Bìoball air-loidhne

Eblëënyʋä 1:3 - GOD - u2

³ Laagɔ ‑Yowlinɔ nä, ɔ bhɛɛ‑ Laagɔɔ' 'klʋagba 'fɩɩn ‑a lie lä nä. Kɔ ‑kʋ lä nynä Laagɔ 'titi. 'Nɩ, ɔɔ' ciciwälɩɩ 'päwaa ‑yi 'nɩ a bhɛɛ‑ 'kɔɔnʋ. Ɔ yä 'ylʋzɔkʋnyʋä kpɔlʋä, ɔ ‑yʋwa waa' nyenyii yëku ‑sä. 'Nɩ ɔ ‑kʋ yɩ ‑mɔɔ ŋäkʋ fɛɛn fɛɛn, ‑mɔɔ Laagɔduu'. Ɔ ‑kʋ ‑mɔɔ 'päwö 'kädö ‑kään Laagɔɔ' lüüklä 'kʋ sä.

Faic an caibideil Dèan lethbhreac

dol air ais ⬆

Eblëënyʋä 1:3
42 Iomraidhean Croise

Matie 22:24

Cɩanyɔ‑, Moyizöö' ‑Jlämaa ci nynä ‑mä, nyɩkpɔ ‑yä ɔ 'ŋnɔ 'sɔ 'nö 'yu ‑gään 'nɩ ɔ kä kuu‑ nä, ɔ bheli 'bhlü 'kuzëlü‑ŋnɔɔ 'kʋ ‑yä ɔɔ' 'lɔlʋʋ' kä ‑kä mnɔ.

Faic an caibideil

Makö 16:19

Kwlienyɔ Zozii ‑bhɩä lä ɔɔ' 'kʋgënyʋa soolɩ nä, kɔ gblää‑ Laagɔduu' 'nɩ ɔ yi Laagɔɔ' lüüklä 'kʋ sä kʋ.

Faic an caibideil

Zään 1:14

Ciciwälɩ ‑jɩjlää nyɩkpɔɔ', 'nɩ ɔ ‑yi 'nɩ ɔ ‑kʋ‑anyɩ nëëdë 'nɩ ‑a nii‑ ɔɔ' 'klʋagbaa 'yi. Laagɔ ‑Yowlio ‑bhlo 'coo ‑ɔ ‑bha lä 'Bäɔ yëku nä, ɔɔ' 'klʋagbaa, ‑a nia‑ 'yi. Ɔ ‑glö bhä 'zaazɩ plɛkʋmɛnɔnyɔ ‑yä ‑nʋawlɛɛcinyɔ.

Faic an caibideil

Zään 1:29

Zeli ‑ze ylä nä, Zään nii‑ Zozii 'yi 'nɩ ɔ yinöɔ bhä. 'Nɩ Zään yi ci, ɔ lä a ni Laagɔɔ' 'bhabhlö‑yuo! Ɔmɔɔ‑ sä lä 'ylʋzɔkʋnyʋää' nyenyii yëku.

Faic an caibideil

Zään 1:4

Ciciwälɩ 'mnö ‑mɔɔ 'pʋpʋɛ ‑kʋ, 'nɩ 'pʋpʋɛ ‑yi 'nɩ a plöö‑ 'ylʋzɔkʋnyʋää' zëlü.

Faic an caibideil

Nʋnʋgbɩɩ 2:33

Kä Laagɔ 'ŋʋnöɔ‑ 'ŋnu mʋdä. Laagɔ cii‑ bhä nynä ‑mä ʋ yio ʋʋ' Kplɔɔkplɔɔ‑wugɔɔ 'nyɛ, 'nɩ 'zaazɩ, Laagɔ nyɩɔnyʋ 'nɩ ɔ yi‑anyɩmʋ lä 'kʋ kwlie. Nä, ɩmɩ a ni la ‑lää 'yi 'ni a nu lä 'sɩɩ.

Faic an caibideil

Nʋnʋgbɩɩ 7:56

'Nɩ Etɩɛnö yi ci, ɔ lä a ni yi ‑a! ‑Laagɔɔ' yä 'klʋ känöɔ! N ni Nyɩkpɔɔ ‑Yowli 'yi. Ɔ 'nynigo‑ Laagɔɔ' lüüklä 'kʋ!

