Números 14:6 - Biblia

⁶ Jare jokua doce upurupiäro wae reta ipɨte wi, mokuiño kuimbae ipɨatɨtɨ wi. Jae reta ko Nun taɨ Josué jee wae jare Jefone taɨ Caleb jee wae. Jare ipɨatɨtɨ pɨpei omondoro reta iyuwi jemimonde.

Números 14:6 Iomraidhean Croise

Génesis 37:29

Erëi kua uyapo reta yawe, Rubén mbaetɨ joko pe iko. Jare jae ou umae jese yawe ɨwɨkua pe, José mbaetɨ ma joko pe iko. Jayawe ipɨatɨtɨ pɨpei omondoro iyuwi jemimonde.

Génesis 37:34

Jayawe Jacob ipɨatɨtɨ pɨpei omondoro iyuwi jemimonde, jare omonde temimonde jaimbe wae mbɨatɨtɨ pewa. Jayawe ɨma rupi Jacob ipɨatɨtɨñoi iko taɨ José re.

Génesis 44:13

Tɨkeɨ reta kua uecha yawe, ipɨatɨtɨ pɨpei omondoro reta iyuwi jemimonde. Joko wi pëti pëti jae reta umbɨwɨta ye imburika, jare uñatima ye yuraa reta tëta wasu José oï wae pe.

Números 13:30

Erëi pëti upurupiäro wae reta ipɨte wi, Caleb jee wae, umɨkïi jokua Moisés oï wae pe uyembatɨ ñonoï wae reta, jare jei chupe reta: “¡Ya woi ñapɨ̈ro chuwi reta yandeɨwɨrä! ¡Yandepuereta ko ñamɨamɨri reta!” jei chupe reta.

Números 14:24

“Erëi Caleb uyeyokui kawi chewe. Che aecha jae ambɨe ye ko jokua ïru wae reta wi. Jae jekuaeño iko che jae wae rupi. Jayawe che araata Caleb jokua ɨwɨ ikawiete jae uecha wae pe iko waerä joko pe. Jukuärái ameeta Caleb jare iñemoñaa reta pe jokua ɨwɨ ikawiete wae jae reta iɨwɨrä,” jei chupe.

Números 14:30

Yepe tëi tenonde che jae ameeta aiko pewe jokua ɨwɨ Canaán peɨwɨrä, erëi añawe jaeño Jefone taɨ Caleb jare Nun taɨ Josué yuraata ñonoï yureko waerä jokua ɨwɨ ikawiete wae pe,’ ere chupe reta.

Números 14:38

Jayawe jokua doce upurupiäro wae reta ipɨte wi, jaeño Nun taɨ Josué jare Jefone taɨ Caleb upɨta jekowe rewe.

Números 14:5

Jokua ñee uyandu yawe, Moisés jare Aarón tuicha rupi ipɨatɨtɨ reta. Jáeramo uñeñono reta jowa ɨwɨ re opaete Israel iñemoñaa reta uyembatɨ ñonoï wae jowai.

Números 14:7

Jayawe jae reta jei opaete Israel iñemoñaa reta pe kuärái: “Jokua ɨwɨ ore nduecha wae añetete ikawiete ye wae ko.

San Mateo 26:65

Jayawe jokua uyandu yawe, sacerdote tenondewaete pochɨ pɨpei omondoro iyuwi jemimonde. Jare jei ïru mburuwicha reta pe: “¡Jae jei iyupe tëi Tumpa ko! ¿Maera ye pa yaekata ïru wae reta uñeapo waerä jese?” jei chupe reta. “Mase, pe reta etei piyandu ma kërái jae jei iyupe tëi Tumpa ko.

Marcos 14:63

Jayawe jokua uyandu yawe, sacerdote tenondewaete pochɨ pɨpei omondoro iyuwi jemimonde. Jare jei ïru mburuwicha reta pe: “¿Maera ye pa yaekata ïru wae reta uñeapo waerä jese?

Hechos 14:14

Jayawe Bernabé jare Pablo kua uikuaa reta yawe, tuicha rupi ipɨatɨtɨ reta. Jáeramo omondoro reta jemimonde, jare opa osi yuraa reta uyembatɨ ñonoï wae reta ipɨte pe. Jare usapɨkai rewe jei chupe reta: