Filipʋ‑dunyʋä 1:28 - GOD - u2

²⁸ Aa' ‑taa lä a yëku 'yi 'nɩ anyɩa' ‑zɔbhlɛgbänyʋa 'kanyɩ guë. ‑Lɔɔ ɩ yiwa lä pana nynä ‑mä ‑gbäsɩ wa mʋʋ lä nä, too ‑kää wa mʋ lä. ‑Mä anyɩa' ‑za nä, ɩ pana nynä ‑mä a yä 'pʋ. Laagɔ, ʋmʋʋ‑ ‑gbä 'nɩ ɩ ‑kʋ lä sɔɔ.

Faic an caibideil Dèan lethbhreac

« Roimhe

dol air ais ⬆

Air adhart »

Filipʋ‑dunyʋä 1:28
24 Iomraidhean Croise

Matie 10:28

Nyɩkpaa' ‑lʋa yi lä 'yɛkɛɛ 'bhlä 'nɩ ‑waa ‑lä lä 'wugɔɔ 'bhlälɩ mii nä, a 'nä ‑guunʋwa ‑lä ‑mä a ‑guu Laagɔ. Laagɔɔ 'mʋʋ‑ ‑kä lä 'päwä ‑yä ʋ 'kä 'yɛkɛɛ ‑yä 'wuga 'sɔ 'Dëvloo ‑kosu ‑düdëa 'mnö nuëë.

Faic an caibideil

Makö 3:3

'Nɩ Zozii yi ‑klɔɔpɛkänyɔɔ soo, ɔ lä ‑n ‑bha 'kʋ ‑yä 'nynigo 'kʋ nyɩkpanä 'fɩɩn 'klʋ!

Faic an caibideil

Lukö 3:6

‑Yä sä Laagɔ ylä lä nynä Ʋ 'kä 'ylʋzɔkʋnyʋä ‑lɔɔ nëë ‑sä nä, Nyɩkpaa 'fɩɩn 'kä sɔɔ 'yi 'ni.

Faic an caibideil

Zään 16:8

Ɔ kä ‑yi nä, ɔ yi ‑mää 'ylʋzɔɔ' nyɩkpaa paa nynä wa yä mnɔɔ. Kwa mnɔɔ‑ nyenyii' 'pɛlʋʋ 'mnö, 'nɩ wa mnɔɔ‑ Laagɔɔ' 'kʋgëlɩɩ' 'pɛlʋʋ 'mnö, 'nɩ wa mnɔɔ‑ 'sɩɩ Laagɔɔ' 'titee' 'pɛlʋʋ 'mnö.

Faic an caibideil

Nʋnʋgbɩɩ 28:28

'Nɩ Pɔlʋ yiwa bʋkʋ soo, ɔ lä a yibhë sɔɔ nynä ‑mä Laagɔɔ' 'Nägädönö nä, ɩ yä wɛzä lowubhlɩ 'mnö ŋëë. 'Nɩ ‑mɔɔ' nyɩkpaa yii 'nyukwli poo! [

Faic an caibideil

Wlɔmʋ‑dunyʋä 8:17

Nä sä ‑a plöö‑ lä Laagɔɔ' yuë nä, ‑a ‑glö 'sɩɩ ʋʋ' jaa‑lünyʋä. ‑A ‑yä Klisö 'sɔ yi Laagɔɔ' jaa 'kʋ lüü. ‑Ɔnöza bhää? Sä ‑a 'nimʋ lä Klisöö' 'kwlɩkabhɩa nä, kɩ plöö‑ lä nynä ‑mä ‑a yi 'sɩɩ ɔɔ' 'klʋagba 'mnö kʋmʋ.

Faic an caibideil

1 Tesalonikö‑dunyʋä 2:2

A ‑yi 'sɩɩ sɔɔ nynä ‑mä, 'kwlɩ ‑bhɩänö‑anyɩ 'fɩa Filipʋduu. Wa 'bhɩsɩ‑anyɩ 'nɩ wa ŋʋ‑anyɩ nyäkälɩɩ'. Mä ɩ ‑kʋ sɔɔ 'nɩ Laagɔ nyɩ‑anyɩ 'tɛtɩ 'nɩ ‑a yi'anyɩ lä ʋʋ' 'Nägädöö ‑lä.

Faic an caibideil

Eblëënyʋä 13:6

Ɩ ‑kä ylä 'ŋnö nä, ‑anyɩ ‑mä 'sɩɩ ‑a yi 'tɛtɩ 'ni 'nɩ ‑a yi ci nynä ‑mä, Kwlienyɔ Laagɔ plöö‑ 'naa 'kʋ yinyɔ nä nn' ‑lä ‑guu. Lʋʋ ‑sä nyɩkpɔ yi'i a nʋʋ?

Faic an caibideil

'Yii Ghlä‑wälɩ 2:10

‑N ni 'yi naa, 'kwlɩ yi‑i bhɩä ‑mä, ‑naa ‑guu ‑lä ‑kä. Wloo, 'Dëvlo yi anyɩa' nëëdëë bhloobhlolʋä ‑jɩɩ' 'pä nynä a 'kä 'kwlɩkabhɩä 'ni. A yi ylɩɩ 'kʋgbä 'mnö nyäkälɩ 'kädɩ 'nii. ‑Mä ‑naa dä ‑n ‑klä lä sä nä, ‑naa ‑sä lä ‑lɔɔ wlɩ! ‑N klä sɔɔ sä ‑aaa ‑yä ‑naa 'kwiee 'tänyɩɩ 'kä ŋëë ‑mä, n yii 'pʋpʋɛɛ' ‑ajɛɛkpa 'nyɛ.

Faic an caibideil

Lean sinn:

Ceanglaichean taic

Sanasan

Filipʋ‑dunyʋä 1:28 - GOD - u2

Filipʋ‑dunyʋä 1:2824 Iomraidhean Croise

Filipʋ‑dunyʋä 1:28
24 Iomraidhean Croise