Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 1:20

Filipʋ‑dunyʋä 1:20 - GOD - u2

²⁰ Naa, wälɩklëa ‑laa n ‑bɛɛ lä, 'nɩ n 'tɛɛ‑ lä kpänyɩ dë nynä ‑mä ‑a yi glää nä, a ‑kä 'ŋnö 'nɩ wälɩklë nö'ö yɩɔ bʋkʋ zoo 'kʋ ‑kä. ‑Mä ‑pɛpɛɛ ‑yä 'kɔɔkɔɔ ‑za nä, kä n yi ‑nɩnɩ 'mnö 'pʋʋ ‑o, kä n yii 'mnö 'kuu‑ ‑o, ‑wa ni lä 'naa zëkpëa 'yi nä, wa yi sɔɔ yibhë nynä ‑mä kä Klisö 'ghlü.

Faic an caibideil Dèan lethbhreac

dol air ais ⬆

Filipʋ‑dunyʋä 1:20
41 Iomraidhean Croise

Zään 21:19

Zozii ci bhlä sɔɔ nä, Pɩɛlöö' 'kwiee wälɩɩ, sɩ 'kä bhlä 'kʋ 'plö ‑yä ɛ 'kä bhlä Laagɔ 'ŋnu fään nä, sɔɔ ɔ pana bhlä. 'Nɩ Zozii yio bʋkʋ soo, ɔ lä Pɩɛlö‑, ‑n gëë'ë 'kʋ!

Faic an caibideil

Nʋnʋgbɩɩ 20:24

‑Amʋ 'naa ‑za nä, 'naa zëkpëa 'mää‑ nö'ö ‑wʋ gbʋ kää. 'Naa 'klëa n tää lä nä, amää‑ plöö‑ lä nynä ‑mä, n nʋ 'naa lebhee ‑aaa ‑yä n bhɩɛ ‑zɔɔ. Wälɩɩ 'fɩɩn Kwlienyɔ Zozii 'ylänö'ö lä nä, ɩ ‑ŋwa 'kʋ nynä ‑mä n nʋɩ. ‑Lɔɔ' lebhee 'mɛɛ‑ plöö‑ lä nynä ‑mä n ‑sää Kwlienyɔɔ ‑wawʋʋ' 'Nägädöö.

Faic an caibideil

Nʋnʋgbɩɩ 21:13

‑Mä Pɔlʋ ‑sonö‑anyɩ, ɔ lä ‑ɔnözä 'nɩ a tu bhä, 'nɩ a gbä 'nɩ ‑bhlɔlɩ 'kɔtɔ'ɔ bhä? ‑Amʋ Pɔlʋ, n ‑ghlɩlɩ. ‑Mɔɔ Zolizalɛmʋduu' nä, Kwlienyɔ Zozi Klisöö' 'ŋnöö 'mnö, wa yi'i ‑mɔɔ gʋä ‑o, wa yi'i ‑mɔɔ 'bhlää ‑o, n ‑ghlɩlɩ ‑yä n 'kä ‑lɔɔ nyäkälɩɩ 'ni.

Faic an caibideil

Nʋnʋgbɩɩ 4:31

‑Mä wa ‑bhɩä ylä bhibhielɩ nä, dä wa 'wlää‑ bhlä 'wlu 'nɩ wa bhibhie bhlä nä, kä ‑lɔɔ ‑tɩtɛ 'nɩ Kplɔɔkplɔɔ‑wugɔɔ kwlii‑ waa' ‑lefɩɩn 'kʋ 'sää kpänyɩ. Ɩ ‑kä 'ŋnö 'nɩ wa ‑kä bhɛ 'tɛtɩ 'nɩ wa ci bhɛ Laagɔwälɩɩ.

Faic an caibideil

Wlɔmʋ‑dunyʋä 12:1

Nä bhelie ‑yä bhɛŋwnɩänyɩ‑, Laagɔɔ' ŋäzö yibhëlɩɩ' ‑za nä, n 'ylänö'anyɩ wälɩklë ‑bhlo. Amää‑ plöö‑ lä nynä ‑mä, a ‑sä a yëku ‑yä anyɩa' zëkpë Laagɔɔ' ‑za. Kɩ ‑kʋ lä nynä 'cibhii' lɛɛ‑ nää‑ kpänyɩ 'nɩ ‑ɛ ‑kplɔɔ lä Laagɔ dëlü nä. Ɩmɩɩ‑ plöö‑ lä Laagɔ dëlü bʋbɔlɩ 'titi.

