Tito 3:2 - Biblia

² Jare awɨye tuyemɨngeta kachi reta japicha kotɨ. Awɨye tuyeaka reta. Tipɨawasu chupe reta jare tuñemɨmichi reta.

Guaraní Pe (Western): Simba

² Agüɨye tei icavi mbae vae ipotave vae cotɨ. Agüɨye tijovaichopota. Tipɨaguasu. Tuñemɨmichi opaete vae ndive.

Tito 3:2 Iomraidhean Croise

San Mateo 11:29

“Che añemɨmichi jare ayembutuicha’ä etei. Jáeramo piñemee mii chewe che pomboe waerä. Jare jukuärái piyapo yawe, peputuuta añetete pewa,” jei.

Hechos 23:5

Jayawe Pablo jei chupe reta: “Cherɨkeɨ reta, aikuaa’ä aiko jae ko sacerdote tenondewaete wae. Añetete, Tumpa iñeerɨru pe uyekuatía oï kuärái: ‘Ndereta’ä ñee ikawi mbae wae nemburuwicha kotɨ,’ jei.”

1 Corintios 6:10

jare imonda wae reta, jare jae reta imaeräño uipotaete korepoti wae reta, jare isawɨpose wae reta, jare uyemɨngeta kachi japicha re wae reta, jare japicha imbaembae upɨ̈ro wae reta wi. Jokua nunga reta ndarau etei ñonoï Tumpa ndiwe jae oï ma yawe opaete wae imburuwicha wasurä jaeño mái pewa.

1 Corintios 9:19

Jayawe ndarau kiawe ipuere jei chewe mbae ayapo waerä, echa’ä kiawe umbɨepɨ'ä oï chewe. Erëi che eteiño ma ko ayeyapo opaete wae pe ayeyokui waerä, jeta wae wɨrowia waerä Cristo re chereko rupi.

2 Corintios 10:1

Amokue pepɨte pe ñonoï wae reta jei: “Pablo yande ndiwe oï yawe, uñemɨmichi. Erëi ikotɨ̈a oï yawe, uyemɨngeta yandekotɨ uipɨu mbae rewe,” jei reta. Jae reta wɨrowia tëi ore nduiko kua ɨwɨ jeko rupiño. Jáeramo che a awäe pepɨ yawe, imeta ko aipo ambɨeta chupe reta aipɨu mbae rewe. Erëi kërái yandeYa Cristo uñemɨmichi jare uyembutuicha’ä etei, jukuärái wi che añemɨmichi rewe pumɨñera, awɨye piko jae reta rami. Echa’ä che aipota’ä ambɨeta aï pewe wi jukuärái.

2 Corintios 12:20

Che ayembɨpɨa’ä aï peré, aramoi a apou pepɨ yawe, puechata mbaetɨ ikawi peï kërái che aipota wae rami. Ayembɨpɨa’ä aï, aramoi puipokouta yeaka rupi, jare ñemɨro rupi, jare mbochɨ rupi, jare yembutuicha rupi, jare yembɨkate rupi. Jare aramoi imeta pepɨte pe indayepota wae reta, jare iñera japicha re wae reta, jare tekorái reta.

Gálatas 5:22

Erëi kía iko yawe Espíritu Santo jei wae rupi, upuruauta, uyerowiata, ipɨakatuta, ipɨawasuta, ipɨakawita, jeko kawita, wɨrowia kawita Tumpa re,

Gálatas 6:1

Jayawe hermano mii reta, ime ye mbaembae re pumbɨarakuaa ye waerä. Ime yawe kía pepɨte pe oï wae uyerowa uyapo waerä mbae kachi wae, jayawe pe Espíritu Santo rupi pewata kawi peï wae reta imeta ko pemborɨ mii peau rewe jae uyeapɨkatu ye waerä Tumpa ndiwe. Erëi piyandareko kawi piyé awɨye waerä jokua jae uyapo wae uyawɨka pewe wi Tumpa kotɨ.

Gálatas 6:10

Jáeramo yayapo mii ikawi wae opaete wae pe yandepuere wae rupi. Erëi tenonde Cristo re wɨrowia wae reta rani ko yamborɨta.

Efesios 4:2

Jayawe pe reta pikota ko kuärái: Piñemɨmichi peyuwi jare pepɨakawi peyupe. Awɨye piñeengata peyupe. Pepɨawasu peyupe jare perupɨa mii peyupe piyerau päwe rewe.

Efesios 4:31

Jare awɨye ma pembasɨ piko peyupe. Peya opaete mbochɨ jare arasɨ reta. Awɨye ma piñeengata peyupe. Awɨye ma piyemɨngeta kachi piyé. Jare awɨye ma piyapo ikawi mbae wae peyupe.

