Tito 1:3 - Biblia

³ Tumpa ko jae yandeRepɨ wae, jare añawe uwäe ma ara jae uiparawo wae jokua yemboe uyemɨmbeu waerä. Jare che rupi jukuärái uyeyapo oï, echa’ä jokua ko jae mbarawɨkɨ Tumpa umee chewe wae.

Guaraní Pe (Western): Simba

³ Ẽrei uicuaaca iñee jae uipota ma yave che amɨmbeu vae rupi. Echa'ã Tumpa co jae yanembɨasa vae, jare umee cheve iñee amɨmbeu vaerã iporoyocui rupi.

Tito 1:3 Iomraidhean Croise

Daniel 9:24

Araɨwa jei Daniel pe kuärái: “Tumpa jei nerëtáɨwa reta rewa jare tëta wasu uñeñono tee wae rewa kërái 490 año uasata opa uyeyapo waerä kua mbaembae: opa iyapɨ waerä teko kachi jare mbaembae uyawɨ reta Tumpa kotɨ wae; jare ime waerä jupi wae jaeño mái pewa Tumpa kotɨ; jare opa uyeyapo waerä Tumpa iñee arakae umɨmbeu wae reta jei uyeyapota iko wae; jare uñeñono tee waerä Tumpa pewarä Tumpa joo jupiete ye wae.

Marcos 1:15

Jae jeiñoise kuärái: “Uwäe ma ara Tumpa uyapo waerä jae jei uyapota iko wae. Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa iñee ikawi wae re,” jei.

Marcos 13:10

Echa’ä Tumpa iñee ikawi wae jeräkua ranita ko opaete ɨwɨ reta kerupi oï wae rupi ndei ɨwɨ iyapɨ mbowe,” jei chupe reta.

Marcos 16:15

Joko wi Jesús jei chupe reta: “Pekua opaete ɨwɨ rupi jare pemɨmbeu opaete wae pe ñee ikawi wae che rewa,” jei chupe reta.

San Lucas 1:47

Tumpa ko jae cheRepɨ wae jare tuicha chembɨyerowia.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

Hechos 17:26

“Jare pëti kuimbae wiño Tumpa uyapo opaete ambɨe ye ye ɨwɨ pewa reta kiape kiape ñonoï wae rupi. Jare ndei uyekuaa reta mbowe, Tumpa jei ma kiape etei ra yurekota wae jare kërái yawe rewa ra yurekota reta joko pe,” jei.

Romanos 15:19

Jare jokuaerä wi ko Espíritu Santo umee chewe mbaepuere ayapo waerä mbaembae kiawe ipuere’ä uyapo wae. Jayawe jukuärái opa ma amɨmbeu araa araa chupe reta ñee ikawi wae Cristo rewa opaete kerupi Jerusalén wiwe ɨwɨ Ilírico pe rewa.

Romanos 16:25

Jare añawe yambutuicha Tumpa jee. Jae ko ipuere pemɨmɨräta Tumpa re kua ñee ikawi wae Jesucristo rewa amɨmbeu pewe wae rupi. Ɨma rupi kua ñee kiawe uikuaa’ä iko.

Romanos 16:26

Erëi añetete Tumpa iñee arakae umɨmbeu wae reta uikuatiaño mái yepe kua ñee. Jare añawe Tumpa ikoño mái wae jei ma kua uyekuaa kawi waerä, jare jukuärái opaete ɨwɨ pewa reta ipuere waerä wɨrowia jese jare jukuärái uyapo reta waerä jae jei wae.

Romanos 5:6

Jare ¿kërái ra ko Tumpa yanderau? Yaikuaa Tumpa yanderauete ko, echa’ä Cristo umano yanderé, yande jupi mbae yaiko wae reta re. Yande parawete reta teko pe yaiko Tumpa jowai yayawɨ jae jei wae ramo. Jare yandepuere’ä etei yayerepɨ chuwi yandeiño. Erëi ou ma uwäe yawe ara Tumpa uiparawo wae, Cristo umano yanderé.

1 Corintios 9:17

Añetete moná ayapo yawe che jae wae rupiño amɨmbeu waerä pewe ñee ikawi wae, jayawe jaekawita tëi ko pembɨepɨ waerä chewe. Erëi jukuärai’ä ko, echa’ä Tumpa ko jei chewe amɨmbeu waerä ñee ikawi wae. Jokuaño ko che ayapo aï.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

Efesios 1:10

Jare Tumpa ipɨayemɨngeta ko kuärái: Jokua ara jae jei wae uwäe yawe, umbatɨta opaetei ara pe ñonoï wae reta jare ɨwɨ pe ñonoï wae reta wi, jare oñonota Cristo iko waerä jae reta imburuwicha wasurä jaeño mái pewa.

