Bìoball air-loidhne

Filipʋ‑dunyʋä 2:1 - GOD - u2

¹ A ‑yä Klisö 'sɔ 'jɛnyɩ‑ lä nä, ɩ nyɩ'anyɩ bhä 'tɛtɩ ‑a? Ɔɔ' ‑wawʋʋ bhlü'anyɩ bhä plɛɛ' ‑a? A ‑yä Kplɔɔkplɔɔ‑wugɔɔ 'sɔ 'jɛnyɩ‑ bhä ‑a? A ‑kä bhä a ‑liesɩɩ' ‑wawʋ ‑yä waa' plɛkʋmɛnɔ pleyii ‑a?

Faic an caibideil Dèan lethbhreac

dol air ais ⬆

Filipʋ‑dunyʋä 2:1
42 Iomraidhean Croise

Lukö 2:25

‑Mä ‑mɔɔ Zolizalɛmʋduu' nä, nyɩkpɔ ‑bhlo ‑kʋ bhä ‑mɔɔ 'nɩ wa lɔɔ bhä Simeyɔɔ. Ɔ plöö‑ bhä ‑laagɔnyɔɔ' lɔɔ ‑ɔnö nʋnʋgbɩ gëë‑ bhlä 'yii nä. Laagɔɔ' Kplɔɔkplɔɔ‑wugɔɔ ‑kʋɔ bhä yëku. 'Tänyɩɛ 'gä bhlä ŋëë ‑yä Laagɔ 'kä 'Yizlɛnyʋä 'yii sɩɔ nä, ɔ ‑bɛnɩɛ bhä 'sɩɩ.

Faic an caibideil

Zään 14:18

N kä ‑mʋ nä, n nö'anyɩ ‑lä të nynä kuyuë. N yi'anyɩ bʋkʋ yëku yi.

Faic an caibideil

Zään 14:27

N tü'anyɩ 'kʋ wɔtɔlɩ. 'Naa 'kʋ wɔtɔlɩɩ, ɩmɩ n nyɩ'anyɩ lä. Sä 'ylʋzɔɔ' 'kʋ wɔtɔlɩɩ ‑kʋ lä nä, sɔɔ 'naa ‑lɩɩ' ‑wʋ ‑kʋ. Plɛ 'nä belio'anyɩ ‑lä 'mʋ, ɩyä ‑ŋänö 'nä 'bhlä'anyɩ ‑lä 'sɩɩ!

Faic an caibideil

Zään 17:13

‑Pɛpɛɛ nä, kä n yi‑i ylä yëku. ‑Mä n ‑kʋ ‑lätee 'ylʋzɔɔ nä, 'ɩzä n sonʋwa lä ‑yä 'naa ‑jäkaa n ‑kä lä nä, wa 'ka kää, ɩyä a 'kä 'kʋ 'mɩä.

Faic an caibideil

Nʋnʋgbɩɩ 2:46

'Nɩ ylɩɩ 'fɩɩn 'kʋ wa 'ŋʋʋ bhä 'kʋ 'nɩ wa yi Laagɔ‑bhutuu 'Kädʋʋ 'mnö bʋbɔ ‑kää. 'Nɩ waa 'gbüü 'mnö, wa lüü bhä 'kʋ ‑jäkaa 'mnö ɩyä pɔlöwätɛɛ 'sɔ 'mnö.

Faic an caibideil

Nʋnʋgbɩɩ 4:32

'Cɔcɩnyʋa ‑zu bhä ‑mä, waa' ‑lefɩɩn plöö‑ bhä ‑bhlo. Waa' nëëdëë' nyɩkpɔɔ' ci bhɔɔ nynä ‑mä ‑nʋnʋ, ‑amʋ ‑bhlo, 'naa lʋʋ lä! Kä wa ‑känö bhä ‑lɩɩ 'fɩɩn 'kʋ.

Faic an caibideil

Wlɔmʋ‑dunyʋä 5:5

'Nɩ Laagɔɔ' dë 'tɛɛlɩɩ nä, ɩɩ' 'nyigë ‑wʋ. ‑Ɔnöza bhää? Laagɔ nyɩ‑anyɩ Kplɔɔkplɔɔ‑wugɔɔ 'nɩ ʋ yä gbä 'nɩ Laagɔɔ' ‑wawʋʋ yä‑anyɩ pleyii yie.

Faic an caibideil

Wlɔmʋ‑dunyʋä 8:26

Bʋkʋ 'nɩ Kplɔɔkplɔɔ‑wugɔɔ yi 'nɩ ʋ klänö‑anyɩ sa ‑aa ‑wʋ lä ‑cʋcʋ ‑kä nä. ‑Ɔnöza bhä? ‑Aa ‑wʋ 'nägäsä bhibhiesä ‑yi ‑mä Kplɔɔkplɔɔ‑wugɔɔ bhibhie ‑anyɩa ‑za. Ciciwälɩɩ' lɩɩ nyɩkpɔɔ' ‑lä lä cilɩ mii nä, ʋ zlʋnɩ 'mʋ 'nɩ ʋ zözlää Laagɔ dëlü ‑anyɩa ‑za.

