Bìoball air-loidhne

Filipʋ‑dunyʋä 1:7 - GOD - u2

⁷ Ɩ ‑ŋwa bhä 'zaazɩ 'kʋ nynä ‑mä n bhobho bhä 'sää anyɩ 'fɩɩn ‑za. ‑Ɔnöza bhää? Ka känö'ö gbʋ. 'Nɩ a ‑klänö'ö Laagɔwälɩɩ' bielɩɩ 'mnö. 'Nɩ ‑zɩkä, dä n ‑kʋ lä ‑mää ‑jɩɩ' nä, a klänö'ö ‑lätee. 'Nɩ 'tänyɩɛ 'mnö n bhlää bhlä Laagɔɔ' 'Nägädöö ‑za 'kʋ, 'nɩ n ŋʋ bhlä ɩɩ' 'mnö ‑nʋawlɛɛ sä nä, a ‑klänö'ö 'sɩɩ.

Faic an caibideil Dèan lethbhreac

dol air ais ⬆

Filipʋ‑dunyʋä 1:7
34 Iomraidhean Croise

Nʋnʋgbɩɩ 20:23

‑Mä sä n plöö lä 'dii 'mnö nä, sɔɔ Kplɔɔkplɔɔ‑wugɔɔ sonö'ö nynä ‑mä 'kwlɩ yi'i kpänyɩ bhɩä, 'nɩ n yi 'sɩɩ ‑jɩɩ nʋ.

Faic an caibideil

Nʋnʋgbɩɩ 21:33

'Nɩ 'sʋjaa' 'kämänyɔ 'kädɔɔ yi Pɔlʋ yëku 'jloo, 'nɩ ɔ yi gbä 'nɩ wa yio gʋä. Ɔ cii‑ nynä wa gʋänöɔ ‑abhluëkö 'sɔɔ. 'Nɩ ɔ yi 'ylä, ɔ lä nyɩkpɔɔ' 'cësa bhää? Wälɩ ‑sä ɔ ‑nʋ bhää?

Faic an caibideil

1 Kolɛtɩ‑dunyʋä 13:7

‑Wawʋ kʋ cie wälɩɩ 'fɩɩn. 'Nɩ sa 'fɩɩn ʋ ‑bɛɛ lä nä, ʋ kään sɔɔ plɛkʋ, 'nɩ sä wälɩ yi kʋmɔ ‑kʋmɔɔ ‑kaa nä, ʋ ‑yi 'mnö 'kuu sä.

Faic an caibideil

1 Kolɛtɩ‑dunyʋä 9:23

‑Nɩnɩ 'fɩɩn n nʋ lä nä, Kwlienyɔɔ' 'Nägädöö' ‑zä n nʋɩ lä ‑yä n 'kä ɩɩ' 'mnö ‑bʋzʋɛ 'nimʋ.

Faic an caibideil

2 Kolɛtɩ‑dunyʋä 3:2

N naa, anyɩ‑ plöö‑ lä ‑anyɩa 'bɔɔgʋʋ. Anyɩ, anyɩ‑ ‑a ‑jɩjlä lä ‑mɔɔ ‑anyɩa pɔlöö 'yii. Nä 'bɔɔgʋnʋ a plöö‑ lä anyɩa ‑za nä, ʋmʋ nyɩkpa 'fɩɩn 'kä lä yibhë ‑yä wa 'kä zɛɛ.

Faic an caibideil

2 Kolɛtɩ‑dunyʋä 7:3

‑Nɩnɩ n ci lä nä, n yɩ wɛzä ci. 'Nɩ nn' cii ‑wʋ ‑yä n 'kanyɩ gbʋ klaa. ‑Mɔɔ ‑anyɩa pɔlöö 'yii nä, ka känö‑anyɩ gbʋ. ‑A yi 'ku ‑o, ‑a yi zëkpë 'kʋ kʋ ‑o, ka känö‑anyɩ gbʋ.