Faic an caibideil

Wlɔmʋ‑dunyʋä 5:5

'Nɩ Laagɔɔ' dë 'tɛɛlɩɩ nä, ɩɩ' 'nyigë ‑wʋ. ‑Ɔnöza bhää? Laagɔ nyɩ‑anyɩ Kplɔɔkplɔɔ‑wugɔɔ 'nɩ ʋ yä gbä 'nɩ Laagɔɔ' ‑wawʋʋ yä‑anyɩ pleyii yie.

Faic an caibideil

Wlɔmʋ‑dunyʋä 6:13

Anyɩa' 'yɛkɛɛ nä, aa' cienɩɛ ‑läyɩɔ nyenyi 'nɩ ɛ 'kä yɩ kʋ nynä ‑mä gbenyenyii' ‑zä ɛ ‑kʋ ‑lɔɔ. Laagɔ 'mʋ a la cie yɩ a yëku. Ɩ kʋ nynä ‑mä sä ka kuu‑ bhlä 'nɩ a yä lä bʋkʋ zëkpëkʋ yi nä. A 'nyɛ yɩ anyɩa 'yɛkɛɛ Laagɔ wlɩɩ' nynä ‑mä kɛ ‑kʋ ylä ‑lɔɔ ‑yä ɛ 'kä 'yigëgbɩ nʋ.

Faic an caibideil

Wlɔmʋ‑dunyʋä 6:19

N kä 'sää ci nä, a kä'ä mʋ 'nu ɩɩ' ‑zä n sää lä 'sɔɔ 'mʋ. A cie bhlä a yëku plʋplälɩɩ ‑yä ‑käpä ‑käpaa, 'nɩ a plöö‑ bhlä ɩɩ' geyuë nä, ɩmɩɩ‑ ‑kä 'ŋnö 'nɩ a cɩcɩɔ bhlä Laagɔ 'yi. ‑Pɛpɛɛ nä, a cie yɩ a yëku 'yigëgbɩɩ ‑yä a 'plö yɩ ɩɩ' geyuë ‑yä anyɩa' kʋkʋsaa 'kä kplɔɔ.

Faic an caibideil

Wlɔmʋ‑dunyʋä 8:19

‑Ɔnöza bhää? Laagɔɔ' 'yuaa' 'klʋagbaa' pana ylʋʋ nä, ʋmʋ 'kɔɔnʋ ‑bɛɛ lä 'nɩ pleyii 'kpɛtɩʋ lä.

Faic an caibideil

Wlɔmʋ‑dunyʋä 9:33

Ɩ ‑jɩjlɔɔ Laagɔ‑bɔɔgʋʋ 'mnö nynä ‑mä, A ni 'yi ‑a! Kä n ŋʋ lä Siyɔɔduu' cɛkʋ. Cɛkʋʋ' lʋʋ nyɩkpa yi lä 'kʋ dɛlɩɔ nä. ‑Lɔɔ cɛkʋʋ nä, ʋ yi nyɩkpa sä pään. Nyɩkpɔ kä ʋʋ' pɔlötɛtɛ ‑kä nä, Plɛ 'nöɔ ‑lä 'kpɔsɔ.

Faic an caibideil

1 Kolɛtɩ‑dunyʋä 15:31

‑Ɛɛɛ, 'zaazɩ bhelie ‑yä bhɛŋwnɩänyɩ‑, ylɩɩ 'fɩɩn 'kʋ nä, n ‑kʋ 'kwiee numnu 'kʋ. ‑Bhlɛ sa ‑yä Zozi Klisö ‑anyɩa Kwlienyɔɔ' 'sɔ 'jɛnyɩ lä nä, ɩ ‑kʋ sɔɔ 'nɩ n täkpɔnö'anyɩ lä 'mʋ.

