Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 1:27

Filipʋ‑dunyʋä 1:27 - GOD - u2

²⁷ Nä, anyɩa nʋnʋgbɩɩ ‑yä Klisöö' 'Nägädöö 'sɔ mʋʋ yëkuu' ‑yä, kä n yi'anyɩ bhɛ 'yi 'ni kää yi ‑o, 'nn ‑lä ‑lɔɔ kʋ ‑o, n 'nu nynä ‑mä ka 'jɛnyɩ‑ 'wugɔɔ ‑bhlo 'mnö. 'Nɩ pɔlötɛtɛɛ Klisöö' 'Nägädöö nyɩ'anyɩ lä nä, a 'jɛnyɩ‑ 'nɩ a bhlänɩɛ 'kʋ ‑yä ɛɛ' kä 'foclo bhlü.

Faic an caibideil Dèan lethbhreac

dol air ais ⬆

Filipʋ‑dunyʋä 1:27
53 Iomraidhean Croise

Matie 12:25

‑Mä Zozii ‑yi bhlä waa' bhobhowluu nä, kɔ ‑sonʋwa, ɔ lä 'leyidu ‑bhlobhlo 'mnö nyɩkpa kä 'mʋ doo‑ 'nɩ wa kä vë nä, kä ‑lɔɔ' 'leyiduu nuë. 'Duu 'mnö nyɩkpa kä 'mʋ doo‑ nä, ‑lɔɔ' 'duu kʋ bhɩä. 'Gbë ‑bhlobhlo 'mnö nyɩkpa 'kä 'mʋ doo‑ nä, ‑lɔɔ 'gbëa ka nuë.

Faic an caibideil

Nʋnʋgbɩɩ 2:46

'Nɩ ylɩɩ 'fɩɩn 'kʋ wa 'ŋʋʋ bhä 'kʋ 'nɩ wa yi Laagɔ‑bhutuu 'Kädʋʋ 'mnö bʋbɔ ‑kää. 'Nɩ waa 'gbüü 'mnö, wa lüü bhä 'kʋ ‑jäkaa 'mnö ɩyä pɔlöwätɛɛ 'sɔ 'mnö.

Faic an caibideil

Nʋnʋgbɩɩ 24:24

Ɩ ‑nʋ ylɩɩ zio 'fɩa 'nɩ, ‑gɔmnä Felisö ‑yä ɔ 'ŋnɔ Dlusii 'sɔ ‑yi ‑lɔɔ. Dlusii nä, ɔ ‑glö bhä 'Zufʋ‑yʋkwlä. 'Nɩ Felisö yi gbä 'nɩ wa yi Pɔlʋ ‑lä. Pɔlʋ säsä bhä Klisöö' 'kʋgëlɩɩ pɔlötɛtɛɛ' wälɩɩ 'mʋ, 'nɩ ɔ ‑puo bhä 'nyukwlii'.

Faic an caibideil

Nʋnʋgbɩɩ 4:32

'Cɔcɩnyʋa ‑zu bhä ‑mä, waa' ‑lefɩɩn plöö‑ bhä ‑bhlo. Waa' nëëdëë' nyɩkpɔɔ' ci bhɔɔ nynä ‑mä ‑nʋnʋ, ‑amʋ ‑bhlo, 'naa lʋʋ lä! Kä wa ‑känö bhä ‑lɩɩ 'fɩɩn 'kʋ.

Faic an caibideil

Wlɔmʋ‑dunyʋä 1:16

‑Amʋ nä, 'Nägädöö' bielɩɩ nö'ö ‑wʋ zoo 'kʋ ‑kä. Ɩ ‑glö Laagɔɔ' 'päwä. Nyɩkpaa' ‑lefɩɩn ‑kä lä ɩɩ' pɔlötɛtɛ nä, ɩ ‑glö waa' ‑za 'päwaa laa‑ sʋwa lä ‑lɔɔ nëë nä. Ɩ plöö‑ 'pawä 'Zufʋnyʋää' ‑za 'fɩa, 'nɩ ɩ ‑yi 'nɩ ɩ plöö‑ 'sɩɩ 'päwä 'Glɛkönyʋää' ‑za.

Faic an caibideil

Wlɔmʋ‑dunyʋä 1:5

Ɔmɔɔ‑ plöö‑ lä ‑anyɩa Kwlienyɔɔ Zozi Klisö. Ɔɔ' ‑bɔɔ 'nɩ n plöö‑ lä ɔɔ' lobho lobhonyɔ ‑yä n 'kä gbä 'ylʋzɔkʋnyʋa 'fɩɩn 'kä ɔɔ' pɔlötɛtɛ kään ɩyä wa 'kɔ 'klʋkpää 'ŋʋ.

