Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 1:10

Filipʋ‑dunyʋä 1:10 - GOD - u2

¹⁰ ‑Lɔɔ a yi ‑kä mii 'nɩ 'klüü' lɩɩ‑ nää lä nä, a yii yibhë ‑yä Klisöö' yiylʋʋ 'kʋ nä, a 'kä kplɔɔ ‑yä ɩ 'kanyɩ gbʋʋ' ‑sä.

Faic an caibideil Dèan lethbhreac

dol air ais ⬆

Filipʋ‑dunyʋä 1:10
43 Iomraidhean Croise

Matie 16:23

‑Mä Pɩɛlö cii‑ lä sɔɔ nä, kä Zozii 'ylɩbhɔ‑ 'nɩ ɔ yio soo, ɔ lä ‑n ‑sä'ä gwë, 'Dëvlo‑! ‑N ‑kʋ'ʋ ‑blɔkʋ, 'nɩ ‑n 'lilie'e 'yikʋ. Nyɩkpaa 'bhisäkʋ ‑n bhobho lä, ‑mä ‑nn bhobho ‑wʋ Laagɔ 'bhisäkʋ.

Faic an caibideil

Matie 26:33

Ɔ cii‑ lä sɔɔ nä, Pɩɛlö lä Cɩanyɔ‑, sä wamä 'fɩɩn yi‑i 'yi dloo ‑kaa nä, ‑amʋ, n 'nö‑ö ‑lä 'kɔɔn yëku ‑bha.

Faic an caibideil

Zään 1:47

Filipʋ lä ‑n yi ‑yä ‑n 'gä 'ni. 'Tänyɩɩ Natanayɛɛ ‑kʋ lä yidä 'nɩ Zozii nio‑ lä 'yi nä, Zozii lä a ni 'Yizlɛ‑bhlɩnɛ 'mnö nyɩkpɔ 'titii‑ ‑kʋ lä ‑lää! ‑Kpläkplä 'nöɔ ‑wʋ pleyii ‑kʋ.

Faic an caibideil

Zään 3:20

Nyɩkpɔɔ' lɔɔ ‑ɔ ‑kʋ lä gbenyenyi 'mnö nä, kɔ ‑zɔɔ zëlü. Ɔ lä waa' kä ‑kä ɔɔ' gbenyenyii 'yi 'ni nä, ɔɔ' ghlä ‑wʋ zëkpë 'kʋ.

Faic an caibideil

Nʋnʋgbɩɩ 24:16

Ɩmɩɩ‑ ‑kä 'ŋnö 'nɩ ‑amʋ ‑mä 'sɩɩ, n 'tlänyɩ lä ylɩɩ 'fɩɩn 'kʋ ‑yä nn' kä ‑kä Laagɔ ‑yä 'ylʋzɔkʋnyʋä 'sɔ dëlü ‑gesi tʋ.

Faic an caibideil

Wlɔmʋ‑dunyʋä 12:2

Sä a ni lä ‑mää zëkpëkʋ 'yi nä, aa' nää ‑lä sɔɔ. A ‑taa Laagɔ 'yi ‑yä ʋ 'kä anyɩa' bhobhowluu 'cɩcɩ. Ɩ yi gbä 'nɩ a yi Laagɔɔ pɔlösa yibhë. Sää‑ nää‑ lä nä, 'nɩ sää‑ ‑kä lä 'tʋ 'kʋ nä, ɩyä sää‑ ‑kplɔɔ lä nä, a yi sɔɔ yibhë.

Faic an caibideil

Wlɔmʋ‑dunyʋä 12:9

Anyɩa ‑wawʋʋ nä, ʋ 'plö nyaasäsä ‑waawʋ. A zɔbhlɛmä gbenyenyi ‑yä a 'nä sɩä lä 'nää nʋlɩ 'kʋ.

Faic an caibideil

Wlɔmʋ‑dunyʋä 16:17

Bhelie ‑yä bhɛŋwnɩänyɩ‑ nyɩkpaa' ‑lʋa ‑wa ŋʋ lä 'cɔcɩnyʋa 'mʋ doolɩ pää' nä, a luënʋwa ‑kä! 'Nägädöö' cɩalɩɩ waa' ŋonɩ ‑wʋ 'kʋ 'nɩ wa gbä 'nɩ 'cɔcɩnyʋa too nä, a ‑sʋwa gwë!

