Filipʋ‑dunyʋä 1:8 - GOD - u2

⁸ Laagɔ ‑yi 'sɔɔ, 'nɩ ʋ yi 'sɩɩ 'naa ‑dläfʋɛ lü nynä ‑mä kä n ‑waa'anyɩ kpänyɩ Zozi Klisöö' ‑wawʋʋ 'mnö.

Filipʋ‑dunyʋä 1:8 Iomraidhean Croise

Lukö 1:78

‑Anyɩa Laagɔɔ' plɛkʋmɛnɔɔ' ‑wʋ 'bɛ. Ʋ yi gbä 'nɩ zëlü yi ŋɔkʋ ghlää. 'Ylʋʋ kä ghlä nää' zëlü, ɩ yi‑anyɩ 'kʋ ŋänɩä.

Wlɔmʋ‑dunyʋä 1:9

Laagɔ 'titi yi 'naa ‑dläfʋɛ lü nynä ‑mä n kä ʋ ‑Yowlii' 'Nägädöö bie nä, 'naa 'wugɔɔ 'mnö n nʋnʋ ‑gä. 'Nɩ n bhibhie 'kɔɔkɔ anyɩa' ‑za.

Wlɔmʋ‑dunyʋä 9:1

N ‑yä Klisöö' 'sɔ 'jɛnyɩlɩɩ ‑za nä, ‑nʋawlɛɛ n ci lä. Nn' gë ‑wʋ yio. 'Nɩ ‑mɔɔ 'naa 'wuga 'mnö nä, Kplɔɔkplɔɔ‑wugɔɔ lü ‑lɔɔ' ‑dläfʋɛ.

2 Kolɛtɩ‑dunyʋä 13:9

‑A 'nö ‑cʋcʋ ‑kä 'nɩ anyɩ a kä 'tɛtɩ ‑kä nä, ɩ nʋ ‑anyɩa ‑jäkä. 'Klüü ‑a ylä lä anyɩa' ‑za ‑anyɩa bhibhielɩɩ 'mnö nä, ɩmɩɩ‑ plöö‑ lä nynä ‑mä, anyɩa' kʋkʋsa kplɔɔ wɩa.

2 Kolɛtɩ‑dunyʋä 6:12

‑Anyɩa pɔlöö ‑kʋ'anyɩ 'kɔɔkɔ yëkʋ. ‑Mä anyɩ‑ gbaa‑ lä anyɩa' pɔlöö 'klʋ.

2 Kolɛtɩ‑dunyʋä 7:15

Ɔ lüë yɩ anyɩa' dä 'kʋ. Sä a ŋʋɔ‑ lä 'klʋkpää 'nɩ, yëku tɩtɛnö'anyɩ bhlä ɔɔ' klälɩɩ' ‑za nä, ɔ kä ‑lɔɔ 'klüü plɛkʋ 'pä nä, ka anyɩa' ‑wawʋ zumënöɔ bʋkʋ pleyii kpänyɩ.

Galatɩnyʋä 1:20

Wälɩnɩ n jɩjlä'anyɩ lä nä, ɩ ‑glö nyaasäsä. Laagɔ dëlü n ‑kʋ 'nɩ n cii lä, ‑mä 'nn ci ‑wʋ ‑kpläkplö wälɩ.

Galatɩnyʋä 3:26

‑Ɛɛɛ, pɔlötɛtɛɛ‑ 'jɛnyɩnö'anyɩ lä a ‑yä Zozi Klisö 'sɔ nä, ɛmɛ 'mnö, anyɩ 'fɩɩn plöö‑ yɩ Laagɔɔ' 'yuë.

Galatɩnyʋä 4:19

'Naa 'yuënyɩ‑, kä anyɩa 'kwlɩɩ‑ bhɩänö'ö ylä bʋkʋ. Ʋ bhɩänö'ö nynä ‑n ‑näsä 'ŋnɔ kä cii‑ ɔ 'kä gään 'nɩ 'kwlɩ bhɩänöɔ lä nä. 'Nɩ ‑lɔɔ' 'kwlɩɩ yi'i sɔɔ bhɩädä kʋ ‑aaa 'nɩ, n yi sɔɔ yibhë wɩa nynä ‑mä a yä Klisö 'mnö ‑glɛɛ.

Filipʋ‑dunyʋä 2:1

A ‑yä Klisö 'sɔ 'jɛnyɩ‑ lä nä, ɩ nyɩ'anyɩ bhä 'tɛtɩ ‑a? Ɔɔ' ‑wawʋʋ bhlü'anyɩ bhä plɛɛ' ‑a? A ‑yä Kplɔɔkplɔɔ‑wugɔɔ 'sɔ 'jɛnyɩ‑ bhä ‑a? A ‑kä bhä a ‑liesɩɩ' ‑wawʋ ‑yä waa' plɛkʋmɛnɔ pleyii ‑a?