Faic an caibideil

Wlɔmʋ‑dunyʋä 1:9

Laagɔ 'titi yi 'naa ‑dläfʋɛ lü nynä ‑mä n kä ʋ ‑Yowlii' 'Nägädöö bie nä, 'naa 'wugɔɔ 'mnö n nʋnʋ ‑gä. 'Nɩ n bhibhie 'kɔɔkɔ anyɩa' ‑za.

Faic an caibideil

Wlɔmʋ‑dunyʋä 10:8

Nä sä Laagɔ‑bɔɔgʋʋ ci bhä ‑lää' 'klünö? Ɩ ‑jɩjlɔ ‑mɔɔ nynä ‑mä, ciciwälɩ nä, ɩ mɛɛ‑ yëku, 'nɩ ɩ kʋ‑ʋ nëë', 'nɩ ɩ kʋ‑ʋ pleyii. ‑Lɔɔ' ciciwälɩɩ nä, ɩmɩɩ‑ plöö‑ lä pɔlötɛtɛɛ yëkuu' wälɩɩ ‑a ci lä nä.

Faic an caibideil

Wlɔmʋ‑dunyʋä 15:16

ʋ ‑gbä 'nɩ n plö yɩ Zozi Klisöö' ‑gänʋnyɔɔ' lɔɔ ɔ ‑lobho lä nyɩkpaa' ‑lʋa ‑waa ‑wʋ lä 'Zufʋnyʋä plöö nä 'kʋ. Laagɔɔ' sʋ 'ylänö'ö lä nä, sɔɔ n nʋʋ lä ‑gä 'nɩ n bie lä ʋʋ' 'Nägädöö. Ɩ 'kä gbä ‑yä ‑waa ‑wʋ lä 'Zufʋnyʋä plöö‑ nä, lʋʋ nyɩkpɔ nyɛ lä Laagɔ 'nɩ ʋ kamä lä Laagɔ 'tʋ nä, wa 'kä ‑lɔɔ ‑lʋʋ 'plö. Kplɔɔkplɔɔ‑wugɔɔ 'mʋʋ 'gwa lä Laagɔ dëlü kpɔlʋä.

Faic an caibideil

Wlɔmʋ‑dunyʋä 15:29

N ‑yi sɔɔ nynä ‑mä, n yi'anyɩ lä yëku nä, n bhɛɛ‑ Klisöö' 'nyupälɩ 'kädɩ 'nɩ n yi lä.

Faic an caibideil

1 Kolɛtɩ‑dunyʋä 1:10

Bhelie ‑yä bhɛŋwnɩänyɩ‑, ‑anyɩa Kwlienyɔɔ Zozi Klisöö' 'ŋnöö 'mnö, n sonö'anyɩ nynä ‑mä anyɩ 'fɩɩn, a 'nunu 'mʋ ‑yä gbɩɩ' kʋ'anyɩ ‑lä 'pää! A 'jɛnyɩ 'wugɔɔ ‑bhlo 'mnö ‑yä a kään bhobhowlu ‑bhlo.

Faic an caibideil

1 Kolɛtɩ‑dunyʋä 15:58

Naa, 'naa ‑wawa‑bhelie ‑yä bhɛŋwnɩänyɩ‑, a 'tɛmä 'mʋ. Aa' yɔmä ‑lä 'mʋ. A nʋ 'kɔɔkɔ Kwlienyɔɔ' lebhee ‑yä ɛ mʋ 'yikʋ. Ɩyä ɩ kʋ'anyɩ 'wlu nynä ‑mä lebhee 'fɩɩn a nʋ lä Kwlienyɔɔ' ‑za nä, ɛɛ' ‑lä 'flɛ 'plö.

Faic an caibideil

2 Kolɛtɩ‑dunyʋä 13:11

‑Pɛpɛɛ nä, bhelie ‑yä bhɛŋwnɩänyɩ‑, a kʋ yɩ ‑jäka 'mnö! A tään nynä anyɩa' zëkpëa 'kä kplɔɔ. A 'ŋʋŋʋ 'sɩɩ 'tɛtɩɩ ‑yä a 'nunuu 'mʋ, ɩyä a kʋ 'kʋ wɔtɔlɩɩ 'mnö. Laagɔ, ‑ʋ plöö‑ lä ‑wawʋ Laagɔɔ ‑yä 'kʋ wɔtɔlɩɩ Laagɔɔ nä, ʋ yi'anyɩ yëku kʋ.

