Bìoball air-loidhne

Filipʋ‑dunyʋä 1:1 - GOD - u2

¹ ‑Amʋ Pɔlʋ, n ‑yä Timotee, ‑anyɩ Zozi Klisöö' ‑gänʋnyʋa, ‑anyɩ‑ jɩjla'anyɩ lä 'bɔɔgʋnʋ. Anyɩ Filipʋduu' 'cɔcɩnyʋa 'fɩɩn, anyɩmɔɔ‑ ‑yä Zozi Klisö 'sɔ 'jɛnyɩ‑ lä nä, anyɩ‑ ‑a jɩjlä lä 'bɔɔgʋnʋ. ‑A jɩjlʋ 'sɩɩ 'cɔcɩɛɛ nëkʋʋ' kʋnyʋaa' ‑za. 'Nɩ ‑a jɩjlʋ 'sɩɩ 'cɔcɩɛɛ 'tienyʋaa' kläänyʋaa' ‑za.

Faic an caibideil Dèan lethbhreac

dol air ais ⬆

Filipʋ‑dunyʋä 1:1
48 Iomraidhean Croise

Makö 13:34

Kɩ ‑kʋ lä nynä ‑n ‑näsä gbü‑käänyɔɔ mʋ lä lowluu 'nɩ ɔ të lä ɔɔ' 'gbëa ɔɔ' ‑gänʋnyʋä yëku nä. ‑Mä ɔ 'kä lä mʋ nä, ɔ nyɛɛ‑ nyɩkpɔ nyɩkpɔɔ' lebhe. Ɔ ‑soo 'sɩɩ gbüglënëa' 'klʋbɛnyɔɔ nynä ɔ dɩdɛɛ 'gbëa 'kʋ ‑mä ɔɔ' ŋɔɔ ‑lä.

Faic an caibideil

Zään 12:26

Nyɩkpɔ kä cii‑ nynä ɔ yi'i ‑gä nʋ nä, ɔ gë'ë 'kʋ! Dä n ‑kʋ lä nä, ‑lɔɔ 'naa ‑gänʋnyɔ 'kä lä 'sɩɩ kʋ. 'Nɩ nyɩkpɔ kä'ä ‑gä nʋ nä, n 'Bä yi gbä 'nɩ ‑lɔɔ' nyɩkpɔɔ yi 'klʋkpää' kʋ.

Faic an caibideil

Nʋnʋgbɩɩ 1:20

‑Bhlɛ ɩ ‑jɩjlɔ Laagɔɔ' Lɔlɔɔ' 'bɔɔgʋʋ 'mnö nynä ‑mä ‑Lɔɔ' nyɩkpɔɔ nä, Ɔɔ' 'gbëa doo në ‑yä Nyɩkpɔɔ' kʋa ‑lä yɩ 'mnö! 'Nɩ, ɩ ‑jɩjlɔ 'sɩɩ nynä ‑mä 'Yigäda‑nyɩkpɔ kʋ ɔɔ' 'kpobhuu 'mnö.

Faic an caibideil

Nʋnʋgbɩɩ 20:28

Nä, a wloo ‑kɛ a yëku 'kʋ aa! Ɩyä 'cɔcɩnyʋa Kplɔɔkplɔɔ‑wugɔɔ nyɩ'anyɩ lä 'kʋ wloodä nä, a wluwa ‑kä 'sɩɩ 'kʋ aa! Laagɔɔ 'cɔcɩɛ nä, kä Kwlienyɔ ‑jɛɛ ɔɔ' 'yɛkɛɛ' doluu sä ɛɛ' ‑za. Nä, ɩ ‑ŋwa 'kʋ nynä ‑mä a wlue 'kʋ 'nägäsä.

Faic an caibideil

Nʋnʋgbɩɩ 9:13

Ananɩasö lä Kwlienyɔ‑, n nuu‑ 'nɩ nyɩkpaa ‑bhutukpä cii‑ nynä ‑mä nyɩkpɔyɩ nä, kɔ ‑nʋ kpänyɩ ‑mɔɔ Zolizalɛmʋduu' ‑naa 'kʋgënyʋa nyenyi.