Faic an caibideil

1 Kolɛtɩ‑dunyʋä 6:20

Anyɩa' ‑za Laagɔ yä dlu 'kädʋ plʋʋ, 'nɩ ʋ kplɩɩ'anyɩ lä 'mʋ ‑yä a 'kä ʋʋ' lʋä 'plö. Ɩ ‑kʋ ylä sää nä, a 'bhlü anyɩa' 'yɛkɛɛ 'kʋ ‑yä a nʋ Laagɔɔ' 'ŋnu fään gbɩ.

Faic an caibideil

1 Kolɛtɩ‑dunyʋä 7:34

‑Lɔɔ' nyɩkpɔɔ nä, kɔ ‑dënöɔ lä 'mʋ 'ci 'sɔɔ 'kʋ. 'Ŋnɔɔ' lɔɔ ‑wʋ lä 'wli ‑kä nä, ɔ yä ŋnʋgbɛnyɔ, sɔɔ ɩ ‑kʋ lä 'sɩɩ waa' ‑za. Wa 'nö 'wlie ‑kä nä, ‑lɔɔ wa 'mänyɩ lä Kwlienyɔɔ' lebhee. Waa nʋnʋgbɩɩ 'fɩɩn 'mnö wa tään kplɔɔlɩ nynä wa 'kä Kwlienyɔɔ' lʋä 'plö 'bhë 'kʋ. ‑Mä 'ŋnɔɔ‑ ‑kä lä 'wli nä, 'kɔɔnʋ 'mnöö zëkpëa 'mä ɔ 'mänyɩ kpänyɩ. 'Nɩ ɔ tään 'sɩɩ nynä ‑mä ɔ ‑nyoto 'kɔ wamä.

Faic an caibideil

2 Kolɛtɩ‑dunyʋä 10:8

Kä Kwlienyɔɔ nyɩ‑anyɩ lä ‑tëbhuu nynä ‑mä ‑a gbä ‑yä anyɩa' 'cɔcɩgbëa 'kä 'kʋ 'plöö. Ɔɔ' ‑wʋ cii‑ nynä ‑mä ‑a gbä ‑yä a 'kä nuë. 'Nɩ ‑lɔɔ' tëbhuu nä, zoo nö'ö ‑lä 'bhlä ‑mä, n yiu 'mʋ täkpɔ.

Faic an caibideil

2 Kolɛtɩ‑dunyʋä 3:12

'Klünö 'mɩ ‑a 'tɛɛ‑ lä dë ɩɩ' ‑zä ‑anyɩa pleyii 'tɛ lä kpänyɩ.

Faic an caibideil

2 Kolɛtɩ‑dunyʋä 4:10

Ylɩɩ 'fɩɩn 'kʋ nä, Zozi Klisöö' 'kwiee ɔ kuu‑ lä nä, ɛ nämnö‑anyɩ 'yɛkɛɛ. Ɩ yi gbä 'nɩ ɔɔ' 'pʋpʋɛ yi‑anyɩ 'sɩɩ 'yɛkɛɛ nämnö.

Faic an caibideil

2 Kolɛtɩ‑dunyʋä 5:15

Kɔ kuu‑ lä nyɩkpa 'fɩɩn 'wlu. Nä, nyɩkpaa' ‑lʋa ‑wa ‑yä 'nɩ ‑wa ‑kʋ lä ‑mää zëkpë 'kʋ nä, waa' yɩɔ zëkpëa 'mnö ‑kʋ wa yëkuu' ‑za. ‑Mä Klisö kuu‑ lä 'nɩ ‑ɔ ‑glɔɔ lä 'kuëë nyɩkpaa 'fɩɩn ‑za nä, ɔɔ' ‑zä wa ‑kʋ ylä zëkpë 'kʋ.

Faic an caibideil

2 Kolɛtɩ‑dunyʋä 7:14

Bheli Titöö' 'klʋ 'nɩ n ‑täkpɔnö'anyɩ 'mʋ. 'Nɩ n ‑täkpɔnö'anyɩ lä 'mʋ nä, a nö'ö ‑wʋ 'sɩɩ zoo bhlaa‑. ‑Mä sä ‑a sonö'anyɩ lä 'kɔɔkɔ ‑nʋawlɛɛ nä, 'klüü ‑lɩɩ ‑ɩnözä n täkpɔnö'anyɩ bhlä 'mʋ bheli Titö 'yikʋ nä, ɩ plöö‑ yɩ 'zaazɩ ‑nʋawlɛ.

