yɩ 'kɔɔkɔ ɩɩ' wälɩ 'kʋ.

Faic an caibideil

Eblëënyʋä 4:1

‑Mä kä Laagɔ ‑sonö‑anyɩ nynä ‑mä ‑anyɩ, ‑a yi ʋʋ' 'kʋwɔtɔdaa plä. 'Nɩ sä ʋ cii‑ lä nynä ‑mä ʋ yi nʋ nä, ʋ bhobho ‑lätee sɔɔ. Nä a ‑ya luë ‑kä! Nyɩkpɔɔ' kʋ'anyɩ lä nëëdë 'nɩ ɔ 'kä bhobho nynä ɔmɔ, ɔɔ' ‑wʋ sisio ‑yi nä, ɔɔ' ‑lä ‑mɔɔ plämʋ.

Faic an caibideil

Eblëënyʋä 4:11

‑Nɩnɩ ‑kä ylä 'ŋnö nä, a ‑ya tään ‑mɔɔ anyɩa pɔlöö 'yi nynä ‑mä ‑a 'gä Laagɔɔ' 'kʋwɔtɔda plämʋ. ‑A gä sɔɔ nʋ nä, tɛɛtɛɛdaa' ‑lʋa ‑wa ‑sä bhlä Laagɔ 'klʋkpä nä, nyɩkpɔɔ' ‑lä waa' 'sëploo 'kʋ 'gë 'nɩ ɔ 'kä ‑zɔɔ bhlü.

Faic an caibideil

Eblëënyʋä 5:9

Nä, kä Laagɔ ‑gbä 'nɩ ɔ ‑kplɔɔ yɩ wɩa. 'Nɩ nyɩkpaa' ‑lʋa ŋʋɔ lä 'klʋkpää nä, ɔ ‑yi 'nɩ ɔ plöö‑ yɩ wa Puënyɔ 'kɔɔkɔɔ ‑za.

Faic an caibideil

1 Pɩɛlö 2:11

'Naa ‑wawanyʋänyɩ‑, 'klëa n 'ylänö'anyɩ lä nä, amää‑ plöö‑ lä nynä ‑mä, ‑mää ‑dʋdʋkʋ nä, a ‑glö 'plöplönyʋä. Lowluu' a ‑yi lä. Nä, 'yɛkɛɛ 'mnö nʋnʋgbɩɩ 'fɩɩn ‑ɩ länö'anyɩ lä zɔgblö nä, a ‑sɩɩ gwë.

Faic an caibideil

2 Pɩɛlö 3:18

Nä, ‑anyɩa Puënyɔɔ ɩyä ‑anyɩa Kwlienyɔɔ' Zozi Klisöö' ‑wawʋʋ ‑yä ɔɔ' yibhëlɩɩ 'mnö a glɛɛ ‑mɔɔ! 'Klʋagba ŋënöɔ 'kʋ ‑zɩkä ɩyä 'kɔɔkɔɔ' ‑za. Ɩ kʋ sɔɔ!

Faic an caibideil

Lean sinn:

Ceanglaichean taic

Sanasan

Sanasan