Faic an caibideil

Wlɔmʋ‑dunyʋä 1:1

‑Amʋ Pɔlʋ, ‑amʋ Zozi Klisöö' ‑gänʋnyɔɔ, kä Laagɔ ‑sä'ä lä nynä ‑mä n 'plö ʋʋ' lobho lobhonyɔ. Kä ʋ ŋʋʋ'ʋ 'naa dä nynä n 'kä ʋʋ' 'Nägädöö bie.

Faic an caibideil

Wlɔmʋ‑dunyʋä 1:7

Anyɩmɔ 'fɩɩn‑ ‑kʋ lä Wlɔmʋduu' nä, kä Laagɔ ‑waa'anyɩ kpänyɩ ɩɩ' ‑zä ʋ laa'anyɩ lä ‑yä a 'käyɩ ʋʋ' ‑za kplɔɔ. Nä ‑a 'Bä Laagɔ, ʋ ‑yä Kwlienyɔɔ Zozi Klisö, wa 'panyɩ 'nyu ‑yä wa 'nyɩanyɩ 'kʋ wɔtɔlɩ.

Faic an caibideil

1 Kolɛtɩ‑dunyʋä 16:10

Timotee ka'anyɩ yëku ‑yi nä, a gbä ‑yä ‑ŋänöö kɔ ‑kä 'bhlä ‑mä, Kwlienyɔɔ' lebhee 'mɛ ɔ nʋ lä ‑amʋ 'bhisäkʋ.

Faic an caibideil

2 Kolɛtɩ‑dunyʋä 1:1

‑Amʋ Pɔlʋ, Laagɔ ‑gbä 'nɩ ‑ɔ yä lä Zozi Klisöö' lobho lobhonyɔ 'plö nä, n ‑yä bhelio Timotee 'sɔ, ‑anyɩ‑ jɩjlä'anyɩ 'bɔɔgʋnʋ, anyɩ Kolɛtɩduu' 'cɔcɩnyʋa. 'Nɩ ‑a jɩjlʋʋ 'sɩɩ Akayii‑bhlɩɛ 'mnö 'cɔcɩnyʋa 'fɩɩn ‑za.

Faic an caibideil

Galatɩnyʋä 1:10

'Klünö n ci lä nä, nyɩkpa kä'ä wamä nä, ɩɩ' ‑zä n cii bhä ‑a? Yio! Laagɔ kä'ä wamä nä, ɩmɩ n tään. Nyɩkpaa' ‑wawʋ n kä bhä tään nä, nn' ‑lä bhɔɔ ci nynä ‑mä n 'kä Klisöö' gänʋnyɔ 'plö.

Faic an caibideil

Galatɩnyʋä 3:26

‑Ɛɛɛ, pɔlötɛtɛɛ‑ 'jɛnyɩnö'anyɩ lä a ‑yä Zozi Klisö 'sɔ nä, ɛmɛ 'mnö, anyɩ 'fɩɩn plöö‑ yɩ Laagɔɔ' 'yuë.

Faic an caibideil

Galatɩnyʋä 3:28

Kɩ yɩɔ lä plöö‑ nynä ‑mä ‑nɔnɔ plöö‑ 'Zufʋyu 'nɩ ‑nɔnɔ plöö‑ 'Glɛköyu. ‑Nɔnɔ plöö‑ geyu 'nɩ ‑nɔnɔɔ' ‑wʋ geyu plöö‑ ‑o. ‑Nɔnɔ plöö‑ ŋwadi 'nɩ ‑nɔnɔ plöö‑ 'ŋnɔ. Kɩ plöö‑ ylä nynä ‑mä Zozi Klisö 'mnö, anyɩ 'fɩɩn plöö‑ yɩ ‑bhlo.

Faic an caibideil

Efɛzɩ‑dunyʋä 1:1

‑Amʋ Pɔlʋ nä, Laagɔ 'mʋʋ‑ ŋoo‑ lä nynä ‑mä n 'plö Zozi Klisöö' lobho lobhonyɔ. Nä, anyɩmɔɔ‑ plöö‑ lä kplɔɔkplɔɔnyʋa 'nɩ ‑ɔ ‑kʋ lä [‑mɔɔ Efɛzɩduu'] 'nɩ ‑ɔ ‑kä lä Zozi Klisöö' pɔlötɛtɛ nä, ‑amʋʋ‑ jɩjlä'anyɩ lä 'bɔɔgʋnʋ.

