Bìoball air-loidhne

Efɛzɩ‑dunyʋä 2:3 - GOD - u2

³ 'Nɩ ‑anyɩ ‑mä 'sɩɩ, kä ‑anyɩ 'fɩɩn ‑kʋ bhlä ‑lɔɔ' nyɩkpa‑cëa 'bhisäkʋ. Sä ‑anyɩa pɔlöö sonö‑anyɩ bhlä nynä ‑mä ‑a nʋ nä, sɔɔ ‑a nʋ bhlä. Sä ‑anyɩa 'yɛkɛɛ ylä bhlä nä, 'nɩ ‑anyɩa bhobhowluu sonö‑anyɩ bhlä nä, sɔɔ ‑a nää bhlä. ‑Anyɩa kʋkʋsaa ‑kä bhlä 'ŋnö nä, kä Laagɔ 'kä‑anyɩ bhlä ʋʋ' gbʋgblɛɛ yëku fään wamä 'bhisäkʋ.

Faic an caibideil Dèan lethbhreac

dol air ais ⬆

Efɛzɩ‑dunyʋä 2:3
54 Iomraidhean Croise

Makö 4:19

‑Mä 'ylʋzɔɔ' bhobholɩɩ ‑yä ‑mɔɔ' leylüü' 'nyigëlɩɩ, ɩyä ‑mɔɔ' 'yii mɛnɔɔ nä, ɩ gbi Laagɔwälɩɩ 'wlu 'nɩ ɩ gbä 'nɩ ɩɩ' ŋëë ‑wʋ dä.

Faic an caibideil

Zään 1:13

'Yuënä nä, 'yɛkɛ ‑yä dolu 'sɔɔ‑ ‑wʋ ‑gbä 'nɩ wa 'kä ‑gänʋɔ. Nyɩkpɔ‑ 'nʋwa ‑wʋ ‑gään ‑mä Laagɔ‑ ‑gänʋwa.

Faic an caibideil

Zään 8:44

Anyɩ, a 'bää plöö‑ lä 'Dëvlo nä, 'dëvlogbɩ‑ a tään nynä a 'kä nʋ. ‑Bhɔɔdää nä, 'Dëvlo ‑glö 'kɔɔkɔ nyɩkpa‑bhlänyɔ. Sä ‑nʋawlɛ 'nʋʋ ‑wʋ lä 'mnö ‑kʋ nä, ʋʋ' ‑läzä ‑nʋawlɛɛ' nämnö. Ʋʋ' kʋkʋsä plöö‑ lä ‑kpläkplä nä, ʋʋ' ci ‑wʋ 'kɔɔn ‑nʋawlɛ ‑mä ‑kpläkplä ‑tɛɛ ‑kʋʋ lä 'mnö. 'Dëvlo ‑glö ‑kpläkplönyɔ, 'nɩ ʋ ‑yi 'nɩ ʋ plöö‑ 'sɩɩ ‑kpläkplaa 'fɩɩn a 'bä.

Faic an caibideil

Nʋnʋgbɩɩ 14:16

‑Gɔgɔbhlää' nä, kä Laagɔ ‑taa nyɩkpaa 'fɩɩn 'yi 'nɩ nyɩkpɔ nyɩkpɔ bhlü bhä ‑blɔɔ' ‑lʋʋ ɔ ‑waa bhlä nä.

Faic an caibideil

Wlɔmʋ‑dunyʋä 1:24

‑Nɩnɩ 'mɩɩ‑ ‑kä lä 'ŋnö 'nɩ Laagɔ ‑tanʋwa ‑lä 'yi 'nɩ wa nää lä plʋplälɩɩ 'mnö. 'Nɩ gbenyenyii ‑ɩ ‑kʋwa lä pleyii nä, wa nämnönɩ lä 'mnö ‑yä wa 'kä wa yëkuu' 'yɛkɛɛ ‑didi plaa.

Faic an caibideil

Wlɔmʋ‑dunyʋä 11:30

Kɩ ‑kʋ lä nynä ‑mä tɛɛtɛɛ nä, a yä bhɛ Laagɔ 'klʋkpää ‑sä. ‑Mä ‑pɛpɛɛ nä, 'Yizlɛnyʋä ‑sä yɩ Laagɔ 'klʋkpää' 'nɩ anyɩ Laagɔ yi'anyɩ yɩ ŋäzö yibhë.