Faic an caibideil

2 Kolɛtɩ‑dunyʋä 4:4

'Dëvlo yä waa' bhobhowluu 'yikʋ wlä nä, waa' ‑wʋ pɔlötɛtɛ ‑kä. Ɩ gbä 'nɩ waa' 'ni yɩɔ Klisöö' 'Nägädöö' 'klʋagba 'yi. Klisö nä, ɔmɔɔ‑ plöö‑ lä Laagɔɔ' 'wlʋʋnyɔ.

Faic an caibideil

2 Kolɛtɩ‑dunyʋä 9:13

Nä anyɩa' 'nyɛlɩɩ 'mnö, ka pana lä nynä ‑mä, Klisöö' 'Nägädöö ka ŋʋɩ 'zaazɩ 'klʋkpä. Anyɩa' plɛkʋnanɔɔ 'mnö nä, Zolizalɛmʋduu' 'cɔcɩɛ, ɩyä 'cɔcɩnyʋa 'fɩɩn, ka ‑yʋwa 'sɔ 'jɛnyɩ ylä. ‑Nɩnɩ yi gbä 'nɩ wa yi Laagɔ 'ŋnu fään.

Faic an caibideil

Galatɩnyʋä 1:7

N sonö'anyɩ nynä 'Nägädöö' 'yigädalɩɩ ‑wʋ bʋkʋ ‑kʋ. Nyɩkpa‑ ‑yi lä 'nɩ ‑wa 'bhläbhlänö'anyɩ lä wälɩ 'wluu. Kwa ghlää lä sɔɔ ‑yä wa 'kä Klisöö 'Nägädöö 'cɩcɩ.

Faic an caibideil

Efɛzɩ‑dunyʋä 1:13

Anyɩ ‑mä 'sɩɩ, Klisönɔ 'mnö ‑mɔɔ a 'nuu‑ lä ‑nʋawlɛɛ. ‑Nʋawlɛɛnɛ 'mɛɛ‑ plöö‑ lä 'Nägädöö ‑ɩ sä lä ‑lɔɔ nëë' nä. 'Nɩ ‑a ‑yi 'sɩɩ 'nɩ a ‑kä lä Klisöö' pɔlötɛtɛ. Ɩ ‑kä 'ŋnö 'nɩ Laagɔ ‑saa'anyɩ 'ylö ‑yä a 'kä yibhënöɔ. 'Ylönö 'mɩɩ‑ plöö‑ lä Kplɔɔkplɔɔ‑wugɔɔ Laagɔ ŋʋʋ‑ bhlä nynä ‑mä ʋ yi ‑lä nä.

Faic an caibideil

Efɛzɩ‑dunyʋä 1:15

‑Amʋ ‑mä 'sɩɩ n nuu‑ lä nynä ‑mä a ‑kä Kwlienyɔ Zozii' pɔlötɛtɛ 'nɩ a ‑kä 'sɩɩ kplɔɔkplɔɔnyʋa' ‑wawʋ nä,

Faic an caibideil

Efɛzɩ‑dunyʋä 4:1

Nä, ‑amʋ Pɔlʋ, ‑amʋ Kwlienyɔɔ' ‑jɩnyɔɔ, n slä'anyɩ 'wlu. Laagɔ ya'anyɩ ylä laa nä, sää‑ ‑ŋwa lä 'kʋ 'nɩ ʋ ‑waa nynä ‑mä a nää nä, a nää yɩ sɔɔ.

Faic an caibideil

Filipʋ‑dunyʋä 1:5

Cie yɩ ‑mɔɔ tɛɛtɛɛylʋʋ 'kʋ ‑yä ŋëë ‑zɩkä nä, Laagɔɔ' 'Nägädöö' bielɩɩ' ‑za, sa ‑yi'i lä 'kʋ nä,

Faic an caibideil

Filipʋ‑dunyʋä 2:12

Ɩ ‑kʋ ylä sää nä, 'naa ‑wawanyʋänyɩ‑, 'tänyɩɩ n ‑kʋ'anyɩ bhlä yëku nä, 'ɩɩ sa ŋʋʋ'ʋ bhlä 'kɔɔkɔ 'klʋkpää nä, 'nn yɩɔ ‑lɔɔ ‑kʋ oo, ‑mä a nʋ ‑lätee sɔɔ. Anyɩa 'cɔcɩ‑zëkpëa pana nynä ‑mä ka guu‑ Laagɔ 'nɩ a ŋʋʋ 'sɩɩ kpänyɩ 'klʋkpää ‑yä ʋ 'kanyɩ ‑kä puë.