Faic an caibideil

Efɛzɩ‑dunyʋä 1:15

‑Amʋ ‑mä 'sɩɩ n nuu‑ lä nynä ‑mä a ‑kä Kwlienyɔ Zozii' pɔlötɛtɛ 'nɩ a ‑kä 'sɩɩ kplɔɔkplɔɔnyʋa' ‑wawʋ nä,

Faic an caibideil

Efɛzɩ‑dunyʋä 6:24

Bhelia ‑yä bhɛŋwnɩa 'fɩɩn ‑wa ‑waa lä ‑anyɩa Kwlienyɔɔ Zozi Klisö nä, 'nɩ ‑wanö ‑wawʋʋ ‑ʋʋ ‑wʋ lä 'kʋ bhɩäsä ‑kä nä, Laagɔɔ' 'nyupälɩɩ ŋënʋwa 'kʋ wamä 'fɩɩn!

Faic an caibideil

Filipʋ‑dunyʋä 2:19

N 'tɛɛ lä Kwlienyɔ Zozii dë nä, ɩ yi gbä 'nɩ n yi'anyɩ 'ylönö Timotee yëku lobho ‑yä, anyɩa yëkuu' 'döö ɔ kä'ä lä ‑lä nä, ɩ kä'ä 'tɛtɩɩ 'ŋʋ.

Faic an caibideil

Filipʋ‑dunyʋä 2:5

Anyɩ ‑bhlobhlo 'pää nä, anyɩa' nʋnʋgbɩ pana nynä ‑mä ka ‑yä Zozi Klisö 'sɔ 'jɛnyɩ‑.

Faic an caibideil

Filipʋ‑dunyʋä 3:12

Nn' ‑wʋ cii‑ nynä ‑mä, n yä wɛzä 'naa sämɩɩ' 'wlusääda ŋëë. 'Nɩ nn' ‑wʋ 'sɩɩ cii‑ nynä ‑mä n yä ‑lɩɩ 'fɩɩn ‑zɔɔ bhɩä. N paa ‑lätee. N paa ‑lätee ‑yä, sä Zozi Klisö ‑nʋ 'nɩ, ɔ nii'i lä nä, n 'kä 'sɔɔ 'tlänyɩ ‑yä n 'kä ‑ajɛɛkpaa 'ni.

Faic an caibideil

Filipʋ‑dunyʋä 3:3

Wa kä cii‑ nynä ‑mä nyɩkpa döö‑ 'kʋ nä, ‑anyɩ lä. ‑Anyɩ bʋbɔ lä Laagɔ ʋʋ' 'Wugɔɔ 'mnö. ‑Anyɩ, Zozi Klisö‑ ‑a täkpɔ lä 'mʋ nä, ɔmɔ ‑a gëë 'kʋ. ‑Aa lä mii 'nɩ ‑a 'gä ‑a yëku dë 'tɛɛ.

Faic an caibideil

Filipʋ‑dunyʋä 3:8

‑Ɛɛɛ! 'Ylʋzɔɔ' ‑nɩnɩ 'fɩɩn, n kɩ yɩ wloo nä, 'naa ‑za ɩɩ' yɩɔ gba ‑kä. ‑Ɔnöza bhää? N yä Zozi Klisö yibhë, 'nɩ ɔ plöö‑ yɩ 'naa Kwlienyɔ. Ɩ ‑kä 'ŋnö nä, ‑lʋʋ ‑amʋ 'titi yi bhlä kään nä, ʋmʋ nn' 'mänyɩ yɩɔ ‑mä, Zozi Klisö 'mɔ n 'manyɩ yɩ kpänyɩ. N yä yɩ ‑lɔɔ ‑lɩyɩ 'fɩɩn gwë ‑sä. 'Nɩ n wlui yɩ 'sɩɩ nynä ‑paplɩɩ ‑yä Klisö 'mɔ n 'kä yɩ kään.

Faic an caibideil

1 Tesalonikö‑dunyʋä 1:1

Anyɩ Tesaloniköduu' 'cɔcɩnyʋa, anyɩmɔɔ‑ ‑kʋ lä ‑a 'Bä Laagɔ ‑yä Kwlienyɔ Zozi Klisö wlɩɩ' nä, ‑amʋ Pɔlʋ, n ‑yä Slivɛɛn ‑yä Timotee, ‑anyɩ‑ jɩjlä'anyɩ lä 'bɔɔgʋnʋ. 'Nyupälɩ ŋënö'anyɩ 'kʋ ‑yä a 'ni 'sɩɩ 'kʋ wɔtɔlɩ!