Faic an caibideil

Wlɔmʋ‑dunyʋä 13:14

A kʋ yɩ nynä Kwlienyɔɔ Zozi Klisö ɩyä sä 'yɛkɛɛ ‑waa lä nä, aa cie lä sɔɔ a yëku.

Faic an caibideil

Wlɔmʋ‑dunyʋä 2:14

A ni 'yi nä, nyɩkpaa' ‑lʋa ‑wʋ lä 'Zufʋnyʋä plöö‑ 'nɩ ‑waa ‑wʋ lä ‑Jlämaa ‑yi nä, waa' nʋnʋgbɩɩ ‑yä ‑Jlämaa 'sɔ kä yëkuu mʋʋ nä, waa' bhɔɔ ‑Jlämaa ‑yi nä, wamä 'titii‑ plöö‑ bhlä wa yëkuu' ‑Jlämä.

Faic an caibideil

Wlɔmʋ‑dunyʋä 5:10

'Tänyɩɩ ‑a plöö‑ bhlä ‑lätee Laagɔɔ' ‑zɔbhlɛgbänyʋä nä, kä ʋ ‑Yowlii' 'kwiee ‑gbä 'nɩ ‑a ‑yʋsɔ yä glää. Kɩ plöö‑ ylä nynä ‑mä sä ɔ yä‑anyɩ ylä glää nä, saa 'fɩɩn nä, ɔɔ' 'pʋpʋɛ yi‑anyɩ ‑lɔɔ nëë' ‑sä.

Faic an caibideil

Wlɔmʋ‑dunyʋä 5:9

‑Pɛpɛɛ nä, ɔɔ' doluu yä gbä ‑a yä yɩ 'yigëënyʋä 'plö. 'Nɩ Klisö ya‑anyɩ 'sɩɩ Laagɔɔ' gbʋgblɛɛ nëë' ‑sä.

Faic an caibideil

Wlɔmʋ‑dunyʋä 6:12

Nä anyɩa' 'kukuyɛkɛnɛ nä, nyenyii' känɩɛ ‑läyɩɔ 'päwä 'kʋ, 'nɩ sɛ ‑waa lä nä, ɛ 'kanyɩ sɔɔ 'tie!

Faic an caibideil

Wlɔmʋ‑dunyʋä 7:18

‑Ɔnöza bhää? N ‑yi yɩ sɔɔ nynä ‑mä 'naa 'mnöö nää' ‑wʋ ‑mɔɔ ‑kʋ. Nyɩkpasä n sää n ci lä. N ‑waa bhɛ 'flɛ nynä ‑mä n 'kä 'nää nʋ ‑mä, nn' mii‑ wʋ.

Faic an caibideil

Wlɔmʋ‑dunyʋä 9:22

Nä Laagɔ nä, ʋ yi bhä 'ylʋzɔkʋnyʋä gbʋgblɛɛ wlɩɩ pään 'nɩ ʋ yiwa bhä ʋʋ' 'tɛtɩɩ 'kʋ fään ‑mä kʋ 'kuu‑ yɩ kpänyɩ 'mnö waa' ‑za.

Faic an caibideil

1 Kolɛtɩ‑dunyʋä 4:7

'Klë ‑sä yi bhä 'ŋnö kää 'nɩ nyɩkpɔ yi bhä ci nynä ‑mä kɔ zi ɔ ‑liee? ‑Lʋʋ n täkpɔ lä 'mʋ nä, Laagɔ 'nö‑ö mʋ ‑wʋ nyɛɛ ‑a? 'Nɩ Laagɔ‑ nyɛɛmʋ ylä nä, gba ‑sä ‑kä bhä 'ŋnö 'nɩ ‑n täkpɔnʋ bhä 'mʋ?

Faic an caibideil

2 Kolɛtɩ‑dunyʋä 7:1

Laagɔ cii‑ ylä nynä ‑mä ʋ yi‑anyɩ ‑nɩnɩ 'fɩɩn 'nyɛ nä, 'naa ‑wawanyʋänyɩ‑, ‑lɩɩ 'fɩɩn ‑ɩ yi bhlä ‑anyɩa 'yɛkɛɛ ‑yä ‑anyɩa 'wugɔɔ pee plaa nä, ɩ ‑ŋwa 'kʋ nynä ‑mä ‑a ‑sɩɩ ‑a yëku yëku ‑yä ‑a 'gä kplɔɔ. ‑A nʋ saa 'fɩɩn ‑yä ‑a kplɔɔ ‑yä ‑a 'ŋʋ Laagɔɔ 'klʋkpää.