Faic an caibideil

Filipʋ‑dunyʋä 2:24

'Nɩ n ‑kään 'sɩɩ Kwlienyɔ plɛkʋ nynä ‑mä, ɔ yi gbä 'nɩ ‑amʋ 'titi, n yi'anyɩ 'ylönöö 'yi 'ni kää yi.

Faic an caibideil

Filipʋ‑dunyʋä 3:18

N ‑sonö'anyɩ wälɩklënä 'futu 'futu. 'Nɩ ‑zɩkää 'titi, 'naa 'tutulɔɔ sonö'anyɩma lä bʋkʋ. N nä nyɩkpa ‑bhutukpä ‑kʋ 'nɩ wa nää yɩ nynä Klisöö' 'kusuu' ‑zɔbhlɛgbänyʋä.

Faic an caibideil

Filipʋ‑dunyʋä 3:20

‑Mä ‑anyɩ nä, Laagɔduu' nyɩkpa ‑a plöö‑ lä nä, Kwlienyɔ Zozi Klisö, ‑ɔ plöö‑ lä Puënyɔɔ ‑a ‑bɛɛ lä nä, ɔ yi ‑mɔɔ Laagɔɔ' ‑bha 'nɩ ɔ yi yi.

Faic an caibideil

Filipʋ‑dunyʋä 4:1

Ɩ ‑kʋ ylä sää nä, 'naa ‑wawa‑bhɛŋwnɩä ‑yä bhelienyɩ‑, n ylä 'sää kpänyɩ nynä ‑mä n 'kanyɩ bʋkʋ 'yi 'ni. Anyɩ‑ plöö‑ lä 'naa ‑jäkä ‑yä 'naa 'kʋzilɩɩ' ‑ajɛɛkpä. 'Naa ‑wawanyʋänyɩ‑, a ‑yä Kwlienyɔɔ' 'sɔ 'jɛnyɩ 'kɔɔkɔ.

Faic an caibideil

Kolɔsʋ‑dunyʋä 1:10

Ɩ yi gbä 'nɩ sä Kwlienyɔ yi lä wamä nynä 'cɔcɩnyɔ nää nä, a yi sɔɔ nää 'kɔɔkɔ. 'Klüü 'fɩɩn‑ nää‑ lä Laagɔ ‑gä nä, a yii nʋ. 'Nɩ ‑lɔɔ' 'nägä‑lebhee 'fɩɩn a 'kä lä nʋ nä, ɛmɛ 'mnö, a yi ‑mɔɔ 'bhü tlʋ. Ɩ yi gbä 'nɩ anyɩa' ‑laagɔ‑yibhëlɩɩ yi 'yikʋ 'mʋ.

Faic an caibideil

Kolɔsʋ‑dunyʋä 1:4

‑Ɛɛɛ! ‑A yä anyɩa' yëkuu' 'dö 'nu. Wlä ka ‑kä Zozi Klisöö' pɔlötɛtɛɛ, 'nɩ a ‑yi 'nɩ a ‑kä 'sɩɩ 'cɔcɩnyʋa 'fɩɩn ‑wawʋ.

Faic an caibideil

1 Tesalonikö‑dunyʋä 3:6

Timotee ‑bha'anyɩ lä yëku 'nɩ ɔ ‑ŋënö‑anyɩ ylä ‑mää nä, ɔ ‑sänö‑anyɩ anyɩa' yëkuu' 'nägädö. Anyɩa' ‑wawʋʋ ‑yä anyɩa' pɔlɔtɛtɛ, ɔ ‑sänö‑anyɩ ɩ yëkuu' 'dö. Ɔ ‑sonö‑anyɩ nynä ‑mä, a luë 'kɔɔkɔ ‑anyɩa dä 'kʋ. Sä ‑a tään lä nynä ‑mä ‑a 'ganyɩ 'yi 'ni 'kää yi nä, sɔɔ anyɩ ‑mä 'sɩɩ a tään lä nynä a 'ka‑anyɩ 'yi 'ni.

Faic an caibideil

1 Tesalonikö‑dunyʋä 4:1

Bhelie ‑yä bhɛŋwnɩänyɩ‑, 'klüü ‑ɩ ‑too ylä ‑mɔɔ 'nɩ ‑a 'ylänö'anyɩ ylä Kwlienyɔ Zozii' 'ŋnöö 'mnö nä, a ni ɩmɩ. Sa 'kä lä nämɔ ‑nämɔ ‑yä Laagɔ 'kä lä anyɩa' wälɩ wamä nä, ‑a cɩa'anyɩ sɔɔ. 'Nɩ a nää ylä 'zaazɩ sɔɔ nä, aa' ‑sä ‑lä ‑lɔɔ wlɩ ‑mä a 'ŋʋɩ 'tɛtɩɩ!

