Filipʋ‑dunyʋä 1:25 - GOD - u2

²⁵ Sä n ‑känɩ lä plɛkʋ nä, n ‑yi 'sɔɔ ‑mä n yi ‑lätee zëkpë 'kʋ kʋ 'nɩ n ‑yä anyɩ 'fɩɩn 'sɔ yi ‑lɔɔ kʋ. N 'kanyɩ klää ‑yä a 'kä 'yikʋ mʋ, ɩyä anyɩa' pɔlötɛtɛɛ 'mnö ‑jäkä 'kanyɩ pleyi kʋ.

Filipʋ‑dunyʋä 1:25 Iomraidhean Croise

Lukö 22:32

‑Mä n yä ‑naa 'wluu bhibhie ‑yä ‑naa pɔlötɛtɛɛ' kä ‑kä 'foclo bhlü. Nä ‑mɔɔ nä, ‑n gä yɩ ‑lɔɔ nëë' blüë 'nɩ ‑n gä ‑yi nä, ‑n gbä ‑n bhelie 'kʋ ‑yä wa 'kä 'tɛtɩ kään.

Nʋnʋgbɩɩ 11:23

‑Mä Banabasö ‑mʋ lä 'nɩ ɔ nii‑ lä sä Laagɔ paa‑ lä ‑mɔɔ' 'kʋgënyʋa 'nyuu nä, kɩ ‑plɔɔ ‑pʋpɛɛ'. Ɩ ‑kä 'ŋnö nä, ɔ ŋʋwa‑ dɩgälɩɩ' nynä wa 'sänyɩ 'sää 'titi ‑yä wa ‑yä Kwlienyɔ 'sɔ 'jɛnyɩ 'kɔɔkɔ.

Nʋnʋgbɩɩ 14:22

Wa bhlüë bhä 'cɔcɩnyʋa plɛɛ', 'nɩ wa sonʋwa bhä nynä wa kää 'kɔɔkɔ Kwlienyɔɔ' pɔlötɛtɛ. Wa sonʋwa bhä, wlä a yi 'kwlɩkabhɩä ‑bhutukpä 'mnö blüë 'fɩa, 'nɩ a yi lä Laagɔɔ' 'Leyiduu 'mnö plä.

Nʋnʋgbɩɩ 20:25

‑Pɛpɛɛ' nä, anyɩmɔ ‑ɔnö duu' n ‑ghlää, 'nɩ n ‑sää lä Laagɔɔ' 'Leyiduu' 'Nägädöö nä, 'naa 'klʋnʋ, a 'nʋ ‑läyɩɔ bʋkʋ 'yi 'ni.

Wlɔmʋ‑dunyʋä 15:13

Nä Laagɔ ‑ʋ nyɛ lä plɛkʋ 'tɛnɔ nä, ʋ ŋʋ'anyɩ ‑jäkä bhutukpä ‑yä 'kʋwɔtɔlɩ pleyii anyɩa' pɔlötɛtɛɛ' ‑za, ɩyä Kplɔɔkplɔɔ‑wugɔɔ' 'päwä 'mnö, a 'kä kpänyɩ Laagɔɔ' dë 'tɛɛ sä yibhë!

Wlɔmʋ‑dunyʋä 15:18

Wälɩɩ 'fɩɩn Klisö ‑gbä 'nɩ n ‑nʋ lä nä, ɩmɩ ‑bhlo 'coo n 'kä lä 'dö 'kʋ ‑sää. Kɔ ‑ghlänö'ö lä 'kʋ ‑yä nyɩkpaa 'fɩɩn‑ ‑wʋ lä 'Zufʋnyʋä plöö‑ nä, n 'kä gbä ‑yä wa 'kä Laagɔ 'klʋkpää' 'ŋʋ. 'Naa ciciwälɩɩ ‑yä 'naa nʋnʋgbɩɩ 'mnö Klisö ‑ghlää lä 'nɩ ɔ ‑nʋ lä sɔɔ.

Wlɔmʋ‑dunyʋä 15:29

N ‑yi sɔɔ nynä ‑mä, n yi'anyɩ lä yëku nä, n bhɛɛ‑ Klisöö' 'nyupälɩ 'kädɩ 'nɩ n yi lä.

Wlɔmʋ‑dunyʋä 5:2

Ɔmɔ 'kʋ ‑a ghlää 'nɩ pɔlötɛtɛɛ 'mnö, ‑a mii 'nɩ a ni lä Laagɔɔ' 'nää. 'Nɩ 'nää nä 'mnö nä, ‑mɔɔ ‑a ‑kʋ ylä 'kɔɔkɔ. 'Nɩ ‑a gä yɩ täkpɔ nä, Laagɔɔ' 'klʋagba ‑a ‑kään lä plɛkʋ nä, amä ‑a täkpɔɔ ylä 'mʋ.

2 Kolɛtɩ‑dunyʋä 1:24

‑Aa tään ‑wʋ nynä ‑mä ‑a gä'anyɩ pɔlötɛtɛɛ 'mnö 'wluu zii ‑yä a 'ganyɩ 'tie. ‑A ‑yi sɔɔ nynä ‑mä anyɩa' pɔlötɛtɛɛ yä sikplii 'ŋʋ, ‑mä lebhee' ‑lɛɛ ‑a ‑ya anyɩ 'sɔ nʋ lä nä, ‑a ylä nynä ‑mä ɛ ŋʋ'anyɩ ‑jäkä pleyii.

Filipʋ‑dunyʋä 1:24

‑Mä ɩ ‑ŋwa 'kʋ nynä n kʋ ‑lätee zëkpë 'kʋ anyɩa' ‑za.

Filipʋ‑dunyʋä 2:24

'Nɩ n ‑kään 'sɩɩ Kwlienyɔ plɛkʋ nynä ‑mä, ɔ yi gbä 'nɩ ‑amʋ 'titi, n yi'anyɩ 'ylönöö 'yi 'ni kää yi.

Filemɔɔ 1:22

Anyɩa' bhibhielɩɩ' ‑bɔɔ, n bhobho nynä kä wa kä'ä ylä 'yi ‑taa nä, wa kä'ä 'yi ‑taa nä, n yi'anyɩ ‑mɔɔ yëku yi. Nä bheeje bheli‑, ‑n tään 'naa pudä!

1 Pɩɛlö 1:8

Zozii nä, a 'nöɔ ‑wʋ 'yi nii‑ ‑mä, ɩ ‑kʋ sɔɔ 'nɩ a ‑wɔɔ. A 'nöɔ ‑läte 'yi nii ‑mä ɩ ‑kʋ sɔɔ 'nɩ a ‑kä ɔɔ' pɔlötɛtɛ. Ɩmɩɩ‑ ‑kä lä 'ŋnö 'nɩ ‑jäkä 'kädä ‑kʋ'anyɩ lä pleyii, 'nɩ ‑lɔɔ' ‑jäkaa nä, nyɩkpɔɔ' ‑lä aa nyäkälɩ mii.