Faic an caibideil

Wlɔmʋ‑dunyʋä 1:16

‑Amʋ nä, 'Nägädöö' bielɩɩ nö'ö ‑wʋ zoo 'kʋ ‑kä. Ɩ ‑glö Laagɔɔ' 'päwä. Nyɩkpaa' ‑lefɩɩn ‑kä lä ɩɩ' pɔlötɛtɛ nä, ɩ ‑glö waa' ‑za 'päwaa laa‑ sʋwa lä ‑lɔɔ nëë nä. Ɩ plöö‑ 'pawä 'Zufʋnyʋää' ‑za 'fɩa, 'nɩ ɩ ‑yi 'nɩ ɩ plöö‑ 'sɩɩ 'päwä 'Glɛkönyʋää' ‑za.

Faic an caibideil

Wlɔmʋ‑dunyʋä 8:34

‑Ɔ yiwa bhä gbʋ klaa? Zozi Klisö kuu‑ 'nɩ ɔ ‑glɔɔ 'sɩɩ 'kuëë 'nɩ ɔ ‑kʋ Laagɔɔ' lüüklä 'kʋ 'nɩ ɔ zözlä anyɩa ‑za!

Faic an caibideil

2 Kolɛtɩ‑dunyʋä 4:4

'Dëvlo yä waa' bhobhowluu 'yikʋ wlä nä, waa' ‑wʋ pɔlötɛtɛ ‑kä. Ɩ gbä 'nɩ waa' 'ni yɩɔ Klisöö' 'Nägädöö' 'klʋagba 'yi. Klisö nä, ɔmɔɔ‑ plöö‑ lä Laagɔɔ' 'wlʋʋnyɔ.

Faic an caibideil

Kolɔsʋ‑dunyʋä 3:1

A yä ylä 'kuëë glɔɔ 'nɩ a yä ylä zëkpë 'kʋ yi nä, ‑mɔɔ Laagɔduu', ‑mɔɔ ‑gbäsɩɩ Klisö ‑kʋ lä Laagɔɔ' lüüklä 'kʋ sä nä, ‑mɔɔ' kʋkʋlɩɩ 'mɩ a la tään yɩ.

Faic an caibideil

Titö 2:14

Zozi Klisö nä, kɔ ‑sä ɔ yëkuu' zëkpë ‑anyɩa ‑za ‑yä, ‑anyɩa nyenyi‑zëkpëa 'kä 'mʋ kplɩɔ. Kɔ ylä nynä ‑mä, ‑a kplɔɔ wɩa ‑yä, ‑a 'plö 'sää 'titi ɔɔ' nyɩkpaa' lʋä ‑wa ‑ghlɩlɩ lä 'kɔɔkɔ ‑yä ‑wa 'gä 'nägägbɩ nʋ nä.

Faic an caibideil

Eblëënyʋä 1:13

‑Laagɔzuzuu' 'cësä‑ Laagɔ yä bhɛ soo nynä ‑mä, ‑Naa ‑zɔbhlɛgbänyʋa nä, N 'kwa ‑naa 'kʋ nämnö ‑gwädɛ 'kʋ nʋ ‑mä, ‑N kʋ 'naa lüüklä 'kʋ sää?

Faic an caibideil

Eblëënyʋä 10:12

‑Mä Klisö nä, ɔ ‑sä 'cibhi 'ci ‑bhlo nyenyii' ‑za 'nɩ ɔ yi lä Laagɔɔ' lüüklä 'kʋ sä kʋ ‑kää mʋ 'kɔɔkɔɔ ‑za.

Faic an caibideil

Eblëënyʋä 12:2

A ‑ya wloo yɩ 'kɔɔkɔ Zozii ‑mä ɔmɔɔ‑ gbä 'nɩ pɔlötɛtɛ yi lä, 'nɩ ɔmɔɔ‑ gbä lä 'sɩɩ 'nɩ ɛ kplɔɔ lä wɩa. Ɔmɔ, ɔɔ' ‑wʋ zoo 'mänyɩ 'nɩ ɔ ŋoo‑ lä 'nɩ ɔ 'kuu‑ lä 'kusu 'yii. ‑Ɔnöza bhää? ‑Mɔɔ 'yikʋʋ ‑pʋpɛɛ‑ yi bhlä nä, ɔ nie bhä 'yi. ‑Pɛpɛɛ nä, ɔ ‑kʋ yɩ 'Päwö kää Laagɔɔ' lüüklä 'kʋ sä.

