Números 13:30 - Biblia

³⁰ Erëi pëti upurupiäro wae reta ipɨte wi, Caleb jee wae, umɨkïi jokua Moisés oï wae pe uyembatɨ ñonoï wae reta, jare jei chupe reta: “¡Ya woi ñapɨ̈ro chuwi reta yandeɨwɨrä! ¡Yandepuereta ko ñamɨamɨri reta!” jei chupe reta.

Números 13:30 Iomraidhean Croise

Números 13:29

Nduecha wi ñonoï ɨwɨ Neguev pe kuimbae Amalec iñemoñaa reta. Jare ñaipe reta rupi ñonoï heteo reta, jare jebuseo reta, jare amorreo reta. Jare Mar Mediterráneo jembeɨ rupi jare ɨ wasu Jordán jembeɨ rupi nduecha ñonoï cananeo reta,” jei reta chupe. Jukuärái jae reta uyemɨngeta kawi’ä jokua ɨwɨ Canaán rewa.

Números 13:31

Erëi jokua ïru kuimbae reta yuraa Caleb ndiwe wae jei reta opaete wae pe: “¡Ndarau etei yandepuere jokua yayapo, echa’ä jae reta ipɨrätaete ñonoï yandewi!” jei reta.

Números 14:24

“Erëi Caleb uyeyokui kawi chewe. Che aecha jae ambɨe ye ko jokua ïru wae reta wi. Jae jekuaeño iko che jae wae rupi. Jayawe che araata Caleb jokua ɨwɨ ikawiete jae uecha wae pe iko waerä joko pe. Jukuärái ameeta Caleb jare iñemoñaa reta pe jokua ɨwɨ ikawiete wae jae reta iɨwɨrä,” jei chupe.

Romanos 8:31

Jayawe opaete kua mbaembae rupi yaikuaa ko Tumpa oï yandepepɨka pe yanemborɨ waerä. ¿Kía ra ipuereta ñanemɨamɨri jayawe? ¡Ndarau ipuere kiawe!

Romanos 8:37

Aramoi yandewe wi uyeyapota opaete jokua nunga mbaembae reta, erëi jesewe Cristo jekuaeño yanderauete oï, jare jae imbaepuere rupi yande reta jekuaeño opata ñamɨamɨri jokua mbaembae reta.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Hebreos 11:33

Amokue kua reta wɨrowia Tumpa re ramo, opa umɨamɨri mburuwicha wasu imbaepuere wae reta, jare uyapo reta jupi wae rupi, jare uyekou reta Tumpa jei umeeta iko chupe reta wae re. Amokue wae ou chupe reta yawapɨ̈ta tuicha wae reta. Erëi wɨrowia kawi reta Tumpa re ramo, Tumpa uepɨ reta chuwi.