Faic an caibideil

Wlɔmʋ‑dunyʋä 2:18

‑mɔɔ mɔɔ‑ ‑yi lä sä Laagɔ ylä lä nä, 'nɩ ‑mɔɔ mɔ ‑Jläma yä lä cɩa 'nɩ ‑ɔ ‑yi ylä 'mʋ gbäzö sä nä,

Faic an caibideil

Wlɔmʋ‑dunyʋä 7:16

Nä sä nn' ‑wʋ lä ‑waa nä, n kä sɔɔ nʋ nä, kä n ‑yä ‑Jlämaa 'sɔ plöö‑ lä 'nɩ n ci lä nynä ‑mä ka nää‑.

Faic an caibideil

Wlɔmʋ‑dunyʋä 7:22

Ɛɛɛ, ‑mɔɔ 'naa plɛɛ 'yii nä, n ‑waa Laagɔɔ' ‑Jlämaa kpänyɩ,

Faic an caibideil

Wlɔmʋ‑dunyʋä 8:7

Kä 'yɛkɛɛ nʋnʋsaa fä Laagɔ zɔgblö. 'Yɛkɛɛ 'ŋʋ ‑wʋ Laagɔɔ' ‑Jlämaa 'klʋkpää, 'nɩ ɛɛ' minöa ‑wʋ 'sɩɩ.

Faic an caibideil

1 Kolɛtɩ‑dunyʋä 1:8

Laagɔ yi gbä 'nɩ a yi 'tɛtɩ kään ‑aaa, 'nɩ bhɩädaa' ylʋʋ yi ŋëë. Ɩ yi sɔɔ kʋ ‑yä Kwlienyɔɔ Zozi Klisöö' yiylʋʋ 'kʋ, ɔɔ' ka'anyɩ ‑kä 'foclo yëku 'nii.

Faic an caibideil

1 Kolɛtɩ‑dunyʋä 10:32

'Zufʋnyʋä ‑o, 'Glɛkönyʋä ‑o, 'cɔcɩnyʋa ‑o, 'klüü' lɩɩ‑ yiwa lä plɛ 'kpɔsʋä nä, aa' nʋɩ ‑lä.

Faic an caibideil

1 Kolɛtɩ‑dunyʋä 8:13

‑Nɩnɩɩ' ‑zä lülülʋʋ kä ‑lɔɔ ‑kʋ 'nɩ ʋ kä ‑kʋ nynä ‑mä ʋ yi bheli ‑yä bhɛŋnɔ 'sɔ nyenyi 'yi fään nä, ‑lɔɔ' lülülʋʋ nä, ‑a ‑kä 'nɩ ‑a 'nʋ ‑läyɩɔ lä lü. ‑Lɔɔ' 'cibhisä‑mnɛɛ kä n 'nɩɛ ‑läyɩɔ lä lü. Nn' kwa kä nyenyii' pään.

Faic an caibideil

2 Kolɛtɩ‑dunyʋä 1:12

Wälɩklëa ‑a yi lä 'mʋ täkpɔ, 'nɩ ‑anö ‑dläfʋɛ yi‑anyɩ lä 'wugɔɔ' kʋ nä, amää‑ plöö‑ lä nynä ‑mä, sä ‑a nää lä ‑mää 'ylʋzɔɔ nä, 'nɩ anyɩ 'titi 'yikʋ sä ‑a nää lä nä, kä sɔɔ kplɔɔ wɩa, Laagɔ dëlü. Nyɩkpaa' dɩgälɩ ‑aa bhɔɔ 'kʋ gëë, ‑mä Laagɔɔ' plɛkʋmɛnɔɔ 'mʋʋ‑ 'tienö‑anyɩ lä.

Faic an caibideil

2 Kolɛtɩ‑dunyʋä 2:17

‑Anyɩ nä, nyɩkpaa' ‑lʋa ‑wa 'pää lä Laagɔwälɩ 'kwäsɛɛ' nä, wamä ‑aa ‑wʋ plöö‑. ‑Mä Laagɔwälɩɩ' ‑nʋawlɛɛ 'mɛ Laagɔ nyɩ‑anyɩ lä nä, Laagɔ dëlüü' ‑nʋawlɛɛ 'mɛ ‑a ‑yä Klisö 'sɔ 'jɛnyɩ‑ 'nɩ a ci lä.