Faic an caibideil

Galatɩnyʋä 5:6

Nyɩkpɔ ‑yä Zozi Klisö 'sɔ kä yɩ 'jɛnyɩ nä, ‑n döö‑ 'kʋ ‑o, ‑nn ‑wʋ 'kʋ döö‑ o, ɩɩ' ‑wʋ ɔɔ' ‑za gba ‑kä. ‑Ʋ ‑kä lä gba nä, ʋmʋʋ‑ plöö‑ lä pɔlötɛtɛɛ‑ ‑a ‑kä lä ‑wawʋʋ 'mnö nä.

Faic an caibideil

Efɛzɩ‑dunyʋä 3:1

Anyɩmɔɔ‑ ‑wʋ lä 'Zufʋnyʋa plöö‑ nä, ‑amʋ Pɔlʋ nä, Zozi Klisöö' ‑jɩnyɔ n plöö‑ ylä anyɩa' ‑za.

Faic an caibideil

Efɛzɩ‑dunyʋä 4:1

Nä, ‑amʋ Pɔlʋ, ‑amʋ Kwlienyɔɔ' ‑jɩnyɔɔ, n slä'anyɩ 'wlu. Laagɔ ya'anyɩ ylä laa nä, sää‑ ‑ŋwa lä 'kʋ 'nɩ ʋ ‑waa nynä ‑mä a nää nä, a nää yɩ sɔɔ.

Faic an caibideil

Efɛzɩ‑dunyʋä 6:20

'Nägädönöö' bienyɔ n plöö‑ lä nä, ɩɩ' ‑zä wa ŋʋʋ'ʋ lä ‑mää ‑jɩɩ' ‑säklonö 'mnö. Nä, a bhibhie 'naa 'wlu ‑yä, sä n 'kɩ bhlä 'sää 'titiclö ci nä, n 'kɩ sɔɔ ci.

Faic an caibideil

Filipʋ‑dunyʋä 1:12

Bhelie ‑yä bhɛŋwnɩänyɩ‑, n ‑waa nynä ‑mä a yibhë sɔɔ nynä wälɩɩ ‑ɩ ‑ŋënö'ö lä nä, ‑nʋawlɛɛ 'mnö, ɩ ‑gbä 'nɩ Laagɔɔ' 'Nägädöö ‑mʋ 'yikʋ.

Faic an caibideil

Filipʋ‑dunyʋä 1:13

A ni 'yi ‑a, ‑gɔmnɔɔ' lebhe‑nʋnyʋa 'fɩɩn, ɩyä 'yigädadöö 'fɩɩn nyɩkpaa ‑kʋ lä ‑mɔɔ nä, wa ‑yi sɔɔ nynä ‑mä Klisöö' ‑gänʋlɩɩ' ‑zä n ‑kʋ lä ‑jɩɩ'.

Faic an caibideil

Filipʋ‑dunyʋä 1:14

'Cɔcɩ‑bheliaa' bhutukpä nii lä 'yi 'nɩ n ‑kʋ lä ‑jɩɩ' nä, kä waa' pɔlötɛtɛɛ glɛ lä. Ɩ ‑kä 'ŋnö 'nɩ wa ‑kä yɩ 'tɛtɩ, 'nɩ ‑ŋänöö' 'bhlʋwa yɩɔ 'nɩ wa ci yɩ Laagɔwälɩɩ.

Faic an caibideil

Filipʋ‑dunyʋä 1:5

Cie yɩ ‑mɔɔ tɛɛtɛɛylʋʋ 'kʋ ‑yä ŋëë ‑zɩkä nä, Laagɔɔ' 'Nägädöö' bielɩɩ' ‑za, sa ‑yi'i lä 'kʋ nä,

Faic an caibideil

Filipʋ‑dunyʋä 2:22

Anyɩ 'titi a yi 'klüü Timotee ‑nʋ lä 'nɩ ‑ɩ pana lä nynä ‑mä ɔ ‑kä dë 'tɛɛ sä nä. Timotee nä, ‑n ‑näsä 'yuo ‑yä ɔ 'bä 'sɔ nʋʋ lä lebhe 'kʋ nä, kɔ ‑yä ‑amʋ 'sɔ nää sɔɔ 'nɩ ‑a ‑bie Kwlienyɔɔ' 'Nägädöö.

