Tito 3:3 - Biblia

³ Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.

Guaraní Pe (Western): Simba

³ Tenonde yave yande vi yandearacuaa'ã. Yayapo'ãse Tumpa jei vae. Yayembɨtavɨse. Yaicose yaipota vae reño yayembɨyerovia vaerã. Jecuaeño yayapose icavi mbae vae jare yaipotase ĩru vae reta imbaembae. Ĩru vae reta ñanemɨtarẽɨse jare ñañemɨtarẽɨse.

Tito 3:3 Iomraidhean Croise

Génesis 39:16

Jayawe kuña uyandareko José jemimonde re ime ou ye rewa. Jare ime ou uwäe jëta pe yawe, jembireko imiäri chupe ïru wae reta pe imiäri rami kuärái: “Jokua hebreo uyeyokui ndewe wae nderu ñanerëta pe wae uike ou che aï wae pe jare uipota chepɨsɨ,” jei.

San Mateo 21:29

“Jayawe kunumi jei tu pe: ‘Aipota’ä,’ jei chupe. Erëitu taɨkue rupi ueya ipɨayemɨngeta jare oo uparawɨkɨ koo pe,” jei.

San Lucas 21:8

Jayawe Jesús jei chupe reta: “Piyandareko kawi piyé kuri awɨye waerä kiawe pembɨtawɨ,” jei chupe reta. “Echa’ä outa jeta cheree pe uyembɨjeeraanga wae reta. Jare jeita tëi reta: ‘Che ko jae Cristo.’ Jare jeita pewe reta wi: ‘Uwäe ma ara kua ɨwɨ opa waerä,’ jeita reta. Erëi pe reta awɨye perowia jese reta,” jei chupe reta.

San Juan 8:34

Jayawe Jesús jei chupe reta: “Che tae pewe añetete wae, kía jekuaeño uyawɨ oï Tumpa kotɨ wae, teko kachi ipionerä iko wae rami ko,” jei.

Romanos 11:30

Pe judío mbae piko wae reta tenonde yawe piyapo’äse Tumpa jei wae jare pikuaa’äse Tumpa ipɨakawi. Erëitu añawe judío reta opaete seri wɨrowia’ä Jesucristo re ramo, Tumpa uechaka ma pewe ipɨakawi.

Romanos 6:12

Jáeramo ime penoi yawe jokua kɨrëɨ mbae kachi piyapo waerä wae, awɨye etei pemaeño jokua kɨrëɨ perete re tuyembɨiya. Perete kua ɨwɨ pewa ko jare ndarau ɨma iko. Jáeramo awɨye piñemee mbae kachi wae piyapo waerä perete pɨpe.

Romanos 6:17

Tenonde yawe pe reta jekuaeño piyawɨ Tumpa kotɨ. Añetete jokua pereko ime wɨreko mbaepuere peré pëti patrón rami. Erëi che tuicha rupi amee yasurupái Tumpa pe, echa’ä añawe pe reta piyemboe ma Tumpa rewa jare pipɨsɨ ma pepɨa rewe jokua yemboe.

Romanos 6:22

Erëi añawe, ime yawe jokua kɨrëɨ mbae kachi piyapo waerä wae, jokua kɨrëɨ ndarau ye ma onoi mbaepuere peré. Ndarau ma piko jokua kɨrëɨ pe täta rupi piyeyokui waerä, echa’ä Tumpa peyora ma ko chuwi jare añawe täta rupi piyeyokui peï Tumpa pe. Jare jokua ikawita oï pewe, echa’ä opa ara rupi jekuaeño pereko oya katu oo oï jupi wae re. Jare jae nunga wi perekowe opa yawe kua ɨwɨ pe, imeta penoi tekowe opa mbae wae.

Romanos 6:6

Yanemandúa kawi ñaï kërái yaikose wae re. Jaeño yaikose yande yae wae rupiño, jare jukuärái jeta yayawɨse Tumpa kotɨ. Erëi yarowia yawe Cristo re, Tumpa ñaneñono pëti ramiño Cristo re yaiko waerä. Jáeramo Cristo uyekutuka kurusu re yawe, yandereko indechikue uyekutuka wi jae ndiwe rami. Jáeramo yepe tëi amo wese pe ime ñanoi kɨrëɨ mbae kachi yayapo waerä, erëi jokua kɨrëɨ ndarau ye ma mbaepuere ime onoi yanderé. Ndarau ma yaiko jokua kɨrëɨ pe täta rupi yayeyokui waerä.

