Números 14:5 - Biblia

⁵ Jokua ñee uyandu yawe, Moisés jare Aarón tuicha rupi ipɨatɨtɨ reta. Jáeramo uñeñono reta jowa ɨwɨ re opaete Israel iñemoñaa reta uyembatɨ ñonoï wae jowai.

Números 14:5 Iomraidhean Croise

Génesis 17:3

Jayawe Abram uñeñono ɨwɨ re uipɨu rewe. Jare Tumpa jei chupe: “Che ayapo aï pëti yemɨngeta ikawi wae nde ndiwe. Jetaeteta ko niñemoñaa reta jare jae reta uyeyapota jeta ambɨe ɨwɨ pewa retarä,” jei chupe.

Números 14:6

Jare jokua doce upurupiäro wae reta ipɨte wi, mokuiño kuimbae ipɨatɨtɨ wi. Jae reta ko Nun taɨ Josué jee wae jare Jefone taɨ Caleb jee wae. Jare ipɨatɨtɨ pɨpei omondoro reta iyuwi jemimonde.

Números 20:6

Jayawe Moisés jare Aarón usɨrɨ chuwi reta jare yuraa reta tupao uike wae jowai. Joko pe mokui rewe uñeñono reta ɨwɨ re uipɨu rewe. Aramoiño Tumpa imbaepuere jupiete wae uyekuaa chupe reta pëti tembipe uwerasɨ wae rami.

San Mateo 26:39

Jayawe Jesús usɨrɨ katu chuwi reta, jare uñeñono ipɨtía re ɨwɨ re. Jare uyerure Tu pe kuärái: “CheRu mii, nde ndipota yawe, embɨasa mii chewi kua aiporarata aï wae. Erëi awɨye tuyeyapo che jae waeño. Tuyeyapo chewe nde ndere wae,” jei.

Apocalipsis 4:10

jokua veinticuatro mburuwicha reta uñeñono ɨwɨ re uipɨu rewe wapɨa pe uwapɨ oï wae jowai umbutuicha reta waerä jae jee – jae ko ikoño mái wae jee. Jare oñono reta icorona jokua wapɨa jowai jei rewe:

Apocalipsis 5:14

Joko wi jokua irundɨ mbae tekowe onoi wae reta jei: “¡Jukuärái tuiko!” Jare jokua veinticuatro mburuwicha reta uñeñono ye ɨwɨ re uñemɨmichi rewe jare umbutuicha reta ikoño mái wae jee.

Apocalipsis 7:11

Jare opaete araɨwa reta uyemboɨ ñonoï jokua mburuwicha wasu iwapɨa jare jokua mburuwicha reta jare jokua irundɨ mbae tekowe onoi wae reta iyɨpɨ rupi. Jayawe jae reta uñeñono ɨwɨ re uñemɨmichi rewe mburuwicha wasu iwapɨa jowai jare umbutuicha reta Tumpa jee.