Tito 1:1 - Biblia

¹ Cheraɨ Tito, che araaka aï ndewe saludo yandeYa Jesucristo jee re. Che ko jae Pablo. Che ayeyokui Tumpa pe, jare Jesucristo chemondo jae jee re amɨmbeu waerä jesewa. Jae chemondo Tumpa uiparawo wae reta pe amborɨ reta wɨrowia kawi waerä Cristo re jare uikuaa kawi reta waerä yemboe añetete wae. Jokua yemboe uikuaaka chupe reta kërái umbɨyerowia reta waerä Tumpa.

Guaraní Pe (Western): Simba

¹ Che co jae Pablo. Ayeyocui Tumpa pe. Echa'ã che co jae Jesucristo jemimondo. Jae chemondo Tumpa uiparavo vae reta pe güɨrovia vaerã jese, jare uicuaa vaerã añete vae, uyeyocui vaerã Tumpa pe,

Tito 1:1 Iomraidhean Croise

San Lucas 18:7

“Erëi Tumpa tuichaete ye ipɨakawi chuwi. ¿Këraita pa jayawe Tumpa uepɨta’ä jae uiparawo wae reta, jae reta ara rupi jare pɨ̈tu rupi uyerure chupe yawe? ¿Këraita yerá jayawe jae ɨma uäro uepɨ reta waerä?

Hechos 13:48

Jayawe judío mbae wae reta joko pe yureko wae uyandu reta yawe jokua ñee, tuicha rupi uyerowia reta, jare umee reta yasurupái Tumpa pe jae iñee re. Jayawe jeta wae wɨrowia jese. Jare jukuärái uechaka reta jae reta ko Tumpa uiparawo wae onoi waerä tekowe opa mbae wae.

Romanos 1:1

Che ko jae Pablo, Jesucristo pe ayeyokui wae. Tumpa chereni chemondo waerä opaete kerupi jae jee re amɨmbeu waerä ñee ikawi wae. Jokuaerä etei ko jae cheñono tee. Kua ñee ikawi wae Tumpa wi etei ko ou.

2 Corintios 1:1

Cherɨkeɨ reta, cherɨwɨ reta, jare cherindɨ mii reta tëta wasu Corinto pe piko wae, araaka aï pewe saludo. Che ko jae Pablo. YandeYa Jesucristo chemondo jae jee re amɨmbeu waerä jesewa, echa’ä jukuärái Tumpa uipota ramo. Che jare hermano Timoteo ndiwe aikuatía aï kua tupapire pewe piyembatɨ peï Tumpa jee re wae reta pe. Jare nduikuatía noï wi opaete ïru wae reta Tumpa oñono tee jae imaerä wae ɨwɨ Acaya rupi ñonoï wae reta pe.

Efesios 2:8

Echa’ä Cristo re yarowia wae rupi Tumpa yanderepɨ mbaembae yayawɨ ikotɨ wae wi. Jare jukuärái uyapo yandewe yambɨepɨ mbae rewe ipɨakawi ramo. Yande yamɨngana wae rupi’ä ko Tumpa yanderepɨ.

Filipenses 1:1

Pe yandeYa Jesucristo imaerä piko wae reta tëta wasu Filipos pe peï wae, jare petenondewa reta jare pemborɨa reta ndiwe, che ko jae Pablo aikuatía aï pewe kua tupapire hermano Timoteo ndiwe wae. Ore ko jae Jesucristo pe nduyeyokui wae reta.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

1 Timoteo 2:4

Echa’ä jae uipota tëi opaete wae uepitɨ kawi waerä añetete wae jare onoi waerä tekowe opa mbae wae.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

1 Timoteo 6:3

Opaete kua mbaembae che jae ndewe wae kua tupapire pe jae ko añetete jare yandereraa Tumpa kotɨ. Erëi jokua oporomboeraanga wae reta wɨrowia’ä jese jare ambɨe ye oporomboe. Jare jae nunga wi oporomboe reta ambɨe ye yandeYa Jesucristo oporomboe wae wi.

2 Timoteo 2:10

Jayawe jokua ñee ikawi wae jekuaeño uyembeu oo oï ramo, chepɨawasu rewe amɨawätata aï opaete kua aiporara aï wae reta. Che ayapo aï jukuärái Tumpa uiparawo wae reta pewarä. Che aikuaa aï jokua ñee ikawi wae uyandu reta yawe, wɨrowiata jese. Jare chepɨa rewe che aipota Tumpa uepɨ reta waerä Jesucristo rupi jare yureko reta waerä jae ndiwe jaeño mái pewa.

2 Timoteo 2:23

Erëi ime yawe kía reta uyeaka ñonoï ipotawe mbae re wae, awɨye iyemɨinge joko pe. Echa’ä nde ndikuaa neï jokua jaeño ueruta oï ndewe ñeräro.

2 Timoteo 2:25

Jare omboeta ko uñemɨmichi rewe oyowaicho jae ndiwe wae reta. Echa’ä aramoi Tumpa umeeta chupe reta ueya waerä ipɨayemɨngeta jupi mbae wae jare uikuaa waerä añetete wae,

Santiago 1:1

Pe Israel iñemoñaa piko wae reta opaete piñemɨái peï kerupi rupi wae, che araaka aï pewe saludo. Che ko jae Santiago aikuatía aï pewe wae. Che ko jae pëti wae yandeRu Tumpa jare yandeYa Jesucristo pe ayeyokui wae.

2 Pedro 1:3

Tumpa ñanereni ma yayekou waerä imbaepuere jupiete wae re jare ipɨakawi re. Jare añawe Tumpa yaikuaa ramo, jae imbaepuere rupi umee ma yandewe opaetei yaiko jupi waerä jae jowai jare yambɨyerowia waerä wi.

2 Pedro 3:11

Jukuärái opaete mbaembae añawe yaecha ñaï wae opata uyembái oï. Jare kua pikuaa ramo, ikawi ko piko waerä jupi rupi jare pembɨyerowia waerä Tumpa.

1 Juan 2:23

Echa’ä ime yawe kía wɨrɨ̈ro Tumpa Taɨ wae, jae mbaetɨ etei ko onoi yandeRu Tumpa. Erëi ime yawe kía jei, “Jesús ko jae Tumpa Taɨ” wae, yandeRu Tumpa etei ko onoi wi.

Apocalipsis 1:1

Kua tupapire pe Juan uikuaaka yandewe jokua mbaembae reta uasata oï ɨmambaeño wae. YandeRu Tumpa etei uikuaaka kua mbaembae Jesucristo pe jae uikuaaka yuapɨ ye waerä yandewe Juan rupi. Juan uyeyokui kawi Jesucristo pe. Jayawe Jesucristo ombou pëti araɨwa Juan pe, jare jokua araɨwa uechaka chupe kua mbaembae uyeyapota oï wae. Jare añawe Juan uikuaaka oï yandewe, yande Cristo pe yayeyokui wae reta pe, opaete mbaembae jae uecha wae. Kua ñee Tumpa iñee etei ko, jare jokua etei ko Jesucristo uikuaaka.