Filipʋ‑dunyʋä 1:13 - GOD - u2

¹³ A ni 'yi ‑a, ‑gɔmnɔɔ' lebhe‑nʋnyʋa 'fɩɩn, ɩyä 'yigädadöö 'fɩɩn nyɩkpaa ‑kʋ lä ‑mɔɔ nä, wa ‑yi sɔɔ nynä ‑mä Klisöö' ‑gänʋlɩɩ' ‑zä n ‑kʋ lä ‑jɩɩ'.

Faic an caibideil Dèan lethbhreac

« Roimhe

dol air ais ⬆

Air adhart »

Filipʋ‑dunyʋä 1:13
17 Iomraidhean Croise

Nʋnʋgbɩɩ 26:29

Pɔlʋ lä 'a! ‑N yi ‑pɛpɛɛ 'cɔcɩnyɔɔ' 'plöö ‑o, kä ‑n yi 'pɛpɛlɩä ‑bɛɛ ‑o, n bhibhie Laagɔ nynä ‑n 'plöö 'cɔcɩnyɔɔ. 'Nɩ ‑ɛɛ ‑wʋ 'sɩɩ ‑mɔɔ ‑bhloo' ‑za ‑mä, anyɩmɔ 'fɩɩn‑ ‑poo'o lä ‑zɩkä 'nyukwli nä, n bhibhie 'sɩɩ anyɩa ‑za. N ‑waa nynä a 'plö 'cɔcɩnyʋä ‑amʋ 'bhisäkʋ. ‑Mä anyɩ nä, wa 'nä bhɛnö nö'anyɩ ‑lä ‑säklöö' ‑amʋ 'bhisäkʋ!

Faic an caibideil

Nʋnʋgbɩɩ 26:31

‑Mä nyɩkpɔ nyɩkpɔ ci bhä, ɔ lä ‑ɔ! Nyɩkpɔnɔɔ' ‑wʋ wälɩklë ‑bhlo 'coo ‑nʋ 'nɩ a 'kä 'ŋnö kää ‑yä wa 'kɔ ‑jɩɩ' 'ŋʋ ‑yä wa 'kɔ 'bhlä.

Faic an caibideil

Nʋnʋgbɩɩ 28:17

Ylɩɩ taa plöö‑ ylä 'fɩa nä, kä Pɔlʋ laa‑ ‑mɔɔ Wlɔmʋduu' 'Zufʋnyʋaa' 'cifinyʋa ‑mɔɔ ‑gbäsɩɩ ɔ ‑kʋ bhlä nä. Ɔ 'wlänʋwa‑ 'wlu 'nɩ ɔ yiwa soo, ɔ lä bhelienyɩ‑, ‑abhunyʋä nä, n 'nʋwa ‑kä lʋʋ ‑nʋ! 'Nɩ ‑a tɩtɩää' ‑jlämaa, n 'nöa ‑kä 'sɩɩ 'klʋkpää ‑sä! ‑Mä sɔɔ ɩ ‑kʋ 'nɩ, ‑mɔɔ Zolizalɛmʋduu' wa ‑klä'ä, 'nɩ wa yi'i lä Wlomɛɛnyʋä wlɩɩ' pënö.

Faic an caibideil

Nʋnʋgbɩɩ 28:20

Wälɩnɩ 'mɩɩ‑ ‑kä 'ŋnö 'nɩ, n ‑tää lä nynä n ‑yä anyɩ 'sɔ 'kä sloo ‑yä, n 'kanyɩ 'dö ‑sää. 'Yizlɛnyʋää' Puënyɔɔ wa ‑bɛɛ lä nä, ɔmɔ ‑amʋ ‑mä n ‑bɛɛmʋ lä. Ɩmɩɩ‑ ‑kä 'ŋnö 'nɩ, n ‑kʋ lä ‑säklönö 'mnö.