Faic an caibideil

1 Tesalonikö‑dunyʋä 2:2

A ‑yi 'sɩɩ sɔɔ nynä ‑mä, 'kwlɩ ‑bhɩänö‑anyɩ 'fɩa Filipʋduu. Wa 'bhɩsɩ‑anyɩ 'nɩ wa ŋʋ‑anyɩ nyäkälɩɩ'. Mä ɩ ‑kʋ sɔɔ 'nɩ Laagɔ nyɩ‑anyɩ 'tɛtɩ 'nɩ ‑a yi'anyɩ lä ʋʋ' 'Nägädöö ‑lä.

Faic an caibideil

2 Tesalonikö‑dunyʋä 1:1

Anyɩ Tesaloniköduu' 'cɔcɩnyʋa, anyɩmɔɔ‑ ‑kʋ lä ‑a 'Bä Laagɔ ‑yä Kwlienyɔɔ Zozi Klisö 'sɔ wlɩɩ' nä, ‑amʋ Pɔlʋ, n ‑yä Slivɛɛn ‑yä Timotee, ‑anyɩ‑ jɩjlä'anyɩ lä 'bɔɔgʋnʋ.

Faic an caibideil

2 Tesalonikö‑dunyʋä 1:10

'Ylʋʋyɩ 'kʋ nä, Kwlienyɔɔ yi yi 'nɩ nyɩkpa 'fɩɩn‑ plöö‑ lä ɔɔ' lʋä 'nɩ ‑wa ‑kä lä ɔɔ' pɔlötɛtɛ nä, wa yi ɔɔ' kʋkʋsaa 'yi 'ni, 'nɩ wa yio 'klʋkpää' 'ŋʋ, 'nɩ wa yio 'sɩɩ 'ŋnu fään. ‑Lɔɔ' nyɩkpaa nä, anyɩ 'titi, a yiwa nëëdë kʋmʋ. ‑Ɔnöza bhää? 'Tänyɩɩ ‑a ‑sänö'anyɩ lä Kwlienyɔɔ' 'Nägädöö nä, ka ŋoonɩ.

Faic an caibideil

1 Timotee 1:2

Timotee‑, ‑mɔɔ 'naa 'yuo 'titi ‑n ‑gänö lä pɔlötɛtɛɛ 'mnö nä, ‑mɔɔ n jɩjlä lä 'bɔɔgʋnʋ. ‑A 'Bä Laagɔ, ɔ yä ‑anyɩa Kwlienyɔ Zozi Klisö, n ylä nynä ‑mä wa 'nyɛ‑ɛ 'nää! Wa yibhënö‑ö ŋäzö ‑yä wa 'nyɛ‑ɛ 'kʋ wɔtɔlɩ!

Faic an caibideil

1 Timotee 3:8

'Cɔcɩɛɛ' 'tienyʋaa' kläänyʋa ‑mä 'sɩɩ, ɩ ‑ŋwa 'kʋ nynä ‑mä wa 'plö nyɩkpaa' lʋä‑ ‑kʋ lä 'klʋkpää' nä. Waa' gë ‑lä yio. Waa' cie ‑lä wa yëku nʋ. Ɩyä waa' tänö ‑lä monii gbenyenyii 'mnö.

Faic an caibideil

Titö 1:1

‑Amʋ Pɔlʋ, n ‑glö Laagɔɔ' ‑gänʋnyɔ, 'nɩ n plöö‑ Zozi Klisöö' lobho lobhonyɔ. Zozi Klisö nä, kɔ ‑lobho'o lä nynä nyɩkpaa' ‑lʋa Laagɔ ‑sä lä nä, n ‑länʋwa pɔlötɛtɛɛ' ‑blɔɔ 'kʋ. Ɩyä ‑nʋawlɛɛ ‑ɛ ‑yä 'cɔcɩ‑zëkpëa 'sɔ nää lä nä, wa 'kɛ yibhë.

