Tito 3:9 - Biblia

⁹ Iyandareko kawi ndiyé, echa’ä jeta wae reta uyeakañoi tamɨkue reta re, jare judío reta jeko re, jare ipotawe mbae re. Awɨye iyemɨinge jokua mbaembae reta ipɨte pe. Echa’ä jokua ikawi’ä oï yandewe jare ndarau omborɨ kiawe uyapo waerä Tumpa jei wae rupi.

Guaraní Pe (Western): Simba

⁹ Ẽrei agüɨye iyeaca iyaracuaa mbae vae reta rami. Agüɨye vi iyapɨsaca mbae itenondegua reta pe uyeyapo vae reguaño umɨerãcua vae reta re. Agüɨye iyeaca mbaembae mboroyocui regua re. Echa'ã jucuarãi uyapo vae reta uyapo'ã co mbae icavi vae. Mbae'ã co uipota jei jae reta imiari jese vae.

Tito 3:9 Iomraidhean Croise

1 Corintios 13:2

Jare aramoi Tumpa umee oï chewe ñee amɨmbeu waerä ïru wae reta pe. Jare aramoi ime anoi opaete arakuaa chepuere waerä aikuaa opaete mbaembae ïru wae reta uikuaa mbae wae. Jare aramoi chepuere ambɨsɨrɨ ɨwɨtu wasu reta che tuicha arowia Tumpa re ramoño. Erëi mbaetɨ apuruau yawe, mbae’ä etei ko che.

1 Corintios 8:1

Jae nunga wi pepɨrandu chewe ikawi ra yau waerä soo tumparaanga pe uñemee ma wae. Añawe ime amokue mbae re yayemɨngeta waerä yandepɨa pe. Amokue pe reta pere peï: “Ore nduikuaa kawi kua rewa,” pere. Jokua jaekawi tëi ko. Erëi yandearakuaa pochɨño ko yayembutuicha waerä. Ikawiete ko yayerau päwe waerä, echa’ä jukuärái ñañemɨmɨräta päwe Tumpa kotɨ.

1 Timoteo 4:7

Jayawe awɨye erowia ñee añetete mbae arakae imiäri reta wae re. Jokua miäri reta omborɨ'ä kiawe uñemɨïru kawi waerä Tumpa ndiwe. Erëi nde jekuaeño iñemɨmɨräta kawi Tumpa re.

2 Timoteo 2:14

Emɨmandúa jekuaeño Cristo re wɨrowia wae reta kua yemboe amee aï ndewe wae re. Jare ere chupe reta Tumpa jee re awɨye tuyeaka reta jae yepái ipotawe ñee re. Echa’ä jokua omborɨ'ä kiawe jukuärái uyeaka reta yawe. Jare kía reta uyandu yawe, uipotata opa uñerükumewa reta Tumpa kotɨ.

2 Timoteo 2:16

Jare awɨye eporomboe pochɨño nde ndere wae rupi. Echa’ä jukuärái ndiyapo yawe, nembopiakata Tumpa wi nderé uyapɨsaka wae reta.

2 Timoteo 2:23

Erëi ime yawe kía reta uyeaka ñonoï ipotawe mbae re wae, awɨye iyemɨinge joko pe. Echa’ä nde ndikuaa neï jokua jaeño ueruta oï ndewe ñeräro.

Tito 1:14

Jokua upurumbɨtawɨ wae reta oporomboe ñonoï arakae judío reta imiäri reta wae re. Jare jei tëi yandewe ime jeta mbaembae awɨyeta ko yayapo awɨye waerä yandekɨa ñaï Tumpa kotɨ. Erëi jae reta opa ma uyerowa yemboe añetete wae wi. Jáeramo Cristo re wɨrowia wae reta awɨye ma tuyapɨsaka jese reta.

Santiago 4:1

¿Maera ra ime yeaka jare ñeräro pepɨte pe? Tamɨmbeu pewe. Ime ñeräro, echa’ä ime pepɨa pe kɨrëɨ mbae kachi piyapo waerä. Jare jokua ko pemɨamɨri oï. Jae ko pëti ñeräro oï pepɨa pe.