Números 13:33 - Biblia

³³ Nduecha wi Anac iñemoñaa reta ñonoï joko pe. Jae reta tuichaete ye ko. Jáeramo ore numae oriyé michi raɨ tuku reta rami jae reta jowai. Jae ramiño wi jukuärái jae reta umae oreré,” jei reta.

Números 13:33 Iomraidhean Croise

Génesis 6:4

Jare jokua año reta rupi, jare joko wiwe wi, ime yepe amokue kuimbae reta tuichaete jare ipɨrätaete wae reta. Echa’ä Tumpa taɨ reta wɨreko kuñatái reta jare oa isambiaɨ reta. Jare jae reta uyeyapo kuimbae arakae wae reta imbaepuerete jare jeräkua opaete wae pe.

Números 13:22

Uike reta yawe ɨwɨ Canaán pe, yuraa ɨwɨ Neguev jee wae rupi uwäe reta tëta wasu Hebrón jee wae pe rewa. Joko pe uecha reta Anac taɨ reta Ahimán, Sesai, jare Talmai jee wae iñemoñaa reta. Jokua tëta wasu Hebrón yepe uyeyapo chiu año ndei iko mbowe tëta wasu Zoán jee wae ɨwɨ Egipto pe wae.

Números 13:28

“Erëitu jokua ɨwɨ pewa reta ipɨrätaete reta, jare jëta wasu reta tuicha jare uñekëse kawi oï. Jare oete ye jokua wi, nduecha joko pe ñonoï kuimbae Anac iñemoñaa reta.

Números 14:1

Jokua uyandu reta yawe, opaete Israel iñemoñaa reta ipɨatɨtɨete, jare jäse uyao reta opaete jokua pɨ̈tu.