Filipenses 4:5

YandeYa ou yeta wae koiño ma oï. Jáeramo opaete wae tuikuaa piñee kawi peï wae.

1 Tesalonicenses 2:7

Ore nduyandareko ko peré puau rewe, pëti kuña imembɨ umbɨkambu oï wae re uyandareko wae rami.

1 Timoteo 3:11

Jae ramiño wi pëti kuña Cristo re wɨrowia wae reta imborɨarä tuiko jeko kawi wae. Awɨye tindayepota. Jare tuyandareko kawi iyé mbaembae kachi wae wi, jare tuiko kawi ïru wae reta ipuere wɨrowia katu jese waerä.

1 Timoteo 3:3

Jare awɨye tikause, jare awɨye tiñerärose. Erëi tipɨakawi. Awɨye tuiko jowaichopota. Awɨye korepoti jekuaeño tuipotaete jae imaeräño.

Santiago 3:17

Erëi arakuaa Tumpa wi ou wae jupi ko. Jare jokua arakuaa ñanoi yawe, yaikota yandepɨakatu rewe jare yandepɨawasu rewe. Ndarau yayembutuicha. Yaipararekota yanderapicha. Yandepɨakawita, jare yayapota mbae ikawi wae. Jare ñamaeta oyowake rupi opaete wae re, jare ndarau mokui towa yaiko.

Santiago 4:11

Hermano mii reta, awɨye piyemɨngeta kachi piyé. Echa’ä piyemɨngeta kachi yawe ïru hermano kotɨ jare piñera jese yawe, Tumpa jei wae kotɨ etei ko piyemɨngeta kachi peï. Echa’ä Tumpa jei yandewe yayerau päwe waerä. Erëi piñera yawe perapicha re, mbaetɨ ko piyapo peï Tumpa jei wae. Jaeño ko piyembutuicha peï Tumpa jei wae wi pe reta penoi mbaepuere jese wae rami.

1 Pedro 2:1

Jáeramo peya peyuwi opaete mbaembae ikawi mbae piyapo wae. Awɨye ma pepurumbɨtawɨ. Jare awɨye ma piko mokui jowa wae rami. Awɨye ma piñemɨro peyupe. Jare awɨye ma piyemɨngeta kachi perapicha kotɨ.

1 Pedro 3:10

Echa’ä Tumpa iñeerɨru pe uyekuatía oï kuärái: “Kía uipota iko yawe ipɨawiwe rewe jare uyekou ara reta re wae, awɨye tuyemɨngeta ikawi mbae wae japicha reta kotɨ, jare awɨye tiyapu wi.

1 Pedro 3:8

Jayawe opaete kua mbaembae rupi aipota jae pewe kuärái: Piko kawi pëti ramiño päwe rewe. Piyeparareko. Piyerau päwe rewe. Pepɨakawi jare piñemɨmichi peyupe.

1 Pedro 4:4

Jare Tumpa re wɨrowia mbae wae reta pe yawái uikuaa waerä maera ra piyapo’ä ma jae reta ndiwe opaete kua mbaembae ikawi mbae wae reta. Jáeramo jae reta uyemɨngeta ñonoï kachi pekotɨ.

2 Pedro 2:10

Jare oete uiporarakata oï opaete kía uipota’ä Tumpa jei wae rupi yureko wae reta pe. Jae reta jei wae rupiño ko yureko reta, jare opa ma uñererükumewa reta jeko kachi rupi. Jokua oporomboe kachi wae reta ikate iyé reta. Mbaetɨ etei ukɨye reta uyemɨngeta waerä ipotawe mbaepuere onoi wae reta kotɨ.

Judas 1:10

Erëitu kua kuimbae reta uyemɨngeta kachi jeta mbaembae rewa, yepe tëi jae reta uikuaa kawi’ä jokua mbaembae rewa. Jare jokua michi mii jae reta uikuaa tëi wae, jokuawe urukachi reta. Jae reta yureko wɨraeño ipotawe rupi mbaemɨmba iko wɨraeño wae rami. Jare kua mbaembae jae reta uyapo wae rupi etei ou oï chupe reta Tumpa iarasɨ wasu.

Judas 1:8

Jukuärái wi jokua oporomboeraanga wae reta pepɨte pe ñonoï wae uikuaa tëi opaete kua mbaembae reta, erëi mbae’ä chupe reta. Jae reta uyereraa ñonoï upau wae rupiño, jare jukuärái uñererükumewa reta awasa rupi jare wɨrɨ̈ro reta yandeYa imbaepuere. Jare jokuaño’ä uyapo reta. Jae nunga wi uyemɨngeta kachi reta mbaepuere onoi wae reta kotɨ,