Tito 2:2 - Biblia

² Jukuärái emboe kuimbae ukuakuaa wae reta uechaka waerä teko kawi, jare uyandareko kawi reta waerä iyé mbaembae kachi wae wi ïru wae reta uipɨu chuwi waerä. Emborɨ jae reta wɨrowia kawi waerä Tumpa re jare upuruau kawi waerä ipɨawasu rewe.

Guaraní Pe (Western): Simba

² Ndechi reta tuñemoa jare tuyepɨuca ĩru vae reta pe. Tipɨrãta ipurugüɨrovia re. Tupuruau. Tipɨaguasu.

Tito 2:2 Iomraidhean Croise

Job 12:12

Indechi wae reta iyarakuaa, erëi Tumpa ikoño mái wae iyarakuaa katuete ye mbaepuere rewe. Indechi wae reta ikowe wae rupi uyemboe jare uepitɨ reta arakuaa, erëi Tumpa uikuaaño mái jare ikatuete yanembɨarakuaa waerä.

Marcos 5:15

Jare yuweru uwäe reta yawe Jesús oï wae pe, uecha reta jokua kuimbae aña reta uyembɨiyase jese wae uwapɨ oï, jare uyemonde ye ma oï, jare iyarakuaa ye ma oï. Jáeramo opa ukɨye reta.

San Lucas 8:35

Jayawe uyandu wae reta yuweru uecha waerä mbae ko uasa wae. Jare yuweru uwäe reta yawe Jesús oï wae pe, uecha reta jokua kuimbae aña reta uyembɨiyase jese wae uwapɨ oï Jesús jowai. Uecha reta uyemonde ye ma oï jare iyarakuaa ye ma oï. Jáeramo opa ukɨye reta.

Hechos 24:25

Jare Pablo jei chupe kërái ikawi ko yayapo waerä jupi wae, jare yayopia waerä yandeyuwi yanderete uipota wae, jare kërái pëti pëti yande yayemboɨta ñaï Tumpa jowai jae jei waerä yandereko rewa. Jare kua uyandu yawe, Félix ukɨye rewe jei Pablo pe: “Ekuaño rani. Chepuere yawe, nuenika yeta kuri,” jei chupe.

Romanos 12:3

Tumpa ipɨakawi rupi umee chewe mbaepuere jae waerä pewe kuärái: Awɨye piyererowia katuete piyé. Erëi pëti pëti pepɨa pe piyemɨngeta kawi piyé añetete rewe kërái Tumpa peapo wae rupi. Echa’ä jokua ara perowia jese yawe, Tumpa umee pewe pëti pëti pe kërái rupi piyeyokui waerä chupe. Erëi mbaetɨ ko yayeyokui chupe oyowake.

1 Corintios 15:34

Piko ye arakuaa katu añetete wae rupi, jare awɨye jekuaeño piyawɨ Tumpa kotɨ. Chemaerä ime chawaa amokue pe reta ndeiño pikuaa Tumpa. Jukuärái che jae pewe pumɨmaraka waerä.

1 Corintios 9:25

¿Kërái piyapota jokua? Pe reta pikuaa wi opaete uñeñokuiñokui wae reta uyemungúe kawi ma osi kawi waerä. Jae reta ueya ma opaete mbae ikawita’ä chupe wae. Jukuärái uyapo reta umɨngana waerä pëti iñäkarewa mii ñanarokɨ pewa ɨmambae ikumewata oï chuwi wae. Erëi yande reta yaeka ñaï mbaembae ikumewata’ä oï yandewi wae ara pewa. Jáeramo yande jae nunga wi yaeyata ko jokua nunga mbaembae ikawita’ä yandewe wae.

2 Corintios 5:13

Jae reta umae oreré oreäka kawi’ä oï wae rami. Erëi jukuärai’ä ko. Ore reta jaeño nduipota nduyeyokui Tumpa pe. Ïru wae reta umae oreré orearakuaa katu wae ko ore wae. Jare jukuärái yawe, jukuärái ko noï ikawi waerä pewe. Erëi ipotawe mbae jei reta oreré wae, oremaerä mbae’ä ko.

