Números 14:2 - Biblia

² Jare opaete Israel iñemoñaa reta iyengeta Moisés jare Aarón pe, jare jei chupe reta: “¡Ikawita tëi ko opa numano waerä ɨwɨ Egipto pe jare kua ɨwɨtini wasu rupi!” jei reta.

Números 14:2 Iomraidhean Croise

Éxodo 14:11

Jare uñeengata reta Moisés pe jare jei reta chupe: “¿Maera pa orereru kua ɨwɨtini wasu pe opa numano waerä?” jei reta. “¿Aramoi ɨwɨ Egipto pe uata ra iko orewe ɨwɨ nuñeñotɨ waerä? ¿Maera pa orerenoe orereru ɨwɨ Egipto wi?” jei reta.

Éxodo 15:24

Jayawe Israel iñemoñaa reta umbɨpɨ iyengeta Moisés pe jare jei reta chupe: “¿Kiape pa nuwäeta ɨ ndou waerä añawe?” jei reta Moisés pe.

Éxodo 17:3

Erëi jae reta opaete ma iɨwete ñonoï reta. Jáeramo jeiete iyengeta reta Moisés pe jare jei reta chupe: “¿Maera pa orerenoe orereru ɨwɨ Egipto wi numano waerä kua pe ɨwe pe oresambiaɨ reta jare orerɨmba reta ndiwe?” jei reta Moisés pe.

Números 14:1

Jokua uyandu reta yawe, opaete Israel iñemoñaa reta ipɨatɨtɨete, jare jäse uyao reta opaete jokua pɨ̈tu.

Números 14:22

Jáeramo che etei tae ndewe, jokua chererɨ̈ro wae reta ndarau yuraa uwäe reta jokua ɨwɨ ikawiete wae pe. Añetete uechata’äwe reta jokua ɨwɨ che jae tamɨkue reta pe ameeta tëi aiko chupe reta wae. Kua reta uecha tëi ma chembaepuere jupiete wae uyekuaa chupe reta tembipe uwerasɨ wae rami. Uecha reta tëi wi mbaembae chembaepuere tuicha wae rupi ayapo wae jae reta imaerä ɨwɨ Egipto pe jare kua ɨwɨtini wasu rupi wi. Jesewe payandepo wese ma omboporowa ñeño reta chepɨawasu, jare jekuaeño uyapo’ä reta che jae wae rupi,” jei chupe.

Números 20:2

Jokua ɨwɨ rupi mbaetɨ iko ɨ Israel iñemoñaa reta jou waerä. Jáeramo uyembatɨ uñeengata reta waerä Moisés jare Aarón pe.

Números 20:3

Jare pochɨ rewe jei reta Moisés pe: “¡Kërái moná Tumpa oreyuka tëi wi jokua ïru ñanerëtara reta opa uyuka yawe!” jei reta.

Números 20:4

“Ore ko jae Tumpa uiparawo wae reta, erëi nde orereru kua ɨwɨtini wasu pe, jare añawe ¡numanota noï orerɨmba reta ndiwe ɨwe pe!” jei reta.

Números 21:5

Jáeramo umbɨpɨ iyengeta reta Tumpa kotɨ. Iyengeta reta wi Moisés pe jare jei reta chupe: “¿Maera pa nde orereru ɨwɨ Egipto wi numano waerä kua ɨwɨtini wasu rupi? Kua pe mbaetɨ tembiu jare ɨ awe ndou waerä. Jare orekueri ma jokua maná wi, echa’ä tembiu ipiche mbae wae ko.” Jukuärái iyengeta reta.

1 Corintios 10:10

Jae nunga wi, pe reta, awɨye ma piyengeta Tumpa kotɨ kërái amokue jae reta uyapo rami. Echa’ä jukuärái uyapo reta ramo, Tumpa ombou araɨwa opa uyuka reta waerä.

Hebreos 3:16

Mbɨrandu: ¿Kía reta pa jokua uyandu tëi jare uyembowaicho reta Tumpa kotɨ wae? ¿Jae’ä yerá jokua Moisés onoe reta ɨwɨ Egipto wi wae? Jae reta ko.

Judas 1:16

Kua oporomboeraanga wae reta opa mbaembae re iyengeta reta jare umbɨjeko reta japicha. Jare uipota yureko reta jae reta jei wae rupiño uyembɨyerowia waeräño. Uyemɨngeta reta uyembutuicha rewe. Jare jae reta jekuaeño iñee kawi uyemɨngeta reta japicha ndiwe umbɨyerowia waerä, jukuärái japicha umee waerä chupe reta mbaembae.