Números 20:2 - Biblia

² Jokua ɨwɨ rupi mbaetɨ iko ɨ Israel iñemoñaa reta jou waerä. Jáeramo uyembatɨ uñeengata reta waerä Moisés jare Aarón pe.

Números 20:2 Iomraidhean Croise

Éxodo 16:12

“Ayandu ma Israel iñemoñaa reta iyengeta chekotɨ wae,” jei. “Emɨmbeu chupe reta kuärái: ‘Kaaru yawe, pe reta peuta soo. Jare ndimbowe yawe, peuta jeta mbɨyape pepunga rewa. Jukuärái pikuaa kawita che ko jae peTumpa aikoño mái wae.’ Jukuärái emɨmbeu chupe reta,” jei Tumpa Moisés pe.

Éxodo 16:2

Joko pe ñonoï reta yawe, opaete wae umbɨpɨ ye iyengeta reta Moisés jare Aarón pe, jare jei chupe reta kuärái:

Éxodo 16:7

“Jare kuriye ndimbowe wi pechata uyekuaa pewe Tumpa imbaepuere jupi wae tembipe uwerasɨ wae rami. Jae uyandu oï piyengeta peï ikotɨ wae. Ore jaeño nduyapo noï Tumpa jei wae rupi. ¿Maera pa piyengetaete orekotɨ?” Jukuärái jei chupe reta.

Números 14:2

Jare opaete Israel iñemoñaa reta iyengeta Moisés jare Aarón pe, jare jei chupe reta: “¡Ikawita tëi ko opa numano waerä ɨwɨ Egipto pe jare kua ɨwɨtini wasu rupi!” jei reta.

Números 14:9

“Jáeramo awɨye piyowaicho Tumpa kotɨ,” jei. “Awɨye pekɨye jokua ɨwɨ pewa reta wi. Añetete yawaita’ä ko yandewe ñamɨamɨri reta waerä, echa’ä Tumpa oï yande ndiwe,” jei. “Jáeramo mbaetɨta kía jae reta uepɨ waerä yandewi. Jayawe awɨye pekɨye chuwi reta.” Jukuärái jei tëi Josué jare Caleb chupe reta.

Números 21:5

Jáeramo umbɨpɨ iyengeta reta Tumpa kotɨ. Iyengeta reta wi Moisés pe jare jei reta chupe: “¿Maera pa nde orereru ɨwɨ Egipto wi numano waerä kua ɨwɨtini wasu rupi? Kua pe mbaetɨ tembiu jare ɨ awe ndou waerä. Jare orekueri ma jokua maná wi, echa’ä tembiu ipiche mbae wae ko.” Jukuärái iyengeta reta.