Faic an caibideil

Nʋnʋgbɩɩ 28:30

Pɔlʋ ‑sä ‑mɔɔ 'ylʋbö 'sɔ ‑totobhë. Ɔ 'ghäyɩ‑ bhä ‑mɔɔ ‑bhutu nä, ʋmʋ 'mnö ɔ ‑kʋ bhä. 'Nɩ nyɩkpaa 'fɩɩn ‑wa yio bhlä ‑mɔɔ 'yi 'ni kää nä, ɔ klänʋwa bhä wlɩɩ'.

Faic an caibideil

Efɛzɩ‑dunyʋä 3:1

Anyɩmɔɔ‑ ‑wʋ lä 'Zufʋnyʋa plöö‑ nä, ‑amʋ Pɔlʋ nä, Zozi Klisöö' ‑jɩnyɔ n plöö‑ ylä anyɩa' ‑za.

Faic an caibideil

Efɛzɩ‑dunyʋä 4:1

Nä, ‑amʋ Pɔlʋ, ‑amʋ Kwlienyɔɔ' ‑jɩnyɔɔ, n slä'anyɩ 'wlu. Laagɔ ya'anyɩ ylä laa nä, sää‑ ‑ŋwa lä 'kʋ 'nɩ ʋ ‑waa nynä ‑mä a nää nä, a nää yɩ sɔɔ.

Faic an caibideil

Efɛzɩ‑dunyʋä 6:20

'Nägädönöö' bienyɔ n plöö‑ lä nä, ɩɩ' ‑zä wa ŋʋʋ'ʋ lä ‑mää ‑jɩɩ' ‑säklonö 'mnö. Nä, a bhibhie 'naa 'wlu ‑yä, sä n 'kɩ bhlä 'sää 'titiclö ci nä, n 'kɩ sɔɔ ci.

Faic an caibideil

Filipʋ‑dunyʋä 1:30

‑Pɛpɛɛ, n ‑yi yɩ sɔɔ nynä ‑mä Laagɔɔ' 'Nägädöö ‑ɩnö dä n bhlää bhlä tɛɛ 'kʋ nä, a ‑kʋmʋ yɩ ‑pɛɛ 'nɩ ‑a bhlää lä däbhloo' 'kʋ.

Faic an caibideil

Filipʋ‑dunyʋä 1:7

Ɩ ‑ŋwa bhä 'zaazɩ 'kʋ nynä ‑mä n bhobho bhä 'sää anyɩ 'fɩɩn ‑za. ‑Ɔnöza bhää? Ka känö'ö gbʋ. 'Nɩ a ‑klänö'ö Laagɔwälɩɩ' bielɩɩ 'mnö. 'Nɩ ‑zɩkä, dä n ‑kʋ lä ‑mää ‑jɩɩ' nä, a klänö'ö ‑lätee. 'Nɩ 'tänyɩɛ 'mnö n bhlää bhlä Laagɔɔ' 'Nägädöö ‑za 'kʋ, 'nɩ n ŋʋ bhlä ɩɩ' 'mnö ‑nʋawlɛɛ sä nä, a ‑klänö'ö 'sɩɩ.

Faic an caibideil

Filipʋ‑dunyʋä 4:22

‑Mää' 'cɔcɩnyʋa 'fɩɩn ‑mä 'sɩɩ, wa bhänö'anyɩ. 'Nɩ bhelia 'titi ‑wa nʋ lä 'loyo 'kädɔɔ Sezaa' 'gbëa 'mnö lebhe nä, wa bhänö'anyɩ 'sɩɩ.

Faic an caibideil

2 Timotee 2:9

'Nägädönöö' ‑zä 'kwlɩ bhɩänö'ö lä ‑mää ‑jɩɩ'. 'Nɩ wa ŋʋʋ'ʋ lä ‑abhluëkö nynä nyɩkpa‑bhlänyɔ. ‑Maa, Laagɔwälɩ nä, wa 'nɩɩ ‑wʋ ‑abhluëkä ŋʋʋ‑.

Faic an caibideil

Lean sinn:

Ceanglaichean taic

Sanasan

Filipʋ‑dunyʋä 1:13 - GOD - u2

Filipʋ‑dunyʋä 1:1317 Iomraidhean Croise

Filipʋ‑dunyʋä 1:13
17 Iomraidhean Croise