Faic an caibideil

Galatɩnyʋä 3:22

‑Mä kä Laagɔ‑bɔɔgʋʋ sonö‑anyɩ lä nynä ‑mä, gbenyenyii' 'päwaa 'mää‑ pɩä lä 'kɔɔnʋ 'fɩɩn 'kʋ. Kɩ ‑kʋ lä sɔɔ ‑yä nyɩkpaa ‑kä lä Zozi Klisöö' pɔlötɛtɛ nä, sä Laagɔ cii‑ bhlä nynä ʋ yiwa 'nyɛ nä, wa 'kä sɔɔ 'ni.

Faic an caibideil

Efɛzɩ‑dunyʋä 2:2

Tɛɛtɛɛ nä, ɩmɩ 'mnö a nämnö bhlä. Sä zëkpëa 'tienö'anyɩ bhlä nä, sɔɔ a nää bhlä. ‑Zuzunyënyuu ‑ʋ plöö‑ lä zëkpü ‑kɔfʋʋ' 'kämänyɔɔ nä, ʋmʋ a nʋ bhlä ‑gä. ‑Zuzunyënyuyɩ 'mʋʋ‑ 'tie ylä ‑pɛpɛɛ' nyɩkpaa ‑wa cɩcɩɔ lä Laagɔ 'yii nä.

Faic an caibideil

Efɛzɩ‑dunyʋä 4:22

Ɩ ‑kä ylä 'ŋnö nä, a ‑taa yɩ anyɩa' tɛɛtɛɛdaa' zëkpëa 'yi. Tɛɛtɛɛ nä, sa bhobho bhlä nä, kä sɔɔ 'nyigënö'anyɩ bhlä 'nɩ anyɩa' zëkpëa bhusu bhlä. Nä, ɩ ‑ŋwa yɩ 'kʋ nynä ‑mä anyɩa' tɛɛtɛɛ' zëkpëa nä, a ‑saa yɩ a yëku yëku.

Faic an caibideil

Kolɔsʋ‑dunyʋä 1:21

Anyɩ nä, ka ‑tlʋ bhä tɛɛ Laagɔ dä, 'nɩ a ‑yi 'nɩ a plöö‑ bhä 'sɩɩ Laagɔɔ' ‑zɔbhlɛgbänyʋä anyɩa' bhobhosaa ɩyä anyɩa' gbenyenyii 'mnö.

Faic an caibideil

1 Tesalonikö‑dunyʋä 4:13

Bhelie ‑yä bhɛŋwnɩänyɩ‑, ‑aa ylä ‑wʋ nynä a kʋ plɛ ‑lëbë ‑lëbëë'. Ɩ ‑ŋwa 'kʋ nynä ‑mä 'kudukuaa' yëkuu' wälɩɩ, ‑nʋawlɛɛ‑ ‑kʋɩ lä 'mnö nä a yibhënɩɛ. Ɩyä ‑wa bhobho lä nynä ‑mä nyɩkpɔ kä kuu‑ nä, ɔ yä 'ku nä, aa' kä ‑kä wamä 'bhisäkʋ bhʋtʋ.

Faic an caibideil

1 Tesalonikö‑dunyʋä 5:6

Naa, ‑aa ŋɔɔ ‑lä ‑mä ‑a ‑ya gblɩmä ‑yä ‑a klä ‑a yëku ‑kpään.

Faic an caibideil

1 Timotee 6:9

Nyɩkpaa' ‑lʋa ‑wa tään lä nynä wa 'kä leylü kään nä, kä wa bhlüü ‑zɔɔpälɩɩ'. Bhobholɩɩ' lɩɩ‑ ‑wʋ lä gba ‑kä 'nɩ ‑ɩ ‑nyuu lä nä, wa bhlüü ɩɩ' ‑gbesii 'nëë. Wa fään nyɩkpa 'kwie 'yii 'nɩ wa gbä 'nɩ ‑lɔɔ' nyɩkpaa' zëkpëa nuë, 'nɩ a mnɔ 'kwläkwlä.

