Tito 1:8 - Biblia

⁸ Jae reta jekuaeño tikɨrëɨ umbɨasa kawi waerä mboupa reta jëta pe. Ikawi waeño tuyapo reta uyerowia rewe. Tuyandareko kawi reta iyé mbaembae kachi wae wi. Tuyapo reta jupi waeño. Tuñeñono tee reta Tumpa pewarä. Awɨye tumaeño reta jete uipota wae rupiño.

Guaraní Pe (Western): Simba

⁸ Ẽrei tiquɨrẽɨ tumɨngaru opou ipɨ vae reta. Icavi vaeño tuyapo. Tuñemoa. Tuyapo jupi vae. Tuyeyocui cavi Tumpa pe.

Tito 1:8 Iomraidhean Croise

San Lucas 2:25

Jare iko Jerusalén pe pëti kuimbae Simeón jee wae. Jae jupi jare uyeyokui kawi Tumpa pe. Jae uäro iko ikɨrëɨ rewe Tumpa umbɨpɨakatu waerä Israel iñemoñaa reta. Jare Espíritu Santo iko jese.

Hechos 24:25

Jare Pablo jei chupe kërái ikawi ko yayapo waerä jupi wae, jare yayopia waerä yandeyuwi yanderete uipota wae, jare kërái pëti pëti yande yayemboɨta ñaï Tumpa jowai jae jei waerä yandereko rewa. Jare kua uyandu yawe, Félix ukɨye rewe jei Pablo pe: “Ekuaño rani. Chepuere yawe, nuenika yeta kuri,” jei chupe.

1 Tesalonicenses 2:10

Pe Cristo re perowia wae reta pikuaa, jare jae nunga wi Tumpa uikuaa oï kërái ore nduiko pepɨte pe. Orereko kawi jare jupi. Jare mbaetɨ kía ipuere orembɨjeko mbae re awe.

1 Timoteo 3:2

Jayawe pëti wae Cristo re wɨrowia wae reta itenondewarä tuechaka teko kawi, awɨye waerä kía ipuere umbɨjeko mbae re awe. Jare tureko wi pëtiño kuña. Jare tuyandareko kawi iyé ïru wae reta uyemɨngeta kawi waerä jese. Jare tikatu toporomboe arakuaa rewe. Jare wi jekuaeño tikɨrëɨ umbɨasa kawi waerä mboupa reta jëta pe.

1 Timoteo 4:12

Jare jekuaeño echaka ndereko kawi chupe reta kuärái: ndiyemɨngeta wae rupi, jare mbae ndiyapo wae rupi, jare ndepuruau rupi, jare kërái nderowia Tumpa re wae rupi, jare ndereko jupi wae rupi. Jukuärái ndiyapo yawe, ndarau kiawe mbae jei ndewe ndetaurusu ramo.

1 Timoteo 6:11

Erëi nde ko jae kuimbae ndiyeyokui kawi Tumpa pe wae. Jáeramo esɨrɨ jokua mbaembae ikawi mbae wae wi. Jare awɨye ipotaete korepoti. Jaeño nekɨrëɨ iyapo mbaembae ikawi wae. Jare eya katu Tumpa jeko re. Jekuaeño tukuakuaa nderowia Tumpa re wae. Jekuaeño epuruau. Jekuaeño ndepɨawasu. Jare jekuaeño iko ndepɨakawi rewe ïru wae reta ndiwe.

2 Timoteo 2:22

Jayawe esɨrɨ mbaembae kachi wae wi taurusu wae reta uipotañoi uyapo wae wi. Jare jekuaeño ndereko toya katu too Tumpa jeko re. Jekuaeño tukuakuaa nderowia Tumpa re wae. Jekuaeño epuruau. Jare jekuaeño iko ndepɨakawi rewe ïru wae reta ndiwe. Jukuärái yureko opaete yandeYa re ipɨa rewe wɨrowia wae reta.

2 Timoteo 3:3

Upuruauta’ä ma reta. Iyepɨseta uyeyapo reta. Indayepotata reta. Jare jekuaeño uyapota reta jete uipota wae. Jowaichopotata reta. Mbae ikawi wae uñamɨtäata reta.

Tito 2:7

Jare nde, Tito, echaka ndereko kawi taurusu wae reta pe jae reta omomoe waerä ndereko. Jare jekuaeño eporomboe añetete wae jare jupi wae ndipɨu rewe Tumpa wi awɨye waerä kía ipuere nembɨjeko mbae re. Echa’ä jukuärái ndiyapo yawe, oyowaicho nde ndiwe wae reta kïiño upɨtata reta, echa’ä mbaetɨta chupe reta mbae re iñera waerä yandekotɨ.

1 Juan 3:14

Yande yarowia Cristo re wae reta yayerau päwe añetete rewe yawe, jokua uikuaaka yandewe ime ko ñanoi tekowe ipɨau wae jare ndarau ye ñamano wae echa Tumpa wi. Erëi kía upuruau’ä wae imeño umano oï wae echa Tumpa wi.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.