Faic an caibideil

2 Kolɛtɩ‑dunyʋä 7:4

N 'tɛnö'anyɩ dë kpänyɩ, 'nɩ n täkpɔnö'anyɩ 'mʋ. 'Nɩ nyäkälɩnɩ 'fɩɩn n ‑kʋ lä nëëdë nä, n ‑kʋɩ 'mnö ‑mä n ‑kä 'sɩɩ 'tɛtɩ kpänyɩ, 'nɩ 'naa pleyii ‑jäkaa 'mɩä 'kʋ.

Faic an caibideil

Filipʋ‑dunyʋä 1:14

'Cɔcɩ‑bheliaa' bhutukpä nii lä 'yi 'nɩ n ‑kʋ lä ‑jɩɩ' nä, kä waa' pɔlötɛtɛɛ glɛ lä. Ɩ ‑kä 'ŋnö 'nɩ wa ‑kä yɩ 'tɛtɩ, 'nɩ ‑ŋänöö' 'bhlʋwa yɩɔ 'nɩ wa ci yɩ Laagɔwälɩɩ.

Faic an caibideil

Filipʋ‑dunyʋä 2:17

Kɩ kä ‑kʋ nynä ‑mä, 'naa doluu 'mʋʋ‑ yi sä jɛɛ nä, 'nɩ ʋ yi anyɩa' pɔlötɛtɛɛ' 'cibhie 'kʋ pää nynä Laagɔɔ' bʋbɔ bʋbɔlʋʋ nä, ‑lɔɔ' ‑jäkaa n yia nʋ. N ‑yä anyɩ 'fɩɩn 'sɔ yi ‑lɔɔ' ‑jäkaa nʋ.

Faic an caibideil

Kolɔsʋ‑dunyʋä 1:24

‑Pɛpɛɛ nä, sä n ‑kʋ lä 'kwlɩkabhɩä' anyɩa' ‑za nä, ‑pʋpɛ bhlä'ä yɩ. Ɛɛɛ, Klisöö' 'yɛkɛɛ‑ plöö‑ lä ɔɔ' 'cɔcɩɛ nä, ɛɛ' ‑zä n 'plöö‑ lä ɔɔ' bhlëë' 'nɩ n nyɛnɩä lä 'naa 'yɛkɛnɛ 'mnö.

Faic an caibideil

1 Tesalonikö‑dunyʋä 5:23

Laagɔɔ ‑ʋ plöö‑ lä 'kʋ wɔtɔlɩɩ' Laagɔɔ nä, ʋ yi ‑yä ʋmʋ 'titi kpɔlʋa'anyɩ wɩa. Ʋ gbä ‑yä Kwlienyɔ Zozi Klisö kä ‑yi nä, anyɩa' 'wugöö ‑yä anyɩa' kätö‑zizii ‑yä anyɩa' 'yɛkɛɛ, ɔɔ' kɩ ‑kä 'foclo 'mnö 'nii.

Faic an caibideil

1 Pɩɛlö 4:16

‑Mä kä nyɩkpɔ kä ‑lɔɔ ‑kʋ, 'nɩ sä ɔ plöö‑ lä 'cɔcɩnyɔ nä ɩmɩɩ‑ gä 'ŋnö ‑kä 'nɩ 'kwlɩ kɔ bhɩä nä, ɩɩ' kamänöɔ lä zoo 'kʋ ‑yä Klisöö' 'ŋnöö ɔ bhɛɛ‑ lä nä, ɩ kään 'ŋnö ‑yä ɔ fään Laagɔ 'ŋnu.

Faic an caibideil

1 Zään 2:28

‑Ɛɛɛ, 'naa 'yuënyɩ‑, a ‑yä Klisö 'sɔ 'jɛnyɩ! A ‑yɔsɔ kä 'jɛnyɩ‑ nä, ‑anyɩ ‑mä 'sɩɩ, ɔ kä 'kʋ ‑ghlä nä, ‑a yi 'tɛtɩ kään. Ylʋʋ 'kʋ ɔ 'kä lä yi nä, zoo 'nö‑anyɩ lä 'kʋ yii.

Faic an caibideil

Lean sinn:

Ceanglaichean taic

Sanasan

Sanasan