Bìoball air-loidhne

Filipʋ‑dunyʋä 1:6 - GOD - u2

⁶ n ‑känɩ plɛkʋ nynä ‑mä Laagɔɔ ‑ʋ cie lä ‑lää' 'nägä‑lebhenɛ anyɩ nëëdë 'kʋ nä, ʋ yie nʋ ‑aaa 'nɩ ʋ yie ‑zɔɔ bhɩä Zozi Klisöö' yiylʋʋ 'kʋ.

Faic an caibideil Dèan lethbhreac

dol air ais ⬆

Filipʋ‑dunyʋä 1:6
33 Iomraidhean Croise

Zään 6:29

Zozii lä lebhee Laagɔ 'ylänö'anyɩ lä nä, ɛmɛɛ‑ plöö‑ lä nynä ‑mä nyɩkpɔɔ ʋ ‑lobho lä nä, a kään ɔɔ' pɔlötɛtɛ.

Faic an caibideil

Nʋnʋgbɩɩ 11:18

‑Mä Zolizalɛmʋduu' bhelia nuu‑ lä sä Pɩɛlö cii‑ lä nä, kä waa' plɛ ‑bhlü. Wa fään bhɛ Laagɔ 'ŋnu, wlä 'zaazɩ, nyɩkpaa ‑waa ‑wʋ la 'Zufʋnyʋä plöö‑ nä, Laagɔ ‑gbä 'sɩɩ 'nɩ wa 'cɩcɩ‑, 'nɩ wa nii‑ 'pʋpʋɛ.

Faic an caibideil

Nʋnʋgbɩɩ 16:14

‑Mä 'ŋwnɩaa' nëëdëë' lɔɔ ‑bhlo, wa lɔɔ bhä Lidii. Ɔ ‑glö bhä Tɩatiiduu' 'ylʋkwlä. 'Ŋnɔnɔ nä, 'ŋnumʋ‑lokwü ‑zälöö, ɩmɩ ɔ ŋʋ bhä 'kpä. ‑Mä 'Zufʋnyʋaa' Laagɔɔ 'mʋ ɔ bʋbɔ bhä. Ɔ ‑kʋ 'nyukwli poo dä 'nɩ Kwlienyɔ yi ɔɔ' plɛɛ 'klʋ kään ‑yä wälɩɩ Pɔlʋ ci bhlä nä, ɔ 'kɩ plɛ yëku fään.

Faic an caibideil

1 Kolɛtɩ‑dunyʋä 1:8

Laagɔ yi gbä 'nɩ a yi 'tɛtɩ kään ‑aaa, 'nɩ bhɩädaa' ylʋʋ yi ŋëë. Ɩ yi sɔɔ kʋ ‑yä Kwlienyɔɔ Zozi Klisöö' yiylʋʋ 'kʋ, ɔɔ' ka'anyɩ ‑kä 'foclo yëku 'nii.

Faic an caibideil

2 Kolɛtɩ‑dunyʋä 1:15

'Klünö 'mɩ n 'tɛɛ‑ lä dë nä, ɩɩ' ‑zä n ŋʋʋ‑ bhlä nynä ‑mä ‑anyɩ‑ n 'kä tɛɛ 'yi 'ni 'kää yi. Ɩyä 'naa yilɩɩ ka'anyɩ bhɛ 'ci 'sɔ 'kʋ ‑jäkä pleyii 'ŋʋ.

Faic an caibideil

2 Kolɛtɩ‑dunyʋä 2:3

‑Nɩnɩ 'fɩɩn 'mɩɩ‑ ‑kä 'ŋnö 'nɩ n ‑jɩjlä'anyɩ bhlä. Nn' bhɔɔ ŋoo‑ nynä ‑mä anyɩmɔɔ‑ gä'ä lä pleyii ‑jäkä 'ŋʋ nä, n 'kä yi ‑yä n 'kanyɩ plɛɛ 'kpɔsʋä. ‑Ɛɛɛ, n ‑yi sɔɔ nynä ‑mä ‑jäkä kä'ä pleyii ‑kʋ nä, anyɩ ‑mä 'sɩɩ ‑jäkä yi'anyɩ pleyii kʋ.

Faic an caibideil

2 Kolɛtɩ‑dunyʋä 7:16

Naa, sä n yi'anyɩ lä ‑lɩɩ 'fɩɩn 'mnö dë 'tɛɛ nä, ɩ ŋʋ'ʋ ‑jäkä yɩ pleyii.

Faic an caibideil

2 Kolɛtɩ‑dunyʋä 9:4

N ‑yä ‑mää Masedʋanöö' 'cɔcɩnyʋä 'sɔɔ‑ 'ganyɩ bhlä 'yi 'ni kää yi. ‑Mä sä ‑a 'tɛnö'anyɩ lä dë nä, a 'nö sɔɔ ‑ghlɩlɩ nä, ɩ yi ‑anyɩa zoo nʋ, 'nɩ ɩ yi 'sɩɩ anyɩa' zoo nʋ.

