Tito 1:9 - Biblia

⁹ Jare torowia reta ipɨa rewe jokua ñee ikawi wae Cristo rewa yamboe wae re, echa’ä jokua ñee añetete ko. Jare Cristo re wɨrowia wae itenondewa reta uipɨsɨ kawi yawe jokua ñee, ipuereta umɨkɨrëɨ ïru wae reta yemboe añetete wae rupi. Jae nunga wi jae reta ipuereta umɨamɨri iñee rupi ipotawe kía uyemɨngeta kachi yawe ñee ikawi wae kotɨ.

Guaraní Pe (Western): Simba

⁹ Tuñemɨatangãtu ñee yandepuere yarovia catu vae re. Echa'ã jese uyemboe. Jucuarãi yave, ipuereta upurumbɨaracuaa moromboe añete vae rupi, jare ipuereta vi uicuaaca oyovaicho jae ndive vae reta pe uyavɨ vae.

Tito 1:9 Iomraidhean Croise

Hechos 18:28

Echa’ä ime yepe joko pe judío reta Jesús re wɨrowia’ä wae, jare Apolos uyeaka jae reta ndiwe. Opaete wae jowake jae uikuaaka kawi Tumpa iñeerɨru rupi kërái Jesús ko jae Cristo jei chupe reta wae, jare jukuärái umɨkïi judío reta.

1 Corintios 14:24

Erëi opaete pe reta pemɨmbeu peï yawe ñee Tumpa wi etei ou wae, jare uike yawe kía Cristo re wɨrowia mbae wae ani pëti uikuaa mbae wae, ¿mbae ra uasata? Jokua piñee rupi aramoi ipɨawiweta’ä oï, jare jae uikuaata oï iyuwi kërái uyawɨ Tumpa kotɨ wae jare jukuärái jae teko pe oï Tumpa jowai.

1 Tesalonicenses 5:21

Pemboporowa rani jokua ñee añetete ra ou Tumpa wi. Jare ikawi oï yawe jokua ñee, jayawe pipɨsɨ jare pemandúa jese.

2 Tesalonicenses 2:15

Jáeramo hermano mii reta, jukuärái Tumpa uyapo yandewe ramo, jekuaeño pepɨräta yandeYa re. Jare awɨye peakañɨ jokua mbaembae ore pomboe jese wae wi jare mbaembae ore nduikuatía pewe wae wi.

1 Timoteo 1:10

Jae nunga wi Moisés arakae uikuatía wae oñono teko pe Tumpa kotɨ iawasapota wae reta, jare kuimbae yepái uyerereko wae reta, jare kuña yepái wi uyerereko wae reta, jare kía uipɨsɨ wɨraa japicha owaka kía pe täta uyeyokui waerä wae reta, jare iyapuñoi wae reta, jare kía iyapu umbɨjeko waerä japicha wae reta. Jayawe Moisés arakae uikuatía wae ko jae oñono waerä teko pe ipotawe kía jeko ambɨe ye oï yemboe añetete wae wi.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.

1 Timoteo 1:19

Jare jekuaeño iñemɨmɨräta Cristo re nderowia wae re. Jare awɨye iyapo mbaembae ndepɨa nembɨjekota oï kuri wae. Yaikuaa ime amokue wae reta jukuärái uyapo. Jáeramo uyerowa reta yandeYa wi.

1 Timoteo 4:9

Jokua ñee añetete ko, jare ikawi ko opaete wae wɨrowia waerä jese.

1 Timoteo 6:3

Opaete kua mbaembae che jae ndewe wae kua tupapire pe jae ko añetete jare yandereraa Tumpa kotɨ. Erëi jokua oporomboeraanga wae reta wɨrowia’ä jese jare ambɨe ye oporomboe. Jare jae nunga wi oporomboe reta ambɨe ye yandeYa Jesucristo oporomboe wae wi.

2 Timoteo 1:13

Jayawe nde, jekuaeño eporomboe jupi jokua yemboe añetete wae chewi ndiyandu wae. Jare ndeporomboe neï rambuewe, jekuaeño echaka nderowia Jesucristo re wae jare echaka wi ndepuruau ïru wae reta pe. Kua yandepuere yayapo, echa’ä pëti ramiño ñaï Cristo re ramo,

2 Timoteo 2:2

Nde ndiyandu jeta wae reta ndiwe yemboe añetete wae che jae wae. Jayawe jokua yemboe emɨmbeu yuapɨ ye kuimbae nderowia katu jese wae reta pe, jae reta ipuere waerä omboe yuapɨ ye ïru wae reta pe.

2 Timoteo 2:25

Jare omboeta ko uñemɨmichi rewe oyowaicho jae ndiwe wae reta. Echa’ä aramoi Tumpa umeeta chupe reta ueya waerä ipɨayemɨngeta jupi mbae wae jare uikuaa waerä añetete wae,

2 Timoteo 3:14

Erëi nde, jekuaeño erowia yemboe añetete wae ndiyemboe ma jese wae re. Nde ndikuaa neï jokua yemboe añetete wae ko, echa’ä ndikuaa kawi neï nde nemboea reta jae ko nderowia katu jese wae reta.

2 Timoteo 4:3

Jukuärái che numbɨarakuaa aï, echa’ä outa oï ara jeta wae reta uipotata’ä uyapɨsaka waerä yemboe añetete wae re. Miäri arakae pewa reño ikɨrëɨeteta uyapɨsaka reta. Jare jae reta jei wae rupiño yurekota reta. Jáeramo uekata reta oporomboeraanga wae reta jei chupe reta waerä jae reta uipota waeño.

Tito 1:11

Ikawi ko ñamɨkïi waerä jokua nunga reta. Echa’ä jae reta oporomboe ñonoï awɨyeta tëi oporomboe wae re. Jare jokua jae reta uyapo ñonoï korepoti umɨngana waeräño. Jare jae reta oporomboe kachi wae rupi, jeta tëtara reta umbɨyerowa ma yemboe añetete wae wi.

Tito 2:1

Erëi nde, Tito, awɨye iko jokua nunga reta echa. Nde jekuaeño eporomboe yemboe añetete wae rupi.

Judas 1:3

Cheïru puau mii wae reta, che aipota tëi aikuatía aiko pewe jokua tekowe opa mbae wae ime ñanoi wae re. Erëi aikuaa ime ye ambɨe mbae re imeta ko aikuatía pewe. Tumpa ñaneñono tee ma jae imaerä jare uikuaaka ma yandewe mbaembae re yarowia waerä. Kua mbaembae jaeño mái pewa añetete ko jare ndarau etei uyepepɨka. Jáeramo aipota pumɨkɨrëɨ jekuaeño piyapo waerä pepuere wae rupi uyemɨmbeu waerä jupi rupi jokua mbaembae.

Apocalipsis 2:25

jekuaeño piyapo jokua piyapo peï wae che ayu ye rewa.

Apocalipsis 3:11

‘Mase, ayu yeta jupiwoiño. Jekuaeño piyapo jokua piyapo peï wae, awɨye waerä ïru wae pe uñemee pewi pecorona.

Apocalipsis 3:3

Jekuaeño pemandúa opaete piyemboe Tumpa re wae. Piñemɨmɨräta jese, jare peya pepɨayemɨngeta jupi mbae wae. Echa’ä piyandareko’ä yawe, ayuta aiporaraka waerä pewe. Jare che ayuta aï aramoiño pëti imonda wae ou rami. Echa’ä pepɨranoe pewa ayekuaata pewe.