Filipʋ‑dunyʋä 2:26

A nuu‑ lä ɔɔ' gupa‑wälɩɩ nä, kɩ ‑kamänöɔ yëkuu. Ɩ ‑kä 'ŋnö 'nɩ ɔ tään kpänyɩ nynä ɔ 'kanyɩ bʋkʋ 'yi 'ni kää yi anyɩ 'fɩɩn.

Filipʋ‑dunyʋä 4:1

Ɩ ‑kʋ ylä sää nä, 'naa ‑wawa‑bhɛŋwnɩä ‑yä bhelienyɩ‑, n ylä 'sää kpänyɩ nynä ‑mä n 'kanyɩ bʋkʋ 'yi 'ni. Anyɩ‑ plöö‑ lä 'naa ‑jäkä ‑yä 'naa 'kʋzilɩɩ' ‑ajɛɛkpä. 'Naa ‑wawanyʋänyɩ‑, a ‑yä Kwlienyɔɔ' 'sɔ 'jɛnyɩ 'kɔɔkɔ.

Kolɔsʋ‑dunyʋä 2:1

N ‑waa nynä ‑mä a yibhë sɔɔ nynä 'kʋ bhläälɩ 'kädɩ‑ n bhlää lä 'kʋ anyɩa' ‑za. N bhlää 'sɩɩ Lawodisee‑duu' 'lëkpëa 'mnö 'cɔcɩnyʋaa' ‑za 'kʋ. 'Nɩ 'cɔcɩnyʋää' ‑nänʋä ‑kʋ ‑lɔɔ 'nɩ wa nö'ö ‑läzä 'yi 'ni, 'nɩ n bhlää 'sɩɩ waa' ‑za 'kʋ ‑yä

Kolɔsʋ‑dunyʋä 3:12

Nä, a ‑glö yɩ Laagɔɔ' nyɩkpa. Kä Laagɔ ‑sa'anyɩ 'nɩ ʋ ‑wamänö'anyɩ lä. Nä a kään ŋäzö pleyii, ɩyä a namä plɛkʋ. Aa' täkpɔ ‑lä. A wɔtɔmä plɛ ‑yä, a yibhë ‑bɛɛsä.

1 Tesalonikö‑dunyʋä 2:5

A ‑yi sɔɔ nynä ‑mä ‑a ‑yä nügämɛtʋ 'sɔ ‑wʋ ‑yi ‑yä ‑a 'gä nyɩkpa 'nyigë, ‑yä ‑a 'gä monii tään. Laagɔ 'titi ‑yi sɔɔ.

1 Tesalonikö‑dunyʋä 2:8

sɔɔ ‑säkä ‑säkä ‑a ‑kla'anyɩ lä. Sä ‑a ‑waa'anyɩ lä kpänyɩ nä, ‑a ‑ghlɩlɩ a 'kɔɔkɔ, 'nɩ ‑a ‑sä bhä ‑a yëku sää 'titi ‑anyɩa' ‑za nynä a 'kä Laagɔɔ' 'Nägädöö 'nu. A känö‑anyɩ bhä kpänyɩ gbʋ.

2 Timotee 1:4

N kä ‑naa 'tuwälɩɩ plɛkʋ 'pä nä, 'naa plɛ ‑waa 'sää 'titi nynä ‑mä, n yi‑i 'yi 'ni kää ‑yä 'naa pleyi ‑jäkä 'kä ‑mɔɔ kʋ.

Filemɔɔ 1:12

Nä, kä n 'ylɩbhɔɔ ylä. Kä n lä‑ä mɔ lä ‑mä, ‑n yibhë yɩ sɔɔ nynä ɔ ‑kʋ yɩ nynä 'naa 'yɛkɛɛ 'pɛlʋ.

Filemɔɔ 1:20

Bheli‑, n bhibhie‑e kpänyɩ! ‑N 'pä Kwlienyɔ plɛkʋ ‑yä ‑n yi'i 'kʋ. ‑A ‑yä Klisö 'sɔ 'jɛnyɩlɩɩ ‑za, ‑n gbä ‑yä 'naa plɛ 'kä bhlü.

1 Zään 3:17

Nyɩkpɔ kä ‑mää 'ylʋzɔɔ' kääkäälɩɩ ‑kä nä, 'nɩ ɔ ‑lie kä mielɩɩ' ‑kʋ 'nɩ ɔ kɔ 'yi nii‑, 'nɩ ɔ 'nö ɔɔ' ŋäzöplɛ ‑kä nä, ‑lɔɔ' nyɩkpɔɔ, säsä ɔ yi bhä ci nynä ‑mä kɔ ‑kä Laagɔɔ' ‑wawʋʋ?