Faic an caibideil

1 Kolɛtɩ‑dunyʋä 12:13

'Wugɔɔ ‑bhlo, Laagɔ klwienö‑anyɩ lä 'kʋ nä, ʋ ‑gbä 'nɩ ‑a plöö‑ yɩ 'yɛkɛɛ ‑bhlo. ‑N plöö‑ 'Zufʋyu ‑o, ‑n plöö‑ 'Glɛköyu ‑o, ‑n plöö‑ geyu ‑o, ‑nn ‑wʋ geyu plöö‑ ‑o, 'Wugɔɔ ‑bhlo Laagɔ nyɩ‑anyɩ lä.

Faic an caibideil

1 Kolɛtɩ‑dunyʋä 15:31

‑Ɛɛɛ, 'zaazɩ bhelie ‑yä bhɛŋwnɩänyɩ‑, ylɩɩ 'fɩɩn 'kʋ nä, n ‑kʋ 'kwiee numnu 'kʋ. ‑Bhlɛ sa ‑yä Zozi Klisö ‑anyɩa Kwlienyɔɔ' 'sɔ 'jɛnyɩ lä nä, ɩ ‑kʋ sɔɔ 'nɩ n täkpɔnö'anyɩ lä 'mʋ.

Faic an caibideil

1 Kolɛtɩ‑dunyʋä 3:16

Aa' bhä sɔɔ ‑yi nynä ‑mä, a ‑glö Laagɔɔ' ‑bhutu nä, anyɩ 'mnö Kplɔɔkplɔɔ‑wugɔɔ ‑kʋ ‑a?

Faic an caibideil

2 Kolɛtɩ‑dunyʋä 2:14

‑Mä a ‑ya bhään Laagɔ! Laagɔ kä‑anyɩ bhɛɛ‑ nä, Klisöö' 'ŋnöö 'mnö, ‑gbäsɩɩ ʋ fänö‑anyɩ lä nä, ka ‑a zi 'kʋ. ‑Anyɩ‑ Laagɔ ghlää lä 'kʋ 'nɩ Klisöö' 'ŋnöö jɛjɛ lä dää 'fɩɩn sä nynä 'ŋwänɩ.

Faic an caibideil

Galatɩnyʋä 4:6

‑Ɛɛɛ, 'nɩ 'zaazɩ, a 'plöö‑ yɩ Laagɔɔ' 'yuë. Ɩmɩɩ‑ ‑kä 'ŋnö 'nɩ Laagɔ yä‑anyɩ lä ʋ ‑Yowlii' Kplɔɔkplɔɔ‑wugɔɔ pleyii 'ŋʋ 'nɩ ʋ woo lä, ʋ lä Aba, 'oo ‑a 'Bä.

Faic an caibideil

Galatɩnyʋä 5:22

‑Mä Kplɔɔkplɔɔ‑wugɔɔ' sʋ nyɛ lä nä, sɔɔ‑ plöö‑ lä ‑wawʋ ‑yä ‑jäkä, ‑yä 'kʋ wɔtɔlɩ, ‑yä plɛkʋtɛnɔ, ‑yä plɛkʋmɛnɔ, ‑yä plɛkʋnanɔ, ‑yä Laagɔɔ' dë 'tɛɛlɩ,

Faic an caibideil

Efɛzɩ‑dunyʋä 4:4

A ni Kwlienyɔɔ 'yɛkɛɛ nä, ɛ ‑bhlü ‑bhlo, 'nɩ ɔɔ' 'Wugɔɔ ‑bhlü 'sɩɩ ‑bhlo. 'Nɩ Laagɔ laa'anyɩ lä 'sɩɩ nä, wälɩklëa' ‑laa a yi lä plɛkʋ ‑känö nä, a ‑bhlü ‑bhlo.

Faic an caibideil

Filipʋ‑dunyʋä 1:8

Laagɔ ‑yi 'sɔɔ, 'nɩ ʋ yi 'sɩɩ 'naa ‑dläfʋɛ lü nynä ‑mä kä n ‑waa'anyɩ kpänyɩ Zozi Klisöö' ‑wawʋʋ 'mnö.

Faic an caibideil

Filipʋ‑dunyʋä 3:3

Wa kä cii‑ nynä ‑mä nyɩkpa döö‑ 'kʋ nä, ‑anyɩ lä. ‑Anyɩ bʋbɔ lä Laagɔ ʋʋ' 'Wugɔɔ 'mnö. ‑Anyɩ, Zozi Klisö‑ ‑a täkpɔ lä 'mʋ nä, ɔmɔ ‑a gëë 'kʋ. ‑Aa lä mii 'nɩ ‑a 'gä ‑a yëku dë 'tɛɛ.

