Bìoball air-loidhne

Eblëënyʋä 8:3 - GOD - u2

³ 'Cibhisänyɔ 'kädɔ nä, kɔ ‑kʋ lä ‑yä ɔ 'kä Laagɔ dëlü bʋbɔlɩɩ ‑lä, ɩyä ɔ 'kä 'sɩɩ 'cibhi ‑sä. Nä kɩ plöö‑ ylä nynä ‑mä Zozii nä, ɔ ‑kä 'nɩ ɔ yi bhɛ 'mʋ bʋbɔlʋʋ Laagɔ dëlü ‑lä.

Faic an caibideil Dèan lethbhreac

« Roimhe

dol air ais ⬆

Air adhart »

Eblëënyʋä 8:3
14 Iomraidhean Croise

Zään 6:51

‑Amʋ nä, 'flɔɔbhëa ‑laa ‑a bha lä ‑laagɔɔ' 'nɩ ‑a kwlii‑ lä nä, ‑amʋʋ‑ plöa lä. ‑Lɔɔ 'flɔɔbhëa nä, ka nyɛ 'pʋpʋɛ. Nyɩkpɔ ka ‑lü nä, ɔ yi 'pʋpʋɛɛ 'ni 'kɔɔkɔ ‑za. 'Nɩ 'flɔɔbhëa n 'kä lä 'nyɛ nä, 'naa 'yɛkɛɛ lä. Ɛmɛ n 'kä lä 'nyɛ ‑yä 'ylʋzɔkʋnyʋä 'kä 'pʋpʋɛ 'ni.

Faic an caibideil

Wlɔmʋ‑dunyʋä 4:25

Zozii nä, kä Laagɔ ‑sɔɔ ‑anyɩa nyenyii' ‑za, 'nɩ ɔ yi lä 'kuëë glɔɔ ‑yä ɔ 'ka‑anyɩ gbʋʋ' ‑sä ‑a 'gä 'yigëënyʋä 'plö.

Faic an caibideil

Wlɔmʋ‑dunyʋä 5:6

'Nɩ dä ‑aa ‑lätee bhlä 'tɛtɩ ‑kä nä, 'tänyɩɛ Laagɔ ŋʋʋ‑ bhlä nä, ɛ ‑ŋëë ylä nä, 'nɩ Klisö yi lä gbenyenyinyʋaa' ‑za 'ku.

Faic an caibideil

Wlɔmʋ‑dunyʋä 5:8

‑Mä ‑anyɩ nä, a ni sä Laagɔ panö‑anyɩ lä ʋʋ' ‑wawʋʋ nä! ‑A plöö‑ bhä ‑lätee nyenyinyʋä 'nɩ Klisö ‑yi 'nɩ ɔ kuu‑ lä ‑anyɩa 'wlu.

Faic an caibideil

Galatɩnyʋä 2:20

N ‑kʋ ylä zëkpë 'kʋ nä, ‑amʋ 'titii‑ yɩɔ ‑kʋ ‑mä, Klisö ‑kʋ'ʋ ylä 'mnö. Nä, ‑mää 'ylʋzɔɔ', 'naa zëkpënä 'mnö Laagɔ ‑Yowlii' pɔlötɛtɛ n ‑kä ylä. Kɔ ‑wamänö'ö 'nɩ ɔ nyɛɛ‑ ɔ yëkuu' zëkpë 'naa ‑za.

Faic an caibideil

Efɛzɩ‑dunyʋä 5:2

A kʋ ‑wawʋʋ 'mnö. Kä Klisö ‑wamänö‑anyɩ lä nä, 'ɩzä ɔ ‑sä lä ɔ yëku Laagɔ delü 'cibhi 'kʋ ‑anyɩa ‑za. 'Nɩ ɔɔ' 'cibhie nä, ɛ ‑glö 'nägä‑cibhii' lɛɛ‑ pä lä 'ŋwänɩ Laagɔ dëlü nä.

Faic an caibideil

Titö 2:14

Zozi Klisö nä, kɔ ‑sä ɔ yëkuu' zëkpë ‑anyɩa ‑za ‑yä, ‑anyɩa nyenyi‑zëkpëa 'kä 'mʋ kplɩɔ. Kɔ ylä nynä ‑mä, ‑a kplɔɔ wɩa ‑yä, ‑a 'plö 'sää 'titi ɔɔ' nyɩkpaa' lʋä ‑wa ‑ghlɩlɩ lä 'kɔɔkɔ ‑yä ‑wa 'gä 'nägägbɩ nʋ nä.

