Números 20:1 - Biblia

¹ Jokua año uyembɨpɨ iko yawe, Israel iñemoñaa reta yuraa uwäe yewɨ ɨwɨtini wasu Sin jee wae pe. Jayawe ɨwɨ Cades jee wae pe umbɨyemboɨ reta jëta wakapi pewa, jare joko pe upɨta reta ɨma rupi. Jare joko pe ñonoï rambuewe, umano María. Jayawe oñotɨ reta joko pe.

Números 20:1 Iomraidhean Croise

Éxodo 15:20

Jaɨkue rupi Aarón jindɨ María jee wae – pëti Tumpa iñee umɨmbeu wae ko – ombopu pëti angúa raɨ. Jare opaete kuña reta yuraa María jaɨkue jare opa rewe ombopu angúa raɨ jare upɨrae reta.

Éxodo 2:4

Joko wi sambiaɨ jindɨ upɨta uipiäro uikuaa waerä mbae ra uasata oï jae ndiwe wae.

Éxodo 2:7

Jayawe sambiaɨ jindɨ ou mburuwicha wasu tayɨ kotɨ jare upɨrandu chupe: “¿Ndipota pa che a aeka waerä ndewe pëti kuña hebrea umbɨkambu jare umbɨkuakuaa waerä ndewe?” jei chupe.

Números 13:21

Jayawe jokua doce upurupiäro wae reta oë yuraa uikuaa kawi waerä ɨwɨ Canaán. Umae kawi reta jokua ɨwɨtini wasu Sin jee wae wi norte kotɨ ɨwɨ Rehob jee wae rewa. Ɨwɨ Rehob oï tëta wasu Hamat jee wae jape wi koiño.

Números 20:22

Jayawe opaete Israel iñemoñaa reta oë yuraa ɨwɨ Cades jee wae wi ɨwɨtu wasu Hor jee wae kotɨ.

Números 20:28

Joko pe Moisés omboi Aarón jemimonde sacerdote tenondewa pewa jare omondeka Eleazar pe. Jare joko pe ɨwɨtu wasu iyapɨte re Aarón umano. Joko wi Moisés jare Eleazar uweyɨ ye reta ɨwɨtu wasu wi.