Faic an caibideil

Filipʋ‑dunyʋä 4:14

‑Mä 'naa 'kwlɩkabhɩa 'mnö a yi'i lä 'kʋ nä, ka ‑nʋ 'nägägbɩ.

Faic an caibideil

Filipʋ‑dunyʋä 4:15

Anyɩ Filipöduu' 'cɔcɩnyʋa nä, anyɩ 'titi a ‑yi sɔɔ. 'Tänyɩ Kwlienyɔɔ' 'Nägädöö' bielɩɩ cie‑ lä 'kʋ 'nɩ n ‑bha lä Masedʋanöbhlɩ 'kʋ nä, 'yigädadää' 'cɔcɩɩ' ‑wʋ ‑yi 'nɩ ɛ kä'ä lʋʋ nyɛɛ‑. Anyɩ Filipöduu' 'cɔcɩnyʋa, anyɩ ‑bhlo 'coo‑ ‑klänö'ö. Sä n ‑të lä, 'nɩ sä n nii‑ lä nä, anyɩ ‑bhlo ‑yi lä ‑lɔɔ' wälɩɩ.

Faic an caibideil

Filipʋ‑dunyʋä 4:3

‑Mɔɔ ‑mä 'sɩɩ, ‑mɔɔ plöö‑ lä 'naa 'kʋnʋʋnyɔ 'titi nä, bheeje, ‑n klänʋwa ‑mä, ‑n ni 'ŋwnɩäyɩ 'sɔ nä, wa ‑yä ‑amʋ 'sɔ jɛnyɩ‑ 'nɩ ‑a ‑bie Kwlienyɔɔ' 'Nägädöö. 'Nɩ 'naa 'kʋ nʋʋnyʋa Klemaa ‑yä ‑mɔɔ' ‑lʋa 'fɩɩn ‑wanö 'ŋnöö‑ yä lä ‑mɔɔ 'pʋpʋɛɛ' 'bɔɔgʋʋ 'mnö ‑jɩjlɔɔ nä, wa ‑kʋmʋ 'sɩɩ 'nɩ ‑a ‑bie lä ‑lɔɔ' 'Nägädöö.

Faic an caibideil

Kolɔsʋ‑dunyʋä 4:18

Amʋ Pɔlʋ, ‑amʋ 'titii‑ jɩjlä lä 'klünö 'bɔɔgʋnʋ 'mnö. A luë 'kɔɔkɔ 'naa dä 'kʋ nynä n ‑kʋ ‑mää ‑jɩɩ'. Laagɔɔ' 'nyupälɩɩ ŋënö'anyɩ 'kʋ!

Faic an caibideil

Kolɔsʋ‑dunyʋä 4:3

A bhibhie 'sɩɩ ‑anyɩa 'wlu ‑yä Laagɔ kään ‑anyɩa ciciwälɩɩ 'gbë ‑yä Klisöö' wälɩɩ‑ 'fɩɩn ‑ɩ ‑zizio bhlä 'kʋ nä, n 'kɩ nyɩkpa ‑sää ‑mä ɩɩ' ‑zä n ‑kʋ ‑lä ‑jɩɩ'.

Faic an caibideil

1 Tesalonikö‑dunyʋä 5:5

Anyɩ 'fɩɩn ‑glö zëlüü' 'yuë. A ‑glö zëlügää' nyɩkpa. ‑Ɛɛɛ, ‑anyɩ 'cɔcɩnyʋä nä, ‑aa ‑wʋ 'cucuu' nyɩkpa plöö‑ 'nɩ ‑aa ‑wʋ 'sɩɩ 'saboo nyɩkpa plöö‑.