Faic an caibideil

Titö 1:7

'Cɔcɩɩ' 'tienyɔ nä, Laagɔɔ' 'gbëë 'kʋ wloonyɔ ɔ plöö‑ lä nä, ɩ ‑ŋwa 'kʋ nynä ‑mä sä nyɩkpaa' kɔ ‑klä nëkʋ fä nä, ɔ nää sɔɔ. Ɔɔ' ‑sää ‑lä nyenyisä 'mʋ. Ɔɔ' kään ‑lä 'sɩɩ gbʋgblɛ. Ɔɔ' 'plö ‑lä 'sɩɩ nʋmnänyɔ. Ɔɔ' tään ‑lä 'sɩɩ cice. Ɩyä ɔɔ' tänö ‑lä monii gbenyenyii 'mnö.

Faic an caibideil

Filemɔɔ 1:1

‑Wawa‑bheli Filemɔɔ‑, ‑mɔɔ mɔ ‑a ‑yɔsɔ nʋʋ lä Kwlienyɔɔ' lebhee 'kʋ nä, ‑amʋ Pɔlʋ, ‑ɔ 'plöö‑ lä Zozi Klisöö 'ŋnöö ‑za ‑jɩnyɔɔ' nä, n ‑yä bheli‑ Timotee 'sɔ, ‑anyɩ‑ jɩjlä‑ä lä 'bɔɔgʋnʋ.

Faic an caibideil

Eblëënyʋä 13:23

'Döö n 'kanyɩ ylä ‑sää nä, ɩmɩɩ‑ plöö lä nynä ‑mä bhelio, Timotee, ɔ yä ‑jɩɩ' ‑bha. Ɔ kä siso ‑yi nä, n ‑yɔsɔ yi'anyɩ 'yi 'ni kää yi.

Faic an caibideil

Zakö 1:1

‑Amʋ Laagɔɔ' lebhe‑nʋnyɔ ɩyä Kwlienyɔ Zozi Klisöö' ‑gänʋnyɔ Zakö nä, Laagɔɔ' bʋbɔnyʋa‑ ‑jɛjɛ lä 'ylʋzɔɔ' dää 'fɩɩn nä, n bhänʋwa.

Faic an caibideil

1 Pɩɛlö 2:25

Ɛɛɛ! Ka ‑kʋ bhlä nynä 'bhabhlöö' lɩɩ ‑ɩ ‑too bhlä 'nɩ ‑ɩɩ bhɔɔ lä kpanyɔ ‑kä nä. ‑Mä ‑pɛpɛɛ nä, a yä anyɩa' kpanyɔɔ yëku 'ylɩbhɔ nä, ɔmɔɔ‑ wloo ylä anyɩa zëkpëa 'kʋ.

Faic an caibideil

2 Pɩɛlö 1:1

‑Amʋ Simɔɔ Pɩɛlö, Zozi Klisöö' gänʋnyɔ ‑yä ɔɔ' lobho lobhonyɔɔ, ‑amʋʋ‑ jɩjlä lä 'bɔɔgʋnʋ. ‑Anyɩa pɔlötɛtɛnɛ ‑ɛ kään lä 'sää kpänyɩ gbʋ nä, nyɩkpaa ‑wa ‑kɛɛ lä ‑anyɩ 'bhisäkʋ nä, wamä n jɩjlä lä. Zozi Klisö, ‑ɔ plöö‑ lä ‑anyɩa Laagɔ 'nɩ ‑ɔ plöö‑ lä anyɩa Puënyɔ nä, ɔɔ' 'yigëgbɩɩ 'mnö ɩ plöö‑ lä sɔɔ 'kʋ.

Faic an caibideil

Zudö 1:1

‑Amʋ Zudö, Zozi Klisöö' ‑gänʋnyɔɔ, ‑amʋ Zakö ɔ bheli, anyɩmɔ Laagɔ laa‑ lä nä, 'nɩ ʋ ‑wamä lä 'nɩ ʋ wloo lä 'kʋ Klisö 'mnö nä, anyɩ‑ n jɩjlä lä 'bɔɔgʋnʋ.

