Números 14:18 - Biblia

¹⁸ ‘Che ko jae peTumpa. Tuicha chepɨawasu jare chepɨakawi pewe. Tuicha ko puau jare cheakañɨta opaetei mbaembae kachi piyapo wae wi. Erëitu aiporarakata aï teko iya reta pe. Añetete aiporarakata aï opaete chererɨ̈ro wae reta pe, isambiaɨ reta pe, jare jumɨmino reta pe, jare jumɨmino yuapɨ ye reta pe wi.’ Jukuärái ndere orewe,” jei.

Números 14:18 Iomraidhean Croise

Éxodo 20:5

Awɨye awe piñeñono ɨwɨ re pipɨu rewe pembɨadora waerä tumparaanga reta re. Echa’ä cheeño ko jae peTumpa aikoño mái wae, jare che ko pumbɨete aï wae. Jare aiporarakata aï opaete chererɨ̈ro wae reta pe, isambiaɨ reta pe, jumɨmino reta pe, jare jumɨmino yuapɨ ye reta pe wi,” jei.

Éxodo 20:6

“Erëi opaete cherau jare uyapo kawi che jae wae rupi wae reta, jeta ye ye iñemoñaa reta wi aueteta,” jei.

Números 14:17

“Jayawe cheTumpa, echaka mii orewe nembaepuere tuicha wae,” jei. “Nde etei ndere orewe kuärái:

Romanos 5:21

Jáeramo kërái yaikose teko yareko wae ipo pe jare jokua yanembɨsɨrɨ iko Tumpa wi, jukuärái wi añawe Tumpa ipɨakawi wae ipo pe ko ñaï jare ime ma ñanoi tekowe opa mbae wae. Echa’ä ime yawe kía wɨrowia yandeYa Jesucristo re wae, Tumpa umae jese jeko mbae wae rami.