Faic an caibideil

2 Timotee 1:8

Nä, zoo' 'bhlä‑ä lä ‑yä ‑n lü Zozii' ‑dläfʋɛ. ‑Amʋ mɔ wa ŋʋʋ‑ lä ɔɔ' ‑za ‑jɩɩ' nä, 'naa zoo' 'bhlä‑ä lä 'sɩɩ ‑mä, ‑n ŋoo ‑yä, ‑n ‑yä ‑amʋ 'sɔ 'kwlɩ bhɩänö‑anyɩ Kwlienyɔɔ' 'Nägädöö' ‑za! Ɩyä ‑a 'tɛɛ Laagɔɔ' 'päwaa dë ‑mä,

Faic an caibideil

2 Timotee 2:9

'Nägädönöö' ‑zä 'kwlɩ bhɩänö'ö lä ‑mää ‑jɩɩ'. 'Nɩ wa ŋʋʋ'ʋ lä ‑abhluëkö nynä nyɩkpa‑bhlänyɔ. ‑Maa, Laagɔwälɩ nä, wa 'nɩɩ ‑wʋ ‑abhluëkä ŋʋʋ‑.

Faic an caibideil

Filemɔɔ 1:13

‑Amʋ nä, n ‑waa bhɛ 'flɛ nynä ‑mä ɔ kʋ'ʋ ‑mää yëku. Ɩyä 'tänyɩɩ n ‑kʋ lä ‑mää ‑jɩɩ' Klisöö' 'Nägädöö' ‑za nä, ɔ kä'ä ‑naa bhlëë' ‑gä nʋ.

Faic an caibideil

Eblëënyʋä 3:1

Bhelie ‑yä bhɛŋwnɩänyɩ‑, anyɩmɔ Laagɔ laa‑ lä nä, 'nɩ ‑ɔ plöö‑ lä ʋʋ' lʋä nä, a wloo Zozii nynä Laagɔɔ' lobho lobhonyɔ ‑yä ‑anyɩa 'cibhisänyɔ 'kädɔ. Ɔmɔ ‑a ŋʋʋ‑ lä ‑anyɩa pɔlötɛtɛɛ 'kʋ.

Faic an caibideil

1 Pɩɛlö 4:13

A kä 'zaazɩ Klisöö' 'kwlɩkabhɩa 'nimʋ nä, a nʋ ‑jäkä ‑mä 'tänyɩɩ ɔɔ' 'klʋagba kä lä 'kʋ ghlä nä, pleyi yi'anyɩ mɛmä kpänyɩ 'nɩ a yi ɩɩ' ‑jäka 'mnö kʋ.

Faic an caibideil

1 Pɩɛlö 5:1

‑Pɛpɛɛ nä, 'cɔcɩɛɛ' nëkʋʋ' kʋnyʋa, wamä n soo ylä nynä ‑mä, ‑amʋ ‑mä 'sɩɩ, n plöö‑ 'cɔcɩɩ' nëkʋʋ' kʋnyɔ wamä 'bhisäkʋ. Sä 'kwlɩ ‑bhɩä lä Klisö nä, n 'nimʋ sɔɔ 'yi. 'Nɩ 'klʋagba ‑a yi lä nä, a yi'i 'kʋ ŋëëmʋ.

Faic an caibideil

2 Pɩɛlö 1:13

‑Mä 'tänyɩ n ‑yä anyɩ 'sɔ ‑kʋ lä ‑bhlɛ ‑mää zëkpë 'kʋ nä, n yi'anyɩ ‑lɔɔ' 'klüü 'kʋ gblɩmä.

Faic an caibideil

1 Zään 3:14

‑Anyɩ nä, ‑a ‑yi sɔɔ nynä ‑mä, ‑a yä 'kuëë ‑bha 'nɩ ‑a yä zëkpë 'kʋ yi. Ɩmɩɩ‑ ‑kä 'ŋnö 'nɩ ‑a ‑waa lä ‑a ‑liesɩ. Nyɩkpɔɔ' lɔɔ‑ ‑wʋ lä ɔ ‑lie ‑waa nä, 'kwiee ‑säklöö 'mnö ɔ ‑kʋ lä.

Faic an caibideil

Lean sinn:

Ceanglaichean taic

Sanasan

Sanasan