Números 20:8 - Biblia

⁸ “Eraa nderɨkeɨ Aarón jare ndepopoka, jare piyembatɨ opaete Israel iñemoñaa reta ndiwe,” jei. “Joko wi, jae reta umae ñonoï rambuewe, ere jokua itape pe oë waerä ɨ, jare ɨ oë woita itape wi. Tuicha ɨ oëta jokua itape wi uepitɨ waerä Israel iñemoñaa reta jare jɨmba reta wi jou waerä,” jei Tumpa Moisés pe.

Números 20:8 Iomraidhean Croise

Génesis 18:14

“Che ko jae Tumpa aikoño mái wae. Mbaetɨ ko mbae yawái chemaerä. Kërái che jae ndewe rami, ayu yeta apou aï ndepɨ kua wi ïruwe año pe. Jare Sara imeta ma imembɨ kuimbae,” jei Tumpa Abraham pe.

Éxodo 14:16

Jare nde, eupi ndepopoka mar iáramo. Jukuärái ndiyapo yawe, che aipeata ɨ mbɨte rupi. Jare jukuärái Israel iñemoñaa reta uasata mar mbɨte rupi ɨwɨ utini wae rupi,” jei chupe.

Éxodo 4:17

“Jare awɨye neakañɨ eraa ndepopoka, echa’ä jokua pɨpe ndechakata chembaepuere. Echa’ä jokua pɨpe ndiyapota neï opaete mbaembae che jae ndewe wae.” Jukuärái jei Tumpa Moisés pe.

Éxodo 4:2

Jayawe Tumpa upɨrandu chupe: “¿Mbae pa nenoi ndepo pe?” jei. Jare Moisés jei chupe: “Chepopoka ko,” jei.

Éxodo 4:20

Jayawe Moisés ombopo jembireko jare taɨ reta mburika re, jare oë oo reta ɨwɨ Egipto kotɨ. Moisés wɨraa wi ipopoka Tumpa jei chupe rami.

Éxodo 7:20

Jayawe Moisés jare Aarón uyapo opaete Tumpa jei Moisés pe wae rupi. Mburuwicha wasu jare imborɨa umbɨarakuaa wae reta umae ñonoï jese rambuewe, Aarón ueupi ipopoka jare okua ɨ wasu re. Aramoiño opaete ɨ wasu uyeyapo tuwɨ.

Números 20:11

Joko wi Moisés upi ipopoka jare mokui wese okua itape re ipopoka pɨpe. Jayawe ɨ oë woi itape wi, jare opaete Israel iñemoñaa reta jare jɨmba reta wi jou ɨ ipunga rewa.

Números 20:7

Jare Tumpa jei Moisés pe kuärái:

San Mateo 21:21

Jayawe Jesús jei chupe reta: “Che tae pewe añetete wae, pe reta perowia yawe añetete rewe Tumpa re, jayawe pepuereta wi piyapo kua nunga che ayapo ɨwa pe wae. Jare jokuaño’ä ko. Pepuereta wi pere kua ɨwɨtu wasu raɨ pe oo uyemombo waerä mar pe, jare jukuärái uyeyapota ko pewe,” jei.

San Lucas 11:13

“Pe reta, yepe tëi pereko ikawi mbae wae ko, erëi pikuaa ko pemee waerä mbaembae ikawi wae pesambiaɨ reta pe. Jare jukuärái yawe, ¿këraita pa peRu ara pe oï wae umeeta’ä pewe Espíritu Santo peka chupe yawe?” jei Jesús jemimboe reta pe.

San Juan 16:24

“Ndeiño peka Tumpa pe mbae cheree re. Erëi añawe piyerure chupe cheree re, jare cheRu uyapota oï pewe tuicha rupi piyerowia waerä,” jei Jesús chupe reta.

Hechos 1:14

Opaete jokua reta jekuaeño uyembatɨ uyerure reta waerä Tumpa pe pëti ramiño. Jare jae reta ndiwe uyembatɨ wi Jesús ichɨ María, jare ïru kuña reta wi, jare Jesús tɨwɨ reta.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.