Faic an caibideil

2 Kolɛtɩ‑dunyʋä 6:3

‑Anyɩa lebhee ‑a ‑yä lä nʋ nä, ‑aa 'ylä ‑wʋ nynä ‑mä nyɩkpa 'ninɩɛ 'foclo 'mnö. Ɩ ‑kä 'ŋnö nä, ‑aa 'ŋʋ ‑wʋ nyɩkpɔ 'kwlɩkabhɩää'.

Faic an caibideil

2 Kolɛtɩ‑dunyʋä 8:8

'Nn kla'anyɩ ‑wʋ kutu kutu nynä ‑mä a 'nyɛ. ‑Mä 'yigädadi 'kʋʋ 'cɔcɩgbüü sɩ 'köka 'nɩ ɩ bʋʋ lä nä, ɩɩ' ‑zä n sonö'anyɩ lä ‑yä a 'kä ‑kä 'sɩɩ pana nynä ‑mä a ‑kä 'zaazɩ ‑wawʋ.

Faic an caibideil

Galatɩnyʋä 5:11

Bhelie ‑yä bhɛŋwnɩänyɩ‑, n kä bhä ‑lätee 'kʋ ‑döölɩɩ' wälɩ bie nynä ‑mä nyɩkpa ‑döö 'kʋ nä, ‑ɔnözä 'nɩ wa ŋʋ'ʋ ‑lätee bhä 'kwlɩkabhɩä? Kɩ 'kä bhɛ lä kʋ nynä ‑mä, Klisöö' 'kusuu 'yii 'kwiee wälɩɩ nyɩkpɔ 'nɩɩ ‑lä bhɛ ‑pɛ 'kʋ bhlää.

Faic an caibideil

Efɛzɩ‑dunyʋä 4:15

‑Nʋawlɛɛ 'mɛ ‑a 'gä ylä ‑wawʋʋ 'mnö cii. Ɩyä ɛ 'kä gbä ‑a 'gä 'bhʋä ‑lɩɩ 'fɩɩn 'mnö, ɩyä ‑a 'gä ŋëë nynä Klisö. Klisönɔ 'mɔɔ‑ plöö‑ lä 'wluu.

Faic an caibideil

Efɛzɩ‑dunyʋä 5:10

A kä ‑lɔɔ ‑kʋ nä, a bɩä ‑yä, saa 'fɩɩn‑ yi lä Kwlienyɔɔ' 'tʋ kamä nä, a nʋ sɔɔ.

Faic an caibideil

Efɛzɩ‑dunyʋä 5:27

Kɔ ‑nʋ lä 'sɩɩ sɔɔ ‑yä 'cɔcɩɛ kɔ dëlü ‑ŋëë nä, ɔmɔ 'titi 'kä ɛɛ' 'klʋagba 'yi 'ni. Ɛɛ' kä 'kpɔ yëku kään, ɩyä ɛɛ' kä jɛlɩ 'pä, ɩyä ɛɛ' kä ‑kä 'foclo yëku kään ‑yä ɛ 'kä kplɔɔlɩɩ 'mnö kʋ ‑yä gbëgëdëë' kɛ yëku 'kʋ.

Faic an caibideil

Efɛzɩ‑dunyʋä 6:24

Bhelia ‑yä bhɛŋwnɩa 'fɩɩn ‑wa ‑waa lä ‑anyɩa Kwlienyɔɔ Zozi Klisö nä, 'nɩ ‑wanö ‑wawʋʋ ‑ʋʋ ‑wʋ lä 'kʋ bhɩäsä ‑kä nä, Laagɔɔ' 'nyupälɩɩ ŋënʋwa 'kʋ wamä 'fɩɩn!

Faic an caibideil

Filipʋ‑dunyʋä 1:16

Wamä nä, Laagɔɔ' ‑wawʋʋ 'mnö wa nʋʋ lä lebhee. Wa ‑yi sɔɔ nynä ‑mä, kä n ‑kʋ lä ‑mää ‑yä n 'kä Laagɔɔ' 'Nägädöö' ‑za 'kʋ bhlää.