2 Corintios 12:20

Che ayembɨpɨa’ä aï peré, aramoi a apou pepɨ yawe, puechata mbaetɨ ikawi peï kërái che aipota wae rami. Ayembɨpɨa’ä aï, aramoi puipokouta yeaka rupi, jare ñemɨro rupi, jare mbochɨ rupi, jare yembutuicha rupi, jare yembɨkate rupi. Jare aramoi imeta pepɨte pe indayepota wae reta, jare iñera japicha re wae reta, jare tekorái reta.

Gálatas 6:3

Erëi ime yawe kía uyererowia katu jokua teko kachi pe oa wae wi, jae uyembɨtawɨ ko oï. Echa’ä jae mbae’ä ko.

Colosenses 1:21

Tenonde yawe pe reta piko mbɨrɨete Tumpa wi jare piyowaichose piko ikotɨ. Echa’ä pepɨa pe piyemɨngetase kachi jare piyapose wi mbaembae ikawi mbae wae.

Colosenses 3:7

Tenonde yawe, ndei Cristo re perowia mbowe, pe reta piyapose wi jokua nunga mbaembae kachi wae.

2 Timoteo 3:13

Erëi jeko pochɨ wae reta jare upurumbɨtawɨ wae reta jeieteta uyapo reta mbaembae ikawi mbae wae. Jae reta jekuaeño umbɨtawɨta ïru wae reta, jare jae reta uyembɨtawɨkata wi.

2 Timoteo 3:6

Jokua nunga kuimbae reta ipɨte pe oï oporomboeraanga wae reta. Jae reta upurumbɨtawɨ rewe uike tëta reta rupi. Echa’ä uipota uyererowia katuka kuña reta yawái mbae uyembɨtawɨka wae pe jokua tëta pewa. Jokua nunga kuña reta ipɨa umbɨjeko tëi oï mbaembae kachi uyapo wae re. Erëi umaeño iyé reta uyereruwataka waerä mbae kachi wae rupi.

Tito 1:16

Jae reta jekuaeño jei tëi: “Aikuaa Tumpa,” jei. Erëi mbaembae jae reta uyapo wae rupi uikuaaka reta uikuaa’ä etei ko Tumpa wae. Echa’ä jae reta uyapo mbaembae kachiete wae. Uyapo’ä reta Tumpa jei wae rupi, jare uyapo’ä etei reta mbaembae ikawi wae.

Tito 2:12

Jare Tumpa ipɨakawiete yandewe wae yanemboe yaeya waerä yandereko kachi wae jare mbae kachi yanderete uipota uyapo wae. Jare yanemboe wi kërái yepe tëi kua ɨwɨ tɨnee oï mbae kachi wae pɨpe, jesewe yaiko kawita ko jupi rupi jare Tumpa yambɨyerowia waerä.

Santiago 1:26

Ime yawe kía jei tëi iyupe “Che ayeyokui Tumpa pe” wae, erëi jae mbaetɨ uyandareko yawe iñee re jare ipotaweño uyemɨngeta, jayawe jae uyembɨtawɨño ko oï. Jare jokua mbaembae jae wɨrowia tëi uyapo Tumpa pewarä wae mbae’ä etei ko. Jae mbaetɨ yepe uyeyokui oï Tumpa pe.

1 Pedro 1:14

Tenonde yawe, pe reta pikuaa’äse Tumpa jare pikose kachi pe reta pere wae rupiño. Erëi añawe pe reta ko jae Tumpa taɨ reta etei. Jáeramo piko kawita ko Tumpa jei wae rupi.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 18:2

Jare usapɨkai rewe jei: “¡Opata ma oï Babilonia, jokua tëta wasu jeräkuaete wae jare imbaepuerete wae! Añawe wiwe jaeño aña kachi kachi wae reta yurekota joko pe. Jae nunga wi wɨra kachi wae reta jare ikawi’ä maeräwe wae reta yurekota jokoropi.