Faic an caibideil

Eblëënyʋä 4:14

Naa, ‑a ‑kä 'Cibhisänyɔ 'kädɔɔ' 'päwö‑käälɔɔ. Kɔ blüë‑ 'nyukpɔ‑laagɔnʋ 'mnö, 'nɩ ‑ɔ ‑mʋ ‑mɔɔ Laagɔduu' Laagɔ yëku. Ɔmɔɔ‑ plöö‑ lä Zozii, Laagɔ ‑Yowli. Nä pɔlötɛtɛɛ ‑a ‑kä lä ɔɔ' ‑za nä, a ‑ya klɛɛ sä klɩ klɩ klɩ.

Faic an caibideil

Eblëënyʋä 7:27

'Nɩ ɔɔ' tään yɩɔ nynä ‑mä ɔ 'kä ylɩɩ 'fɩɩn 'kʋ 'cibhi ‑sä 'Cibhisänyʋä 'kädʋa 'bhisäkʋ. Ɩ yɩɔ plöö‑ nynä ‑mä, ɔ sä ylä 'fɩa ɔ yëkuu' 'cibhi ɔ yëkuu' nyenyii' ‑za nä, 'nɩ ɔ yi 'nɩ ɔ sä yɩ nyɩkpa 'fɩɩn lɛɛ. Ɔ yä wɛzä ‑lɔɔ' 'cibhie ‑sä. Ɔ ‑sänɩɛ 'ci ‑bhlo. Ɔ yëku 'titi ɔ ‑sää lä 'cibhi 'kʋ.

Faic an caibideil

Eblëënyʋä 8:1

'Klüü ‑lɩɩ ‑a ‑kä 'nɩ ‑a ga'anyɩ lä soo nä, ɩɩ' 'mnö 'klëa ‑a plöö‑ lä ‑lɛ 'kädä nä, amää‑ plöö‑ lä nynä ‑mä ‑a ‑kä 'cibhisänyɔ 'kädɔ. 'Leyidu‑Laagɔɔ ‑ʋ ‑kä lä 'tɛtɩɩ nä, ɔ ‑kʋ ‑mɔɔ Laagɔduu' ʋʋ' lüüklä 'kʋ sä.

Faic an caibideil

Eblëënyʋä 9:16

Wa kä cii nynä ‑mä nyɩkpɔ ‑të wälɩklë nä, kɩ sä ‑lä ‑zɔɔ nynä ‑mä ‑lɔɔ' nyɩkpɔɔ yä 'ku.

Faic an caibideil

Eblëënyʋä 9:26

Sɔɔ ɩ kä bhä ‑kʋ nä, 'bhää yɩ 'kɔɔn ciedä ‑aaa nä, 'kwlɩ yɔ bhɛ bhɩä 'ci bhutukpä. A ni 'yi naa, zëkpëa' bhɩä‑tänyɩɛ 'mnö ‑a ‑kʋ ylä nä, 'ɩɩ ‑zä Klisö ‑yi lä 'ci ‑bhlo ‑yä ɔɔ' 'cibhie 'mnö, ɔ 'kä nyenyii ‑lɔɔ ‑sä.

Faic an caibideil

1 Pɩɛlö 1:21

Ɔmɔ Laagɔ ‑gälɩä lä 'kuëë 'nɩ ʋ nyɩɔ‑ lä 'klʋagba. Klisönɔ 'mnö, ‑mɔɔ a ‑ghlää 'nɩ a ‑kä ylä ʋʋ' pɔlötɛtɛ. Ɩmɩɩ‑ ‑kä ‑lä 'ŋnö 'nɩ a ‑kä lä Laagɔɔ' pɔlötɛtɛ 'nɩ a 'tɛnʋ ylä dë.

Faic an caibideil

1 Pɩɛlö 3:22

Klisö gblää‑ lä Laagɔduu' nä, kɔ ‑kʋ yɩ Laagɔɔ' lüüklä 'kʋ sä. ‑Mɔɔ ɔ ‑kʋ 'nɩ ɔ 'kämä ylä ‑Laagɔzizii ɩyä 'päwö‑käälɩɩ ‑yä 'tɛtɩ‑käälɩɩ 'fɩɩn.