Faic an caibideil

Kolɔsʋ‑dunyʋä 2:2

wa 'kä ‑mɔɔ waa' pɔlöö 'yii 'tɛtɩ 'ni ‑yä wa 'kä ‑wawʋʋ 'mnö 'jɛnyɩ. Wa 'kä 'fike 'titi kään ‑yä Klisöö' yëkuu' wälɩɩ Laagɔ ‑zizie bhlä 'kʋ nä, wa 'kɩ yibhë.

Faic an caibideil

Kolɔsʋ‑dunyʋä 3:12

Nä, a ‑glö yɩ Laagɔɔ' nyɩkpa. Kä Laagɔ ‑sa'anyɩ 'nɩ ʋ ‑wamänö'anyɩ lä. Nä a kään ŋäzö pleyii, ɩyä a namä plɛkʋ. Aa' täkpɔ ‑lä. A wɔtɔmä plɛ ‑yä, a yibhë ‑bɛɛsä.

Faic an caibideil

Eblëënyʋä 6:18

Laagɔ cii‑ nynä ‑mä ʋ yi 'nyupälɩ kwlie, 'nɩ ʋ ‑yi 'nɩ ʋ ‑zlügo 'sɩɩ nynä ‑mä sʋ cii‑ lä nä, ʋ yi sɔɔ nʋ. 'Klünö 'sɔ pana nynä ‑mä sä Laagɔɔ' gë ‑wʋ lä yio nä, ʋʋ' ‑läyɩɔ 'kɔɔn wälɩ 'ylɩbha. Ɩ gbä 'nɩ ‑a ‑kä yɩ kpänyɩ 'tɛtɩ, 'nɩ ‑a ‑yi 'nɩ ‑a ‑zizio yɩ Laagɔ 'mnö, 'nɩ ‑a 'tɛnʋ yɩ dë nynä ‑mä, sä ʋ cii‑ lä nä, ʋ yi sɔɔ nʋ.

Faic an caibideil

1 Pɩɛlö 1:2

Sä ‑a 'Bä Laagɔ ŋʋɩ‑ bhɛ lä ‑zä nä, sɔɔ ʋ ‑sa'anyɩ lä. Laagɔɔ' 'Wugɔɔ ‑gbä 'nɩ a ‑kʋ yɩ anyɩa' dä ‑yä a 'kä Zozi Klisö 'klʋkpä 'ŋʋ ‑yä ɔɔ' doluu 'kanyɩ kpɔlʋä. Nä Laagɔ 'nyupälɩɩ ŋënö'anyɩ 'kʋ ‑yä ʋ 'nyɩ'anyɩ 'kʋ wɔtɔlɩ 'titi!

Faic an caibideil

1 Zään 3:24

Nyɩkpɔɔ' lɔɔ ‑ɔ ŋʋ lä Laagɔɔ' ‑jlämaa 'klʋkpää nä, kɔ ‑yä Laagɔ 'sɔ 'jɛnyɩ‑, 'nɩ Laagɔ ‑yɔsɔ 'jɛnyɩ‑. A ni 'sää ‑a yibhë lä sɔɔ nynä ‑mä Laagɔ ‑yanyɩ 'sɔ 'jɛnyɩ‑. Ʋʋ' Kplɔɔkplɔɔ‑wugɔ ʋ nyɩ‑anyɩ lä nä, ʋmʋʋ‑ gbä 'nɩ ‑a yibhë lä sɔɔ nynä ‑mä kʋ ‑yanyɩ 'sɔ 'jɛnyɩ‑.

Faic an caibideil

1 Zään 4:12

Nyɩkpɔɔ' ‑läzä Laagɔ 'yi 'ni. ‑Mä ‑a gä ‑wäwä nä, Laagɔ ‑yä ‑anyɩ 'sɔ yi 'jɛnyɩ‑, 'nɩ ʋʋ' ‑wawʋʋ ‑kʋ‑anyɩ lä pleyii nä ʋ yi nëë' slää.

Faic an caibideil

1 Zään 4:16

'Nɩ ‑anyɩ nä, Laagɔɔ' ‑wawʋʋ ‑a ‑yiu, 'nɩ ‑a ‑känɩ plɛkʋ nynä ‑mä Laagɔ ‑waa‑anyɩ. Laagɔ ‑glö ‑wawʋ nä, nyɩkpɔɔ' lɔɔ ‑ɔ gä ‑wawʋʋ 'mnö ‑kʋ nä, kɔ ‑yä Laagɔ 'sɔ 'jɛnyɩ‑ 'nɩ Laagɔ ‑yɔsɔ 'jɛnyɩ‑.

Faic an caibideil

Lean sinn:

Ceanglaichean taic

Sanasan

Sanasan