Filipʋ‑dunyʋä 1:30 - GOD - u2

³⁰ ‑Pɛpɛɛ, n ‑yi yɩ sɔɔ nynä ‑mä Laagɔɔ' 'Nägädöö ‑ɩnö dä n bhlää bhlä tɛɛ 'kʋ nä, a ‑kʋmʋ yɩ ‑pɛɛ 'nɩ ‑a bhlää lä däbhloo' 'kʋ.

Filipʋ‑dunyʋä 1:30 Iomraidhean Croise

Zään 16:33

Kä n ‑sonö'anyɩ lä wälɩnɩ 'fɩɩn ‑yä, a ‑yä ‑amʋ 'sɔ kä 'jɛnyɩ‑ nä, a 'kä 'kʋ wɔtɔlɩ 'mnö kʋ. A yi ‑mää 'ylʋzɔɔ nyäkälɩ 'nii. ‑Mä, n yä ‑dʋdʋnʋ kʋʋ' 'päwaa sɩä. Nä, a kään yɩ 'tɛtɩ!

Filipʋ‑dunyʋä 1:13

A ni 'yi ‑a, ‑gɔmnɔɔ' lebhe‑nʋnyʋa 'fɩɩn, ɩyä 'yigädadöö 'fɩɩn nyɩkpaa ‑kʋ lä ‑mɔɔ nä, wa ‑yi sɔɔ nynä ‑mä Klisöö' ‑gänʋlɩɩ' ‑zä n ‑kʋ lä ‑jɩɩ'.

Kolɔsʋ‑dunyʋä 1:29

Ɩmɩɩ‑ ‑kä 'ŋnö 'nɩ Klisö nyɛɛ'ɛ lä 'tɛtɩ 'nɩ n nʋ lä saa 'fɩɩn ‑yä n 'kä ‑lɔɔ' lebhee nʋ.

Kolɔsʋ‑dunyʋä 2:1

N ‑waa nynä ‑mä a yibhë sɔɔ nynä 'kʋ bhläälɩ 'kädɩ‑ n bhlää lä 'kʋ anyɩa' ‑za. N bhlää 'sɩɩ Lawodisee‑duu' 'lëkpëa 'mnö 'cɔcɩnyʋaa' ‑za 'kʋ. 'Nɩ 'cɔcɩnyʋää' ‑nänʋä ‑kʋ ‑lɔɔ 'nɩ wa nö'ö ‑läzä 'yi 'ni, 'nɩ n bhlää 'sɩɩ waa' ‑za 'kʋ ‑yä

1 Tesalonikö‑dunyʋä 2:2

A ‑yi 'sɩɩ sɔɔ nynä ‑mä, 'kwlɩ ‑bhɩänö‑anyɩ 'fɩa Filipʋduu. Wa 'bhɩsɩ‑anyɩ 'nɩ wa ŋʋ‑anyɩ nyäkälɩɩ'. Mä ɩ ‑kʋ sɔɔ 'nɩ Laagɔ nyɩ‑anyɩ 'tɛtɩ 'nɩ ‑a yi'anyɩ lä ʋʋ' 'Nägädöö ‑lä.

1 Timotee 6:12

‑N bhlää 'nägäsä pɔlötɛtɛɛ' ‑za 'kʋ. Ɩyä 'pʋpʋɛɛ‑ ‑kʋ lä 'kɔɔkɔɔ ‑za nä, ‑n klɛɛ sä. ‑Ɔnöza bhää? ‑Lɔɔ' zëkpëa' ‑zä Laagɔ pä‑ä lä wälɩ, 'nɩ nyɩkpa ‑bhutukpää' 'klʋ, 'nɩ ‑n ŋoo‑ lä ‑naa pɔlötɛtɛɛ' gbʋ.

2 Timotee 4:7

N ‑bhlää 'nägäsä 'kʋ. Sämɩɩ n paa bhlä nä, n yä ɩɩ' 'wlu ‑säädä ŋëë. 'Nɩ 'naa pɔlötɛtɛɛ, n ‑känɩɛ 'kɔɔkɔ sä.

Eblëënyʋä 12:1

A ni ylä 'yi naa, ‑dläfʋɛɛ' lünyʋä ‑bhutukpä wamää‑ ‑glänö‑anyɩ lä 'klʋ. Naa, lʋʋ lʋʋ‑ yi bhlä ‑anyɩa ‑blɔɔ 'kʋ sɩä nä, ɩyä nyenyii' ‑lɩɩ ‑ɩ gbi‑anyɩ lä 'flɛ 'wlu nä, a ‑ya ‑sɩɩ yɩ ‑a yëku ‑väkö. Ɩyä sämɩɩ ‑a ‑kʋ lä paa dä nä, a ‑ya wloo yɩ 'kɔɔkɔ ɩɩ' wälɩ 'kʋ.

Eblëënyʋä 12:4

A ‑yä nyenyi 'sɔ bhlää 'kʋ ‑mä a ‑nyɩ 'sɔ ‑lätee ‑plä.

'Yii Ghlä‑wälɩ 12:11

‑A bhelie ‑yɔ sɩä. 'Bhabhlöyuo doluu ‑yä waa' ‑dläfʋɛɛ' lülɩɩ 'mnö wa ‑sɩänöɔ lä. Wa ‑wʋ ŋoo‑, wa ‑sä wa yëkuu' zëkpë 'nɩ wa ‑vë.