Faic an caibideil

Titö 3:3

‑N ni 'yi naa, ‑anyɩ ‑mä 'sɩɩ ‑anyɩa tɛɛtɛɛdää' zëkpëa 'mnö nä, ‑aa bhɔɔ wälɩ ‑bhutukpää' gbaa ‑yi. ‑Aa 'ŋʋ bhɔɔ 'kwläkwlä 'sää Laagɔ 'klʋkpää'. Ka ‑a ‑too bhlä. Sä ‑anyɩa plɛɛ ylä bhlä nä, ɩyä gämʋʋ ‑a ‑waa bhlä nä, ʋ ŋʋ‑anyɩ bhä geylüü'. ‑A ‑kʋ bhä gbenyenyii 'mnö, 'nɩ ‑a ‑kä bhä 'sɩɩ luëzü. ‑Aa bhɔɔ 'kʋ mʋsä ‑kä, 'nɩ ‑a ‑zɔɔ ‑zɔɔ bhä.

Faic an caibideil

1 Pɩɛlö 1:14

A plöö‑ ylä Laagɔɔ' 'yuë nä, a 'ŋʋ Laagɔ 'klʋkpää! Aa' bhɔɔ Klisö ‑yi nä, ɩɩ' sa nää bhlä tɛɛ nä, aa' nää ‑läyɩɔ sɔɔ.

Faic an caibideil

2 Pɩɛlö 2:14

Waa 'yii nä, 'ŋwnɩä 'kʋ ɩ ‑kʋ lää 'kɔɔkɔ. 'Nɩ wa ‑waa 'tänyɩɩ 'fɩɩn 'mnö nynä wa 'kä nyenyi nʋ, 'nɩ wa 'nyigë nyɩkpaa' ‑lʋa ‑waa ‑wʋ lä ‑cʋcʋ ‑kä nä. Kwa tään lä 'kɔɔkɔ nynä wa 'kä monii kään. ‑Mä wa ‑glö 'kplünyʋä.

Faic an caibideil

2 Pɩɛlö 2:18

Wa kä cidä ‑kʋ nä, kä wa täkpɔ. 'Nɩ wa sää 'sɩɩ 'mʋ ‑mä waa' ciciwälɩɩ 'fɩɩn‑ ‑wʋ lʋʋ 'mnö ‑kʋ. Nyɩkpaa' ‑lʋa ‑wa ‑bha lä too toonyʋa' ‑zajɛɛ nëë' 'nɩ ɩɩ' ‑lä lätee 'mʋ ‑gwlɛ nä, wamä wa mii 'nɩ wa 'nyigë lä. 'Yɛkɛɛ 'mnö nʋnʋgbɩɩ ‑ɩ ‑kä lä zoo 'kʋ nä, ɩmɩ 'mnö wa ghlää 'nɩ wa 'nyigënʋwa lä.

Faic an caibideil

1 Zään 2:16

Nʋnʋgbɩɩ 'fɩɩn‑ ‑kʋ lä 'nɩ nyɩkpɔɔ' 'yɛkɛ ‑waa lä nä, ɩyä ‑lɩɩ ɔɔ' 'yi bhlä lä nä, ɩyä täkpɔlɩ nä, ɩɩ' ‑bha ‑wʋ 'Bäɔ yëku, ‑mä ‑mää 'ylʋzɔɔ ɩ bha lä.

Faic an caibideil

1 Zään 2:8

‑Mä, a ‑yi 'nɩ a plöö‑ 'sɩɩ ‑Jlämä lëlë 'nɩ n jɩjlä'anyɩma lä. ‑Lää' ‑jlämänä, Zozii 'mnö wa 'ninöa lä, 'nɩ wa 'ninö'anyɩma 'sɩɩ 'mnö 'yi. Nä, a ‑glö 'zaazɩ ‑jlämaa' ‑lɛɛ lëlë. ‑Ɔnöza bhää? Kä 'cucuu bhɩä lä. Zëlüü 'titi 'mɩɩ‑ ghlä ylä 'kʋ.

Faic an caibideil

Lean sinn:

Ceanglaichean taic

Sanasan

Sanasan