Faic an caibideil

1 Timotee 1:11

Cɩalɩnɩ nä, 'Nägädöö ‑ɩnö ‑tëbhuu n bhɛɛ‑ lä nä, ɩmɩ 'mnö, 'klünö cio‑ ‑mɔɔ. Ɩmɩɩ‑ pana lä 'klʋagba Laagɔɔ ‑ʋ bhɛɛ‑ lä ‑jlɔɔ nä.

Faic an caibideil

1 Timotee 1:19

‑N kʋ pɔlötɛtɛɛ 'mnö ‑yä n kään bhobhowlu 'nänʋ. ‑Ɔnöza bhää? Nyɩkpaa' ‑nänʋä ‑kʋ ‑lɔɔ 'nɩ waa' wʋ bhobhowlu 'nänʋ 'kʋ bhlüü. Ɩ ‑kä 'ŋnö ‑zɩkä nä, waa' pɔlötɛtɛɛ yä 'foclo bhlü.

Faic an caibideil

2 Timotee 4:7

N ‑bhlää 'nägäsä 'kʋ. Sämɩɩ n paa bhlä nä, n yä ɩɩ' 'wlu ‑säädä ŋëë. 'Nɩ 'naa pɔlötɛtɛɛ, n ‑känɩɛ 'kɔɔkɔ sä.

Faic an caibideil

Titö 2:10

Ɩyä waa' ghlü ‑lä waa' käänyʋä. Wa pana nynä ‑mä wa ‑kä dë 'tɛɛ sä. Ɩ yi gbä 'nɩ ‑anyɩa Puënyɔ Laagɔ ɔɔ' yëkuu' wälɩɩ ‑a cɩa lä nä, ɩ yi 'klʋkpää 'kʋ.

Faic an caibideil

Filemɔɔ 1:5

N nu ‑naa yëkuu' ‑dläfʋɛ. Wlä kä ‑n ‑kä kpänyɩ 'cɔcɩɩ‑bhelia ‑yä bhɛŋwnɩaa' ‑wawʋ. 'Nɩ ‑n ‑yi 'nɩ ‑n ‑kä Kwlienyɔ Zozii' pɔlötɛtɛ.

Faic an caibideil

Zakö 3:18

Nyɩkpaa' ‑lʋa ‑wa ‑wɔtɔ lä plɛ nä, kwa gbä 'nɩ 'kʋ wɔtɔlɩ yi. 'Nɩ waa' kʋkʋsa gbä 'nɩ sää‑ gëë‑ lä 'yii nä, wa ni sɔɔ.

Faic an caibideil

2 Pɩɛlö 3:11

Nä, sä kʋkʋlɩɩ 'fɩɩn yi ylä 'mʋmnɔ nä, anyɩ 'titi sa 'kä lä ‑mää zëkpëkʋ nää nä, a ‑yi yɩ sɔɔ. Anyɩa' zëkpëa kplɔɔ ‑yä a 'ŋʋ Laagɔ 'klʋkpää.

Faic an caibideil

2 Pɩɛlö 3:14

‑Nɩnɩ ‑kä ylä 'ŋnö nä, 'fɩa ‑yä ‑lɔɔ' ylʋʋ 'kä ŋëë naa, a nʋ saa 'fɩɩn ‑yä ɔ 'kanyɩ ‑kä 'kpɔ ‑yä 'bhlʋlɛ 'sɔ yëku ŋëë. Ɩyä a ‑yä Laagɔ 'sɔ pää' wɔtɔ 'kʋ.

Faic an caibideil

Zudö 1:3

'Naa ‑wawanyʋänyɩ‑, n ‑waa bhä sää 'titi nynä ‑mä n 'kanyɩ bhä jɩjlä ‑yä sa ‑a yä lä däbhloo' ‑lɔɔ nëë' ‑bha nä, ‑lɔɔ wälɩɩ, n kanyɩmɩ bhä soo. N ‑bhobho nynä ‑mä ɩ ‑ŋwa 'kʋ nynä n sonö'anyɩ ‑yä a 'kä 'tɛtɩ kään ‑yä pɔlötɛtɛɛ Laagɔ nyɛ lä 'fɩɔ 'fɩɔ nä, a 'kä ɛɛ' ‑za 'kʋ bhlää.

Faic an caibideil

Lean sinn:

Ceanglaichean taic

Sanasan

Sanasan