Faic an caibideil

'Yii Ghlä‑wälɩ 1:1

'Bɔɔgʋnʋ ‑glö Laagɔ panalɩɩ ʋ nyɛɛ‑ lä Zozi Klisö nynä ɔ ghlaa 'kʋ nä. Kä Laagɔ panɩɩ lä ‑yä zëkpëa‑ yi lä ‑mɔɔ 'yikʋ nä, aa yëkuu wälɩɩ, ʋ 'kɩ ʋʋ' ‑gänʋnyʋa pana. Kä Klisö ‑lobho lä ɔɔ' ‑Laagɔzuzuu ɔɔ' ‑gänʋnyɔ Zään yëku ‑yä ɔ 'kɔnyɩ pana.

Faic an caibideil

'Yii Ghlä‑wälɩ 1:20

‑Laagɔzälöyii ‑ngbɔɔsɔ ‑n nii‑ lä 'naa lüüklaa mnö yi nä, ɩyä ‑sikaa‑näpöö ‑ngbɔɔsɔ ɩɩ' 'mnöö wälɩklëa‑ ‑zizio lä 'kʋ nä, amää‑ plöö‑ nynä ‑mä, ‑laagɔzälöyii ‑ngbɔɔsɔ nä, ɩmɩɩ‑ plöö‑ lä 'cɔcɩgbüü ‑ngbɔɔsɔɔ' ‑Laagɔzizii. 'Nɩ 'näpöö ‑ngbɔɔsɔ plöö‑ lä 'cɔcɩgbüü ‑ngbɔɔsɔ.

Faic an caibideil

'Yii Ghlä‑wälɩ 19:10

Ʋ cii‑ lä sɔɔ nä, kä n pʋʋ‑ ‑kokoowli dëlü glu ‑yä n 'kʋ bhɛ bʋbɔ. Mä ‑Laagɔzuzuu ‑sonö'ö, ʋ lä 'kpänyɩ! ‑naa nʋ lä sɔɔ! N ‑glö Laagɔɔ' ‑gänʋnyɔ ‑mɔɔ 'bhisäkʋ. Bhelia 'fɩɩn ‑wa ŋoo‑ lä Zozii' ‑nʋawlɛ ‑dläfʋɛ 'kʋ nä, wamä 'bhisäkʋ n ‑kʋmʋ lä. Nä Laagɔ, ʋmʋ ‑n ‑kä 'nɩ ‑n 'gä bʋbɔ! Zozii' ‑dläfʋɛ nä, ɛmɛ 'mnö 'plɔfɛtɩnyʋa ‑ghlää 'nɩ wa ‑sää lä Laagɔɔ' nüdöö.

Faic an caibideil

'Yii Ghlä‑wälɩ 2:12

‑N fä Pɛgamöduu' 'cɔcɩgbëa' ‑Laagɔzuzuu 'bɔɔgʋ! ‑N jɩjlä nynä ‑mä, ‑ɔ bhɛɛ‑ lä ‑jlɛɛ pɔɔ‑ lä 'mɛnʋ 'nɩ ‑ɛ 'nɛnöɔ‑ lä 'pɛlɩɩ 'sɔ 'kʋ nä,

Faic an caibideil

'Yii Ghlä‑wälɩ 2:8

‑N fä Siminöduu' 'cɔcɩgbëa' ‑Laagɔzuzuu 'bɔɔgʋ! ‑N jɩjlä nynä ‑mä, ‑ɔ ‑kʋ lä Ciedää, 'nɩ ɔ ‑kʋ lä Bhɩädää nä, ɔmɔ mɔ ‑ɔ kuu‑ bhlä 'nɩ ɔ ‑glɔɔ ylä 'kuëë nä, ‑n ni wälɩklëa ɔ cii‑ lä nä.

Faic an caibideil

'Yii Ghlä‑wälɩ 22:9

‑Mä ʋ ‑sonö'ö, ʋ lä ‑naa nʋ lä sɔɔ! N ‑glö Laagɔɔ' ‑gänʋnyɔ ‑mɔɔ 'bhisäkʋ. ‑N bhelie‑ 'plɔfɛtɩnyʋa ‑yä nyɩkpa 'fɩɩn‑ laa lä 'bɔɔgʋnʋ 'mnö wälɩɩ nyaasäsä nä, wamä 'bhisäkʋ n ‑kʋ lä. Nä Laagɔ ‑bhlo 'coo, ʋmʋ ‑n ‑kä 'nɩ ‑n 'gä bʋbɔ.

Faic an caibideil

Lean sinn:

Ceanglaichean taic

Sanasan

Sanasan