Gálatas 5:23

ikoita, jare ikota’ä jete uipota wae rupi. Añetete, yaiko yawe Espíritu Santo rupi, ndarau yayawɨ Tumpa jei wae.

Filipenses 4:8

Añawe hermano mii reta, ime ye mbae re aipota pumbɨarakuaa: Ime yawe mbae añetete wae jare ikawi oï wae, jokua re ko piyemɨngetata pepɨa pe. Jare piyemɨngeta wi pepɨa pe ipotawe mbae jupi oï wae re, jare ikɨa mbae oï wae re, jare ipöra oï wae re, jare ipotawe mbae uyekuaa kawi oï wae re wi. Ime yawe mbae jokua yae chupe, “Kua ikawi ko,” jare ikawi oï yawe yaipɨu waerä chuwi, jayawe jekuaeño pepɨa pe piyemɨngeta jese.

1 Tesalonicenses 5:6

Erëi Cristo re wɨrowia mbae wae reta jeko jukuärai’ä ko. Jae reta jeko ko pɨ̈tu rupi mbae uyapo reta wae rami. Usawɨpo ñonoï rami, jare jeta wae reta oke ñonoï wae rami. Erëi yande reta pɨ̈tumimbi pewa’ä ramo, awɨye yaiko yake ñaï wae rami. Jekuaeño yayandareko jare yaiko yandearakuaa katu rewe.

1 Tesalonicenses 5:8

Yandereko toï ikatu pe etei. Erëi ¿kërái ra yaikota yandearakuaa katu rewe? Imeta ko jekuaeño yarowia Cristo re jare jekuaeño yayerau päwe rewe. Echa’ä jokua yanderepɨta oï mbae ikawi mbae wae wi, pëti pɨtía yopiaka yamonde wae rami. Jare jae nunga wi jokua ara Tumpa uiporaraka yawe ɨwɨ pewa reta pe jae reta mbaembae uyawɨ ikotɨ wae re, yarowia katu jae yanderepɨta oï. Jayawe ñamaeño jokua yaikuaa wae re uyandareko waerä yandepɨayemɨngeta re ñanäka jɨru jiero pewa yamonde wae rami.

1 Timoteo 1:10

Jae nunga wi Moisés arakae uikuatía wae oñono teko pe Tumpa kotɨ iawasapota wae reta, jare kuimbae yepái uyerereko wae reta, jare kuña yepái wi uyerereko wae reta, jare kía uipɨsɨ wɨraa japicha owaka kía pe täta uyeyokui waerä wae reta, jare iyapuñoi wae reta, jare kía iyapu umbɨjeko waerä japicha wae reta. Jayawe Moisés arakae uikuatía wae ko jae oñono waerä teko pe ipotawe kía jeko ambɨe ye oï yemboe añetete wae wi.

1 Timoteo 1:14

Añetete tuicha ko yandeYa ipɨakawi chewe. Jáeramo añawe chepɨa rewe arowia aï Jesucristo re, jare jae umee chewe chepuere apuruau waerä.

1 Timoteo 1:2

Che aikuatía aï kua tupapire ndewe, Timoteo. Nde ko jae cheraɨ rami, echa’ä che ko jae nomboe Cristo rewa ramo. YandeRu Tumpa jare yandeYa Jesucristo jekuaeño tipɨakawi ndewe, jare tumae nderé ndeparareko rewe, jare tuyapo ndewe ndiko waerä ndepɨakatu rewe.

1 Timoteo 1:5

Che jae aï ndewe ndiyopia waerä chuwi reta awɨye jekuaeño oporomboe reta waerä kachi wae. Echa’ä jokua nunga yemboe ndarau omborɨ Cristo re wɨrowia wae reta uyerau päwe reta waerä. Jaeño umbɨawái reta. Erëi Cristo re wɨrowia wae reta uyemboeta ko uyerau reta waerä. Jare jaeño ipuere uyapo reta jukuärái jae reta upurumbɨtawɨ'ä yawe, jare ipɨa umbɨjeko’ä yawe mbae re awe, jare wɨrowia reta yawe Tumpa re añetete rewe.