Faic an caibideil

Filipʋ‑dunyʋä 1:6

n ‑känɩ plɛkʋ nynä ‑mä Laagɔɔ ‑ʋ cie lä ‑lää' 'nägä‑lebhenɛ anyɩ nëëdë 'kʋ nä, ʋ yie nʋ ‑aaa 'nɩ ʋ yie ‑zɔɔ bhɩä Zozi Klisöö' yiylʋʋ 'kʋ.

Faic an caibideil

Filipʋ‑dunyʋä 2:16

Laagɔɔ' Nägädöö ‑ɩ nyɛ lä 'pʋpʋɛ nä, a ‑sänɩ nyɩkpa. ‑Ɩyä Klisöö' yiylʋʋ 'kʋ nä, n 'kanyɩ 'mʋ täkpɔɔ. Kɩ ‑kʋ ylä nynä ‑mä, 'nn ‑wʋ 'flɛflɛ‑lebhe nʋ. 'Nɩ 'klwɩ nö'ö ‑wʋ 'sɩɩ 'flɛ ‑bhɩä.

Faic an caibideil

1 Tesalonikö‑dunyʋä 3:13

Ɔ gbä ‑yä kplɔɔlɩɩ 'mnö, anyɩa' pɔlöö see sä 'nägäsä. Ɩyä 'tänyɩɩ ɔ ‑yä ɔɔ' kplɔɔkplɔɔnyʋa 'fɩɩn 'kä lä yi nä, wälɩklëë' kä‑anyɩ ‑kä gbʋ klaa ‑a 'Bä Laagɔ dëlüü. [Ɩ kʋ sɔɔ.]

Faic an caibideil

1 Tesalonikö‑dunyʋä 5:21

Sä wälɩ yi kʋmɔ ‑kʋmɔ ‑kaaa nä, a bɩä ‑yä sää‑ nää‑ lä nä, 'sɔɔ a la 'bhlü 'kʋ.

Faic an caibideil

1 Tesalonikö‑dunyʋä 5:23

Laagɔɔ ‑ʋ plöö‑ lä 'kʋ wɔtɔlɩɩ' Laagɔɔ nä, ʋ yi ‑yä ʋmʋ 'titi kpɔlʋa'anyɩ wɩa. Ʋ gbä ‑yä Kwlienyɔ Zozi Klisö kä ‑yi nä, anyɩa' 'wugöö ‑yä anyɩa' kätö‑zizii ‑yä anyɩa' 'yɛkɛɛ, ɔɔ' kɩ ‑kä 'foclo 'mnö 'nii.

Faic an caibideil

1 Zään 4:1

'Naa ‑wawanyʋänyɩ‑, nyɩkpaa ‑wa ci lä nynä ‑mä wa ‑kä Laagɔɔ' 'Wugɔɔ nä, a 'nä kään ‑lä 'sɔɔ waa' ‑lefɩɩn pɔlötɛtɛ. A bɩä 'fɩa ‑yä 'wugɔɔ wa ‑kä lä nä, ʋ kä Laagɔɔ' ‑lʋʋ plöö‑ nä, a 'kʋ yibhë. ‑Ɔnöza bhää? ‑Kpläkplö 'plɔfɛtɩnyʋä yä 'ylʋzɔɔ zumë.

Faic an caibideil

'Yii Ghlä‑wälɩ 2:2

Ɔ laa, 'klüü 'fɩɩn ‑n nʋ lä nä, n ‑yii. 'Nɩ n ni 'sɩɩ ‑naa nyäkälɩɩ 'yi, 'nɩ n ‑yi sɔɔ nynä ‑mä kä ‑n 'tɛ plɛkʋ. N ‑yi 'sɩɩ sɔɔ nynä ‑mä ‑abhlɛɛnyʋa nä, ‑nn ‑wʋ waa' wälɩ 'kʋ mɛɛ. ‑Nänʋä ci nynä ‑mä wa ‑glö Laagɔɔ' lobho lobhonyʋä, ‑mä Laagɔ 'nʋwa ‑wʋ ‑lobho. ‑N nii‑ waa' kʋkʋsaa 'yi, 'nɩ ‑n ‑yibhë 'sɔɔ nynä ‑mä wa ‑glö ‑kpläkplönyʋä.

Faic an caibideil

Lean sinn:

Ceanglaichean taic

Sanasan

Sanasan