Faic an caibideil

Galatɩnyʋä 5:10

‑Mä Kwlienyɔ ‑bhlü'ë plɛɛ' anyɩa' ‑za. 'Nɩ n ‑yi sɔɔ nynä ‑mä, aa' ‑lä 'sɩɩ yigädasä bhobho. ‑Mä ‑wa 'bhläbhlänö'anyɩ lä wälɩ 'wlu nä, sä wa yi kʋmɔ ‑kʋmɔ ‑kaaa nä, wa yi ‑lɔɔ' dluu plʋʋ Laagɔ dëlü.

Faic an caibideil

Efɛzɩ‑dunyʋä 4:12

‑Nɩnɩ 'fɩɩn nä, kä Klisö ‑nʋɩ lä ‑yä 'cɔcɩnyʋa 'kä mii wa 'kä Laagɔɔ' lebhee 'nägäsä nʋ. Ɩyä wa 'kä gbä Klisöö' 'cɔcɩɛ ‑ɛ plöö‑ lä ɔɔ' 'yɛkɛɛ nä, ɛ 'kä 'tɛtɩ kään.

Faic an caibideil

Filipʋ‑dunyʋä 1:10

‑Lɔɔ a yi ‑kä mii 'nɩ 'klüü' lɩɩ‑ nää lä nä, a yii yibhë ‑yä Klisöö' yiylʋʋ 'kʋ nä, a 'kä kplɔɔ ‑yä ɩ 'kanyɩ gbʋʋ' ‑sä.

Faic an caibideil

Filipʋ‑dunyʋä 1:29

Laagɔ 'mʋʋ‑ gbä 'nɩ a nʋ lä Klisö ‑gä. Ʋmʋʋ‑ gbä lä 'sɩɩ 'nɩ a ‑kä lä ɔɔ' pɔlötɛtɛ, 'nɩ 'kwlɩ bhɩänö'anyɩ ɔɔ' ‑za.

Faic an caibideil

Filipʋ‑dunyʋä 2:12

Ɩ ‑kʋ ylä sää nä, 'naa ‑wawanyʋänyɩ‑, 'tänyɩɩ n ‑kʋ'anyɩ bhlä yëku nä, 'ɩɩ sa ŋʋʋ'ʋ bhlä 'kɔɔkɔ 'klʋkpää nä, 'nn yɩɔ ‑lɔɔ ‑kʋ oo, ‑mä a nʋ ‑lätee sɔɔ. Anyɩa 'cɔcɩ‑zëkpëa pana nynä ‑mä ka guu‑ Laagɔ 'nɩ a ŋʋʋ 'sɩɩ kpänyɩ 'klʋkpää ‑yä ʋ 'kanyɩ ‑kä puë.

Faic an caibideil

Filipʋ‑dunyʋä 2:13

Laagɔ nä, ʋmʋʋ‑ gbä lä 'nɩ a ci lä nynä a yi lʋʋ 'cënänä nʋ. 'Nɩ ʋmʋʋ‑ gbä lä 'sɩɩ 'nɩ, sä ʋ ‑waa lä nä, a mii lä sɔɔ nʋlɩ.

Faic an caibideil

Filipʋ‑dunyʋä 2:16

Laagɔɔ' Nägädöö ‑ɩ nyɛ lä 'pʋpʋɛ nä, a ‑sänɩ nyɩkpa. ‑Ɩyä Klisöö' yiylʋʋ 'kʋ nä, n 'kanyɩ 'mʋ täkpɔɔ. Kɩ ‑kʋ ylä nynä ‑mä, 'nn ‑wʋ 'flɛflɛ‑lebhe nʋ. 'Nɩ 'klwɩ nö'ö ‑wʋ 'sɩɩ 'flɛ ‑bhɩä.

Faic an caibideil

Kolɔsʋ‑dunyʋä 2:12

'Tänyɩ wa mnaa'anyɩ lä 'nyuu 'mnö 'kʋ anyɩa' 'nyuu 'wlu‑ŋʋdaa nä, kɩ pana‑ lä nynä ‑mä a ‑yä Klisö kä wa ŋʋʋ'anyɩ glu 'nɩ a ‑yɔsɔ yi lä 'kuëë glɔɔ. ‑Ɔnöza bhää? Laagɔɔ' 'päwa ‑a ‑gbä 'nɩ ɔ ‑glɔɔ lä 'kuëë nä, anyɩ, a ‑kä aa' pɔlötɛtɛ.