Faic an caibideil

Eblëënyʋä 2:17

‑Nɩnɩ ‑kä bhɛ 'ŋnö nä, ɩ ‑ŋwa bhä 'kʋ nynä ‑mä 'pɛlɩ 'fɩɩn 'mnö nä, ɔ kʋ ɔ bhelie ‑yä ɔ bhɛŋwnɩä 'bhisäkʋ. Ɔ plöö‑ yɩ 'cibhisänyɔ 'kädɔ, 'nɩ ɔ yi ŋäzö. Kɔ nʋ lä 'kɔɔkɔ Laagɔ ‑gä ‑yä ɔ 'kä gbä Laagɔ dëlü waa' nyenyii 'kä cienöɔ.

Faic an caibideil

Eblëënyʋä 3:1

Bhelie ‑yä bhɛŋwnɩänyɩ‑, anyɩmɔ Laagɔ laa‑ lä nä, 'nɩ ‑ɔ plöö‑ lä ʋʋ' lʋä nä, a wloo Zozii nynä Laagɔɔ' lobho lobhonyɔ ‑yä ‑anyɩa 'cibhisänyɔ 'kädɔ. Ɔmɔ ‑a ŋʋʋ‑ lä ‑anyɩa pɔlötɛtɛɛ 'kʋ.

Faic an caibideil

Eblëënyʋä 5:1

A ni 'yi naa, 'cibhisänyɔ 'kädɔ nä, ɔ lü‑nyɩkpa nëëdë ɔ bha 'nɩ ɔ nʋ lä Laagɔ ‑gä ɔ lü‑nyɩkpaa' ‑za. Ɔ lä bʋbɔ bʋbɔlɩɩ 'nɩ ɔ sä 'cibhi Laagɔ dëlü waa' nyenyii' ‑za.

Faic an caibideil

Eblëënyʋä 7:27

'Nɩ ɔɔ' tään yɩɔ nynä ‑mä ɔ 'kä ylɩɩ 'fɩɩn 'kʋ 'cibhi ‑sä 'Cibhisänyʋä 'kädʋa 'bhisäkʋ. Ɩ yɩɔ plöö‑ nynä ‑mä, ɔ sä ylä 'fɩa ɔ yëkuu' 'cibhi ɔ yëkuu' nyenyii' ‑za nä, 'nɩ ɔ yi 'nɩ ɔ sä yɩ nyɩkpa 'fɩɩn lɛɛ. Ɔ yä wɛzä ‑lɔɔ' 'cibhie ‑sä. Ɔ ‑sänɩɛ 'ci ‑bhlo. Ɔ yëku 'titi ɔ ‑sää lä 'cibhi 'kʋ.

Faic an caibideil

Eblëënyʋä 8:4

Ɔ kä bhlä ‑mää 'ylʋzɔɔ ‑kʋ nä, ɔɔ' ‑lä bhɔɔ 'cibhisänyɔ 'plö, ‑ɔnöza bhä? ‑Jlämaa ŋʋʋ‑ bhä 'Cibhisänyʋä ‑yä wa 'kä ‑lɔɔ' lebhee nʋ.

Faic an caibideil

Eblëënyʋä 9:14

‑Maa, Klisöö' doluu nä, sʋ nʋ bhää? Klisö nä, kɔ ‑ghlää lä Kplɔɔkplɔɔ‑wugɔɔ 'mnö 'nɩ ɔ ‑sä lä ɔ yëku Laagɔ dëlü. Kɔ ‑kʋ ylä nynä 'cibhisä‑mnɛɛ' lɛɛ ‑wʋ lä 'foclo yëku ‑kä nä. Nä ɔɔ' doluu yi ‑anyɩa pleyii gbenyenyii 'mʋ 'kplɩ ‑yä ‑a 'gä ‑Yäyä Laagɔɔ ‑gä nʋ.

Faic an caibideil

Lean sinn:

Ceanglaichean taic

Sanasan

Eblëënyʋä 8:3 - GOD - u2

Eblëënyʋä 8:314 Iomraidhean Croise

Eblëënyʋä 8:3
14 Iomraidhean Croise