Tito 3:4 - Biblia

⁴ Erëi Tumpa ko jae yandeRepɨ wae. Jae uikuaaka yandewe kërái jae ipɨakawiete yandekotɨ wae jare kërái yanderauete oï.

Guaraní Pe (Western): Simba

⁴ Ẽrei Tumpa uicuaaca yandeve quirãi jae ipɨacavi yandeve jare yanderau co. Jae co yanembɨasa vae.

Tito 3:4 Iomraidhean Croise

San Lucas 1:47

Tumpa ko jae cheRepɨ wae jare tuicha chembɨyerowia.

Romanos 2:4

Añawe Tumpa ipɨakawi oï ndewe jare ipɨawasu oï ndewe; jáeramo ndeiño uiporaraka oï ndewe. Erëi nemaerä, mbae’ä chawaa oï ndewe. Erëi aipota ndikuaa waerä kua: Tumpa ipɨakawi oï ndewe ndeya waerä ndepɨayemɨngeta jupi mbae wae Tumpa rewa.

1 Timoteo 1:1

Cheraɨ mii Timoteo, che araaka aï ndewe saludo yandeYa Jesucristo jee re. Che ko jae Pablo. YandeRu Tumpa jare yandeYa Jesucristo cheparawo chemondo waerä opaete kerupi amɨmbeu waerä Tumpa iñee. Tumpa ko jae yandeRepɨ wae, jare ñaäro ñaï yayerowia rewe yandeYa Jesucristo ou ye rewa.

1 Timoteo 2:3

Jayawe ikawi ko yayerure waerä Tumpa pe opaete wae reta re. Yayapo jukuärái yawe, yambɨyerowiata Tumpa – jae ko yandeRepɨ wae.

1 Timoteo 4:10

Jokuaerä ko ñanekɨrëɨ rewe yaparawɨkɨ täta. Jare jukuärái yayapo, echa’ä yarowia Tumpa ikoño mái wae re. Echa’ä jaeño ko Upuruepɨ wae ɨwɨ pewa reta pewarä. Jare jae uepɨ opaete kía wɨrowia jese wae.

2 Timoteo 1:10

Jare añawe yaikuaa ñaï kërái Tumpa ipɨakawi yandewe wae. Echa’ä Jesucristo yandeRepɨ wae ou ma kua ɨwɨ pe. Jae opa ma umɨamɨri mano jare uikuaaka yandewe ñee ikawi wae. Jare jokua ñee ikawi wae rupi yaikuaa kërái ñanoi waerä tekowe opa mbae wae.

Tito 1:3

Tumpa ko jae yandeRepɨ wae, jare añawe uwäe ma ara jae uiparawo wae jokua yemboe uyemɨmbeu waerä. Jare che rupi jukuärái uyeyapo oï, echa’ä jokua ko jae mbarawɨkɨ Tumpa umee chewe wae.

Hebreos 9:26

Jukuärái yawe, jayawe ɨwɨ uyeyapo wiwe jeta wese Cristo umanota tëi. Erëi añawe kua ara taɨkuewa rupi jae uñemee umano waerä pëti weseño jaeño mái pewa opa umbái waerä mbaembae yayawɨ Tumpa kotɨ wae.

1 Pedro 2:3

Echa’ä pikuaa ma yandeYa ipɨakawi ko pewe.