Faic an caibideil

2 Pɩɛlö 1:16

A ni 'yi naa, ‑anyɩ Kwlienyɔ Zozi Klisöö' 'päwaa 'mnö yilɩɩ ‑ɩnö wälɩɩ ‑a ‑sonö'anyɩ lä nä, ‑ɛɛ ‑wʋ 'nünëë‑. Kä ‑anyɩa 'yinɩ 'titi nio 'yi 'nɩ ‑a nii‑ ɔɔ' 'ghlünɔɔ 'yi.

Faic an caibideil

2 Pɩɛlö 1:17

‑Ɛɛɛ, kä ɔ 'Bä Laagɔ nyɩɔ‑ ʋʋ' 'klʋkpaa ‑yä ʋʋ' 'klʋagba. Kä nuwälɩ ‑ghlää‑ Laagɔɔ' 'klʋagba 'mnö 'nɩ ɩ cii‑ ɔɔ' ‑za, ɩ lä ‑nɔnɔ 'mɔɔ‑ plöö‑ lä 'naa ‑Wawayuo, ɔɔ' plɛkʋ mɛnö'ö kpänyɩ!

Faic an caibideil

1 Zään 1:7

Sä Laagɔ 'titi ‑kʋ lä zëlüü' nä, ‑anyɩmä 'sɩɩ ‑a gä zëlüü 'mnö nämnö nä, kä ‑a 'jɛnyɩ‑ lä ‑anyɩ bhlobhlo 'pää. Nä ʋ ‑Yowli Zozii' doluu ʋ yi‑anyɩ nyenyi 'fɩɩn yëku ‑sä 'nɩ ‑a yi kplɔɔ.

Faic an caibideil

1 Zään 3:5

A ‑yi sɔɔ nynä ‑mä Zozi Klisö nä, nyenyi 'nöɔ bhɔɔ yëku ‑kʋ. 'Nɩ kɔ ‑yi bhä ‑yä ɔ 'kä 'ylʋzɔkʋnyʋä nyenyi yëku ‑sä.

Faic an caibideil

Zudö 1:25

Laagɔɔ ‑ʋ ‑bhlü lä ‑bhlo 'nɩ ‑ʋ ‑ghlää lä Zozi Klisö 'kʋ 'nɩ ‑ʋ puë'anyɩ lä nä, ʋ ‑yä Zozi Klisö 'sɔ, ɔmɔ mɔɔ‑ plöö‑ lä ‑anyɩa Kwlienyɔɔ nä, 'kwlʋagba ŋënʋwa! Wa zi 'kʋ kɔɔkɔ ‑yä wa kään 'kɔɔkɔ 'päwä ‑yä wa 'kämä! Wa ‑kʋ bhä sɔɔ ‑bhɔɔdä, ‑mä wa kʋ ‑lätee 'sɔɔ ‑pɛpɛɛ, ɩyä wa kʋ 'sɩɩ sɔɔ 'kɔɔkɔɔ ‑za. Ɩ kʋ sɔɔ.

Faic an caibideil

'Yii Ghlä‑wälɩ 3:21

Sä 'naa sɔɔ ‑zi lä 'kʋ, 'nɩ n ‑yä n 'Bä 'sɔ ‑kʋ lä ɔɔ' 'leyi‑këpëa 'kʋ sä nä, sɔɔ ‑säkä ‑säkä, nyɩkpɔɔ' ‑lɔmɔ ‑ɔnö sɔɔ‑ yi lä 'kʋ zi nä, n ‑yɔsɔ yi 'naa 'leyi‑këkpëa 'kʋ sä kʋ.

Faic an caibideil

'Yii Ghlä‑wälɩ 4:11

‑Mɔɔ, ‑anyɩa Kwlienyɔɔ ‑yä ‑anyɩa Laagɔɔ, ‑n ‑ŋwa 'klʋagba 'kʋ! ‑Mɔɔ mʋ lä 'ŋnu 'nɩ ‑mɔɔ ‑kä lä 'päwaa. ‑Ɔnöza bhää? ‑mɔɔ ‑nʋ lä ‑lɩɩ 'fɩɩn‑ ‑kʋ lä 'ylʋzɔɔ nä. ‑Mɔɔ ‑waa lä nynä ‑mä ɩ kʋ nä, ɩɩ' ‑zä ɩ ‑kʋ lä. ‑Mɔɔ ‑nʋɩ lä ɩmɩ 'fɩɩn!

Faic an caibideil

Lean sinn:

Ceanglaichean taic

Sanasan

Sanasan