Números 13:20 - Biblia

²⁰ Jare pemae kawi wi jokua ɨwɨ re: ¿Mbaewɨye ikawi ra, ani ikawi’ä ra? ¿Jeta ra oï ɨwɨra reta, ani jeta’ä ra oï? Jayawe piyapo pepuere wae rupi peru waerä orewe amokue mbaewɨye jokua ɨwɨ pewa pecha wae.” Jukuärái jei Moisés chupe reta. Jare jokua yasɨ rupi ko jae tenonde uva yawɨye kawi wae.

Números 13:20 Iomraidhean Croise

Números 13:19

Pemae kawi wi jae reta iɨwɨ re, ¿ikawi ra ani ikawi’ä ra? Jare pemae wi jëta wasu reta re, ¿uñekëse ra oï jëta wasu reta, ani ikëse mbae ra oï?

Hebreos 13:6

Jáeramo yandepuere yae yarowia katu rewe kuärái: “Che ndarau akɨye mbae kía ipuere uyapo chewe wae wi. Echa’ä yandeYa ko jae chemborɨ wae.” Jukuärái yandepuere yae.

Josué 1:6

“Jáeramo iñemɨmɨräta ndekɨye mbae rewe, echa’ä nde nderaata neï che aiparawo wae reta jokua ɨwɨ ikawiete wae pe,” jei. “Jokua ɨwɨ che etei jae nderamɨkue reta pe ameeta aiko jae reta iñemoñaa reta pe iɨwɨrä,” jei chupe.

Josué 1:9

“Jayawe che jae aï ndewe kuärái: ¡Iñemɨmɨräta ndekɨye mbae rewe! Iñemɨkɨrëɨ, echa’ä che, ndeTumpa aikoño mái wae, aïta nde ndiwe opaete kerupi ndeo wae rupi.” Jukuärái jei Tumpa Josué pe.