1 Timoteo 3:11

Jae ramiño wi pëti kuña Cristo re wɨrowia wae reta imborɨarä tuiko jeko kawi wae. Awɨye tindayepota. Jare tuyandareko kawi iyé mbaembae kachi wae wi, jare tuiko kawi ïru wae reta ipuere wɨrowia katu jese waerä.

1 Timoteo 3:2

Jayawe pëti wae Cristo re wɨrowia wae reta itenondewarä tuechaka teko kawi, awɨye waerä kía ipuere umbɨjeko mbae re awe. Jare tureko wi pëtiño kuña. Jare tuyandareko kawi iyé ïru wae reta uyemɨngeta kawi waerä jese. Jare tikatu toporomboe arakuaa rewe. Jare wi jekuaeño tikɨrëɨ umbɨasa kawi waerä mboupa reta jëta pe.

1 Timoteo 3:4

Jare wi pëti wae Cristo re wɨrowia wae reta itenondewarä tuyandareko kawi jembireko jare isambiaɨ reta re. Tuiko kuimbae isambiaɨ reta uyapɨsaka jese wae uipɨu rewe.

1 Timoteo 3:8

Jae ramiño wi pëti wae Cristo re wɨrowia wae reta imborɨarä tuiko jeko kawi wae. Awɨye tupurumbɨtawɨse. Jare awɨye tikause wi. Awɨye korepoti jekuaeño tuipotaete jae imaeräño.

1 Timoteo 5:1

Awɨye iñeengata kuimbae ukuakuaa wae reta pe. Erëi embɨeta chupe reta ñee kawi rupi, kía umbɨeta oï tu pe wae rami. Jare embɨarakuaa kuimbae taurusu wae reta, pëti kuimbae umbɨarakuaa tɨwɨ wae rami.

Tito 1:13

Jare kua jae jei wae añetete ko jare imeño añawe, echa’ä jukuärái ko jokua oporomboe kachi wae reta jeko. Jáeramo täta rupi embɨeta chupe reta awɨye waerä jae reta ombopia Cristo re wɨrowia wae reta yemboe añetete wae wi.

Tito 1:8

Jae reta jekuaeño tikɨrëɨ umbɨasa kawi waerä mboupa reta jëta pe. Ikawi waeño tuyapo reta uyerowia rewe. Tuyandareko kawi reta iyé mbaembae kachi wae wi. Tuyapo reta jupi waeño. Tuñeñono tee reta Tumpa pewarä. Awɨye tumaeño reta jete uipota wae rupiño.

Tito 2:7

Jare nde, Tito, echaka ndereko kawi taurusu wae reta pe jae reta omomoe waerä ndereko. Jare jekuaeño eporomboe añetete wae jare jupi wae ndipɨu rewe Tumpa wi awɨye waerä kía ipuere nembɨjeko mbae re. Echa’ä jukuärái ndiyapo yawe, oyowaicho nde ndiwe wae reta kïiño upɨtata reta, echa’ä mbaetɨta chupe reta mbae re iñera waerä yandekotɨ.

Filemón 1:9

Erëi nduau rewe che numɨñera. Mase, che chendechi ma ko, jare añawe kua peresorɨru pe aï parawete amɨmbeu Jesucristo rewa ramo. Jáeramo cheparareko mii jare iyapo mii chewe ikawi wae.

1 Pedro 1:13

Jayawe Tumpa kua mbaembae uyapo pewe ramo, pemɨsɨmi pepɨayemɨngeta piyeyokui waerä chupe. Piko pearakuaa katu rewe. Jukuärái ko pe reta peärota pekɨrëɨ rewe Jesucristo ou yeta wae. Echa’ä jokua ara Tumpa ipɨakawieteta oï pewe kuri.

1 Pedro 4:7

Uyaro ma oï opaete mbaembae reta ime oï wae iyapɨ waerä. Jáeramo piko pearakuaa katu rewe jare pemae kawi rewe pepuere waerä piyerure kawi Tumpa pe.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

2 Pedro 1:6

Jare jekuaeño piñemɨatangätu awɨye waerä perete uipota wae piyapo. Jare jekuaeño jeiete pemɨawäta yembɨawái reta. Jare piñemɨatangätu wi peya katu waerä Tumpa jeko jupi wae re,