Faic an caibideil

1 Tesalonikö‑dunyʋä 1:3

‑Ɛɛɛ, anyɩa' pɔlötɛtɛɛ' sɛ ‑kä lä 'tɛtɩ nä, 'nɩ anyɩa' ‑wawʋʋ' lebhee ʋ ‑nʋ lä nä, ɩyä sa a ‑kään lä kpänyɩ ‑anyɩa Kwlienyɔɔ Zozi Klisö plɛkʋ nä, ɩ gbä 'nɩ ‑a luë 'kɔɔkɔ anyɩa' dä.

Faic an caibideil

2 Tesalonikö‑dunyʋä 1:11

‑Nɩnɩ 'mɩɩ‑ ‑kä 'ŋnö 'nɩ ‑a bhibhie lä 'kɔɔkɔ Laagɔ anyɩa' ‑za. ‑Anyɩa Laagɔɔ‑ gbä ‑yä anyɩa' ‑laagɔ‑zëkpëa nää ʋʋ' pɔlösaa. Laagɔ gbä 'sɩɩ ‑yä 'nää 'fɩɩn a tään lä nä, a 'nia ‑yä anyɩa' pɔlötɛtɛɛ' nʋnʋgbɩɩ 'plöö 'kʋ.

Faic an caibideil

2 Tesalonikö‑dunyʋä 3:4

‑A ‑kä pɔlötɛtɛ nynä ‑mä Kwlienyɔɔ' 'ŋnöö 'mnö, sä ‑a 'ylänö'anyɩ lä nä, ka nʋ sɔɔ. 'Nɩ a yi ‑lätee 'kɔɔkɔ sɔɔ nʋ.

Faic an caibideil

Filemɔɔ 1:21

N yi sɔɔ nynä ‑mä, 'tänyɩɩ n jɩjlä‑ä lä 'bɔɔgʋnʋ nä, 'naa 'klʋkpaa' ‑za, wälɩnɩ n 'ylänö‑ö lä nä, ‑n yii nʋ 'nɩ, ‑n yii nëkʋ 'tɔtɔ.

Faic an caibideil

Eblëënyʋä 10:35

Nä sä a 'tɛɛ‑ lä Laagɔ dë nä, aa' të ‑lä sɔɔ ‑mä ɩ yi gbä 'nɩ a yi bɔɔpälɩ 'kädɩ 'ni.

Faic an caibideil

Eblëënyʋä 12:2

A ‑ya wloo yɩ 'kɔɔkɔ Zozii ‑mä ɔmɔɔ‑ gbä 'nɩ pɔlötɛtɛ yi lä, 'nɩ ɔmɔɔ‑ gbä lä 'sɩɩ 'nɩ ɛ kplɔɔ lä wɩa. Ɔmɔ, ɔɔ' ‑wʋ zoo 'mänyɩ 'nɩ ɔ ŋoo‑ lä 'nɩ ɔ 'kuu‑ lä 'kusu 'yii. ‑Ɔnöza bhää? ‑Mɔɔ 'yikʋʋ ‑pʋpɛɛ‑ yi bhlä nä, ɔ nie bhä 'yi. ‑Pɛpɛɛ nä, ɔ ‑kʋ yɩ 'Päwö kää Laagɔɔ' lüüklä 'kʋ sä.

Faic an caibideil

1 Pɩɛlö 5:10

‑Mä 'kwlɩnɩ yi'anyɩ bhɩädä kʋ ‑aaa 'nɩ ɩ yi 'tänyɩ nʋ. ‑Mä Laagɔɔ ‑ʋ ‑kä lä ‑wawʋ nä, ʋ yi'anyɩ 'tɛtɩɩ 'ŋʋ. Ʋʋ' 'klʋagba ‑kʋ lä 'kɔɔkɔ nä, amä 'mnö ʋ laa'anyɩ lä nynä a yii Zozi Klisö. Nä ʋmʋ 'titi yi gbä 'nɩ a yi 'mʋ 'tɛmä 'nɩ a yi 'nägäsä 'mʋ 'tɛmä.

Faic an caibideil

2 Pɩɛlö 3:10

Kwlienyɔɔ' yiylʋʋ 'kʋ nä kɔ 'kä lä yi nynä 'ghüghünyɔ. ‑Lɔɔ' 'tänyɩɛ 'mnö nä, 'nyukpɔ ‑laagɔnʋ yi ‑gaa 'nɩ ʋ yi 'mʋmnɔ. 'Nɩ ‑kosu yi ‑laagɔzälöö sie. 'Nɩ ‑dʋdʋʋ ‑yä ‑lɩɩ 'fɩɩn ‑kʋ lä nä, ɩ yi 'mʋmnɔ.

Faic an caibideil

Lean sinn:

Ceanglaichean taic

Sanasan

Sanasan