Efesios 2:17

Jayawe Cristo ou umɨmbeu waerä yandewe ñee ikawi wae kërái yayeapɨkatu waerä Tumpa ndiwe. Jokua ñee ko oremaerä, ore koiño nduiko Tumpa wi wae. Jare pemaerä wi ko, pe reta tenonde pikose mbɨrɨ Tumpa wi wae.

Filipenses 1:13

Echa’ä opaete mburuwicha wasu isɨndaro reta jare jeta ïru kua tëta wasu pewa reta añawe uikuaa che kua peresorɨru pe aï Cristo pe ayeyokui ramo.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.

Colosenses 1:6

Kua ñee ikawi wae uyemɨmbeu pewe wae jae nunga wi uyemɨmbeu oo oï opaete ɨwɨ rupi, jare jeta wae reta wɨrowia oï jese. Jare añawe uyeyapo oï chupe reta wi pewe uyeyapo wae rami. Echa’ä pe reta pemandúa kawi peï jaeramo piyandu yawe ñee ikawi wae, jare pikuaa yawe añetete ko Tumpa ipɨakawiete ye, ¿mbae pa uyeyapo pewe? Pe reta perowia jese, jare joko wiwe jokua ñee uparawɨkɨ oï pepɨa pe umbɨambɨe waerä perekowe jukuärái piyeyokui kawi waerä Tumpa pe. Jare jokua etei wi añawe uyeyapo oï opaete ɨwɨ rupi.

1 Tesalonicenses 2:4

Ore numɨmbeu pewe ñee ikawi wae, echa’ä nduipota numbɨyerowia Tumpa ramo. Tumpa ko jekuaeño umae oï opaete orepɨa re jare kërái nduyeyokui chupe wae re. Jare oreparawɨkɨ ikawi iko chupe ramo, jae wɨrowia katu ma oreré numɨmbeu waerä ñee ikawi wae. Jáeramo Tumpa ko nduipota numbɨyerowia. Mbaetɨ ko kuimbae reta.

1 Timoteo 1:1

Cheraɨ mii Timoteo, che araaka aï ndewe saludo yandeYa Jesucristo jee re. Che ko jae Pablo. YandeRu Tumpa jare yandeYa Jesucristo cheparawo chemondo waerä opaete kerupi amɨmbeu waerä Tumpa iñee. Tumpa ko jae yandeRepɨ wae, jare ñaäro ñaï yayerowia rewe yandeYa Jesucristo ou ye rewa.

1 Timoteo 1:11

Kua yemboe añetete wae ou Tumpa wi. Jae ko ñee ikawi wae jae umee chewe amɨmbeu waerä ïru wae reta pe. ¡Tuyembutuichaka Tumpa jee!

1 Timoteo 2:3

Jayawe ikawi ko yayerure waerä Tumpa pe opaete wae reta re. Yayapo jukuärái yawe, yambɨyerowiata Tumpa – jae ko yandeRepɨ wae.

1 Timoteo 4:10

Jokuaerä ko ñanekɨrëɨ rewe yaparawɨkɨ täta. Jare jukuärái yayapo, echa’ä yarowia Tumpa ikoño mái wae re. Echa’ä jaeño ko Upuruepɨ wae ɨwɨ pewa reta pewarä. Jare jae uepɨ opaete kía wɨrowia jese wae.

2 Timoteo 4:17

Erëi yandeYa chemborɨ jare chemɨmɨräta kawi amɨmbeu waerä jupi rupi ñee ikawi wae opaete wae pe. Jukuärái jeta judío mbae wae reta uyandu ma jokua ñee ikawi wae yandeYa rewa. Jare kërái kía uepɨ pëti sambiaɨ yawa ipo wi wae rami, yandeYa cherepɨ mano wi.

Tito 2:10

Awɨye timonda reta. Tuyekuaaka reta ipatrón pe jae ipuere waerä wɨrowia katu jese reta. Echa’ä jukuärái uyapo reta yawe, ïru wae reta uikuaata kërái ikawiete ye ko yemboe Tumpa wi ou wae jare kërái Tumpa ko jae yandeRepɨ wae.

Tito 2:13

Jukuärái ko yaikota añawe rupi, yande ñaäro ñaï rambuewe yayerowia rewe yandeYa Jesucristo ou ye rewa. Jokua ara jae uyekuaata oï imbaepuere jembipete rewe. Echa’ä jae ko yandeTumpa jare yandeRepɨ wae, jare jae imbaepuere tuichaete.

Apocalipsis 14:16

Jayawe jokua amapɨ̈tu re uwapɨ oï wae uiporu ijosa jare uawɨro ɨwɨ pewa reta.