Tito 1:4 - Biblia

⁴ Che aikuatía aï ndewe kua tupapire, Tito. Nde ko jae cheraɨ rami, echa’ä che ko jae nomboe Cristo rewa ramo. YandeRu Tumpa jare yandeYa Jesucristo yandeRepɨ wae jekuaeño tipɨakawi ndewe jare tuyapo ndewe ndiko waerä ndepɨakatu rewe.

Guaraní Pe (Western): Simba

⁴ Aicuatía cua tupapire ndeve, Tito. Nde co jae cheraɨ añetete vae yandepurugüɨrovia re. YandeRu Tumpa jare yandeYa Cristo Jesús yanembɨasa vae tumee ndeve ipɨacavi, ipuruparareco jare ipɨacatu.

Tito 1:4 Iomraidhean Croise

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Juan 4:42

Jei reta kuña pe: “Añawe mbaetɨ ko nde nemɨmbeu orewe ramoño ndorowia noï jese. Añawe ore etei nduyapɨsaka ma jese. Jare añawe ore nduikuaa añetete yepe jae ko Upuruepɨ wae ou kua ɨwɨ pe wae,” jei reta kuña pe.

Romanos 1:12

Jare kuaño’ä ko. Jae nunga wi aipota pe reta wi chemɨkɨrëɨ waerä. Echa’ä che wi chekɨrëɨta aecha yawe kërái pe reta perowia Cristo re. Jare jukuärái yandepuereta ñañemɨkɨrëɨ waerä päwe rewe kuri.

Romanos 1:7

Aikuatía aï pewe kua tupapire mii opaete tëta wasu Roma pe piko wae pe, Cristo re perowia wae reta pe. Tumpa perau jare pereni piko tee waerä jae imaerä. YandeRu Tumpa jare yandeYa Jesucristo jekuaeño tipɨakawi pewe jare tuyapo pewe piko waerä pepɨakatu rewe.

2 Corintios 12:18

Che amɨkɨrëɨ hermano Tito oo waerä pepɨ, jare amondo wi jae ndiwe ïru hermano pe reta pikuaa wae. Erëi, ¿Tito pembɨtawɨ yerá? Pe pikuaa jae pembɨtawɨ'ä etei ko. Echa’ä che jare Tito oyowake ko noï.

2 Corintios 2:13

Erëi mbaetɨ chepɨawiwe aiko. Echa’ä awäe’ä yanderɨwɨ Tito joko pe. Jae ueruta tëi iko chewe ñee pe reta rewa. Jáeramo che aeya Troas pewa reta jare ayu chuwi reta kua Macedonia kotɨ.

2 Corintios 4:13

Jayawe ore jekuaeño numɨmbeu noï Tumpa rewa. Echa’ä jokua ndorowia wae oyowake oï Tumpa iñeerɨru pe uyekuatía oï wae ndiwe. Echa’ä joko pe uyekuatía oï kuärái: “Che arowia Tumpa re. Jáeramo amɨmbeu jesewa,” jei.

2 Corintios 7:6

Erëi Tumpa umbɨpɨakatu ipɨatɨtɨ wae reta. Jare jukuärái jae orembɨpɨakatu ombou yawe Tito orepɨ.

2 Corintios 8:16

Che chepɨa’ä aï peré. Jare amee yasurupái Tumpa pe Tito ipɨa’ä oï rambuewe peré wi.

2 Corintios 8:23

Jare ime yawe kía upɨrandu pewe Tito re wae, pere chupe: “Jae ko Pablo ïru uyeyokui Tumpa pe wae, jukuärái ore nduyekou waerä Tumpa iñee re,” pere chupe. Jare kía upɨrandu yawe kua mokui yanderɨwɨ reta re, pemɨmbeu chupe jae reta ko kerupi rupi uyembatɨ Cristo re wɨrowia wae reta ombou wae. Jare jae reta rupi Cristo jee uyembutuichaka oï.

2 Corintios 8:6

Jáeramo ore numɨkɨrëɨ Tito oo ye opou waerä pepɨ ipuere waerä opa uyapo jokua jae umbɨpɨ wae. Echa’ä pe reta pikuaa kuee yawe jae etei umbɨpɨ pemɨkɨrëɨ pembatɨ waerä pëti yemborɨ mii peraaka waerä pepɨakawi rewe wae.

Gálatas 2:3

Erëi jukuärai’ä uyeyapo. Echa’ä jae reta wɨrɨ̈ro’ä jokua che aporomboe wae. Jare yepe tëi Tito ko jae judío mbae wae, erëi jae reta jei’äwe Tito uyembɨcircuncidaka waerä.

Gálatas 3:26

Jare añawe opaete pe reta Tumpa taɨ reta ma ko Jesucristo re perowia ramo.

Gálatas 3:28

Añetete, ore judiorä nduiko wae reta jare pe judío mbae piko wae reta oyowakeño ko ñaï pëti ramiño Cristo re. Jare jae nunga wi täta rupi yayeyokui wae reta jare yayeyokui mbae wae reta oyowakeño ko wi. Jare yande kuimbaerä yaiko wae reta jare kuña reta oyowakeño ko wi. Echa’ä opaete yande reta ñaï pëti ramiño Jesucristo re ramo.

Efesios 1:2

YandeRu Tumpa jare yandeYa Jesucristo jekuaeño tipɨakawi pewe jare tuyapo pewe piko waerä pepɨakatu rewe.

1 Timoteo 1:12

Jayawe che amee yasurupái yandeYa Jesucristo pe, echa’ä jae chemɨmɨräta ramo. Amee yasurupái wi chupe, echa’ä jae chererowia katu ayapo waerä mbarawɨkɨ Tumpa pewarä jare cheparawo ayeyokui waerä chupe.

2 Timoteo 1:1

Cheraɨ mii Timoteo, che araaka aï ndewe saludo yandeYa Jesucristo jee re. Che ko jae Pablo. YandeYa Jesucristo etei chemondo jae jee re amɨmbeu waerä jesewa, echa’ä jukuärái Tumpa uipota ramo. Echa’ä jae chokui a amɨmbeu waerä opaete wae pe kërái yandepuere ñanoi tekowe opa mbae wae Jesucristo rupi.

2 Timoteo 1:2

Timoteo, aikuatía ye aï ndewe kua tupapire. Nde ko jae cheraɨ rami. YandeRu Tumpa jare yandeYa Jesucristo jekuaeño tipɨakawi ndewe, jare tumae nderé ndeparareko rewe, jare tuyapo ndewe ndiko waerä ndepɨakatu rewe.

2 Timoteo 4:10

Echa’ä Demas chereya oo tëta wasu Tesalónica kotɨ, echa’ä jae uauete mbaembae kua ɨwɨ pewa jeko pewa. Crescente oo ɨwɨ Galacia kotɨ joko pe uyeyokui waerä Tumpa pe. Jae nunga wi Tito oo ɨwɨ Dalmacia kotɨ.

Tito 1:3

Tumpa ko jae yandeRepɨ wae, jare añawe uwäe ma ara jae uiparawo wae jokua yemboe uyemɨmbeu waerä. Jare che rupi jukuärái uyeyapo oï, echa’ä jokua ko jae mbarawɨkɨ Tumpa umee chewe wae.

Tito 2:13

Jukuärái ko yaikota añawe rupi, yande ñaäro ñaï rambuewe yayerowia rewe yandeYa Jesucristo ou ye rewa. Jokua ara jae uyekuaata oï imbaepuere jembipete rewe. Echa’ä jae ko yandeTumpa jare yandeRepɨ wae, jare jae imbaepuere tuichaete.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

2 Pedro 1:11

Jare ara uwäe ma yawe yandeRepɨ wae yandeYa Jesucristo iko waerä opaete wae imburuwicha wasurä jaeño mái pewa, jae pembɨasa kawita tuicha uyerowia rewe.

2 Pedro 2:20

Kua pëti mbɨatɨtɨ ko. Echa’ä ipuere kía uikuaa yandeRepɨ wae yandeYa Jesucristo rewa, jare jokua arakuaa rupi ipuere ueya ɨwɨ jeko kachi wae. Erëi jokua nunga kía taɨkue rupi uñatima ye yawe jeko indechikue pe jare ipuere’ä ueya ye yawe, jae oeteta upɨta tenonde iko wae wi.

2 Pedro 3:18

Jekuaeño pekuakuaa Tumpa kotɨ yandeRepɨ wae yandeYa Jesucristo ipɨakawi rupi. Jare arakuaa jesewa tukuakuaa peré. ¡Jae jee tuyembutuichaka añawe jare jaeño mái pewa! Jukuärái tuiko.

2 Pedro 3:2

Pe reta pikuaa ko kërái arakaete rupi Tumpa oñono tee amokue kuimbae reta jae imaerä umɨmbeu reta waerä jae iñee. Jokua ñee re aipota pe reta pemandúa ye waerä. Jare aipota pemandúa ye waerä wi yandeYa oporomboe wae re. Kua yemboe pikuaa ko, echa’ä yandeYa yandeRepɨ wae orembou numɨmbeu waerä pewe.

1 Juan 5:14

Jáeramo yandepuere yayerure Tumpa pe ipotawe mbae re. Jare yayerure yawe jae uipota wae rupi, yandepuere yarowia katu jese uyandu waerä yandewe yandiyerure.

Judas 1:3

Cheïru puau mii wae reta, che aipota tëi aikuatía aiko pewe jokua tekowe opa mbae wae ime ñanoi wae re. Erëi aikuaa ime ye ambɨe mbae re imeta ko aikuatía pewe. Tumpa ñaneñono tee ma jae imaerä jare uikuaaka ma yandewe mbaembae re yarowia waerä. Kua mbaembae jaeño mái pewa añetete ko jare ndarau etei uyepepɨka. Jáeramo aipota pumɨkɨrëɨ jekuaeño piyapo waerä pepuere wae rupi uyemɨmbeu waerä jupi rupi jokua mbaembae.